Ayuntamiento de Zaldibia

Gipuzkoako Aldizkari Ofiziala

175. zenbakia Data 1999-09-13 13757 orria

--------------------------------------------------------------------------------
4 GIPUZKOAKO LURRALDE HISTORIKOKO ADMINISTRAZIOA
ALDUNDIA - OBRA HIDRAULIKOAK
Zaldibiako hiri antolamenduko arauen testu baterabildua behin-betiko onartzea
--------------------------------------------------------------------------------

DIPUTACION FORAL DE GIPUZKOA

OBRA HIDRAULIKOETAKO ETA HIRIGINTZAKO DEPARTAMENTUA

Hirigintza eta Arkitekturako Zuzendaritza Nagusia

Zaldibiako Hiri Antolaketako Arauen Testu Bategina. (GHI-169/98-P05).

Diputatuen Kontseiluak, 1999ko uztailaren 27ko batzarraldian, erabaki bat hartu du eta horren edukina ematen da ondoren argitara:

«Udalak, tramitatu ondoren, Zaldibiako Hiri Antolaketako Arauen Testu Bategina aurkeztu du, Gipuzkoako Foru Aldundiak onar dezan.


Diputatuen Kontseiluak behin betiko onartu zituen, baldintza batzuekin, Zaldibiako Hiri Antolaketako Arauak 1998ko uztailaren 28ko batzarraldian. Gainera, erabakian adierazten zuenez, Arauen xedapenak berehala indarrean sartu arren, Zaldibiako Udalak bi hilabeteko epean, gehienez ere, erabakian bertan eta Udalaren behin-behineko onarpen erabakian adierazten ziren zehaztapen, aldaketa eta zuzenketa guztiak bateratu eta biltzen zituen testu bategina egin behar zuen eta Foru Aldundira bidali.


Orain tramitatzen ari garen dokumentuak Diputatuen Kontseiluaren aipatu erabakia betetzea du helburu eta, horrela, udalaren tramitazio fasean eta Testu Bategina egin ondoren, 1999ko otsailaren 17ko batzarraldian dokumentu horren onarpena erabaki zen eta, era berean, espedientea Foru Aldundira bidaltzea.

Horrrela bada, Aldundiko hirigintzako zerbitzuek dokumentuaren edukia aztertu ondoren, adierazi dute agiri berri horrek aipatu erabakietan ezarritako baldintzak betetzen dituela eta, ondorioz, bidezko dela behin betiko onartzea.

Ondorioz, eta tramitatzerakoan hirigintzako legerian aurreikusitako jardunbidea segitu denez, Diputatuen Kontseiluak, aplikagarri den legeria ikusirik, Obra Hidraulikoetako eta Hirigintzako foru diputatuaren proposamenez eta eztabaidatu ondoren,

ERABAKI DU

Onartzea Zaldibiako Hiri Antolaketako Arauen Testu Bategina.

Erabaki hau behin betikoa da eta administrazio bidea amaitzen du. Nahi izanez gero, Administrazioarekiko Auzi Errekurtsoa aurkez dezake interesatuak Euskadiko Justiziako Auzitegi Nagusiak Bilbon duen Administrazioarekiko Auzietako Salan, erabaki hau argitaratu edo, kasu bada, jakinarazi eta biharamunetik bi hilabeteko epean.

Hala ere, partikularrek aukera dute horren aurretik Berraztertzeko Hautazko Errekurtsoa aurkezteko Diputatuen Kontseiluari, argitaratu edo, kasua bada, jakinarazi eta biharamunetik hasita hilabeteko epean. Hori eginez gero, ezingo da administrazioarekiko auzi errekurtsorik aurkeztu harik eta berraztertzekoaren berariazko ebazpena eman edo ustezko ezespena gertatu arte».

Eraskina: Aipatutako dokumentuan dagoen Hirigintza Arautegiaren testua.

Donostia, 1999ko uztailaren 28a.—Javier Capdevila Mayoral, Idazkari Teknikoa.

(3273) (8646)

«B. HIRIGINTZA ARAUAK» DOKUMENTUA
ARAU OROKORRAK

AURRETIAZKO TITULUA

ARAU SUBSIDIARIOEN APLIKAZIOARI
DAGOZKION IZAERA OROKORREKO
XEDAPENAK

0.1 Artikulua.Aplikazio eremua.

Plangintza Arau Subsidiario hauek aplikagarriak izango dira, indarrean sartzen diren unetik, Zaldibiako Udal mugarte osoan.

0.2 Artikulua.Indarrekotasun baldintzak.

Proiektu honek ordezkatu eta, beraz, derogatu egiten ditu 1987ko urtarrilaren 22an Gipuzkoako Foru Aldundiko ebazpenaren bidez onetsitako Zaldibiako Plangintza Arau Subsidiarioetan ezarritako zehaztapenak eta hauen ondoko erreformak, osagarriak eta garapenak, espresuak nahiz inplizituak.


Proiektu honetako zehaztapenen baten nulitateak, deuseztapenak edo aldaketak ez du eraginik izango gainerakoen baliozkotasunean, hauetakoren bat aplikaezina gertatu ezik, haietakoren batekin duen erlazioagatik edo menpekotasunagatik.

0.3 Artikulua.Arau Subsidiarioen dokumentu osagarriak eta hauen hedadura arautzailea.

1.Honako proiektua ondoko dokumentuek osatzen dute:

«A» Dokumentua.Memoria.

«B» Dokumentua.Hirigintza Arauak.

«C» Dokumentua.Hirigintza Ondarearen Katalogoa.

«D» Dokumentua.Planoak.

2.Izaera orokorrez, Arau Subsidiarioen araudi edukia berau osatzen duten dokumentu guztietan jasotzen diren zehaztapen-multzoak definitzen du.


Hala ere, «B.Hirigintza Arauak», «C. Hirigintza Ondarearen Katalagoa» dokumentuak eta «D. Planoak» dukomentuko «II. Ordenazioa» planoak dira bereziki hirigintza jarduera arautzeko eta erregulatzeko izaera dutenak, eta, beraz, hau derrigorrez egokitu beharko zaie bere zehaztapenei.



Gainerako dokumentuak izaera adierazgarri, erreferentzial edota frogatzailekoak dira; hortaz, edukiari dagokionez kontresanen baten kasuan, beste haiek nagusituko dira.


3.Eskala desberdinetan egindako izaera arautzailea duten planoen artean hirigintza zehaztapenen bati buruzko desadostasunen bat somatuko balitz, eskalarik handienean marraztutako planoetan ezarritakoa nagusituko da, desadostasuna azken hauetan bildutako errakuntza material nabarmen bati dagokionean izan ezik.

0.4 Artikulua.Arau Subsidiarioen zehaztapenen arauzko lotespena eta lerruna.

1.Arau Subsidiario hauen zehaztapenen aldaketa, dagozkien lerrun eta lotespen arautzaileek galdatzen duten prozedura tramiteei lotuko zaie, euren izaeraren arabera eta honako proiektu honetan, horri dagokionez, ezartzen den sistematizazioaren arabera.

2.«Plangintza orokorraren» berezko lotespena eta lerruna izango dute ondoko ataletan barne hartutako zehaztapenek:

—«B.Hirigintza Arauak» dokumentuan barne hartutako «Arau Orokorrak»

—Lehen aipatutako «B» Dokumentuko «Hirigintza Interbentziorako Areetako Araua Partikularren» «II. Hirigintza Erregimen Orokorra» atalak.

—«D.Planoak» dokumentuko «II. Ordenazioa» planoak.

Zehaztapen hauek aldatzeak edo osatzeak, honako dokumentu honetan espreski erregulatzen diren tolerantzietara egokitzen diren horiek salbuetsiz, edozein kasu izanik ere, Arau Subsidiario hauen aldaketarako berariazko eta xede horretarako espediente bat formulatzea eta onestea galdatuko du.

3.Proiektu honen gainerako zehaztapenek, bai eta beronen garapenean formulatutako hirigintza espedienteetakoek ere, garapen plangintzaren —plan berezi edo plan partzial— edota bere definiziorako egokia den hirigintza espedientearen berezko lerruna eta izaera izango dute.

Hauen aldatzea edo osatzea, kasu bakoitzean, lege-lerrun bereko dokumentu edo espediente baten formulatzearen eta onestearen bidez egin ahal izango da.

4.Eraikinen eta hirigintzaren konfigurazio fisikoari dagozkion zehaztapenen definizio berriak eta hauek aldatzea edo osatzea xehekapen azterlanen bidez egin ahal izango da, behar diren kasuetan eta indarrean dagoen hirigintza legeriak, honako Hirigintza Arauek eta garapen plangintzak ezar ditzakeen mugekin.


5.Exekuzio eremuak eta unitateak mugatzea eta jarduketa sistemak zehaztea indarrean den legeriak ezarritako prozeduraz eta mekanismoz formulatu edota aldatu ahal izango dira, plangintzan espreski ezarritako beste era bateko xedapenen bat izan ezik. Hala balitz, plangintzak dioenari jarraituko zaio.


0.5 Artikulua.Arau Subsidiarioen aldaketak.

1.Aldaketen justifikazioa.

Aldaketek interes komuneko arrazoietan oinarritu beharko dute eta beren edukiaren deskribapen xehekatua eta beren justifikazio espresua galdatuko dute. Ildo honetatik, behar adinako

xehetasunez ebaluatuko da aldaketa hauek Arau Subsidiarioen aurreikuspenetan duten eragina, biztanlegoari, enpleguari, ekipamendu komunitario orokorra eta lokalari, espazio libreei, bidesareari eta aparkalekuari eta azpiegiturei dagokienez, baldin eta erreformaren tamainak edo hedadurak beharrezko edota egoki egiten badute.

Aldaketa guztiak berauek justifikatzen dituen arrazoiarekin lotuta egongo dira, espediente batean berarekin lotuta ez dauden edo burututako deskribapen edo justifikazioen artean espreski aipatzen ez diren plangintza aldaketak sartu ezin direlarik.

2.Bolumen eraikigarriaren gehikuntza.

—Indarrean dagoen legeriaren ondorioetarako, Arau Subsidiarioen aldaketak egoitza erabilerarako zonetan aurreikusitako bolumen eraikigarria gehitzeko joera duela ulertuko da, erabilera horri esleitutako eraikuntza probetxamendua gehitzen denean. Eragin horretarako ez dira plangintzak espreski ezarritako tolerantziak kontuan hartuko.

Aldaketak afektatutako eremuan eta honen inguruan, aipatutako aldaketaren emaitzazko zuzkidurak Lurzoru Urbanizagarrirako indarrean dagoen legeriak eskatzen duen standarra —18m²— betetzen ez duenean, espazio libreen zuzkiduraren gehitzea aurreikusi beharko da. Kalkulu hau ondoriozko etxebizitza kopuru osoaren arabera egingo da.


Kasu guztietan, ondoriozko espazio libreek aipatutako legeriak ezarritako gutxieneko baldintzak betetzen dituzten eremuak osatu beharko dituzte.

—Bestalde, industri zonetan, aipatutako gehikuntza zonaren azalera handitzen denean gertatuko da. Kasu honetan galdatuko den zuzkidura gehitutako azaleraren %10a izango da.


—Afektatutako zonaren edo lurzatiaren erabilera edozein izanik ere, aipaturiko gehikuntza gertatzen denean, gutxienezko aparkaleku edo garaje zuzkidura gehigarri bat ordenatu beharko da, honako Arau Subsidiarioek ezarritako zuzkidura galdakizunei jarraiki, bai eta berau gertatzen deneko eremua afektatzen duen garapen baldintzek ezarritakoei jarraiki ere, gehikuntza horrek afektatzen duen erabilerentzat. Aipatutako zuzkidura gehigarri horretatik gutxienez ere %50a bide publikoetan kokatuko dira.

0.6 Artikulua.Arau Subsidiarioak «berrikusteko» baldintzak.

1.Udal korporazioak legez horretara behartzen duten
—legezko aldaketak, lurralde plangintza, eta abar— edota beharrezkotzat edo komenigarritzat jotzen dituen arrazoiegatik har ditzakeen Arau Subsidiarioen berrikuspenerako ekimenen kalterik gabe, berrikuspena egingo da ondorengo kasuetan:

a)Zaldibiako populazioak proiektu honetan plantetatuako aurreikuspenak %15ean gainditzen dituenean.

b)Planifikatutako etxebizitza berrien %75ari eraikuntza lizentzia eman zaionean.

c)Etxebizitza hutsen %60a baino gehiago okupatu denean, zeinak proiektu honetan bertan azaldutako irizpideen arabera ebaluatu diren.

2.Hiri-Ordenazioko Plan Orokorra formulatuko da, korporazioaren iritziz eta egungo hirigintza-arazoei erantzuna emateko, plangintzako baliabide horren berezko mekanismoak eskura izatea komenigarria denean.


LEHEN TITULUA

LURZORUAREN KALIFIKAZIOA

1.1 KAPITULUA.HIRIGINTZA ERABILERAK

1.1.1 Artikulua.Hirigintza erabileren sistematizazio orokorra.

1.Hirigintza erabileren oinarrizko sistematizazioa.

Ondoko hirigintza erabilerak bereizten dira:

Egoitza erabilerak.

Industri erabilerak.

Hirugarren sektoreko erabilerak.

Landa-erabilerak eta itsasertza ustiatzekoak.

Komunikabide-erabilerak.

Espazio libreetarako erabilerak.

Ekipamendu komunitariorako erabilerak.

Zerbitzu azpiegiturarako erabilerak.

2.Hirigintza erabilerak bereiztea beren ezarpena erregulatzeko ondorioetarako.

Beren ezarpena erregulatzeari dagokionez, hirigintza erabilerak «bereizgarri», «baimendu» edo «debekatu» gisa definitzen dira.

Erabilera globaleko edo erabilera xehekatuko zona bateko erabilera bereizgarritzat bertan nagusitzen dena eta ikuspuntu funtzionala eta bertan garatzen den eraikuntza tipologiaren konfigurazioaren ikuspuntua kontuan hartuta berau bereizten duena hartuko da.

Halaber, erabilera jakin baten erabilera asimilatutzat ondorengo artikuluan espreski hala identifikatzen diren bestelako erabilera horiek hartuko dira, beti ere, hauen ezarpen baldintzak eta inguruan egikaritzen diren erabilerak aipatzen ari garen erabileraren antzekoak direnean; hortaz, horren antzeko baldintzetan ezarri ohi dira —esate baterako: Etxebizitza bateko titularraren lanbide despatxuak etxebizitzaren erabilerari dago- kionez, edo ekipamendu komunitariorako erabilerak merkataritza erabilerei dagokionez—.

