Batzordeak eta lan arloak

Herri-Hezitzaileen Sarearekin elkarlanean beste urtebetez

Apirilaren 30ean Karreane Kultur Etxean izan den prentsaurrekoan sinatu dute 2021eko hitzarmena Oinherri Herri Hezitzaileen Sareak eta Zaldibiako Udalak. Iaz hasiera eman zitzaion bideari jarraitzeko erronka ugari aurten ere, bai herri mailan, baita Euskal Herri mailan, haur eta gaztetxoen beharrak oinarri. Hitzarmena sinatu den ekitaldi berean, maiatzean zehar herriko gaztetxoekin egingo den prozesua ere aurkeztu dute. Jarraian informazio osoa.
Gehiago

Hirigintza batzordeko bilera astelehenean

Datorren astelehenean, apirilak 19, iluntzeko 18:45ean egingo da hirigintza batzordeko bilera Karreane Kultur Etxean. Une honetan esku artean ditugun gai eta eskaerak izango dira hizpide ohiko moduan, baita 2021ean zehar egin asmo diren lanen egoerak eta aurreikuspenak ere.
Gehiago

Zerbitzu eta Gizarte Ongizateko lan-arlo bilera asteazkenean

Herriko zerbitzuez eta Gizarte Ongizateko gaiez arduratzen den lan-arloak, herritar guztiei irekia denak, datorren asteazkenean, martxoaren 17an, izango du bilera arratsaldeko 18:30ean Karreane Kultur Etxean. Jarraian dituzue bertan azaldu eta landuko diren gaien zerrenda. 
Gehiago

Martxoak 8, Emakumeen Nazioarteko Eguneko adierazpena

Berdintasun lan-arloan landu eta herriko eragile ezberdinei helarazitako adierazpen bateratua irakurri zen atzo iluntzean, Emakumeen Egunaren harira plazan egin zen elkarretaratzean. Jarraian irakurri dezakezu adierazpena, atxikitutako eragileen zerrenda, eta Martxoaren 8aren inguruan datozen egunetan egongo diren ekitaldiak. 
Gehiago

Hirigintza batzordeko bilera astelehenean

Datorren astelehenean, urtarrilak 18, iluntzeko 18:45ean egingo da hirigintza batzordeko bilera Karreane Kultur Etxean. 2020an egindakoen errepasoaz gain, une honetan esku artean ditugun gai eta eskaerak izango dira hizpide, baita 2021erako aurreikuspenak ere.
Gehiago

Oharra: Igirua herri-mendian baimendutako motordun ibilgailuak soilik

Zaldibiako Udalak azken hilabeteetan Igirua herri-mendiko lurretan dabiltzan motorren joan-etorriaren areagotzea ikusirik, herritarrei ondorengoa gogorarazi nahi die:
Gehiago

Ingurumen, Lehen Sektore eta Landa Garapeneko lan-arlo deialdia

Datorren ostegunean, urriak 8, iluntzeko 19:00etan izango da lan-arloko bilera, Karreane Kultur Etxean. Jarraian landuko diren gaiak.
Gehiago

Lehenengo harrera eguna ospatuko da ostegun honetan

Zaldibiako Udalak “Harrera eguna” antolatu du ostegunerako. Berdintasuna, Hezkuntza, Gazteria eta Aniztasun lan-arloaren eta Etxekonekok elkartearen sustapenarekin, 2019ko irailetik 2020ko irailera bitartean Zaldibian erroldatu diren herritarrei ongi etorria egingo zaie urtero egin asmo den ekimen berri honetan.
Gehiago

Festak 2020: batzarra irailaren 3an

Bertan da urria, gure herrian hilabete kuttuna, herriko festen garaia. Aurten egoeraren ziurgabetasunak eraginda irail hasierara atzeratu zen lanketa eta datorren ostegunean, irailak 3, iluntzeko 19:00etan Herri Antzokian egingo da bilera. Jarraian informazio osoa.
Gehiago

Zure inguruko norbait indarkeria jasaten ari dela sumatzen duzu? Zer egin dezakezu?

Zaldibiako Udaleko Berdintasun sailak eta Aske talde feministak elkarlanean hainbat euskarri garatu eta zabaldu dituzte indarkeria jasaten duten emakumeei nola lagundu jarraibideak emanez. Argi dago ez dagoela egoera guztietarako balio dezakeen formularik, hala ere, hona hemen jarraibide batzuk:
Gehiago

Hirigintza batzordeko bilera

Hirigintza Batzordeko bilera egingo da, ekainaren 29an, ASTELEHENA, arratsaldeko 18:30ean. Presentzialki izango da eta Udaletxeko arkupean elkartuko gara, gero bilera lekura mugitzeko. Bertaratuko direnei musukoa ekartzea eskatzen diegu.
Gehiago

Ingurumen, Lehen Sektore eta Landa Garapeneko lan-arlo deialdia

Datorren astelehenean, ekainak 22, iluntzeko 19:00etan Herri Antzokian egingo da bilkura, segurtasun neurriak betez. Jarraian informazio osoa.
Gehiago

Udan haur eta gaztetxoei zuzendutako ekintzei buruzko 2. bilera irekia astelehenean

Maiatzaren 25ean egin zen lehen bilera. Bertan, Udalak aurtengo errealitatea eta lantzen hasi den proposamena azaldu zien Guraso Elkarteko ordezkari zein gurasoei. Familien artean iritzi bilketa egitea adostu zen eta jasotakoa lantzeko izango da asteleheneko bigarren bilera irekia. Telematikoa izango da eta edonork parte hartu dezake. Jarraitu irakurtzen.
Gehiago

Zerbitzuak, obrak eta gizarte ongizatearen arloko bilera

Bi hilabeteko etenaren ondoren eta modu telematikoan bada ere, Zerbitzuak, obrak eta gizarte ongizatearen arloko bilera egingo da, maiatzaren 28ean, OSTEGUNA, arratsaldeko 18:30ean.
Gehiago

Hirigintza batzordeko bilera

Bi hilabeteko etenaren ondoren, modu telematikoan bada ere, Hirigintza Batzordeko bilera egingo da, maiatzaren 25ean, ASTELEHENA, arratsaldeko 18:30ean.
Gehiago