Auzolana

"Auzolangiltza" dokumentalaren emanaldia

Otsailaren 28an, asteazkenean, Iker Iriarte herritarraren eta Pablo Dendaluze tolosarraren dokumentala ikusteko aukera izango da, 18:30ean udaletxeko batzar aretoan. Auzolanak historian zehar eta gaur egun duen garrantzia balioan jarri nahi izan dute 45 minutuko ikusentzunekoan. Amaitzean, auzolangintzaren inguruko hausnarketa egingo da dokumentalaren egileekin.
Gehiago

Auzolan deialdia Eskolan asteazkenerako

Udako geldialdia aprobetxatuz hainbat lan egiten dira urtero eskola-eraikinean eta eremuan, eta aurten hainbat esku-hartze aurreikusi dira. Tartean, margoketa lanak, auzolanean egingo direnak uztailaren 26an. Irakurri eta parte hartu!
Gehiago

Nazioarteko arkitektura lantegia ekainaren 12tik 23ra Zaldibian

Ertzetik erdira prozesuak beste jauzi bat emango du. Partehartzearen bidez jasotako ideia asmo eta proposamenen gorpuztea eta plazaratzeko fasean hain zuzen. Ekainaren 12tik 23ra Zaldibian izango ditugu berriro arkitektura ikasleak eta ekainaren 23an arratsaldeko 17:00etan aurkeztuko dituzte proposamenak.
Gehiago

Erakustaldia eta konposta banaketa hurrengo ostiralean

Martxoaren 31n, ostiral goizean, Lardizabal herri eskolako ikasleentzako konposta galbahetik iragazteko erakustaldi irekia egingo da, eta arratsaldeko 16:00etatik aurrera herrian egindako konposta banatuko da plazan auzokonpost-guneetako erabiltzaileen artean. Etxeko sukaldean organikoa kudeatzeko kubo txiki zulogabeak jaso eta auzo konpostgunean izena emateko aukera ere egongo da.
Gehiago

Zaldibiako Erroten ondarearen inguruan urrats berriak aurten

Iaz burututako ekintzei jarraipena emango zaie aurten ere. Urtean bi alditan Kanpaingo Errota martxan jarri eta ate irekiak antolatuko dira. Lehena maiatzean izango da, Gipuzkoako Erroten Eguna ekimenarekin bigarrenez bat egingo delarik. Gainera, ikus-entzunezko bat ekoitziko da ordurako Labrit Ondarea taldearen laguntzarekin, herriko erroten ibilbidea eta historia jasoz. Lanketa honen oinarria auzolana izanik, orain artean inplikatutako herritarrekin lan saioa egingo da ostiral honetan, 16:30ean Udaletxe azpiko Herri Aretoan eta bertan izango dira Labrit Ondarekoak ere. Deialdia irekita dago aurtengo ekimenak ezagutu eta bere ekarpena egiteko prest dauden herritar guztientzat. 
Gehiago

Botatako zuhaitzari bizia emateko sorkuntza

Askok ikusiko zenuten Xanti Ormaetxea plazan puskatutako zuhaitz bati begira, akasko lanean ere bai.
Gehiago

Ostiralean hasiko da Euskaraldia, egitarau betearekin

HITZEZ EKITEKO GARAIA DA, 2022ko azaroaren 18tik abenduaren 2ra ilusioz, arduraz, gogoz eta emozioz ekingo diogu ariketari. Prest dugu Zaldibian Euskaraldirako prestaturiko egitaraua eta jarraian duzue izena emateko informazioa ere. Internet bidez izena eman dutenek kultur etxean jaso dezakete txapa. Animatu eta parte hartu!
Gehiago

Zaldibiko Festak 2022: egitaraua

Iritsi da aurtengo festetako egitaraua iragartzeko unea. Herritik eta herriarentzat eginak, denentzat lekua eskaintzea izan dugu helburu. Urriaren 5, 6, 7, 8, 9 eta 15erako osatu da egitaraua, herriko hainbat norbanako eta eragileren elkarlanari esker. Datorren astean banatuko dira etxez etxe liburuxkak eta informazioa osatzen ere joango gara. Presta gaitezen ba festarako!
Gehiago