Ildo berean, beste erabileretako erabilera lagungarritzat aurrekoen zerbitzurako erabilerak hartzen dira, hauen ezarpenak lurzatian bertan gauzatu behar du eta erabilera nagusiarekin funtzionalki bat eginik.

Aitzitik, erabilera autonomoa independenteki gauzatzen den erabilera da. Hortaz, erabilera globaleko zona batean edo lurzati jakin batean erabilera bat beste erabilera batzuen erabilera lagungarri gisa baimendua egon daitekeen arren, debekatuta egon daiteke, erabilera autonomotzat —esate baterako: Etxebizitza erabilera ekipamendurako zonetan—.

Erabilera bat eremu jakin batean erabilera baimendutzat hartzea, eremu horretan bertan honen erabilera asimilatu edo lagungarritzat definiturikoen ezarpena onestea ekarriko du, lurzati eraikigarri mota desberdinetako erabilera erregimenaren erregulazioan espreski aurkakoa adierazten duten erabilera lagungarriak salbuetsiko direlarik.


Honez gain, erabilera globaleko zonetan eta titulu honetako «1.2 Kalifikazio Globala» kapituluan aurkakoa espreski adierazten ez bada, baimenduak izango dira, zirkunstantzia hori espreski adierazteko beharrik gabe, oinarrizko zerbitzuen erabilerak deiturikoak.

Halakotzat hartuko dira azpiegitura eta zuzkidura erabilerak salbuespenetan izan ezik jabari publikoko erregimenean betetzen direnak eta hurrengo artikuluan zerrendatu eta halakotzat definitzen direnak.

Hauen artean ondokoak kontuan hartzen dira:

Ibilgailuen eta oinezkoen zirkulazioa.

Aparkalekua.

Espazio libreak.

Ekipamendu komunitarioa.

Zerbitzu azpiegiturak.

3.Erabilera baimenduei aplikagarriak zazikien baldintzak.

Hirigintza erabilera bat erabilera bereizgarri edo baimendu gisa definitzeak ez du, zenbait kasutan —Lurzoru Ez-Urbanizagarria eta bestelakoak—, euren ezarpena legeztatzen duen lizentzia eman aurretik baimentzeko berariazko tramiteak galdatu beharra baztertzen.

Ildo beretik, «IGOKA» Erregelamenduari atxikita dauden jarduerek kasu orotan, proiektu honetan ezarritako ezarpenerako baldintza orokorrez gain, aipatutako erregelamenduaren errekerimenduak bete beharko dituzte.

Udal Zerbitzu Teknikoen txostenaren ondoren, euren tamaina eta ezaugarri funtzionalengatik ibilgailuentzako eta oinezkoentzako sarbideen baldintzei, aparkalekuen zuzkidura eta ezaugarriei edota karga eta deskargarako espazio libre osagarrien ordenazioari buruzko premia berezirik planteatzen duten instalazioak ezartzea eragotzi ahal izango da —indarrean dagoen plangintzak ezartzen duen ordenazio xehekatuaren esparruan behar bezala erabaki ezin daitezkeen premiak—, bai eta hauek ezartzeko hautatutako eremurako plangintzak definituriko ordenazio baldintzekin nabarmenki bateraezina diren bestelakoak ere, nahiz eta planginztak espreski eta izaera generikoz baimendu dituen.


Hautabidez, hala badagokio, adierazitako gatazkak zuzentzeari dagokionez, obligazio bereziak ezartzearen xede izan ala izango dira, bidezko lizentzia emakidan.

4.Aurreikusten ez diren erabilerak.

Arestian aipaturiko sistematizazioa, bai eta hurrengo artikuluan burutzen den beronen garapena ere definizio irekitzat eta ez-baztertzailetzat hartuko da: Era honetan, Udalak bertan, bere hirigintza eraginek aipatutako beste erabileren eraginekin duten parekotasuna dela eta, espreski barnebiltzen ez diren erabilerak tipifika ditzake.

Halaber, irizpide berari jarraiki, zona edo lurzati jakin batean, ez baimenduta ez eta debekatuta dagoen erabilera baten ezarpena espreski baimen edo debeka dezake.

1.1.2 Artikulua.Hirigintza erabileren edukia.

1.Egoitza erabilerak.

Egoitza erabilerak etxebizitza erabilerarekin identifikatzen dira.

Izaera orokorrez, pertsona baten ed0 edozein motatako kolektiboei ostatu ematea ulertzen da etxebizitza erabileratzat, okupaturiko lokal bakoitzeko 12 laguneko gehienezkoarekin. Famili unitateen kasuan kopuru hori gainditu ahal izango da.

Etxebizitza erabileraren erabilera lagungarritzat ezkaratzak, trastelekuak, instalazio gelak, esekitegiak, lorategi pribatuak eta antzerako bestelakoak hartuko dira.

Halaber, garaje erabilera edo ibilgailuak gordetzea, beronen kategoria guztietan, etxebizitzak soilik erabiltzeko kirol instalazioak —igerilekua, frontoia, etab.— eta gas likidotuen deposituak ere halakotzat hartuko dira, kasu hauetan ordea, etxebizitza erabilerara destinaturiko lurzatietan berauen ezarpena espezifikoki erregulatu dezake plangintzak.

1. kategoriako erabilera industrialak, pentsioak —orotara hamabi ohe— eta bulegoak eta lanbide-bulegoak ezartzen direneko lokalak, euren titularraren edota legezko ordezkariaren ohiko etxebizitza iraunkorra denean, eta hauei destinatutako azalera lokalaren azaleraren erdia baino gehiago ez denean, eta 125 m² (e) (m²(e): Metro karratuetan adierazitako «azalera erabilgarria») baino gutxiago dituenean, etxebizitza erabilerarekiko erabilera asimilatutzat hartuko ditugu.

Familiak ez diren edozein motatako kolektiboei, okupaturiko lokal bakoitzeko 12 lagunetatik gorako kopuruan, titulartasun pribatuko erregimenean ostatu ematea etxebizitza erabilerara asimilatutako erabileratzat hartuko da, beti ere izaera ez asistentziala izateaz gain, zaharren egoitzak, unibertsitate egoitzak, kolegio nagusiak, aterpetxeak eta abar bezalako modalitateetan hirugarren sektoreko erabileratzat hartzeko baldintzak betetzen ez dituenean.

2.Industri erabilerak.

Hirigintza erabilera hauek ondoko jarduerak biltzen dituzte:

—Mota orotako produktuak lortu eta transportatzeko industriak.

—Produktuen artapen, gordeketa eta banaketara destinaturiko biltegiak, xehekari, handizkari, instalatzaile edo banatzaileak soilik hornitzen dituztenak, jende ororentzako zuzeneko salmenta kanpo geratzen delarik.

—Mota orotako produkzio eta ikerketa laborategiak, maneiaturiko produktuen erabateko kalte eta burututako jardueren molestiarik ezagatik bulego erabilerari asimilagarri suertatzen ez badira behintzat.

—Ibilgailuak, makineria eta mota orotako tresnen konponketa tailerrak.

—Hornitegiak, erregaiak hornitzeko unitateak eta ibilgailu ikustegiak.

—Mota orotako erregaien depositu eta biltegiak, salmentara destinatuak.

—Errepidean zeharreko garraio agentziak eta kamioiak, autobusak eta bestelako ibilgailu edo makineria automobilak zaintzera destinatutako kotxerak.

—Makineria, txatarra, ibilgailu edo materialetarako aire zabaleko biltegiak eta deposituak.

—Nekazaritza industriak, halakotzat nekazaritza ustiapenean zuzenean jarduera gauzatzen deneko lurra zuzenean erabiltzen ez duten nekazaritza ustiapenerako jarduerak hartuko dira, beti ere, euren ezaugarri edo ezarpen baldintzak direla eta, nahitaez Lurzoru Ez-Urbanizagarrian kokatu behar dira.


Hauen artean azaldutako baldintzak betetzen dituzten abeltzaintza eta nekazaritza ustiapeneko industriak, zerrategiak eta landare eta lore mintegiak eraikin irmo eta iraunkorra —metalezko profila duen egitura, zimentazioa, itxiera kristalizatuta eta zolataduna— dutenak hartuko dira, baldin eta landaketa lurrean bertan burutzen ez bada, honekin zerikusirik ez duelarik.


—Mota orotako meategiak eta erauzpen industriak; hala badagokio, Lurzoru Ez-Urbanizagarrian ezarri ahal izango dira.

—Oro har, erabili, maneiatu edo saldutako materialak, edo erabilitako bitarteko teknikoak direla eta, pertsonei molestia, arrisku edo ezerosotasunik, edo ondasunei kalterik sor liezaieketen produktu fabrikazio eta eraldakuntza jarduera guztiak.


—Industri erabilera nagusiaren erabilera lagungarriak, hala nola, bulegoak, laborategiak eta kalkulu zentroak, zerbitzu instalazioak —ur ponpaketa edo saneamendurako estazioak, hondakinen arazketarako instalazioak, eta abar—, garajeak eta ibilgailu eta makineria parkeak eta antzekoak, bai eta goarda edo jagolearen etxebizitza ere, haatik, honen ezarpena espreski baimendu beharko du plangintzak.


Merkataritza edo, oro har, hirugarren sektoreko izaerako funtzioak barne hartzen dituzten industri jarduerak erabilera bakartzat hartuko dira, industri erabilera bereizgarriaren lokal edo lurzatietan ezartzeko ondorioetarako, aipatutako erabileretara berariaz destinatzen diren azaleraz independente aintzat hartzearen kaltetan izan gabe, hauei aplika dakiekeen erregulazioaren ondorioetarako.

Industri erabilerak, baimendutako bestelako erabileren jardunarekiko edo ingurunearekiko oro har sortaraz dezaketen ezerosotasun, kaltegarritasun, osasungaiztasun edo arriskugarritasunaren arabera, hainbat kategoriatan sailkatzen dira:

1. Kategoria:

Indibidual nahiz familia izaera duten instalatutako potentzia mekaniko finkorik gabeko jarduera produktiboak biltzen ditu, jarduera hauek ez dute inolako molestiarik edo arriskugarritasunik sortzen eta beraz ez daude «IGOKA» Jarduera Erregelamendura lotuta. Erabilitako azalera kasu guztietan 125 m²(e)baino txikiagoa izango da. Egoitza erabilerei, hirugarren sektorekoei eta ekipamendu komunitariorakoei asimilatutzat hartuko dira eta nagusiki erabilera ahuetara destinaturiko lurzati eta lokaletan ezarri ahal izango dira.

2. Kategoria:

Egoitza erabilerekin, hirugarren sektorekoekin edota ekipamendu komunitariokoekin bateragarri diren industri jarduerak biltzen ditu, arriskugarritasunik ez dutelako —IGOKA Erregelamenduaren arabera, aldameneko erabileretarako molestia edo deserosotasun zuzengaitzik sortzen ez dutelako
—usainak, gasak, hautsa, zarata, bibrazioak, etab. sortzea—, gehienez ere 4CV-ko potentzia unitarioko makina edo motoreak erabili, instalatutako potentzi dentsitatea 0,135 CV/m²-koa (e) edo txikiagoa izan eta 250 m² (e) baino azalera txikiagoa erabiltzen dutelako.

Kategoria honetan motozikleta eta automobilen konponketa tailerrak barne hartuko dira —ez dira inolaz ere barne hartuko txapa eta pintura konponketako kasuak, ez eta ibilgailu astun edo makineria automobilen kasuak ere—, baldin erta 250 m² (e)badute.

Ibilgailuak konpontzeko tailerren barruan konponketa azkarrerako tailerrak barne hartzen dira, tailer hauek 100 m² (e)baino gutxiagoko azalera erabilgarria eta bi (2) langile arteko tailerrek osatzen dute. Egoera jakin batzuetan tailer hauetarako berariazko erregulazioak ezartzen dira.

2.kategoriako industri erabilerak merkataritza erabileretara asimilatutzat hartuko dira, batez ere erabilera hauetara destinaturiko lurzati edo lokaletan ezarri ahal izango direlarik.

3. Kategoria:

Tamaina txiki edo ertaineko industri erabilerak biltzen ditu —3.600 m²-tik (lo) beherako lurzati azalera okupagarria eta 5.000 m²-tik (s) beherako sabai azalera eraikia— galdatutako beharkizunetarikoren bat ez betetzeagatik 1. eta 2. kategoriakotzat ezin har daitezkeenak, edo, oro har, neurri zuzentzaileak hartu arren, eraikuntza berean edo aldamenean kokaturik dauden etxebizitzei edota hirugarren sektoreko erabilerarako lokalei edo ekipamendu komunitariokoei molestiraik sor diezaioketenak.

Zehazki, aire zabaleko biltegi eta deposituak, txapa eta pintura tailerrak, ibilgailu astunak eta makineria automobilak konpontzeko tailerrak, hornitegiak, erregaiak hornitzeko unitateak eta aire zabaleko kotxeak garbitzeko instalazioak barne hartuko dira kategoria honetan. Azken hauek 2. kategoriako industri erabileratzat hartu ahal izango dira garajeen edo 2. kategoriako konponketa tailerren erabilera lagungarriak direnean eta erabilera honetara destinatzen diren lokaletan antolatzen direnean.

3.kategoriako industri erabilerak industri erabilerarako zonetan bereziki ezarriko dira —ondoren espreski aditzera ematen diren kasuetan izan ezik—.

Ezarritako berariazko baldintzak betetzen dituzten nekazaritza industriak hauek baimentzen diren landa-zonetan ezarri ahal izango dira.

Hornitegi —kotxeak garbitzeko instalazioak hauetara asimilatutako erabileratzat hartuko dira— eta erregaiak hornitzeko unitate aldaerak, ordea, bidesareen sistema orokor edo hauen mugakide gisa kalifikatzen diren Lurzoru Ez-Urbanizagarritzat sailkatutako lurretan ere ezarri ahal izango dira.


