Parte hartzea

Zaldibiko Festak 2022: egitaraua

Iritsi da aurtengo festetako egitaraua iragartzeko unea. Herritik eta herriarentzat eginak, denentzat lekua eskaintzea izan dugu helburu. Urriaren 5, 6, 7, 8, 9 eta 15erako osatu da egitaraua, herriko hainbat norbanako eta eragileren elkarlanari esker. Datorren astean banatuko dira etxez etxe liburuxkak eta informazioa osatzen ere joango gara. Presta gaitezen ba festarako!
Gehiago

Herri Hezitzaileak: 10. urteurren festaren atarian, hitzarmena berrituta

Zaldibia 2020an egin zen Herri Hezitzaileen sareko kide. Oinherriren ibilbidea, ordea, duela 10 urte hasi zen. Urteurrena ospatzeko topaketa eta festa antolatu da Garaion, eta herritarrei deialdia zabaltzeaz gain, hitzarmena berritu eta ikasturte honetako erronkez hitz egiteko elkartu gara Maite Azpiazu hezitzailearekin.
Gehiago

Lehen bi auzo konpostguneak, martxan jartzeko prest

Hondakin organikoaren kudeaketa herrian bertan egiteko helburuarekin, prest ditugu Mendi-Ondo eta Gaztainadi inguruko lehen bi auzo konpostguneak. Parte hartu nahi duten Mendi-Ondo eta Gaztainadi inguruetako bizilagunei udaletxean izena emateko deia luzatzen diegu. Datozen asteetan burutuko ditugun bileretan zehaztuko dira herriguneko gainontzeko auzo konpostguneen kokapenak.
Gehiago

Zaldibiko festak ate joka

Bertan dira urruti ziruditen herriko festak. Ekainean hasi genituen jaiak diseinatu eta antolatzeko lan-saio irekiak eta pasa den asteazkenean eman zitzaion itxiera prozesuari. Laster zabalduko da egitaraua, baina hemen xehetasun batzuk aurrerapen gisa.
Gehiago

HITZALDIA: euskara, kulturartekotasuna, komunikazioa

Amelia Barquin eta Karmele Perez hizkuntza eta komunikazioan adituek, hitzaldi-solasaldia eskainiko dute aurten ere.  Irakasle, familia eta bertaratu nahi duten herritarrei irekia izango da eta modu arin eta gertukoan azalduko digute Zaldibian egiten ari garen lanaren kokapena eta garrantzia, baita denon artean adosten goazen formatuak ere. Saio hau bereziki gomendagarria da aurreko urtean izan ez ziren familientzat, baita eskolan hasi berri diren irakasle eta ikasle berrien familientzat ere. Hitzaldia euskaraz izango da eta ez dakitenentzat aldibereko itzulpena eskainiko da gaztelerara. 
Gehiago

HERRIKO FESTAK 2022: Hirugarren eta azken bilera, asteazkenean

Irailaren 14an, asteazkena, arratsaldeko 18:30ean Antzokian izango da festak antolatu eta diseinatzeko 3. saioa. Oraingo honetan egitarauaren eta festa gunearen berri emango da, eta protokolo feminista azalduko da.
Gehiago

Jolas eta hezkuntza eremu berria eskola aurrean

Eskola aurrean jolas- hezkuntza eremu berri bat egiteko lanak hasi dira aste honetan. Proiektu hau Eskolako kanpo espazioa jorratzeko batzorde mistoan landu da ikasturte honetan zehar eta irailerako prest izango da eremu berria. Udalak diruz lagundu du proiektua jolas eremu publikoa izateko baldintzapean. Xehetasun guztiak jarraian. 
Gehiago

Ohiko Osoko Bilkura deialdia ostegunerako

Datorren ostegunean, uztailaren 28an, izango da bilkuraarratsaldkeo 15:15ean Udaletxeko areto nagusian. Jarraian dituzue bertan aztertuko diren gaien zerrenda.
Gehiago

HERRIKO FESTAK 2022: bigarren bilera burututa, hirugarrena irailean

Joan den asteazkenean, hilaren 13an, egin zen Zaldibiko jaien diseinu eta antolakuntzarako bigarren entzute-saioa. Aurrenekoan bezala, herritar ugari bildu zen antzokian. Bai herriko talde, eragile edo elkarteetako ordezkari moduan, baita norbanako gisa ere. Hirugarren eta azken bilera irailaren 14an izango da, 18:30ean antzokian bertan.
Gehiago

Herriko festak antolatzeko 2. saioa asteazkenean

Uztailaren 13an, asteazkena, iluntzeko 19:00etan Antzokian izango da festak antolatu eta diseinatzeko 2. saioa.  Pausoei jarraipena emanez, egitarau zirriborroa eta festa gunearen antolakuntza izango dira saio honetako gai ardatzak.
Gehiago

Badator Zaldibiara, nazioarteko sorkuntza burujabeaz ARKITEKTURA LANTEGIA

Datorren astelehenetik aurrera, uztailak 11, nazioarteko eta bertako arkitektura ikasle talde handi batek hartuko du gure herria. Xotil Natke Miguez eta Koldo Telleria Andueza arkitektura irakasleen eskutik, EHUko eta Innsbruck-eko (Austria) fakultateak lagun, “Gizartea bere espazio publikoen antolakuntza eta eraldaketan” udako ikastaroa hasi da gaurtik uztailaren 15era arte.
Gehiago

Euskal Herriko udalerrietan diseinatutako zaintza egitasmoak ezagutzeko mahai ingurua

Euskal Herriko udalerriek zaintzaren inguruan azken urteotan aurrera ateratako egitasmoak ezagutu asmoz, uztailaren 15ean 17:00etan mahai-inguru bat antolatuko da Zaldibiako plazan, EHUko UIK edo udako ikastaroen egitarauaren baitan. “Zaintzen gaituzten herriak” izeneko ekitaldian Zaldibiako, Hernaniko, Usurbilgo eta Segurako ordezkariek hartuko dute parte.
Gehiago

HERRIKO FESTAK 2022: proposamenetarako tartea

Gogoan izan ostiralera arte, uztailak 1, irekita dagoela urrian ospatuko ditugun festetako egitaraurako proposamenak egiteko epea. Lau bide daude horretarako: Kultur Etxera bertaratuta, telefonoz deituta (943 16 03 38), kulturetxea@zaldibia.eus helbidera idatzita edo albiste honen barnean aurkituko duzun fitxa beteta.

Atzo egin zen festak diseinatu eta antolatzeko lehen saioa eta uztailaren 13an izango da bigarrena. Jarraitu irakurtzen. 
Gehiago

Herriko jaien diseinu eta antolakuntzarako saioak

Datorren astelehenean, ekainaren 27an, Zaldibiako Herri Antzokian arratsaldeko 18:30ean burutuko da aurtengo jaien diseinu eta antolakuntza lantzeko lehen saioa. Informazio guztia, jarraian.
Gehiago

“Hizkuntzak erraietan” dokumentalaren aurkezpena eta solasaldia

Datorren astelehenean, arratsaldeko 18:30etik aurrera Herri Antzokian, “Hizkuntzak erraietan” dokumentala aurkeztuko da. Ikasturte honetan, "Euskara, Kulturartekotasuna eta komunikazioa Lardizabal Eskolako Hezkuntza komunitatean" proiektua landu da. Elkarlanean aritutako eragileek, proiektua eta mezua komunitatera zabaltzeko dokumentala egin dute. Jarraitu irakurtzen. 
Gehiago