Herriguneko zirkulazio berria plazaren peatonalizazioa dela eta
Irailaren 8an hasita, Zaldibiako plazarako sarbide eta bertako aparkalekuaren iraunaldiak aldaketak izango ditu.
Azken urteetan hizpide izan da mugikortasuna eta horren baitan, bereziki, plaza inguruarena. Artxanberri kalea eraikitzeak eta saihesbideak aurretik pentsaezinak ziren aukerak ekarri ditu Santa Fe kaleko ibilgailu trafikoaren moldaketak egiteko. "Ertzetik Erdira" eta Mugikortasun Plana idaztean behin baino gehiagotan landu zen plazaren oinezkotzea herritarren eskariz. Uztailaren 2an egindako herri batzar jendetsuak ere gaiarekiko interesa haundia dela erakutsi zuen.
Batzarrean aipatu eran hauexek izango dira aldaketak eta 2025eko irailaren 8an sartuko dira indarrean.:
- Ibilgailuen sarbidea Mediku-etxetik:
- Astelehenetik larunbatera (jaiegunak salbu) sarrera librea goizeko 8:00etatik 12:00etara.
- Astelehentik larunbatera 12:00etatik aurrera eta jaiegunetan baimenduak soilik (karga-deskarga, larrialdiak, gizarte-zerbitzuak, garraio publikoa...)
- Aparkamentuaren iraupena Begoren mertzeriatik Illatira:
- Gehienez ere ordu bete. Ibilgailuen errotazio bultzatu eta komertzioetara sarbidea errazteko
Neurri honen eraginez 12:00etatik aurrera Gure-Ametsa ingurura eta Santa Fe kalean gora jarraitu nahi dutenek Artxanberri kaletik joan beharko dute eta Estanko atzekaldeko pasabidea zeharkatu. Kontuan izan pasabide honetan oinezkoek dutela lehentasuana.
Sarbide ordutegiak errespetatzen direla bermatzeko kamera sistema ezarri da eremuaren sarreran. Sistema honek 2 kamara ditu. Lehenak, matrikulak irakurtzen ditu baimendutako ordutegietatik kanpo; eta bigarrenak, baimenik ez duten ibilgailuei argazkia ateratzen die. Errepideko radarren eran, momentu puntualetan soilik ateratzen ditu argazkiak eta ez da etengabe grabatzen ari. Baimendutako ordutegitik kanpo eremura sartzen diren ibilgailuek 80€ko isuna jasoko dute (falta arina).
Datozen asteetan bukatuko dira aldaketa honek dakarzkien lan eta margoketak; eta baita, hainbeste oztopo sortzen dituzten piboteak kentzea ere. Honekin batera, gidari guztien ardura gogorarazi nahi dugu autoak dagokion lekuan aparkatu ditzaten. Hala ez den kasuetan Trafiko ordenantza aplikatuko da.
Bestetik, jakitun gara aldaketa honek zenbait aparkaleku gutxituko dituela eta zentzu horretan egin ziren orain hilabete batzuk Artxanberri norabide bakarreko bihurtzeko lanak. Aparkaleku gehiago sortzeko lanarekin ere aurrera darraigu.