4. Kategoria:

Tamaina ertain eta handiko industri jarduerak biltzen ditu —eraikinak okupatzen duen lurzati okupagarriak 3.600 m²-tik (lo) gorako azalera eta 5.000 m²-tik (s) gorako sabai azalera eraikia— eta euren tamaina kontuan hartu gabe, kasu orotan, aldameneko beste industria batzuekin bateragarri direlarik, espazio libreen erabilera komunean, arazo funtzionalak sortzen dituztelako eta neurri zuzentzaileak hartu arren, kaltegarritasun, osasungaiztasun edo molestien iturri direlako.

Halaber, 3. kategoriako industrietarako ezartzen diren lurzati okupagarriaren azaleraren eta sabai azaleraren mugak gainditzen ez dituzten arren, espazio mugakideekiko maniobra, karga eta deskarga, biltegiraketa edo aparkaleku jarduera lagungarrien bolumen garrantzitsua sortzen duten produkzio jarduera horiek barne hartuko dira kategoria honetan, ondorioz ez da bateragarria gertatzen beste jarduera batzuekin erabilera elkarbanatzea.

Hauen artean eta beren ezaugarriak direla eta —nekazaritza eta abeltzaintza industriak eta antzeko beste batzuk—, 5. kategoriako industriatzat hartu behar direnak izan ezik, 2.000 m² (s)baino gehiagoko nekazaritza industriak hartuko dira.

Bereziki industri erabilerarako zonetan ezarriko dira eta nekazaritza industriaren kasuan, hauek baimentzen diren landa-zonetan bereziki erabilera horretara destinatzen diren lurzatietan. Jarduera hauen eremuan gauzatu beharko da bereziki jarduera, beharrezko erabilera lagungarriak barne hartuz —aire zabalean biltegiratzea, karga eta deskarga, maniobra, aparkamendua edo antzeko beste batzuk—, kasu bakoitzean ezarritako baldintzak bete beharko direlarik.

Industria mota honen erabilera lagungarritzat instalazio goardaren etxebizitza har daiteke —lurzati bakoitzeko etxebizitza bat (1)—. Zirkunstantzia hau espreski zehaztu beharko da Arau Partikularrean edo plangintza xehekatuan.


5. Kategoria:

Beharrezko produkzio eremuaren hedapenagatik —20.000 m²-tik gorako lurzati azalera— edo beren izaera arriskutsu, kaltegarri edo gogaikarriagatik, berariazko kokalekuetan soilik onar daitezkeen jarduerak biltzen ditu.

Euren ezarpena berariazko industri zonetan egingo da eta nekazaritza industrien kasuan, hauek baimentzen diren landa-zonetan. Euren ezarpena 4. kategoriako industriaren baldintza beretan burutuko da, eta kasu orotan beharrezko neurri zuzentzaileekin batera aurkeztu beharko da.


Industria mota honen erabilera lagungarritzat gordaren etxebizitza har daiteke —lurzati bakoitzeko etxebizitza bat (1)—. Zirkunstantzia hau espreski zehaztu beharko da Arau Partikularrean edo plangintza xehekatuan.


Industri jarduera bat industri erabileretako kategoria jakin batera adskribatzeko, instalatutako potentziaren gehinezko mugez gainera, jarraian zerrendatzen diren eraginak orokorki baloratuko dira:

—Molestiak:

Zarata sortzea (lokal propioaren kanpoaldea eta auzokiderik kaltetuena).

Beroa sortzea.

Bibrazioak sortzea.

Hautsa sortzea.

Hondakin-urak sortzea.

Industri hondakinak sortzea.

Merkagai karga eta deskargen bolumena.

Aparkaleku premiak.

Bistako instalazio edo biltegiraketak.

Langilego pilaketak.

—Kaltegarritasuna eta osasungaiztasuna:

Gas kutsatzaile, toxiko edo osasungaitzen emisioa.

Eragin kutsatzaile, toxiko edo osasungaitzak dituzten hondakin-urak sortzea.

Materia toxikoen manipulazioa.

Erradiazioak sortzea.

Hondakin solido kutsatzaile, toxiko edo osasungaitzak sortzea.

—Arriskugarritasuna:

Material erregarri, suharbera edo lehergarrien manipulazioa.

Produzkio prozesu eta presiozko ontzi arriskugarrien erabilpena.

Erasotzaile kimikoen jario eta isurketa arriskurik izatea.


Jarduera batean instalatutako potentziatzat elementu mekaniko mugikorrak dituzten makina finko guztien potentziaren batura hartzen da, «CV»tan neurtua. Konputu honetatik kanpo geratzen dira aire ateragailuak, igogailuak edo antzekoak, beti ere beren funtzioa jardueraren beraren berezko xedeaz bestelakoa denean eta bertako pertsonalak edo kanpoko publikoak erabiltzeko lokalaren giro egokitzapen eta egokitzapen funtzional hobea lortzera zuzendua. Honen kaltetan izan gabe, aipatutako instalazioak instalazioaren multzoan galda daitezkeen neurri zuzentzaileen menpe jarri ahal izango dira.

Zarata sortzeko mugak administrazio eskudunak finkatuko ditu kasuan-kasuan.

Industri erabilerak kategoria jakin batera adskribatzeko ondorioetarako, edozein kasutan, karga eta deskargara edota mota honetako konponketa tailerretan ibilgailuak jasotzera destinatutako espazio estaliak konputatuko dira. Aitzitik, garaje erabilera lagungarrietara destinatutako lokalen azalera ez da konputatuko.

3.Hirugarren sektoreko erabilerak.

A.Honako modalitate hauek ezartzen dira hirugarren sektoreko erabileren artean:

Hotel erabilera.

Merkataritza erabilera.

Bulego erabilera.

Atseden erabilera.

Osasun eta asistentzi erabilera.

Hirugarren sektoreko askotariko erabilerak.

Kanpaleku turistikoetarako erabilera.

B.Pertsonei irabazizko xedez ostatu ematea ulertzen da hotel erabileratzat, edozein modalitatetan —hotelak, hostalak, hotel/egoitzak, motelak, pentsioak eta aparthotelak—.


Hotel erabileraren erabilera erantsi eta lagungarrien artean, etxebizitza-lokal bat eta garaje erabilera kontuan hartuko da hotel instalazio bakoitzeko, azken hau espreski arautu ahal izango delarik kasuan-kasuan.

Alogera erregimenean ustiatutako apartamentu multzoak, aparthotel gisa hartuak izateko dagokien legeria sektorialak ezarritako beharkizunak betetzen ez dituztenean, ezarpen baimenaren ondorioetarako, etxebizitza erabileratzat hartuko dira eta, hortaz, egoitza erabileratzat.


C.Merkataritza erabilerek ondokoak bilduko dituzte: Jendaurreko artikulu eta produktu salmenta —handizka nahiz txikizkakoa—, ostalaritza negozioak —tabernak, kafetegiak, pub eta jatetxeak—, jendearentzako zerbitzugintza, hala nola ileapaindegiak, edergintza aretoak, tindategiak —arropak jasotzea eta ematea—, eta antzekoak, eta dagozkien erabilera lagungarriak. Hala ere, merkataritza erabilera ez diren erabilera bereizgarrietara destinaturiko lurzatietan izaera hori duten garaje erabilerak ezartzen badira —merkataritza erabileren lagungarri alegia—, hauekiko independenteki arautu beharko dira.

Publikoaren sarbide eskari desberdinak, honentzako aparkaleku zerbitzua eta maniobra, karga eta deskarga espazio beharrak kontuan hartuta, ondoko kategorietan sailkatzen dira merkataritza erabilerak:

1. Kategoria:

Espazio publikoen berezko erabilerarekin —espaloi, lorategi eta oinezkoentzako area eta bestelakoak— bateragarria den eta behin-behineko eraikinetan 25,00 m²-tik (e) beherako azalera erabilgarria duen merkataldegia, hauetan —emakida administratiborako erregimenean— ezartzeko baimena jaso dezake, plagintzak espreski hala aurrikusi ez duen arren. Halaber, espazio pribatuetan ezarri ahal izango da, hala zehazten bada.


2. Kategoria:

Egoitza erabilerarekin, industri, hirugarren sektore edota ekipamendu komunitariorako erabilerarekin bateragarriak diren 25,00 m²-tik (e) gorako eta 250 m²-tik (e) beherako azalera erabilgarria duten, eta hauetara nagusiki destinaturiko lurzatietan berariazko galdakizunik gabe ezar daitezekeen merkataritza jarduerak.

3. Kategoria:

250 m² (e) baino gehiago eta 750 m² (e) baino gutxiagoko azalera erabilgarria erabiltzen duten merkataritza jarduerak, zeintzuei egoitza erabilerak, industri edota hirugarren sektoreko erabilerarako lurzatietan ezartzeko, dagokien Arau Partikularrak edo plagintza xehekatuak, edota, halakorik ezean, Udalak, lizentzia emakidan berariazko baldintzak zuzenean jarri ahal izango baitizkie, publikoarentzako sarbideei, merkagaiei, aparkaleku zuzkidurari edota karga eta deskargarako espazioari dagokionez. Kasu orotan, bide publikotik sarbide zuzena eta independentea, —bere kasuan, zenbait merkataritza instalazioek elkarbanatuta izan daiteke— duten lokaletan ezarriko dira.

4. Kategoria:

750 m²-tik (e) gorako azalera erabilgarria okupatzen duten eta 2.000 m²-tik (s) beherako sabai azalera duten merkataritza jarduerak. Jarduera hauek okupatzen dituzten lokalen barnean beharrezko sarbide, maniobra eta karga eta deskargarako espazioak eduki beharko dituzte. Halaber, Arau Partikularrak edo plangintza xehekatuak, edota, halakorik ezean, Udalak, lizentzia emakidan, aparkaleku zuzkidurari dagokionez, berariazko baldintzak jarri ahal izango dizkiote.

1. eta 2. kategoriako industri erabilerak, bulegoak, atseden elkarteak, gastronomi elkarteak, ausazko jokoen aretoak, lokal itxietako kirol instalazioak, mediku eta albaitari kontsultategiak, hirugaren sektoreko askotariko erabilerak, eta titulartasun publiko zein pribatuko irakaskuntza, erakunde, osasun, asistentzia, atseden, erlijio eta ekipamendu sozio-kulturalerako erabilerak 2., 3. eta 4. kategoriako merkataritza erabilerara asimilatutzat har daitezke. Hori dela eta, kasu orotan, bereziki merkataritza erabilera ezarpenera destinaturiko lurzati eta lokaletan ezartzea baimentzen da, beti ere hauentzat galdatzen den baldintza beretan, zirkunstantzia hau espreski definiturik ez badago ere, kasuan-kasu bete beharko diren baldintza partikularren kaltetan izan gabe.


Beren ezaugarriak, erabilitako material edo bitartekoak, maneiatuak eta biltegiraketak direla eta, molestia garrantzitsurik nahiz pertsonen edo gauzen osasungarritasun zein segurtasunerako arriskurik sor dezaten merkataritza erabilerak, industri erabilerari aplikagarri zaizkion arauak bete beharko dituzte, «IGOKA» Erregelamenduari lotzeari independenteki.

Merkataritza erabilerak kategoria jakin batera adskribatzeko ondorioetarako, funtzionalki integraturik dauden denden elkarteak —hala nola, galeriak edo merkatalguneak— eta baimendutako mugen barruan industri jarduerak barne hartzen dituzten merkataritza erabilerak jarduera bakartzat hartuko dira, merkataritza erabileretara berariaz destinatzen diren azalerak berauei aplikagarri zaien erregulazioa betetzearekiko independenteki aintzat hartzearen kaltetan izan gabe.

Ondorio hauetarako, jarduerara adskribatutako espazio estali guztiak konputatuko dira, besteak beste, galeria eta oinezkoentzako espazio estaliak, bulego lagungarriak, biltegiratzeko espazioak, tailer lagungarriak eta karga eta deskargara destinatzen diren espazio estaliak. Aitzitik, ez dira kontuan hartuko garaje erabilera lagungarrietara destinatzen diren azalerak.

D.Bulego erabilerak titulartasun pribatuko jarduera administratiboak biltzen ditu, hala nola mota orotako enpresen egoitza eta ordezkaritza administratiboak, banku, burtsa eta aseguru bulegoak, gestoriak, lanbide despatxu eta estudioak, beren xedeagatik aurrez aipatutakoekin betaragarri eta asimilaggari suertatzen diren kalkulu zentro eta laborategiak, eta antzeko beste batzuk, bai eta dagozkien erabilera lagungarriak ere.

E.Atseden erabilerek, beren xedeengatik edo egikaritzen direneko irabazizko xedezko erregimenagatik ekipamendu komunitariotzat ezin har daitezkeen titulartasun pribatuko aisia eta astiladiaren okupaziora destinaturiko adierazpen komunitario desberdinak biltzen dituzte. Hauen artean, zine eta antzokiak, dantzalekuak, ausazko jokoen aretoak, kasinoak, lokal itxietako kirol instalazioak —gimnasioak, igerilekuak, eta bestelakoak—, atseden elkarteak edo gastronomikoak eta aire zabaleko jolas eta kirol parkeak aurkitzen dira.

F.Osasun eta asistentzi erabilerek gaisoen tratamendu eta ostatua eta antzeko beste erabilera batzuk biltzen dituzte, batik bat irabazizko xedez egikaritzen direnean. Hauen artean ospitaleak, klinikak, egoitza geriatrikoak eta mediku eta albaitarien kontsultategiak kontuan hartuko dira.

G.Hirugarren sektoreko askotariko erabilerek, jarduera soziopolitikoak, kulturalak eta irakaskuntzakoak edo titulartasun pribatuko antzeko beste batzuk biltzen dituzte, biztanlego osoari zerbitzu emateko xederik ezagatik edo berariazko irabazizko xedeak izateagatik ekipamendu komunitario gisa kalifikatzen ez direnak. Hauen artean alderdi, elkarte edo sindikatuen egoitzak, erakusketa areto pribatuak, akademia pribatuak eta bestelakoak kontuan hartuko dira.

H.Kanpaleku turistikoetarako erabilerak pertsonen aldibaterako ostatua biltzen du, area ez-hiritarretan burutua, behin-behineko bitarteko ez-finkoz garatua, hala nola kanpainadendak, ibilgailu egokituak, karabanak, eta bestelakoak.

