Ayuntamiento de Zaldibia

Gipuzkoako Aldizkari Ofiziala

127. zenbakia Data 2008-07-03 20932 orria

--------------------------------------------------------------------------------
7 UDAL ADMINISTRAZIOA
ZALDIBIAKO UDALA
Larratzeak arautzeko ordenantza.
--------------------------------------------------------------------------------

ZALDIBIAKO UDALA

Iragarkia

Zaldibiako udalba­tzak, 2005eko maia­tza­ren 26an egindako bileran, hasierako izaeraz one­tsi zuen Zaldibiako Udalaren onura publikoko 2.078.1 zk. mendian, Igirua izenekoan, larra­tzeak arau­tzeko ordenan­tza.

Indarrean dagoen legediak ezarritako erakusketa publikoko izapidea egin ondoren, udal organu berdinak, 2008ko maia­tza­ren 7ko bileran, erabaki zuen, behin-betiko izaeraz onestea, aldaketekin, Zaldibiako Udalaren onura publikoko 2.078.1 zk. mendian, Igirua izenekoan, larra­tzeak arau­tzeko ordenan­tza.



Iragarki honen eranskinean, aipatu dokumentuaren testu osoa argitara ematen da, indarrean dagoen legediak ezarritako betebeharren arabera.

Eta horren berri ematen da dagokion ondorioetarako. Bes­tetik administrazio-bidea amai­tzen duen egin­tza horren aur­ka administrazioarekiko auzi errekur­tsoa aurkez daiteke EAEko Auzitegi Nagusiko Administrazioarekiko Auzitarako epaitegi egokian bi hilabeteko epean, iragarki hau argitaratu eta biharamunetik hasita, administrazioarekiko auziak arau­tzen dituen uztailaren 13ko 29/1998 Legearen 8. eta 46. artikuluan ezarritakoaren arabera, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legea aldatu zuen urtarrilaren 13ko 4/1999 Legearen 109.c) artikuluarekin bat etorriz.



Nolanahi ere, nahi ezanez gero, aurreko idatz-zatian adierazitako administrazioarekiko auzi-errekur­tso­aren aurretik, berrazter­tzeko errekur­tsoa aurkez daiteke ebazpena eman zuen organoari hilabeteko epean, iragarki hau argitaratu eta biharamunetik hasita.

Hori guztia, aurretik adierazitako urtarrilaren 13ko 4/1999 Legearen 116. eta 117. artikulu eta kidekoetan ezarritakoarekin bat etorriz, norbere eskubideak babesteko egoki irizten diren egin­tza edo errekur­tsoak aurkezteari kalterik egin gabe.

Zaldibia, 2008ko maia­tza­ren 16a.—Fr.º M.ª Aierbe, Alka­tea.

(272) (7150)

ERANSKINA

Zaldibiako Udalaren onura publikoko 2.078.1 zk. men­­dian, Igirua izenekoan, larra­tzeak arau­tzeko ordenan­tza.

Azken hamahiru urte hauetan, Zaldibiako Udalak eta Gipuzkoako Foru Aldundiak Igiruan larreak hobetu eta ustia­tzen eduki duten esperien­tzia ona izan denez, orain beharrezko dela uste dugu larra­tze horiek baimen­tzeko mekanismoak eta erabil­tzeko erak ordenan­tza baten bidez arau­tzea.



Horregatik, Zaldibiako Udalak bere mendiak antolatu eta us­tia­tzeko duen eskumenaren indarrez, Baso Administrazioak emandako arauak betez, ekainaren 13ko 1.372/1986 Errege Dekretuak onartutako Udalen Ondasunen Erregelamenduko 39, 42 eta 101. artikuluetan ezarri bezala,




XEDA­TZEN DU

I. TITULUA


XEDAPEN OROKORRAK

1. artikulua. Zera da ordenan­tza honen xedea Gipuzkoako lurralde historikoko Onura Publikoko Mendien Katalogoko 2.078.1 zk. mendian, Igirua izenekoan, larreak ustia­tzeko arauak ematea.

Larra­tzea, mendi horrek izan ditza­keen ustiapenetako bat, mendia zaindu eta hobe­tze­arekin bat datorren eran egin behar da, uztailaren 8an emandako Gipuzkoako Mendien 6/1994 Foru Arauari, indarrean dagoen Zaldibiako Onura Publikoko Zelaiak Antola­tzeko Planari eta, batez ere, Larreak Ustia­tzeko Urteko Planetan ezarritakoari jarraituz.