Arritzagako meategiaren garbiketarako auzolana

Enirio-Aralar Mankomunitateak deituta eta eguraldia lagun bada, irailaren 24an, larunbatean, egingo da Arritzagako meategiaren garbiketa. Urtetan zehar pilatzen joan den zabor ugari ikus daiteke bertan, eta eremu hau lehengoratzeko Felix Ugarte espeleologia taldeak gidatuko ditu lanak. ​​​​​​P​arte hartu nahi duenak goizeko 9:00etarako Buruntzuntzin-en egon beharko du. Horretarako, eta ibilgailuak partekatzeko helburuarekin, 8:00etan Amezketako plazan egingo da lehen elkartzea. Bertaratzeko asmoa duten elkarte edo norbanakoen baieztapena posta elektronikoz bidaltzea eskertuko dute, enirioaralar15@gmail.com helbidera.

 
Gehiago

HERRIKO FESTAK 2022: Hirugarren eta azken bilera, asteazkenean

Irailaren 14an, asteazkena, arratsaldeko 18:30ean Antzokian izango da festak antolatu eta diseinatzeko 3. saioa. Oraingo honetan egitarauaren eta festa gunearen berri emango da, eta protokolo feminista azalduko da.
Gehiago

Prest dago jolas eta hezkuntza eremu berria

Proiektu hau Eskolako kanpo espazioa jorratzeko batzorde mistoan landu da ikasturte honetan zehar eta aurre ikusi bezala prest dago eremu berria. Udalak diruz lagundu du proiektua jolas eremu publikoa izateko baldintzapean. Xehetasun guztiak jarraian. 
Gehiago

Badator Zaldibiara, nazioarteko sorkuntza burujabeaz ARKITEKTURA LANTEGIA

Datorren astelehenetik aurrera, uztailak 11, nazioarteko eta bertako arkitektura ikasle talde handi batek hartuko du gure herria. Xotil Natke Miguez eta Koldo Telleria Andueza arkitektura irakasleen eskutik, EHUko eta Innsbruck-eko (Austria) fakultateak lagun, “Gizartea bere espazio publikoen antolakuntza eta eraldaketan” udako ikastaroa hasi da gaurtik uztailaren 15era arte.
Gehiago

Erroten eguna Zaldibian

Maiatzaren 15ean, igandean, ibilaldi gidatua eta ate irekiak izango dira Zaldibian. Goizeko 10:30ean plazatik abiatuta, Olako errota, Zubieta errota eta Kanpain errota bisitatuko dira, besteak beste. Arratsaldeko 17:00etan, berriz, Kanpaingo errota bisitatzeko aukera izango da berriz.
Gehiago

Zuhaitz eguna Irazustako lepoan

Apirilaren 3rako zuhaitz eguna antolatu du Enirio-Aralar Mankomunitateak. Urmaela babesteko itxitura bat egin berri da Irazustako lepoko dolina batean, eta itxitura honen barruan pagoa eta lizarra landatuko dira. Auzolanean egingo den lan bat izanik, Enirio-Aralarko Mankomunitateko herritar guztiei egin zaie gonbitea.
Gehiago

Zaldibiako Erroten inguruko historia biltzeko bilera deialdia ostiralerako

Abenduan argitaratu zen Udalak Kanpaingo Errotako jabeekin egindako hitzarmena eta proiektu honen baitan, deialdi zabala egin zen herriko erroten inguruan lan bat egiteko gogoa zuen herritar taldetxoa osatzeko. Taldetxoa osatu da eta lehen bilera ostiral honetan egingo da, 16:30ean, Karreane Kultur Etxean. Bertan proiektua eta egin nahi den lana azaldu, eta bakoitzaren gustu edo ahalmenen arabera lanak banatzea da izango da helburua. Beraz, inork proiektuan parte hartu nahiko balu aukera du oraindik ere ostiralean Kultur Etxera gerturatuz.
Gehiago