Halaber, erabilera honetan bildutzat hartuko dira bere erabilera lagungarriak, hala nola zerbitzu-langilegoaren etxebizitza —etxebizitza bat (1)—, bulegoak, ostalaritza zerbitzuak, lehen premiako merkataritza eta ostatua ematen zaion jendeak soilik erabiltzeko kirol eta jolas instalazioak, eraikuntza finko eta egonkorretan ezarri ahal izango direlarik. Era berean, erabilera honetatik kanpo geratzen da, etxola, bungalow nahiz edozein motatako eraikuntza finkoetan ostatu ematea, hotel erabileren artean bildutzat hartuko baita.

4.Landa-erabilerak.

A.Lehentasunezko helburutzat lurraldearen ustiapen produktiboa duten jarduera guztiek osatzen dituzte erabilera hauek. Honako modalitate hauek ezartzen dira:

Erauzpen erabilerak.

Nekazaritza ustiapenerako erabilerak.

Baso-erabilerak.

B.Erauzpen erabilerek harrobi eta aire zabaleko nahiz lurpeko meatzeen ustiapenak biltzen dituzte, bai eta dagozkien erabilera lagungarriak ere. Goarda edo jagolearen etxebizitza ez da hauen artean barne hartutzat joko, mota honetako erabilerak ezartzeko galdatutako beharkizun orokorrak bete beharko dituelarik, ez eta hormigoia edo produktu asfaltikoak produzitzeko zentralak ere, berauen kokaleku gisa aukeratutako aldameneko harrobitik ateratako agregakinik erabiltzen badute ere, kasu orotan 5. kategoriako industri erabileratzat hartuko direlarik.

C.Nekazaritza ustiapenerako erabilerek nekazaritza erabilerak —mota orotako landareen laborantza eta produkzioa, baso-ustiapena izan ezik— eta ezinbestez ingurune landatarrean ezarri behar diren abeltzaintza eta abere produkziorako erabilerak —edozein motatako abereen hazkuntza eta zaintzarekin zerikusirik dutenak— biltzen dituzte.

Hauetan bi kategoria bererizten dira:

—Nekazaritza erabilera arruntak, langilego partzialki edo guztiz profesionalizatuak egikaritutako ustiapenek osatzen dituzte, aipatu langilegoa produzitzaile aintzatetsitzat hartzeko galdatzen dituen ustiapena ekonomikoki egingarria izateko gutxienezko produkzio dimentsioko beharkizunak betetzen dituztenek. Zirkunstantzia hau Gipuzkoako Foru Aldundiaren Nekazaritza eta Ingurugiro Departamentuak ziurtatu beharko du, beren ezarpenerako lizentzia eskatu aurretik.

Dagozkien erabilera lagungarriak barne hartutzat joko dira, eta hauen artean etxebizitza erabilera —lau (4)etxebizitza gehienez— edo hautabidez, nekazalturismoa, ustiapenera adskribaturiko ibilgailu eta makineriaren gordeketa, beronen produktuen biltegiraketa eta hauen jatorrizko salmenta zuzena.


Era berean, nekazaritza industriak ere erabilera lagungarritzat hartuko dira, hala nola, hauen jatorrizko transformazioa, produkzio prozesuan ekonomia nabarmenengatik justifikatzen denean eta parte direneko nekazaritza ustiapenean lortutako lehengaiekiko menpekotasuna nagusiki ziurtatzen denean baimentzen da, bai eta lore edo landare mintegiak —beti ere lurrean bertan egindako landaketa ez bada—, 2.000 m²-ko (s)gehienezko sabai azaleraz.

—Nekazaritza ustiapenerako erabilera ez-profesionalizatuak, hauen artean nekazaritza erabilera arrunta gisa hartzeko galdatutako beharkizunak betetzen ez dituzten nekazaritza ustiapenak barne hartuko direlarik. Laborantzarako lanabesak gordetzea soilik kontuan hartzen da erabilera lagungarri gisa.


D.Baso-erabilerek, zura eta beste produktu batzuk baso-masak zuzenean ustiatuz lortzera destinaturiko jarduerak eta lortutako produktuen lehen transformaziokoak biltzen dituzte, beti ere bere ezaugarriengatik industri erabilera bati asimilagarria gertatzen ez denean.

5.Komunikabide-erabilerak.

Ondoko modailitateak ezartzen dira komunikabide-erabileren artean:

Ibilgailuen zirkulaziorako erabilera.

Aparkaleku erabilera.

Garaje erabilera.

Oinezkoen zirkulaziorako erabilera.

Ibilgailuen zirkulazio, zona horretan bereizgarri diren eta baimendutako bestelako erabileren zerbitzu zuzen eta esklusiborako aparkaleku eta oinezkoen zirkulaziorako erabilerek oinarrizko zerbitzuetarako erabileren izaera edukiko dute kasu orotan, eta erabilera globaleko zona guztietan baimendutzat hartuko dira, zirkunstantzia hori espreski seinalatu beharrik gabe.

Ibilgailuak jabari publiko edo pribatuko espazioetan aire zabalean estazionatzea hartzen da aparkalekutzat. Ibilgailuak espazio estali eta itxietan gordetzea, berriz, garajetzat hartzen da. Okupaturiko lokalaren azaleraren arabera bi kategoria bereizten dira garaje erabileran:

«1.» Kategoria: - / 400 m²(s).

«2». Kategoria: >400 m²(s) / -.

Halaber, garaje erabileran honako aldaera hauek ezartzen dira: Erabilera pribatuko garajea eta erabilera publikoko garajea. Erabilera pribatuko garajetzat hartuko dira beren jabeek soilik edo hauek zuzenean baimendutako beste batzuk erabiltzen dituzten garajeak; eta erabilera publikoko garajetzat, jendeak oro har erabiltzekoak direnak, sarrera libre izanik nahiz ordainduta.


Erabilera honek, halaber, dagozkion erabilera lagungarri gisa ondokoak biltzen ditu, hala nola komunak, instalazioen gelak eta antzeko beste batzuk, bai eta ibilgailuak garbitzeko instalazioak eta konponketa azkarrerako tailerrak ere. Erregai hornidurarako unitate, hornitegi eta bestelako konponketa tailerretako erabilerak ordea, baztertutzat jotzen dira.

Garaje eta aparkaleku erabilerak, izaera orokorrez, egoitza, industria, ekipamendu komunitario eta hirugarren sektoreko erabileren erabilera lagungarritzat hartzen dira, hala ere, kasu honetan, dagozkion lurzatiak garatu beharreko aparkaleku edota garaje plazen gehinezko kopurua, dagokion erabilera nagusiaren zuzkidura beharrizanei lotu beharko zaio— berau gainditu gabe—.

6.Espazio libreetarako erabilerak.

Espazio libreetarako erabilera, eraikuntza garapenak baztertuta dituzten —salbuespen berezietan izan ezik— eta komunikabide sareko elementuak —errepideak, aparkaleuak, espaloiak eta anzteko beste batzuk— ezartzera destinaturik ez dauden jabari publikoko eta sarrera libreko espazioei propio zaien erabilera da.

Bertan ondoko modalitateak bereizten dira:

Hiri-espazio libreetarako erabilera.

Landa-espazio libreetarako erabilera.

Lurralde elementuen erabilera.

Hiri-espazio libreetarako erabilera hiri-eremuan kokaturik dauden espazio eraikiezinei propio zaien erabilera da, eta hiritarren aisia eta hedapenera eta zuhaitzak eta landareak landatzera —plazak, oinezkoen eremuak, jolaserako areak, pasealekuak, lorategiak eta parkeak— destinaturik egon ohi da. Bestalde, eraikuntzak edo azpiegiturak babesteko funtzioa betetzen duten espazioak edota soberako izaera dutelako eraikiezinak direnak ere honelakotzat hartzen dira.

Halaber, erabilera honetan biltzen dira lorategien mantenimendurako erabilera lagungarriak —makineria, lanabesak eta materiala gordetzea, eta antzeko beste batzuk—, bai eta beharrezkoak diren erabiltzaileentzako zerbitzurakoak —garbigela publikoak, eta antzeko beste batzuk—.

Hiri-espazio libreetarako erabilerak oinarrizko zerbitzurako erabileren izaera edukiko du kasu orotan, eta erabilera globaleko zona guztietan zuzenean baimendutzat hartuko da, zirkunstantzia hori espreski seinalatu beharrik gabe.

Landa-espazio libreetarako erabilera landa-ingurunean aisia eta hedapenera destinaturiko jabari publikoko lurrei dagokiena da.

Lurralde elementuen erabilera giza jardueraren eraginari izaera hau nagusitzen zaioneko lurraldeetako elementu naturalena da, hala nola, ibai-ubideena, itsasoko eta lehorreko zona, mendi gailur eta goimendiena, natura interesa duten zonena, eta jarduera produktibo edota antzeko beste giza erabilera aipagarri batzuei loturik ez dauden bestalakoena.


7.Ekipamendu komunitariorako erabilerak.

A.Ekipamendu komunitariorako erabilerek, entitate publiko nahiz pribatuek biztanleen zerbitzurako irabazizko xederik gabe egikaritutako jarduerak biltzen dituzte.

Zentzu honetan, Udalak entitate pribatu batek egikaritutako jarduera jakin bat ekipamendu komunitario gisa kalifikatzerik izango du, jarduera horrek izaera asistentziala, zerbitzu publikoarena duela eta irabazizko xederik gabekoa dela baloratuz.


Irabazizkotzat hartzen bada, jarduera hirugarren sektoreko erabilera gisa, edota, hala badagokio, egoitza erabilera gisa tipifikatuko da.

B.Honako modalitate hauek ezartzen dira ekipamendu komunitariorako erabileren artean:

Irakaskuntza ekipamendurako erabilera.

Kirol ekipamendurako erabilera.

Erakunde ekipamendurako erabilera.

Osasun ekipamendurako erabilera.

Asistentzi ekipamendurako erabilera.

Ekipamendu sozio-kulturalerako erabilera.

Atseden ekipamendurako erabilera.

Erlijio ekipamendurako erabilera.

Zerbitzu publikoen ekipamendurako erabilera.

C.Irakaskuntza ekipamendurako erabilerak irakaskuntza biltzen du, bere modalitate guztietan, titulartasun publiko zein pribatukoak, bai eta dagozkien erabilera lagungarriak ere.


D.Kirol ekipamendurako erabilerak kirol praktika eta kultura fisikoa biltzen ditu, beren modalitate giztietan, eta berauen irakaskuntza, hala eraikinetan, nola espreski horretarako egokitutako espazio libreetan, bai eta dagozkien erabilera lagungarriak ere, irabazizko xederik gabe egikarituak.

E.Erakunde ekipamendurako erabilerak izaera publikoko erakunde eta administrazio erabilerak biltzen ditu. Hauen artean, Posta Bulegoak kontuan hartuko dira, bai eta, kasu orotan, dagozkien erabilera lagungarriak ere.

F.Osasun ekipamendurako erabilerak, gaisoei ospitale, anbulategi, klinika, dispentsario, kontsultategi eta antzekoetan tratamendua eta lojamendua ematea biltzen du.

G.Asistentzi ekipamendurako erabilerak, besteak beste, biztanlego sektore ezinduentzako lojamendu eta asistentzi erabilerak biltzen ditu, hala nola jubilatuen etxeak edo zaharren egoitzak eta baliabiderik gabeko pertsonak.

H.Ekipamendu sozio-kulturalerako erabilerak kultur sustapen edo sorkuntza artistikorako jarduerak biltzen ditu, hala nola liburutegietan, museoetan, erakusketa, konferentzia edo kongresu aretoetan, musika auditorioetan eta bestelakoetan irabazizko xederik gabe egikaritutakoak.

J.Atseden ekipamendurako erabilerak antzokiak, zineak, jolas eta atrakzio parkeak eta irabazizko xederik gabe egikaritutako bestelako atseden erabilerak biltzen ditu.

K.Erlijio ekipamendurako erabilerak, eliza, ermita, kapera eta erlijio katolikoko parroki zentroetan garatzen diren kultu edo erlijio heziketarako jarduerak eta beste erlijio batzuetako zentroetan gara litezkeenak biltzen ditu, bai eta dagozkien erabilera lagungarriak ere.

L.Zerbitzu publikoen ekipamendurako erabilerak, aurreko modalitateetan barne hartzen ez diren eta Administrazio Publikoaren organismo desberdinek garatzen dituzten biztanlego osoaren zerbitzurako erabilerak biltzen ditu, izaera askotarikoa eta berariaz administratiboa ez dutenak, hala nola Suhiltzaileak, Merkatuak, Posta, Hilerriak, Aterpetxeak, Turismo Kanpalekuak eta beste zenbait —bai eta dagozkien erabilera lagungarriak ere—, beren ezaugarri funtzionalak direla eta, batez ere beste erabilera batzuetara dstinaturiko zonetan eta lurzatietan ezartzeko bateraezin suerta daitezkeenak; hori dela eta, bere ezarpenak berariazko erregulazio baten xede izan beharko du kasuan-kasuan.

Indarrean dagoen erabilera globaleko zonetarako Plangintzari buruzko Erregelamenduak derrigorrezko zuzkidura gisa definitutako ekipamendu komunitariorako erabilerak, erabilera nagusi gisa Egoitza, Industri edo Hirugarren Sektoreko Erabilerak dituztenak, izaera orokorrez oinarrizko zerbitzurako erabilera gisa kontuan hartuko dira aipatutako zona guztietan —plangintza partzialaren xede ez izan arren—, eta ondorioz, ez da beharrezkoa izango plangintzak espreski baimentzea.

8.Zerbitzu azpiegiturarako erabilerak.

A.Honako modalitate hauek ezartzen dira zerbitzu azpiegiturarako erabileren artean:

Un-hornidurarako azpiegituretarako erabilera.

Saneamendu eta hondakin-uren arazketarako azpiegituretarako erabilera.

Elektrizitate hornidurarako azpiegituretarako erabilera.

Telefono, telekomunikazio eta seinalizazio azpiegituretarako erabilera.

Erregai hornidurarako azpiegituretarako erabilera.

B.Ur hornidurarako azpiegituretarako erabilerak urtegiak, arazketa estazioak, hornidurarako arteria handiak eta biltegiraketa eta banaketa deposituak bilduko ditu, bai eta dagozkien erabilera lagungarriak eta banaketa sareak ere.


C.Saneamendu eta hondakin-uren arazketarako azpiegituretarako erabilerak tratamendu eta arazketa estazioak biltzen ditu, bai eta euri urak eta hondakin urak biltzeko kolektoreek eta hauen elementu lagungarriek osatzen dituzten saneamendu sareak ere, hala nola ponpaketa estazioak, gainezkabideak, ekaitz-tangak, torlojoak, erpinak eta bestelakoak.