2. artikulua. Larra­tze gaietan Zaldibiako Udalak eman ditza­keen baimenak bertako herritarren edo udal barrutian dauden nekazari­tzako ustialeku edo finken titularren ganaduaren­tzat izango dira batez ere, behi, behor edo ­latxa mutur gorria arrazako ardi espezieak izan eta umedun edo umerik gabeko abere emeak edota azienda berri­tzeko abereak badira.




Zen­tzu horretan, larra­tzeko orduan lehentasuna izango dute artikulu honen aurreko parrafoan ezarritakoa betez, Igiruako auzo larreak, antolamendu baten barruan, ustia­tzen ibili ziren titularren aziendek.



3. artikulua. Zaldibiako Udalak, larreak ustia­tzeko Urteko Planen bidez, zehatz ­ditzake zein­tzuk diren larrera­tzeko tokiak eta denborak eta, era berean, espezieka larra dezaketen kantitatea ere. Ezarri eta arautu ­ditzake, era berean, aldi baterako edo iraunkorki azienden­tzat sar­tzea debekatuta egongo diren larre tokiak, eta «hobetu­tzat» har­tzen diren larre tokietarako baldin­tza espezifikoak jarri ere.

II. TITULUA


LARRA­TZEA BAIMEN­TZEKO BALDIN­TZAK

4. artikulua. Ordenan­tza honek har­tzen duen eremuan, oro har, larra­tzeko baimena eman daiteke behi, ­latxa arrazako ardi mutur gorriak eta behor aziendak dituzten abel­tzainek ordenan­tzan dauden baldin­tza objektibo eta subjektiboak bete eta jarriko diren ustia­tzeko kuotak ordain­tzen badituzte.



5. artikulua. Auzo larreak ustia­tzeko udal baimena eska dezakete I. tituluko 2. artikuluaren barruan egon eta zerga eta auzo betebeharretan eguneratuta badaude.




6. artikulua. Zaldibiako herri lurretako larreak eta Enirio-Aralar Mankomunitatekoak elkarren artean osagarriak behar dute izan.

Bata bestearen hurbiltasunagatik, Zaldibiako herri lurretako larreak ezin dute izan Enirio-Aralar Mankomunitateko larreen erabil­tzaileen gehigarri baizik osagarri. Aldiz Enirio-Aralar Man­komunitateko larreak erabil ezin ditza­keen edo erabil­tzen ez dituen abel­tzainei Zaldibiako herri lurretako larreak erabil­tzeko aukera emanaz.



Honek ez du esan nahi Enirio-Aralar Mankomunitateko la­rreak erabil­tzen dituzten abel­tzainak Zaldibiako herri lurretako larreak ezin dituztenik erabili.



Enirio-Aralargo erabil­tzaileen kasurako, Aralarren duten gehiengo kopuruaren erdia larratu dezakete gehienez ere Igirua mendian, beti ere zama ganaderoa errespeta­tzen badu, eta beti ere lanpostu bat baino gehiago dagoen ustialekuen­tzat edo el­karteen kasuetan. Per­tsona fisiko bakarreko kasuak direnean, osagarri eta bateragarri izango da Igirua mendiko larre­tzea Eni­rio-Aralarko erabil­tzaileen­tzat.



Aldiz, abel­tzain batek, aipatu gehienezko abere kopuru horretatik abelburu ­batzuekin Zaldibiako herri lurretako larreak erabili ahal izango lituzke, beti ere araudiaren irizpidearen arabera adostutako abelburu kopuruarekin.



Adibidez: Suposa dezagun Enirio-Aralar Mankomunitatean ezin duela larratu 60 behi baino gehiagok abel­tzaineko.



Zaldibiako abel­tzain batek, 60 behien baimena izan arren, 40 bidal­tzen ditu larra­tzera Enirio-Aralar Mankomunitateko larreetara. Honek, Zaldibiako herri lurretako larreetan falta diren 20 behietatik toka­tzen zaizkionaren larra­tzeko baimena izango luke.



7. artikulua. Abel­tzainen artean bereizketa ­batzuk egin beharra daude, ez baita berdina abel­tzan­tza ogibide duena (profesionala) edo afizioz dabilena eta ogibide bezala beste ofizio bat duena. Modu berean ez da berdina larretokietan txa­bola duen abel­tzaina edo ez duena.



