ZALDIBIAKO HONDAKINEN KUDEAKETA
COVID-19 BIRUSAREN ONDORIOZ, BERROGEIALDIAN EDO GAIXO EGON DAITEZKEEN HERRITARREI EGOKITUTA

Sasietatik jakinarazi digute Covid-19 gaixotasuna duten edo berrogeialdia (kuarentena) bete behar duten herritaren hondakin guztiak errefusa  bezala tratatu behar ditugula.

Hau horrela burutu dadin, BERROGEIALDIA BETETZEA EZARRI ZAIEN HERRITARREI ETA COVID-19 GAIXOTASUNA IZAN DEZAKETENEI ZALDIBIAKO UDALERA DEITZEKO ESKATZEN DIZUEGU 943 880 357. Bertatik bideratuko dizuegu egin beharreko guztiaren informazioa.

Zaldibiako Udalak ondorengo neurriak eta bitartekoak zehaztu ditu berrogeialdian edo Covid-19rekin gaixo egon daitezkeen bizilagunen hondakin hauen kudeaketarako:

• NOLA: Covid-19 gaixotasuna duenak edo berrogeialdia bete behar duenak Zaldibiako Udalera deitu behar du. Telefonoz azalduko zaizkio eman beharreko pauso guztiak.
• ZER: Etxeetako hondakinak ezarritako prozeduraren baitan jasoko dira.
  • Hondakinak 3 poltsatan sartzea beharrezkoak izango da.
  • Segurtasuna bermatze aldera, gaixotuta edota berrogeialdian dagoen etxeko hondakin GUZTIAK errefusa moduan kudeatuko dira.
• NOIZ: Astelehen eta ostegunetan udal langileek bilduko dituzte hondakinak etxez etxe, jakinarazitako protokoloari jarraituz.

GAINERAKOAN, atez ateko hondakinen kudeaketa bere horretan mantentzen da. Kontutan hartu Pixoihalentzako edukiontziak erabili behar direla eta gainerako hondakinak dagokion kubo barruan atera behar direla.

Zaldibian, 2020ko martxoaren 22an.

ZALDIBIAKO UDALA

Lotura interesgarriak:

• Etxean bakarturik egoteko osasun sailaren irizpideak.