D.Elektrizitate honidurarako azpiegituretarako erabilerak banaketa estazioak eta azpiestazioak eta transformazio zentroak, eta hornidura eta banaketarako aire-sareak eta lurpekoak biltzen ditu, argiteria publikoa barne.

E.Telefono, telekomunikazio eta seinalizazio azpiegituretarako erabilerak zentral telefonikoak, irrati eta TB emisora eta produkzio zentroak, mota orotako antenak, faroak eta antzekoak biltzen ditu, bai eta dagozkien erabilera lagungarriak eta dagozkien sareak ere.

F.Erregai hornidurarako azpiegituretarako erabilerak gasoduktuak eta jende ororentzako zuzeneko zerbitzurako gas banaketarako sareak bilduko ditu, bai eta hauei erantsitako produkzio, tratamendu eta biltegiraketarako instalazioak ere. Halaber, zuzeneko erabiltzaileen erregai deposituak erabilera kategoria honetan barne hartutzat joko dira, petrolioaren eratorri astunen deposituak —gas olio edo fuel olio— eta gas likidotuenak bereiziz hauen artean.


Mota orotako erregaien produkzio eta biltegiraketarako instalazioak, salmentara destinatuak edozein modalitatetan, industri erabileratzat hartuko dira ondorio guztietarako.


Mota orotako zerbitzuen banaketa sareak —ura, saneamendua, energia elektrikoa, telefonia, gasa eta bestelakoak—, ur-honidurarako edo hondakin-uren eroanbiderako ponpaketa estazioak, energia elektrikoa transformatzeko zentroak eta petrolioaren eratorrien deposituak —gas olio edo fuel olio—, erabiltzailearen zuzeneko zerbitzurako direnak, oinarrizko zerbitzurako erabileratzat hartuko dira, erabilera globaleko zona guztietan baimenduta daudelarik zirkunstantzia hau espreski definitu beharrik gabe.

Aitzitik beste erabilera batzuen lagungarriak diren gas erregarri likidotuen deposituak plangintzak espreski baimendu beharko ditu.

Zerbitzu azpiegituren sareetako elementuak lurzorua nagusiki okupatu behar dutenean eta okupazio horrek bertan beste erabilera batzuk ezartzeko aukera baztertzen duenean soilik adieraziko dira zonakatzean.

1.2 KAPITULUA.KALIFIKAZIO GLOBALA

1.2.1 Artikulua.Kalifikazio Globaleko erregimena formulatzea.

Proiektu honek ordenatzen duen eremua ondoko dokumentuetan ezartzen den Kalifikazio Globaleko erregimenaren menpe izango da:

Kapitulu hau, hots, «1.2 Kalifikazio Globala» eta «Hirigintza Interbentziorako Areetarako Arau Partikularretako (HIA)» «II.1 Kalifikazio Globala» atala, biak «B.Hirigintza Arauak» dokumentukoak.

«D.Planoak» dokumentuko «II.3. Zonakatze Globala (Udal Mugartea)» eta «II.7. Zonakatze Globala (Hiri-Area) planoak.


1.2.2 Artikulua.Kalifikazio Globalaren sistematizazioa.

1.Kalifikazio Globala jarraian adierazitako erabilera globaleko zona moten arabera sistematizatzen da:

A.Egoitza Zonak.

B.Industri Zonak.

C.Hirugarren Sektoreko Zonak.

D.Landa-Zonak.

E.Komunikabideen Sistema Orokorra.

F.Espazio Libreen Sistema Orokorra.

G.Ekipamendu Komunitariorako Zonak.

H.Zerbitzu Azpiegituren Sistema Orokorra.

2.Proiektu honek ordenatzen duen eremuko erabilera globaleko zonak eta hauetako bakoitzean bereizten diren aldaerak ondoko hauek dira zehazki (Proiektu honetan planteatutako Kalifikazio Globalaren testuinguruan ez dira «C. Hirugarren Sektoreko Zonak» ez eta «H. Zerbitzu Azpiegituren Sistema Orokorra» zonak ere mugatzen):

A.Egoitza Zonak.

A.10.Egoitza Zonak.

B.Industri Zonak.

B.10.Industri Zonak.

D.Landa-Zonak.

D.10.Landa-Zona Arrunta.

D.20.Babes Bereziko Landa-Zona.

D.30.Aralarko Parke Naturala.

E.Komunikabideen Sistema Orokorra.

E.10.Errepideak.

F.Espazio Libreen Sistema Orokorra.

F.10.Espazio Libreak.

F.20.Ibai-ubidea.

G.Ekipamendu Komunitariorako Zonak.

G.10.Ekipamendu Komunitarioa.

3.Erabilera globaleko zonei aplikagarria zaien eraikuntza eta erabilera erregimen orokorra ondoko zehaztapenek definitzen dute:

Ondorego artikuluan biltzen diren zona hauetako bakoitzarentzat ezarritako zehaztapenak.

«Hirigintza Interbentziorako Areetarako Arau Partikularretako» «II.1» atalean ezartzen diren kalifikazio globalari buruzko zehaztapenak.

1.2.3 Artikulua.Erabilera globaleko zonei aplikagarria zaien eraikuntza eta erabilera erregimen orokorra. (Izaera orokorrez, Arau Partikularretara eragortzen diren zehaztapenak Arau hauetako «II. Hirigintza Erregimen Orokorra» atalean ezarri beharko dira espreski, «plangintza orokorreko» lerruna esleituko zaielarik. Halaber, ordenazio xehekatuko lerruna duten zehaztapenak badira, Arau Partikular horietako «III. Ordenazio Xehekatua» atalean edota garapen plangintzan definitu ahal izango dira).


1.«A.10. Egoitza Zonak».

• Eraikuntza Erregimena.

Antolakera irekian, adosatuan edo bakanekoan egoitza eraikinak ezartzera destinaturiko zonak. Zona hauek, kasuan-kasu, eraiki gabeko espazio erantsiak ere izan ahalgo dituzte.

Eraikuntzaren forma erregulatzen duten oinarrizko baldintzak «Hirigintza Arau» hauetako «3.1», «3.2» eta «3.3» kapituluetan eta «Hirigintza Interbentziorako Areetarako Arau Partikularretako» «II.1 Kalifikazio Globala» atalean definitzen dira era osagarrian.

• Erabilera Erregimena.

Erabilera bereizgarriak:

—Egoitza erabilerak.

Erabilera baimenduak:

—«a» lurzatietan izaera orokorrez baimendutakoak, «Hirigintza Arau» hauetako «1.3.3» artikuluan eta «3.2» kapituluko 2. Sekzioan ezartzen diren baldintzetan.


—Beste espazio eta lurzati batzuetan:

* Hirugarren Sektoreko erabilerak.

Dagokion Arau Partikularrean edota plangintza xehekatuan bereziki erabilera hauetara destinatzen diren lurzatietan.


* Garajea.

* Ekipamendu komunitarioa.

Erabilera bererizgarriekin bateragarri diren modalitateetan.

Erabilera debekatuak:

—Aurreko modalitateetan barne harturik ez daudenak.

2.«B.10. Industri Zonak».

• Eraikuntza Erregimena.

Nagusiki industri erabileretarako eraikuntza zonak, era horretako jardueretara destinaturiko eraikinek konfiguratuta, funtzional eta juridikoki bateratuak edo bereiziak.

Eraikuntzaren forma erregulatzen duten oinarrizko baldintzak «Hirigintza Interbentziorako Areetarako Arau Partikularretako» «II.1. Kalifikazio Globala» atalean definitzen dira.


• Erabilera erregimena.

Erabilera bereizgarriak:

—Industria, bere kategoria guztietan.

Erabilera baimenduak:

—«b» lurzatietan izaera orokorrez baimendutakoak, «Hirigintza Arau» hauetako «1.3.3— artikuluan eta «3.2» kapituluko 2. Sekzioan ezartzen diren baldintzetan.


Beste espazio eta lurzati batzuetan:

* Etxebizitza autonomoak.

Esku artean dugun proiektu hau onetsi aurretik erabilera honetara destinatuta zeuden egungo eraikuntzetan besterik ez.

* Hirugarren sektoreko erabilerak.

Dagokion Arau Partikularrean edota plangintza xehekatuan bereziki erabilera hauetara destinatzen diren lurzatietan.


* Garajea.

* Ekipamendu komunitarioa.

Erabilera bereizgarriekin bateragarri diren modalitateetan.

Erabilera debekatuak:

—Aurreko modalitateetan barne harturik ez daudenak.

3.«D.10. Landa-Zona Arruntak».

• Eraikuntza erregimena.

Zona hauetan, ordenazioz kanpokotzat joak izan ezik, egungo eraikuntzen erreforma eta, hala badagokio, handipena baimentzen da, landa-erabileretara edota baimendutako erabilera ez-landatarretara destinatzeko, Hirigintza Arau hauetako «3.4» eta «3.5» artikuluetan ezartzen diren baldintzei jarraiki.

Ez da baimentzen eraikin berrien eraikuntza, hauek zuzenean nekazaritza ustiapenera destinatu ezik, egoitza erabilera lagungarriak bazterturik.

• Erabilera erregimena.

Erabilera bereizgarriak:

—Nekazaritza ustiapenak.

—Baso-erabilerak.

—Espazio libreak, landa-espazio libreen eta lurralde elementuen modalitateetan.

Erabilera baimenduak:

—Egoitza erabilerak.

Esku artean dugun proiektu hau onetsi aurretik erabilera honetara destinatuta zeuden egungo eraikuntzetan besterik ez, baimendutako beste erabilera batzuen lagungarri —landatarrak edo ez-landatarrak— nahiz autonomoak izan.

—Nekazaritza industriak.

—Hirugarren sektoreko erabilerak.

Hotel, ostalaritza, atseden, kirol, osasun eta asistentzi erabileretarako modalitateetan, egungo eraikuntzetan besterik ez eta beren ezarpena landa-ingurunean bidezkotzat jotzen denean eta erabilgarritasun publiko edo interes sozialagatik justifikatzen denean.

—Erauzpen erabilerak.

Erakunde eskudunek baimendu ondoren.

—Ekipamendu komunitarioa.

Landa-ingurunearekin bateragarri diren modalitateetan eta beren ezarpena landa-ingurunean bidezkotzat jotzen denean eta onura publiko edo interes sozialagatik justifikatzen denean.

—Zerbitzu azpiegiturak.

Beren ezarpena landa-ingurunean beharrezkotzat edo bidezkotzat jotzen denean eta, hala badagokio, onura publiko edo interes sozialagatik justifikatzen denean.

—Dagokion eta nahitaezko den plan berezia formulatu ondoren, landa-ingurunean kokatu beharreko onura publiko eta interes sozialeko erabileretara destinaturiko eraikin berriak ezarri ahal izango dira —ekipamenduak; lehen aipaturiko hirugarren sektoreko erabilerak; kanpalekuak edo turismo kanpalekuak, eta abar—. Plan berezi horrek probetxamendu, eraikuntza eta erabilerari dagozkien baldintza bereziak definituko ditu. Testuinguru honetan, etxebizitza berri lagungarri bat (1) ezartzea baimentzen da.

Erabilera debekatuak:

—Aurreko modalitateetan barne harturik ez daudenak.

4.«D.20. Babes Bereziko Landa-Zonak».

• Eraikuntza erregimena.

Zona hauetan honako proiektu hau onetsi aurretik zeuden nekazaritza ustiapenerako erabileretara loturiko eraikin bakanen eraikuntza berria baimentzen da soilik.


Nolanahi ere, «azaleko uren babes-zonetan» barne harturiko Amundarain eta Urtxubiko ibaiertzeetan, ur hauek babesteko ezarritako erregimenari jarraitu beharko zaio.


• Erabilera erregimena.

Erabilera bereizgarriak:

—Nekazaritza ustiapenak.

—Baso-erabilerak.

—Espazio libreak, landa-espazio libreen eta lurralde elementuen modalitateetan.

Erabilera baimenduak:

—Egoitza-erabilerak.

Honako proiektu hau onetsi aurretik zueden eraikinetan besterik ez.

—Hirugarren sektoreko erabilerak.

Hotel, ostalaritza, atseden— eta kirol-parke, osasun eta asistentzi eta turismo kanpalakeu erabileretarako modalitateetan, beren ezarpena landa-ingurunean bidezkotzat jotzen denean eta onura publiko eta interes sozialagatik justifikatzen denean.

Nolanahi ere, erabilera horiek honako proiektu hau onetsi aurretik zeuden eraikinetan bakarrik ezarri ahal izango dira.


—Ekipamendu komunitarioa.

Honako proiektu hau onetsi aurretik zeuden eraikinetan besterik ez, landa-ingurunearekin bateragarri diren modalitateetan eta, beti ere, beren ezarpena bidezkotzat jotzen denean eta onura publiko edo interes sozialgatik justifikatzen denean.


Erabilera debekatuak:

—Aurreko modalitateetan barne harturik ez daudenak.

5.«D.30. Aralarko Parke Naturala». («D.30» erabilera globaleko zonaren hirigintza erregimena Arau Subsidiario hauetan Lurzoru Ez-Urbanizagarritzat sailkatutako Aralarko Parke Naturaleko lurretan —1994ko apirilaren 26an Dekretu bidez hala izendatua— aplikagarria dela uletu behar da. Halaber, Parke honetan bertan barne hartuta dauden Hiri-Lurzorutzat sailkatutako lurretan, berauek barne hartuta dauden erabilera globaleko zonarako edo zonetarako ezarritako hirigintza erregimena aplikatuko da).

• Eraikuntza erregimena.

Eremu horretan barne hartutako eta Lurzoru Ez-Urbanizagarritzat sailkatutako lurrak direnez, ondorengo xedapenek eta dokumentuek diotenari jarraituko zaio: Eusko Jaurlaritzak 1994ko apirilaren 26an promulgatutako dekretua, zeinean Aralar Parke Natural izendatzen den; Aralarko Areako Baliabide Naturalen Ordenaziorako Plana; hauek garatzean formulatutako proiektuak eta, hauen artean, onesteke dagoen Erabilera eta Kudeaketa Zuzentzeko Plana.

«Landazabal zona» deiturikoetan —aipaturiko Ordenaziorako Planaren 29 art. esku artean dugun proiektu honetan «D.10. Landa-Zona Arruntetarako» ezarritako erregimena aplikatuko da subsidiarioki.

