Datorren igandean, irailak 22an, IX. Zaldibiako Txirrindulari Sari Nagusia izango da jokoan, Lehendakari txapelketako azken proba puntuagarria goizeko 10:00etan irtengo da plazatik, eta helmugaratzea 12:37etarako dago aurreikusita. 

Irailaren 20ra arte dago zabalik Zunban edo 3. adineko mantenimendu klaseetan izena emateko epea. Urriaren 14an eta 15ean hasiko dira klaseak, hurrenez hurren. Bataren zein bestearen izena-ematea kulturetxean edo 943160338ra deituta egin daiteke. Zunba astelehen eta asteazkenetan izango da 19:00etatik 20:00etara, eta 3. adineko mantenimendua, astearte eta ostegunetan 9:00etatik 10:00etara.

2019ko irailaren 21ean ospatuko da Zaldibiako IX. Herri Lasterketa. Dagoeneko izen ematea zabalik dago.

Amaitu dira 2019ko udako jarduerak. Azken eguneko festako argazkiak HEMEN dituzue ikusgai. Jardueretako talde-argazkiak, berriz, HEMEN. Uda ona izan!

2. mailatik 4. mailara bitarteko hainbat haur aritu dira asteotan kirol hauetan ere. Argazkiak HEMEN dituzue ikusgai.

Uztaileko egun eguzkitsuak tarteko, ederki pasa zuten haurrek ur jolasetan. 2-3 urteko gelako eta 4-5 urteko gelako haurren argazkiak ikusteko, sakatu HEMEN. 1. mailatik 3. mailara bitarteko haurrenak HEMEN ikus ditzakezue. Eta 4. mailatik 6. mailara bitarteko haurrenak, berriz, HEMEN.

Aurtengo Santa Fe festak antolatzeko  bilera asteazken honetan, hilak 17, arratsaldeko 18:30ean  Karreanen izango da. 
Animatu eta parte hartu.

Uztailaren 5ean, ostiralean, goiz ederra pasa zuten haurrek. Arropa zuriz eta zapi gorriz jantzita, bete-betean murgildu ziren San Ferminetan. Argazkiak ikusteko sakatu HEMEN.

Ekaineko azkeneko astean, piraguetan aritzeko aukera izan zuten Zaldibiako haurrek. Hilaren 24a eta 27a bitartean Zaldibian, eta azken egunean, 28an, Getarian. Argazkiak ikusteko sakatu HEMEN.