Iragarki eta oharrak

Erosketa bonoak banatu dira eta mondeju pintxoaren bono batzuk geratzen dira

Larunbat eguerdirako amaitu ziren erosketa bonoaren 3. edizioko txartel guztiak. Mondeju pintxoaren bono batzuk geratzen dira eskuragarri Udaletxean. Azken urte eta erdian, erosketa bonoen bidez, gutxienez 54.000 euro herrian gastatzen direla bermatuko dugu. Hauspo honekin herriko merkataritza, ostalaritza eta zerbitzuei bultzada eman nahi badiegu ere, ezin dugu ahaztu gure eguneroko erosketa dela gure komertzio txikia bizirik mantentzen duena.
Gehiago

Asteburuan, bono salmenta bikoitza plazan

Ostiral arratsaldean 17:00etatik 20:00etara eta larunbat goizean 11:00etatik 13:00etara, EROSKETA BONOen eta MONDEJU PINTXOA bonoaren salmenta abiatuko dugu plazan. Ekimenak ezagunak dira, erosketa bonoen 3. edizioa aterako baita salmentara eta mondejuarena bigarrenez.
Gehiago

Zaldibiako Udalaren irakurketa eta deialdia

Zaldibiako Udalak ondorengo oharra plazaratu du egoeraren inguruko hausnarketa zabaldu asmoz. Bertan urrian ospatuko ez diren jaien inguruko hausnarketa, ordezko agenda kulturaralen inguruko lanketa eta herriko suspertze ekonomikoa lagundu asmoz abian jarriko diren bonoen salmenta aurkituko dituzu.
Gehiago

Bolumen handiko traste zaharren bilketa astelehenean

Irailak 20 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak.
Gehiago

Ostiralean UDAL HERRI BATZARRA burutuko da

Aurten ere ez da herriko jairik ospatuko Zaldibian eta aurreko ostiralean adostu bezala, hitz egindakoan sakontzeko bigarren UDAL HERRI BATZARRA antolatu du Zaldibiako Udalak ostiral honetarako arratsaldeko 18:30etan udaletxeko areto nagusian.
Gehiago

Trafiko oharra: Eskolako aparkaleku gunean ostegunean

Irailak 16 osteguna, autotxokeen muntaia lanetarako eskola eremuko aparkalekuan eremu zehatz bat hesituko da eta bertan ezingo da ibilgailurik egon 10:00etatik aurrera.
Gehiago

Udal herri batzarra jaien inguruan

Bertan da urria, gure herrian hilabete kuttuna eta herriko festen garaia. Aurten ere herriko jaiak antolatzeko modurik aurreikusten ez bada ere, datorren ostiralean, irailak 10, arratsaldeko 18:30etan Udaletxeko areto nagusian egingo den herri batzarrean parte hartzeko deia luzatu du Zaldibiako Udalak. Jarraian informazio osoa.
Gehiago

Bolumen handiko traste zaharren bilketa astelehenean

Irailak 6 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak.
Gehiago

Azken egunetan, sare sozialen bidez zabaldu den mezuaren inguruko oharra

Azken egunetan, sare sozialen bidez zabaldu den mezuak astindutako hautsen harira ondorengo oharra plazaratzea erabaki du Zaldibiako Udalak.
Gehiago

Trafiko oharra: Goiko kalen Aztiriaga etxeko garabiaren desmuntaia dela eta

Abuztuaren 9 astelehena Aztiriaga etxe aurreko bidea itxiko da ibilgailuentzat eguerdiko 14:00etatik 17:00etara. Ibilbide alternatiboa zabalduko da Txamarretxeko plazatik.
Gehiago

Udal eraikin zaharrari agur esateko unea iritsi da

2021eko abuztuaren 2an hasiko dira Zaldibiako udal eraikin zaharraren eraisketa lanak. Lan hauek burutzeko Santa Fe kalea itxiko da ibilgailuentzat eta ezingo da ez bertatik igaro ez eta bertan aparkatu.
Gehiago

OHARRA: Abuztuaren 2tik 6ra Santa Fe kalea itxiko da

Udal eraikin zaharra eraisteko lanak hasiko dira abuztuaren 2an. Lan hauek burutzeko Santa Fe kalea itxiko da ibilgailuentzat eta ezingo da ez bertatik igaro ez eta bertan aparkatu.
Gehiago

Udal altzarien enkantea burutu da eta oraindik badira altzariak eskuragarri

Gaur goizeko 10etan ireki dira, gutunazal itxiaren bidez Zaldibiako Udal eraikin zaharreko altzari loteengatik herritarrek erregistraturiko eskaintzak. Bertan bost lote esleitu dira. Hainbat loteetarako eskaintzarik jaso ez denez, Zaldibiako Udalak, beste astebeteko tartea zabaltzen die herritarrei interesik izanez gero Udaletxean jakinarazteko.
Gehiago

Ostiralean irekiko ditu bere ateak Udaletxe berriak

Ostiral honetatik aurrera, uztailak 9, udal eraikineko zerbitzu guztiak eraikin berrian emango dira. Datorren astelehena, asteazken eta ostiralean udal eraikin berria bisitatzeko aukera izango dute gerturatzen diren herritarrek.
Gehiago

Imserso oporren programan izen ematea zabalik

2021eko uztailaren 1etik 2021eko uztailaren 30era arte (bi egunak barne), 2021-2022 denboraldirako eskabide berriak aurkezteko epea egongo da zabalik.

Eskabideak  aurkezteko, honako bitarteko hauek daude: Udaleko gizarte zerbitzuen bidez, telematikoki edo Imsersoren webgunetik formularioa deskargatu eta posta bidez. Hemen duzue informazio zabalagoa.
Gehiago