• Erabilera erregimena.

Lehen aipaturiko xedapenek eta dokumentuek diotenari jarraituko zaio.

«Landazabal zona» deiturikoetan —aipaturiko Ordenaziorako Planaren 29 art. esku artean dugun proiektu honetan «D.10. Landa-Zona Arruntetarako» ezarritako erregimena aplikatuko da subsidiarioki.

6.«E.10. Errepideak».

• Eraikuntza erregimena.

Zona hauetan ez da eraikuntza baimentzen, errepideen berariazko elementu funtzionaletara eta erabilera lagungarrietara destinaturiko eraikuntzak izan ezik.

• Erabilera erregimena.

Erabilera bererizgarriak:

—Ibilgailuen eta oinezkoen zirkulazioa.

—Aparkaleku publikoa.

Erabilera baimenduak:

—Erabilera bereizgarrien erabilera lagungarriak —autobusen geltokiak, pisatzeko baskulak, sorospen postuak, hornitegiak, gasolindegiak eta bestelakoak—.

—Zerbitzu azpiegiturak.

Sestrapean soilik.

Erabilera debekatuak:

—Aurreko modalitateetan barne harturik ez daudenak.

7.«F.10. Espazio Libreak».

• Eraikuntza erregimena.

Espazio libreen erabilera lagungarrietara destinaturiko eraikuntza apaingarriak eta eraikuntza finko edo behin-behinekoak baimentzen dira soilik, bai eta lurpean dagozkion azpiegiturak ezartzea ere.

• Erabilera erregimena.

Erabilera bereizgarriak:

—Espazio libreen erabilerak, hauen erabilera lagungarriak ere barne.

Erabilera baimenduak:

—1. kategoriako merkataritza erabilerak —kioskoak, etab.—, denboraldi baterako edo behin-behineko izaeraz.

—Ekipamendu erabilerak, espazio librearekin bateragarri diren modalitateetan.

Erabilera debekatuak:

—Aurreko modalitateetan barne harturik ez daudenak.

• Titulartasun erregimena.

Titulartasun publikoa.

8.«F.20. Ibai-ubidea».

• Eraikuntza erregimena.

Zona hauetan dagokion legeria sektorialak onartutako eraikuntzak besterik ez dira baimentzen.


• Erabilera erregimena.

Erabilera bereizgarriak:

—Lurralde elementuak (Ibai-ubideak).

Erabilera baimenduak:

—Indarrean dagoen legeria sektorialak baimendutakoak.

Erabilera debekatuak:

—Gainerako guztiak.

9.«G.10. Ekipamendu Komunitariorako Zonak».

• Eraikuntza erregimena.

Dagokion «Arau Partikularrean» ezarritako eraikuntza bereziko erregimenari erantzungo dioten ekipamendu komunitarioak ezartzera destinaturiko zonak dira hauek.

• Erabilera erregimena.

Erabilera bereizgarriak:

—Ekipamendu komunitarioa.

Kasuan-kasuan, dagokion «Arau Partikularrean» era orokorrean edo berezian ezarritako modalitateetan.


Erabilera baimenduak:

—Etxebizitza.

Ekipamenduaren erabilera lagungarri gisa —etxebizitza 1—.

—Ekipamenduaren beste erabilera lagungarri batzuk edo ekipamendura asimilatutako beste erabilera lagungarri batzuk.

Erabilera debekatuak:

—Aurreko modalitateetan barne harturik ez daudenak.

• Titulartasun erregimena.

Titulartasun publikoa.

1.2.4 Artikulua.Lotespen arautzailea eta Kalifikazio Globaleko zehaztapenetan onartutako tolerantziak.

1.Udal Osoko Bilkurak ebaluatuko dituen interes orokorreko arrazoi objektiboetan oinarriturik, Lurzoru Urbanizagarrian formulatu beharreko garapen plangintzak —plan partziala— batetik, ordenatutako erabilera globaleko zonen eta bestetik, Lurzoru Ez-Urbanizagarriaren arteko mugetan doikuntzak sartu ahal izango ditu, beti ere zona hauen azalera %5 baino gehiago handitzen edo txikitzen ez bada.


Baztertutako azalerak —aipatutako baztertzea burutzeko beharrezkoa suertatuko da afektatutako jabeek dokumentu notarial batean onarpen espresua adieraztea— kasu orotan mugakidea den Lurzoru Ez-Urbanizagarriari dagokion «erabilera globaleko zonan» barne hartuko dira.

2.Lurzoru Urbanizagarrian, plangintza xehekatuak egoitza erabileretara destinaturiko erabilera globaleko zonen lursailen afekzioa ezarri ahal izango du sistema orokorretako elementuak direla eta, beti ere okupatutako lur azalerak mugatutako zonaren azalera %10ean gainditzen ez badu.

Aipatutako baldintzetan, adierazitako okupazioak ez du afektatutako zonari edo zonei esleitzen zaien hiri-probetxamenduaren birdokuntza galdatuko.

Era berean, baina plangintza behar izan gabe, Lurzoru Ez-Urbanizagarrian sistema orokor horiek landa-zonetan izan dezaketen afekzioa hitzartu ahal izango da, aipaturiko portzentaia hori gainditu gabe.

3.Aurreko atalean azaldutako irizpidearen berariazko aplikazio gisa, adierazitako lurzoru motetan errepideen elementu funtzionalak edota hauen zerbitzukoak ezarri ahal izango dira —sorospen postuak, autobus geltokiak eta bestelakoak—, sistema orokor hauen zerbitzukoak eta hauei adosatuak, sistema hauetarako kalifikatutakoez kanpoko lurzoruetan, nahiz eta aipatutako lurretan ezarpen hori baimenduta ez egon.

Ondorio horietarako, aipatutako elementuen ezarpena, arestian adierazitako mugetara egokitu beharko den sisteman afekzio eremuaren zabalkuntza gisa hartuko da.


Aipatutako elementu hauek titulartasun pribatuko irabazizko probetxamenduak barne hartzen badituzte, eta afektatutako erabilera globaleko zonarako zuzenean eta espreski, eta arauzko izaeraz, probetxamendu jakin baterako muga bat ezartzen bada, aipatutako elementuei destinatzen zaizkien probetxamenduak azken honetatik deduzitu beharko dira. Ez da irizpide hau aplikatuko erabilerek zuzkidura izaera badute edo lurzoru publikoetan ezartzen badira.

4.Lurzoru Ez-Urbanizagarrian plangintza bereziak eta obra proiektuek komunikabideen eta zerbitzu azpiegituren sistema orokorretako elementuen zonakatzea aldatu ahal izango dute, sistema horien trazaduran eta beren elementuen konfigurazio xehean bidoikuntzak egin ahal izateko.

5.Proiektu honetan ezartzen den zonakatze globalean burututako doikuntzak aurreko epigrafeetan adierazten diren mugen barruan ez badaude, ondorio guztietarako Arau Subsidiarioen aldaketatzat hartuko dira, eta aldez aurretik ezaugarri horiek bilduko dituen espediente bat formulatzea galdatuko dute.

6.Lurzoru Urbanizagarri eta Hiri-Lurzoru gisa sailkatutako erabilera globaleko zonetan, espreski hala ezartzen bada, ordenatutako eraikuntza probetxamenduaren mugaren ondorioetarako arauzko zehaztapentzat esleitutako eraikigarritasun indizea edota indizeak hartuko dira.


Aipatutako eraikuntza probetxamendua kasu orotan, emaitzazko zona azalerak adierazitako eraikigarritasun indizeen emaitzazkoak izango dira, aurretik, hala badagokio, honako artikulu honen aurreko ataletan baimendutako zona mugaketako doikuntzak burututakoan.

7.«Hirigintza Interbentziorako Areetarako Arau Partikularrek» gaur egun dauden eraikuntzak kontsolidatu ahal izango dituzte, baldin eta eraikuntzak kokatzen direneko zonaren erabilera globaleko eraikuntza eta erabilera erregimen bereizgarriei erantzuten ez badiete eta hauetara egokitzen ez badira.

1.3 KAPITULUA.KALIFIKAZIO XEHEKATUA

1.3.1 Artikulua.Kalifikazio xehekatuko erregimenaren formulazioa.

1.Ondoko artikuluan bereizten diren erabilera xehekatuko zona desberdinen hirigintza eta lege erregimena ondoko zehaztapen hauetako bakoitzaren aplikazioaren emaitzazkoa da:

a)Zona hauetako bakoitzarentzat ezarritako eraikuntza, erabilera eta jabari erregimen orokorra, kapitulu honetako «1.3.3» artikuluan.

b)Dokumentu honetako «Hirugarren Titulua. Lurzati Eraikigarrien Eraikuntza eta Erabileraren Ordenantza Erregulatzaileetan» barne hartutako «Ordenantza Erregulatzaileak».

c)Hiri-Lurzorutzat sailkatutako Hirigintza Interbentziorako Areen kasuan, dagozkien Arau Partikularretako «III. Kalifikazio Xehekatua» epigrafean ezarritako zehaztapenak.


Guzti hauetan, proiektu honetan plantetatutako aurreikuspenen exekuzio zuzena baimentzen da.

d)Lurzoru Urbanizagarritzat sailkatutako Hirigintza Interbentziorako Areen kasuan, formulatu beharreko garapen plangintzak ezartzen dituen zehaztapenak.

2.Arau Subsidiario hauek hala aginduta edota geroagoko aukerazko erabakia hartuta, Lurzoru Urbanizagarrian eta, hala badagokio, Hiri-Lurzoruan formulatzen den garapen plagintza, kasu orotan, aurreko «1.a» eta «1.b» ataletan aipatutako zehaztapenetara egokitu beharko da.


1.3.2 Artikulua.Kalifikazio Xehekatuaren sistematizazioa.

1.Kalifikazio xehekatua ondoren aipatzen diren oinarrizko erabilera xehekaturako zona motei jarraiki sistematizatzen da:

a)Egoitza Erabilerarako Lurzatiak.

b)Industri Erabilerarako Lurzatiak.

c)Hirugarren Sektoreko Erabileretarako Lurzatiak.

e)Komunikabideen Sistemak.

f)Espazio Libreak.

g)Ekipamendu Komunitariorako Lurzatiak.

h)Zerbitzu Azpiegiturak.

2.Aurreko epigrafean aipatzen diren erabilera xehekaturako zonak ondoren definitzen diren aldaerei jarraiki definitzen dira, hauetako bakoitzak berariazko erabilera eta eraikuntza erregimen bat duelarik ezaugarri (Honako proiektu honek ez lur bakar bat ere «h. Zerbitzu Azpiegiturak» gisa espreski kalifikatzen):

a)Egoitza Erabilerarako Lurzatiak.

a.10.Eraikuntza Irekiko Egoitza Lurzatiak.

a.20.Garapen Baxuko Eraikuntzako Egoitza Lurzatiak.


b)Industri Erabilerarako Lurzatiak.

b.10.Industri Lurzatiak.

c)Hirugarren Sektoreko Erabileretarako Lurzatiak.

c.10.Hirugarren Sektoreko Erabileretarako Lurzatiak.

e)Komunikabideen Sistemak.

e.10.Errepideak.

e.20.Hiri-Bideak.

f)Espazio Libreak.

f.10.Espazio Libreak.

f.20.Espazio Libre Komunak.

g)Ekipamendu Komunitariorako Lurzatiak.

g.10.Ekipamendu Komunitariorako Lurzatiak.

3.Garapen plangintzak hemen ezartzen diren erabilera xehekaturako zonen motako aldaera berriak defini ahal izango ditu, hauei eraikuntza eta erabilera baldintza gehigarriak esleitzearen arabera.

1.3.3 Artikulua.Erabilera xehekatuko zonei aplikagarria zaien eraikuntza, erabilera eta jabari erregimen orokorra (Izaera orokorrez, Arau partikularretara eragortzen diren zehaztapenak Arau hauetako «II. Hirigintza Erregimen Orokorra» atalean ezarri beharko dira espreski, «plangintza orokorreko» lerruna esleituko zaielarik. Halaber, «ordenazio» edo «plangintza» «xehekatura» eragortzen diren zehaztapenak Arau Partikularretako «III. Ordenazio Xehekatua» atalean edota, hala badagokie, «plangintza xehekatuan» definitu ahal izango dira, arauzko lerrun hori emango zaiolarik):



1.«a.10. Eraikuntza Irekiko Egoitza Lurzatiak».

• Eraikuntza erregimena.

—Eraikuntza exentuek edo albotik adosatuek okupatutako edo okupa ditzaketen lurzatiak. Eraikuntza horiek horizontal eta bertikalki sargune bertikal komun baten gainean elkartuta dauden etxebizitzetara destinaturik daude, eraikuntza modulu bat edo gehiago konfiguratuz. Behe-oineko lokalak egoitzazkoak ez diren erabileretara destinatu ahal izango dira, kasu honetan etxebizitzen sarbideaz bestelakoa izango dutelarik espazio publikoetatik heltzeko.

Eraikuntza hauek, kasuan-kasuan, eraiki gabeko espazio erantsiak eduki ahal izango dituzte.

—Lurzati batean eraikuntza bat baino gehiago kokatu ahal izango da, erabilera komuneko zerbitzurako espazioak eta elementuak dituzten komunitateak osatzea baimentzen delarik.

—Dagokion «Arau Partikularrean» baldintza murriztaileagoak ezartzearen edota, hala badagokio, baldintza horiek gainditzen dituzten eraikuntzak kontsolidatzearen kaltetan izan gabe, sestragaineko eraikuntza profila lau (4) oinekoa izango da gehienez eta sestrapeko eraikuntza profila, berriz, bi (2) oinekoa.

Kasuan-kasuan eta eraikuntza berrietan profil horren gainetik baimentzen diren espazioak, izaera orokorrez, beheko oinetako etxebizitzen eta lokalen erabilera lagungarrietara —trastelekuak— destinatuko dira, etxebizitza edo lokal horiekin nahitaez erregistro unitate bereiziezina osatuz. Salbuespen gisa, beheko oinean dauden etxebizitzei loturiko egoitza erabileretara destinatu ahal izango dira, etxebizitza horiekin, era berean, erregistro unitate bereiziezina osatu beharko dutelarik.


—Eraikuntza lurzatian ezartzeko baldintzak —erretiroa, blokeen arteko gutxienezko separazioa, lurzati okupazioa, eta abar— dagokion «Arau Partikularrean» ezarritakoak izango dira.

