Gaztetxoen aisialdirako hezitzaile eta dinamizatzaileak kontratatzeko deialdia

"Zaldibi, gaztetxoen kabi!" prozesuaren baitan eta nerabeek herriarekiko duten lotura indartzeko helburuz, aisialdirako 2 dinamizatzaile izateko nahiari erantzutera dator lanpostu deialdi hau. 6 hilabeterako kontratua eskainiko da, hilean 10 orduko lan jardunarekin. Jarraian informazio osoa. 

GAZTETXOEN DINAMIZATZAILE IZATEKO KONTRATAZIO BALDINTZAK:

Lan eskaintza:

• 1.DBH, 2.DBH eta 3.DBHko gaztetxoentzat aisialdirako hezitzaile eta dinamizatzaile lanpostua Zaldibian.
• 6 hilabeteko kontratua izango da (azarotik-apirilera).
• Hilabeteko 10 lan ordu izango ditu: bi ekintza izango dira hileko, bi asteburutan, larunbatez edo igandez, beraz malgutasuna eskatzen da. 
• Soldata: 300€ko zenbateko gordina (270€ko inguruko zenbateko garbia).

Baldintzak:

• Adin nagusikoa izan behar du edo urte honetan 18 urte bete behar ditu .
• Zaldibitarra izatea baloratuko da.
• Euskaraz komunikatzeko gaitasuna baloratuko da.
• Hezkuntza, hezkidetza eta aisialdiari buruzko ikasketak zein ikastaro ezberdinak baloratuko dira.
• Hezitzaile edo dinamitzaile moduan aritutako esperientzia baloratuko da.
• LANBIDEn, langabetu bezala alta egon beharko da edo alta eman beharko du egon ezean.

Prozesua:

• Urriaren 14a eta urriaren 24a bitartean eman beharko da izena LANBIDEn.
• Hautaketa prozesuko elkarrizketak urriaren 24ko edo 31ko asteetan izango dira. Jakinaraziko zaie aurkeztu direnei.