Arrazoi hauengatik, larra­tzeko ganadu kopuruaren baimena ondorengo lehentasunaren arabera sailka­tzen da:



1) Txa­bolak dituzten abel­tzain profesionalak. Atal honetan adierazi beharra dago epe baterako Txa­bolen erabilpen kon­tze­sioa ­artzainei bakarrik ematen zaiela. Beraz, «­artzain profesionalak» lirateke. Hau da; artzan­tza ogibide izateaz gain Gi­zar­te Seguran­tzako Nekazari­tza Erregimen Bereziko kotizazioan altan daudenak.




2) Txa­bolarik ez duten profesionalak. Talde honetan txa­bolarik ez duten ­artzain eta behizale profesionalak egongo lirateke.

3) Profesionalak ez diren abel­tzainak. Talde honetan abel­tzan­tza ogibide bezala ez duten ­artzain, behizale eta behorzaleak egongo lirateke.

8. artikulua. Ustiapen bakar bat kon­tsi­deratuko da Gipuz­koako Foru Aldundiko Nekazari­tza Erroldan ustiapen zenbaki bakarrarekin altan dagoen ustialekua.



9. artikulua. Larra­tze erregimenean eduki nahi den aziendak behar bezala identifikatuta eta Nekazari­tza Ustialekuen Erregistroan izena emanda egon behar du eta, saneamenduari eta abereen mugimenduari buruz dagoen arautegia bete­tzeaz gain, Gipuzkoako lurralde historikoan, eta udalerri mailan udal agintariek, sor­tzear dagoen abel­tzainen elkartearekin adostuta, ezar ditza­keten derrigorrezko betebeharreko guztiak bete beharko ditu.



10. artikulua. Erabat debekatuta dago ahun­tzak eta txe­rriak larrera­tzea ordenan­tza honek har­tzen dituen mendietan. behi, ­latxa arrazako ardi mutur gorriei eta behor aziendei bakarrik utz dakieke larra­tzen, umedun edo umerik gabeko abere emeak badira, eta/edo azienda berri­tzeko abereak.



11. artikulua. Larrea erabili dezaketen abere mota ezberdinen artean ­latxa arrazako ardi mutur gorriak izan behar du lehentasuna, bai larratu dezaketen abelburu kopuru aldetik eta sor litekeen edozein arazoren aurrean.



12. artikulua. Kamazaien artean pottoka-zaldiek bakarrik larratu dezakete. Ikusirik abere mota ezberdinak eta hauen artean arraza barietatea egon litekeela, nolabait ere arautu beharra dago, gal­tzeko arriskuan egon litekeen bertako arrazei le­hen­tasuna emanaz.



Arrazoi hau dela medio, pottoka zein haragitako behorretan larreak bana­tzeko ez dago arrazoirik, baina bai ordea zaldien kasuan. Esperien­tziak eraku­tsi duenez bi espezien artean borrokak eta liskarrak maiz sor­tzen dira, honek ekarri ditza­keen ondorioekin, elkarren artean min egin, hesiak hau­tsi Horrez gain bi espezien arteko nahasketa gerta liteke, pottoka-zaldiak haragitako behorra estal­tzen badu edo alderan­tziz.





Arazo hauek ikusirik eta pottoka arraza berreskura­tzeko gure herrian egiten ari den ahalegina dela medio, pottoka-zaldiak edo kamazaiak soilik larratu dezake, haragitako behorrak zaldituta igo beharko dituztelarik.




13. artikulua. Zaldibiako Udalak emandako larra­tzeko baimenetik kanpo gera­tzen dira zehatz-mehatz, eskaera aurkezteko egunean, eskaera egin duen per­tsona fisiko edo entitate juridikoaren izenean ez dagoenean azienda inskribatuta Ustiale­kuen Erroldan.

Baimenetik kanpo gera­tzen da, era berean, merkatura doan pasadizoko azienda.

14. artikulua. Ordenan­tza honek aipa­tzen dituen baimenak erreboka daitezke, emateko bete behar ziren baldin­tzak ez badira bete, alde batera ­utzi gabe zigorrak ere ezar daitezkeela, horrela bada.