—Eraikuntzaren formaren erregulazioa, sestrapeko oineko okupazioa barne, lurzatietarako ordenantza orokorren bitartez edota dagokion «Arau Partikularrean» edo plangintza xehekatuan definitutako lurzati bakoitzerako ordenantza partikularizatu baten bitartez formulatuko da. Ordenantza horrek, aurkakoa adierazten duen zehaztapen espresua salbu, xehekapen azterlanei dagokien arauzko lerruna izango du eta, hortaz, plangintzako irudi honen bitartez aldatu ahal izango da.


—Lurzatiek okupatzen dituzten eraikinekiko ibilgailu-sarbide izan behar duten sestra gaineko espazio eraiki gabeak dituztenean, dagozkien urbanizazio elementuen ordenazioak indarrean den legeriak eta proiketu honek berak ezarritako ezaugarriak eta gutxienezko neurri beharkizunak bete beharko ditu.

• Erabilera erregimena.

—Erabilera bereizgarrien eta baimenduen ezarpena «Hirigintza Arau» hauetako 3.2 Kapituluko 2. Sekzioan ezarritako baldintzetara egokituko da.

Erabilera bereizgarriak:

—Egoitza erabilerak.

Espazio eraiki gabeetan aurrekoaren erabilera lagungarrien ezarpena baimenduko da —sarbideak, aparkalekua, lorategiak, kirol instalazioak, gas likidotuen deposituak, eta abar—.

Erabilera baimenduak:

—Hirugarren sektoreko erabilerak.

Ondoko modalitateetan: Bulego erabilera, hotel erabilerak, merkataritza erabilerak —«1.» eta «2.» kategoriak; kategoria handiagoko ostalaritza erabilerak—, hirugarren sektoreko askotariko erabilerak eta osasun eta asistentzi erabilerak.

Kasuan-kasuan, erabilera hauek baimendu ahal izateko, egoitza erabilerekin bateragarri direla justifikatu beharko da.


Aipaturiko kategorien gaineko merkataritza erabileren ezarpenak espreski aurreikusia egon beharko du dagokion Arau Partikularrean edota esku artean dugun proiektu honen garapenean formulatu beharreko plangintzan.

—Industri erabilerak.

«1.» kategoria: Etxebizitza erabilerara asimilatutako erabilera gisa.

«2.» kategoría: Dagokion Arau Partikularrean edota garapen plangintzan bere ezarpena baimentzen denean besterik ez.


—Garajea.

—Ekipamendu komunitarioa.

Egoitza erabileren jarraian edo hauen mugakide ezartzearekin bateragarri diren modalitateetan.

—Erabilera debekatuak:

—Aurreko modalitateetan barne harturik ez daudenak.

• Jabari erregimena.

—Jabari pribatua eta/edo ondare izaerakoa.

2.«a.20. Garapen Baxuko Eraikuntzako Egoitza Lurzatiak».

• Eraikuntza erregimena.

—Lurzati hauetan, eraikuntzak bloke exentuko edo albotik adosatutako etxebizitza bakarreko eraikuntza moduluetako tipologiari erantzun beharko dio. Lurzati hauetara sargune bertikal komunen bidez edota era indibidualizatuan sartu ahal izango da.

Gehienez, eraikuntza bakar baten edo eraikuntza bloke bakar baten ezarpena baimentzen da lurzati bakoitzeko.

Nolanahi ere, lurzati hauek lorategiak eta espazio eraiki gabe erantsiak izan beharko dituzte.

—Dagokion «Arau Partikularrean» baldintza murriztaileagoak ezartzearen edota baldintza horiek gainditzen dituzten eraikuntzak kontsolidatzearen kaltetan izan gabe, lurzati bakoitzeko, gehienez, lau (4) etxebizitza ezartzea baimentzen da.

—Dagokion «Arau Partikularrean» baldintza murriztaileagoak ezartzearen edota baldintza horiek gainditzen dituzten eraikuntzak kontsolidatzearen kaltetan izan gabe, sestra gaineko eraikuntza profila hiru (3) oinekoa izango da gehienez eta sestrapeko eraikuntza profila, berriz, bi (2) oinekoa.

Kasuan-kasuan eta eraikuntza berrietan profil horren gainetik baimentzen diren espazioak, izaera orokorrez, beheko oinetako etxebizitzen eta lokalen erabilera lagungarrietara —trastelekuak— destinatuko dira, etxebizitza edo lokal horiekin nahitaezko erregistro unitate bereiziezina osatuz. Salbuespen gisa, beheko oinean dauden etxebizitzei loturiko egoitza erabileretara destinatu ahal izango dira, etxebizitza horiekin, era berean, erregistro unitate bereiziezina osatu beharko dutelarik.


—Eraikuntza lurzatian ezartzeko baldintzak —erretiroa, blokeen arteko gutxienezko separazioa, lurzati okupazioa, eta abar— dagokion «Arau Partikularrean» ezarritakoak izango dira.

—Eraikuntzaren formaren erregulazioa, sestrapeko oineko okupazioa barne, lurzatietarako ordenantza orokorren bitartez edota dagokion «Arau Partikularrean» edo plangintza xehekatuan definitutako lurzati bakoitzerako ordenantza partikularizatu baten bitartez formulatuko da. Ordenantza horrek, aurkakoa adierazten duen zehaztapen espresua izan ezik, xehekapen azterlanei dagokien arauzko lerruna izango du eta, hortaz, plangintzako irudi honen bitartez aldatu ahal izango da.


—Lurzatiek, okupatzen dituzten eraikinekiko ibilgailu-sarbide izan behar duten sestra gaineko espazio eraiki gabeak dituztenean, dagozkien urbanizazio elementuen ordenazioak indarrean den legeriak eta proiektu honek berak ezarritako ezaugarriak eta gutxienezko neurri beharkizunak bete beharko ditu.

• Jabari erregimena.

—Jabari pribatua eta/edo ondare izaerakoa.

3.«b.10. Industri Erabilerarako Lurzatiak».

• Eraikuntza erregimena.

—Tipologia intentsiboko edo bakaneko industri eraikuntzak ezartzera destinaturiko lurzatiak, funtzional eta juridikoki enpresa batera edo batzuetara destinatuak.

Kasuan-kasuan, lurzatiketaren eta eraikuntzen zatiketaren ondorioetarako —zatiketa horizontala ere barne—, bai eta jarduera bereiztuek lurzati hauek okupatzearen odorioetarako ere, dagozkien «Arau Partikularrek» ezarritakoari jarraituko zaio.


—Lurzati bakoitzak bide publiko perimetraletik edo eraiki gabeko espazio pribatuetatik —hauen jabetza hauen parez pare dauden lurzati edo lokal desberdinen titularrek elkarbanatua izan daiteke— ibilgailuentzako zuzeneko sarbide independentea izan beharko du, bai eta dagokion karga eta deskargarako espazioa ere, honako Arau hauek ezarritako beharkizunak bete beharko dituztelarik.

—Dagokion Arau partikularrean baldintza murriztaileagoak ezartzearen edota baldintza horiek gainditzen dituzten eraikuntzak kontsolidatzearen kaltetan izan gabe, sestra gaineko eraikuntza profila bi (2) oinekoa izango da gehienez eta sestrapeko eraikuntza profila ere bi (2) oinekoa.

—Eraikuntza lurzatian ezartzeko baldintzak —erretiroa, lurzati okupazioa, eta abar— dagokion «Arau Partikularrean» ezarritakoak izango dira.

—Eraikuntzaren formaren erregulazioa, sestrapeko oineko okupazioa barne, lurzatietarako ordenantza orokorren bitartez edota dagokion «Arau Partikularrean» edo plagintza xehekatuan definitutako lurzati bakoitzerako ordenantza partikularizatu baten bitartez formulatuko da.

—Lurzatiek, okupatzen dituzten eraikinekiko ibilgailu-sarbide izan behar duten sestra gaineko espazio eraiki gabeak dituztenean, dagozkien urbanizazio elementuen ordenazioak indarrean den legeriak eta proiektu honek berak ezarritako ezaugarriak eta gutxienezko neurri beharkizunak bete beharko ditu.

• Erabilera erregimena.

Erabilera bereizgarriak:

—Industri erabilerak.

Erabilera baimenduak:

—Egoitza erabilerak.

Lurzatia okupatzen duen industriaren erabilera lagungarri gisa soilik —honen zati erregistralki separaezina izango da—, eta gehienez ere lurzati bakoitzeko etxebizitza bat (1) baimentzen da.

—Hirugarren sektoreko erabilerak.

* Merkataritza erabilerak.

* Bulego erabilerak.

Industri jarduerekin zerikusirik ez dutelarik, kanpoko jende ugari erakar dezaketenak salbuetsi egingo dira.


*Hotel erabilerak.

Dagokion Arau Partikularrak edota plangintza xehekatuak espreski baimentzen duenean.

*Atseden erabilerak.

—Garajea.

—Ekipamendu komunitarioa.

Industri jarduerekin zerikusirik ez duen jende kopuru handirik erakartzen ez duten modalitate guztietan.


Erabilera debekatuak:

—Aurreko modalitateetan barne harturik ez daudenak.

• Jabari erregimena.

—Jabari pribatua eta/edo ondare izaerakoa.

4.«c.10. Hirugarren Sektoreko Erabileretarako Lurzatiak».

• Eraikuntza erregimena.

—Lurzati hauetan eraikuntzak erregimen arautzaile singularizatu bati erantzungo dio; bere erregulazioa dagokion Arau Partikularrera edo, hala badagokio, garapen plangintzara eragortzen da, esleitutako berariazko erabilera baldintzen arabera.

—Lurzatiek okupatzen dituzten eraikinekiko ibilgailu-sarbide izan behar duten sestra gaineko espazio eraiki gabeak dituztenean, dagozkien urbanizazio elementuen ordenazioak indarrean den legeriak eta proiektu honek berak ezarritako ezaugarriak eta gutxienezko neurri beharkizunak bete beharko ditu.

• Erabilera erregimena.

Erabilera bereizgarriak:

—Hirugarren sektoreko erabilerak.

Erabilera baimenduak:

—Etxebizitza erabilera.

Lurzatian dagoen hirugarren sektoreko jardueraren erabilera lagungarri gisa soilik —honen zati erregistralki bereiziezina izango da—, eta gehienez ere lurzati bakoitzeko etxebizitza bat (1) baimentzen da.

—Industri erabilerak.

«1.» eta «2.» kategoriakoak.

—Garajea.

—Ekipamendu komunitarioa.

Hirugarren sektoreko erabilerekin bateragarri diren modalitateetan.

Erabilera debekatuak:

—Aurreko modalitateetan barne harturik ez daudenak.

• Jabari erregimena.

—Jabari pribatua eta/edo ondare izaerakoa.

5.«e.10. Bidesareak».

• Eraikuntza erregimena.

—Baztertua, indarrean dagoen legeriak baimendutako errepideen erabilera lagungarrietara destinatutako sestra gaineko eraikuntzak eta, kasuan-kasuan, Arau Partikularrean edo garapen plangintzan baimentzen diren sestrapeko eraikuntzak izan ezik.

—Eraikuntzetarako sarbide den bidetzak indarrean dagoen legeriak eta proiektu honek berak ezarritako ezaugarriak eta gutxienezko neurri beharkizunak bete beharko ditu.


• Erabilera erregimena.

Erabilera bereizgarriak:

—Ibilgailuen zirkulazioa.

Erabilera baimenduak:

—Oinezkoen zirkulazioa.

—Aparkalekua.

—Garajea —sestrapean—.

—Indarrean dagoen legeriak baimentzen dituen errepideen erabilera lagungarriak.

—Zerbitzu azpiegiturak.

Sestrapean soilik.

Erabilera debekatuak:

—Aurreko modalitateetan barne harturik ez daudenak.

• Jabari erregimena.

—Jabari publikoa.

6.«f.10. Hiri-espazio Libreak».

• Eraikuntza erregimena.

Espazio lorategidun eta zuhaizdunak —parkeak edo lorategiak— edo zatirik handienean zolatuak —jolas areak, plazak, pasealekuak eta bestelako oinezkoentzako areak—; bertan, izaera orokorrez, eraikuntza baztertu egiten da, ondorengo kasuan ezik: Baldintza horietan baimendutako erabileretara destinatutako behin-behineko eraikuntzak; eraikuntza hauen gehienezko profila oin batekoa (1) izango da.

• Erabilera erregimena.

Erabilera bereizgarriak:

—Hiri-espazio libreak.

Erabilera baimenduak:

—Hirugarren sektoreko erabilerak.

1. kategoriako merkataritza erabilerak eta hauei asimilatutako hirugarren sektoreko bestelako erabilerak, behin-behineko izaeraz eta aldibaterako ezarpenetan —kioskoak, eta abar—.

—Ekipamendu komunitarioa.

Behin-behineko izaeraz, aldibaterako ezarpenetan.


Erabilera debekatuak:

—Aurreko modalitateetan barne harturik ez daudenak.

• Jabari erregimena.

—Jabari publikoa.

7.«f.20. Espazio Libre Komunak».

• Eraikuntza erregimena.

Espazio lorategidun eta zuhaizdunak —parkeak edo lorategiak— edo zatirik handienean zolatuak —jolas areak, plazak, pasealekuak eta bestelako oinezkoentzako areak—; bertan, izaera orokorrez, eraikuntza baztertu egiten da, ondorengo kasuan ezik: Baldintza horietan baimendutako erabileretara destinatutako behin-behineko eraikuntzak; eraikuntza hauen gehienezko profila oin batekoa (1) izango da.

• Erabilera erregimena.

Erabilera bereizgarriak:

—Hiri-espazio libreak.

—Oinezkoen zizrkulazioa.

—Bidegorria.

Erabilera baimenduak:

—Hirugarren sektoreko erabilerak.

1.kategoriako merkataritza erabilerak eta hauei asimilatutako hirugarren sektoreko bestelako erabilerak, behin-behineko izaeraz eta aldibaterako ezarpenetan —kioskoak, eta abar—.

—Ekipamendu komunitarioa.

Behin-behineko izaeraz, aldibaterako ezarpenetan.


Erabilera debekatuak:

—Aurreko modalitateetan barne harturik ez daudenak.

• Jabari erregimena.

—Jabari publikoa.

8.«g.10. Ekipamendu Komunitariorako Lurzatiak».

• Eraikuntza erregimena.