III. TITULUA


BAIMEN­TZEKO PROZEDURA

15. artikulua. Ordenan­tza honek aipa­tzen dituen larra­tzeko eskaerak larratu aurreko urteko ­otsailak 28 aldera egin behar dira Udal Erregistroan eta eskaeretan adierazi behar da, espezien arabera, zenbat buru larratu nahi den. Eskaera orriarekin batera abere bakoi­tza­ren jabearen eta identitatearen ziurtagiri egiaztagarriak aurkeztu behar dira eta eska­tzen diren osasun betebeharrak bete­tzen direla ere egiaztatu.




Horiez gain, larra­tzeko baimena emateko beharrezko derizkion datu osagarriak eska ­ditzazke Udalak.



16. artikulua. Eskaerak, egin beharreko kon­tsi­derazio, erregulazio eta/edo mugaketekin batera, Larreak Ustia­tzeko Ur­teko Planean sartu eta Gipuzkoako Foru Aldundiko Mendi Zuzendari­tzara bidali behar dira, onar ­ditzan.



Tramite hori bete ondoren, eskaera bakoi­tza­ren behin-behineko ebazpena jakinaraziko die Udalak eska­tzaileei. Eskaera hori behin betikoa izango da eska­tzaileak ezarrita dauden udal tasak, baimendutako abereen kopuruari bakarrik dagozkionak, ordain­tzen dituenean.

17. artikulua. Larreak preferenteki herriko abel­tzainen­tzat izango dira. Udalak antola ­ditzake ustiapen horiek ondoko irizpide hauei jarraituz:



1) Larrera­tzeko baimenak, hasiera batean, I. tituluko 2. artikuluaren barruan egon eta Igiruako larreak, eraldatu eta hobe­tzeko lanen hasieratik, antolamendu baten barruan, ustia­tzen ibili direnei emango zaizkie.



2) Baimen horiek beste ustiapen ­batzuekin bat etorriko liratekeenean, larra­tzeko baimena eman daiteke Zaldibiako au­zotarrei edota udalerriko ustialeku edo etxal­deen jabeei aurreko apartaduan ez badaude sartuta.



3) Mendiaren baliabide naturalak gutxi­tzeko arriskurik gabe, oraindik beste larra­tze ­batzuk ere baimen­tzeko aukera badago, larra­tzeko baimena eman dezake Udalak Zaldibian bizi ez arren eskaera egin duten abel­tzainei.

Udalak eman ­ditzake baimenak denbora, espazio edo abelburu kopuruari begiratuta. Aurreko apartaduetako edozeinen barruan, gerta­tzen bada larre eskaerek mendiaren ustiapen normala gainditu egiten dutela, Udalak abelburuen kopuruaren arabera eman ­ditzake baimenak.



18. artikulua. Zaldibiako Udalak emandako larra­tzeko baimenak urtebeterako izango dira, hau da, eskaera aurkeztutako egunaren ondoko urte natural osorako.



Baimena ematen den kasuetan zigilu edo identifika­tzeko udal adierazle batez markatu behar dira abereak.

19. artikulua. Egoerak horrela eskatuko balu, guztia araudiaren arira datorrela ziurta­tzeko, aurrez agindutako baldin­tze­tan, ikuskari bat bidal daiteke.



20. artikulua. Egin behar duten ustiapenaren ordain gisa, abelburuko (edo artaldeko) abel­tzainek ordaindu behar dituzten ­gutxieneko kuotak jarriko ditu Udalak. Hasiera batean Udalak jarriko dituen kuotak larre horiek zain­tzeak (ustia­tze­aren ondorioz) ekarriko dituen gastuak ordain­tzeko izango dira soilik.





XEDAPEN GEHIGARRIAK

Lehena. Ordenan­tza honetan aurreikusitakoa urratuz gero, zigor­tzeko ahalmena Gipuzkoako lurralde historikoko Baso Administrazioari dagokio, Mendien Foru Arauean ezarritakoari jarraituz.

Bigarrena. Ordenan­tza honetan eta Larreak Ustia­tzeko Urteko Planetan erabakitakoa hobeto bete­tzeko, Zaldibiako Abel­tzainen Batzor­dea edo Elkartea eratu eta abian jar­tzen saiatuko da herriko udala.



AMAIERAKO XEDAPENA

Ordenan­tza hau Gipuzkoako Aldizkari Ofizialean argitaratu ondorengo 15 egun barru sartuko da indarrean.