—Lurzati hauetan eraikuntzak erregimen arautzaile singularizatu bati erantzungo dio; bere erregulazioa dagokion Arau Partikularrera edota garapen plangintzara eragortzen da, esleitutako berariazko erabilera baldintzen arabera.


—Lurzatiek,okupatzen dituzten eraikinekiko ibilgailu-sarbide izan behar duten sestra gaineko espazio eraiki gabeak dituztenean, dagozkien urbanizazio elementuen ordenazioak indarrean den legeriak eta proiektu honek berak ezarritako ezaugarriak eta gutxienezko beurri beharkizunak bete beharko ditu.

• Erabilera erregimena.

Erabilera bereizgarriak:

—Ekipamendu komunitarioa.

Erabilera baimenduak:

—Etxebizitza erabilera.

Ekipamendu erabileren erabilera lagungarri gisa soilik
—etxebizitza bat (1)—.

—Hirugarren sektoreko erabilerak.

Erabilera bereizgarriekin bateragarri eta osagarriak diren modalitateetan.

—Garajea.

Erabilera debekatuak:

—Espreski baimendu gabeko guztiak.

• Jabari erregimena.

—Kasuan-kasuan, jabari erregimen orokorra Arau Partikularretan edo garapen plangintzan ezarritakoa izango da.


1.3.4 Artikulua.Lotespen arautzailea eta Kalifikazio Xehekatuko zehaztapenetan onartutako tolerantziak.

1.«1.3 Kalifikazio Xehekatua» kapitulu honetan eta Hirigintza Arau hauetako hirugarren tituluan —«Lurzati eraikigarrien eraikuntza eta erabileraren ordenantza erregulatzaileak»— ezartzen diren zehaztapenek —zehaztapen hauek erabilera xehekaturako eremu edo zona mota desberdinen oinarrizko eraikuntza, erabilera eta jabari erregimena konfiguratzen dute—, plangintza orokorrari propioa zaion lerruna izango dute. Zehaztapen hauek aldatu nahi izanez gero, lerrun arautzaile bera izango duen espedientea formulatu beharko da.

2.Honako proiektu honetan ezarritako kalifikazio xehekatuari buruzko gainerako zehaztapenek berauek definitzeko egokia den hirigintza instrumentuari propioa zaion lerrun arautzailea izango dute —garapen plangintza; xehekapen azterlana; plangintzaren exekuzio proiektuak, eta abar—. Zehaztapen hauek aldatu eta/edo osatu ahal izateko, bidezkotzat jotzen diren espedienteak formulatuko dira, indarrean dagoen legeriak eta proiektu honek berak ezarritako irizpideei jarraiki.


3.Xehekapen azterlanek alda ditzaketen edo plangintzarik formulatu gabe alda daitezkeen zehaztapenak.

Aurreko atalean deskribatutako testuinguruan, ezarritako kalifikazio xehekatuko zehaztapenak xehekapen azterlanen formulazioaren bitartez aldatu ahal izango dira, honako kasu hauetan:

—Bidesareari —«e.10»— eta espazio libreei —«f.10»— lur azalera berriak txertatu ahal izango zaizkie; hala ere, ezin izango da inolaz ere hauetarako ezarritako zonakatzea aldatu.


—Irabazizko erabileretara destinatutako lurzati eraikigarrien lurzatiketa banakera aldatu ahal izango da; hala ere, ezin izango da hauetarako ezarritako zonakatzea aldatu, lehen azaldutako salbuespenarekin.

Aitzitik, ekipamendu komunitariorako erabileretara destinatutako lurzatietan izan litezkeen azalera zabalkuntzak onartuko dira.

—Eraikuntza probetxamendua handitu ahal izango da honako kasu hauetan, baldin eta zehaztapen horiei goragoko mailako lerrun arautzailea esleitu ez bazaie:

*Ekipamendu komunitariorako lurzatien probetxamendua.

*Irabazizko erabileretara destinatutako lurzati eraikigarrien sestrapeko probetxamendua, beti ere erabilera lagungarrietara destinatzen bada eta inolaz ere erabilera nagusietara.

Udalak, edozein kasutan, planteatutako proposamenen garrantzia kontuan izanik, plangintza xehekatuko espediente bat formula dadin exigitu ahal izango du, proposamen horiek aurreko ataletan adierazitako beharkizunetara egokitu arren.


Halaber, bidesarearen eta zerbitzu azpiegituren —orokorrak eta tokikoak— konfigurazio, trazadura eta sestrei buruzko soluzioak sistema horiek exekutatzeko formulatuko diren obra proiektuetan birdoitu ahal izango direla ulertuko da izaera orokorrez. Birdoikuntza horiek, beti ere, Hirigintza Arau hauetako «1.2.4» artikuluan eta artikulu honetan bertan ezarritako baldintza orokorren barruan egin beharko dira.

BIGARREN TITULUA

PLANGINTZA GARATU ETA EXEKUTATZEKO ERREGIMEN JURIDIKOA

2.1 KAPITULUA.LURZORUAREN SAILKAPENA

2.1.1 Artikulua.Lurzorua Sailkatzeko erregimenaren formulazioa.

Zaldibiako udal mugartean ondoko lurzoru mota hauek bereizten dira:

Hiri-Lurzorua.

Lurzoru Urbanizagarria.

Lurzoru Ez-Urbanizagarria.

Lurzoru mota hauen mugaketa proiektu honetako «D. Planoak» dokumentuko «II.2» eta «II.6» planoetan ikus daiteke.

2.2 KAPITULUA.HIRIGINTZA PROBETXAMENDUAREN SISTEMATIZAZIOA ETA ESLEIPENA

2.2.1 Artikulua.Eraikuntza probetxamenduaren erregulazioaren sistematizazioa.

1.Irizpide orokorrak.

—Lurzati eraikigarriei esleitutako eraikuntza probetxamendua era zuzen eta espresuan definitu ahal izango da edota zeharka, eraikuntzaren formaren erregulazioaren bitartez.


—Eraikuntza probetxamenduaren erregulazio zuzena sestra gaineko eraikuntza probetxamenduei dagokiena da izaera orokorrez.

Halaber, ezarpen baldintza bereziak erabakitzen direnean, era honetan bertan erregulatu ahal izango dira sestrapeko probetxamenduak.

—Eraikuntza probetxamenduaren zeharkako erregulazioa Hiri-Lurzoru gisa sailkatutako Areetan kokatutako lurzatietan bakarrik onartuko da, bai eta sestrapeko probetxamenduetan ere, izaera orokorrez.

Hala ere, erregulaziorako formula hau erabiltzeak esleitutako eraikuntza probetxamenduaren koantifikazio egokia ahalbidetu beharko du, hirigintza probetxamenduaren kalkulua egin ahal izateko datu hori kontuan izan beharreko kasu guztietan.


—Eraikuntza probetxamendua zeharka eta, hortaz, eraikuntzaren formaren erregulazioaren bitartez, definitzen denean, oinarrizko magnitude erregulatzaileen neurketa
—eraikuntza altuera eta profila— honako dokumentu honetan ezarritako konputuari buruzko irizpideei jarraiki egingo da.


—Zona edo lurzati bati esleitutako eraikuntza probetxamendua zehaztapen ez-homogeneo multzo baten bidez definitzen denean —probetxamendua sabai eraikigarrian edo eraikigarritasuna eta eraikuntzaren formaren zehaztapen erregulatzaileak—, baimendutako gehienezko probetxamendua zehaztapen guzti horiek era gainezarrian aplikatzearen emaitza dela ulertuko da, zehaztapenik murriztaileenek mugatuko dutelarik probetxamendua.

—Kasu guztietan, sistema orokor edo tokiko izaerako zuzkidura erabileretara destinatutako titulartasun publiko nahiz pribatuko lurzatien —«g.10», eta abar— eraikuntza probetxamendua plangintza xehekatuko lerruna duen zehaztapena dela ulertuko da.

Ildo honetan, proiektu honek era espresuan edota zeharka, egun dagoen eraikuntza garapenaren kontsolidazioaren bitartez, probetxamendu hori mugatzen duenean, probetxamendu hau gehitu ahal izango da, mota honetako plangintza espediente bat formulatu ondoren.

Hala ere, probetxamenduaren gehitzeak honako proiektu honek esleitutako %15a gainditzen ez duenean, Udalak, bertako zerbitzu teknikoek era espresuan justifikatzen duen horri buruzko txostena egin ondoren, beharkizun hau salbuetsi dezake edo zehaztapen berrien formulazioa xehekapen azterlan baten menpe utz dezake, formula hau nahikoatzat jotzen bada.


2.Irabazizko probetxamendua.

Hiri-Lurzoruan nahiz Lurzoru Urbanizagarrian, irabazizko probetxamenduaren konputuaren ondorioetarako, ondoko irizpide hauek hartuko dira aintzat, besteak beste:

—Izaera orokorrez, irabazizko hirigintza probetxamendutzat hartuko da «a» lurzatiei —egoitza erabilera—, «b» lurzatiei —industri erabilera— eta «c» lurzatiei —hirugarren sektoreko erabilerak— esleitutako eraikuntza probetxamendua.

—Aitzitik, irabazizko probetxamendu gabekotzat hartuko dira zuzkidura erabileretara destinatutako izaera publiko nahiz pribatuko lurzatiak eta espazioak, hau da, «e» lurzatiak —komunikabideen sistemak—, «f» lurzatiak —espazio libreak— eta «g» lurzatiak —ekipamendu komunitarioa—, bai eta lurzati hauetarako aurreikusitako eraikuntzak ere.

Halaber, kontsiderazio hau bera izango dute lehen aipatutako irabazizko erabileretara destinatutako lurzatietan kokatutako lokalek, zeinak dagokion plangintzaren zehaztapen espresuaren bidez, ekipamendu komunitariorako erabileretara destinatuko diren.

—Irabazizko erabileretara destinatutako lurzatietan, aurreikusitako irabazizko probetxamendua sestra gaineko eraikuntza probetxamenduarekin bat etorriko da izaera orokorrez, ondorio horretarako sestrapeko eraikuntza probetxamendua kontuan hartuko ez delarik.

3.Eraikuntza probetxamenduaren neurketa unitateak.

—Izaera orokorrez, erabilera globaleko zonetan nahiz lurzati eraikigarrietan garatu beharreko eraikuntza probetxamendua sabai eraikigarriaren azaleran neurtu eta adieraziko da.

Halakotzat hartuko da espazio eraiki eta estali desberdinen —hauen oin desberdinetan— oinplanoen azaleren batuketa, hormak eta eraikuntzako elementu trinkoak barne, zeinak, kasu orotan, dokumentu honetan bertan horri buruz ezarritako irizpideen arabera konputatuko diren.


—Neurketa unitate gisa, sabai eraikigarriaren metro karratua erabiliko da eta neurri hau «m²(s)» laburduraren bidez identifikatuko da.

—Eremu jakin batean baimendutako eraikuntza probetxamendua termino absolutuetan erregulatu ahal izango da, eremu horretan garatzea baimentzen den sabai eraikigarriaren azalera guztiaren definizioaren bitartez, edo hautabidez, bere azalera kontuan hartuz, kasu horretan eremu horri esleitutako eraikigarritasuna azaldu beharko delarik, eremuko azaleraren metro karratuko dagokion sabai eraikigarria metro karratuetan emanaz —«m²(s)/m²».

4.Eraikuntza profilaren erregulazioa ondoko ikurren bidez errepresentatuko da (Zifra erromatarrek sestra gaineko oin kopurua —barra makurraren aurreko zifra— eta sestrapeko oin kopurua —barra makurraren ondorengo zifra— adierazten dituzte):

—IV / II.

2.2.2 Artikulua.Hiri-Lurzoruan hirigintza probetxamendua esleitzeko erregimenaren formulazioa.

1.Hiri-Lurzoruan hirigintza probetxamendua esleitzeko erregimena indarrean dagoen hirigintza legeriak aurreikusten dituen beharkizunetara egokituko da eta probetxamendu hori lurren jabeei eta, dagokion kasuan, Udalari esleituko zaie, legeria horretan ezarritako irizpideen arabera.

2.Ondorio horietarako, hiri-lurzoruan mugatutako exekuzio unitateen bataz besteko probetxamendua ondoko elementuen arteko zatiketaren emaitza izango da:

—Batetik —zatikizuna—, eremu horietako bakoitzerako aurreikusitako irabazizko izaerako hirigintza probetxamendu osoa. (Ondorio horietarako, irabazizko probetxamendu izaera izango du proeiktu honetan bertan nahiz formulatzen den garapen plangintzan eta beren kalifikazio xehekatuaren ondorioetarako «a» lurzatitzat —egoitza erabilera—, «b» lurzatitzat
—industri erabilera— eta «c» lurzatitzat —hirugarren sektoreko erabilera— hartutako lurzatiei esleitutako eraikuntza probetxamendu osoak).

—Bestetik —zatitzailea—, unitateko lur guztien azalera osoa, hori dela eta konputagarriak ez diren lurrak salbuetsiz.


Ildo honetatik, egun dauden zuzkidura publikoetara destinatutako lurren konputua edo konputu eza aipaturiko hirigintza legeriak dioenari egokituko zaio.

2.2.3 Artikulua.Lurzoru Urbanizagarrian hirigintza probetxamendua esleitzeko erregimenaren formulazioa.


Lurzoru Urbanizagarrian hirigintza probetxamendua esleitzeko erregimena indarrean dagoen hirigintza legeriak aurreikusten dituen beharkizunetara egokituko da eta probetxamendu hori lurren jabeei eta, dagokion kasuan, Udalari esleituko zaie, legeria horretan ezarritako irizpideen arabera.

Ondorio horietarako, urbanizagarri gisa sailkatutako lur guztiak konputagarritzat eta «8. Ibarguren Azpi» Arean barne hartutzat joko dira.

Afektatutako lurren jabeek eskura dezaketen probetxamendua indarrean dagoen hirigintza legerian ezarritako irizpideekin bat eginik erabakiko da, irizpide horiek sestra gaineko nahiz sestrapeko probetxamendua kontuan hartuz aplikatuko direlarik.

2.3 KAPITULUA.PLANGINTZAREN GARAPENA

2.3.1 Artikulua.Arau Subsidiarioak garatzeko erregimen orokorra.

1.Hiri-Lurzoruan eta Lurzoru Urbanizagarrian mugatutako Area bakoitzean —Hirigintza Interbentziorako Areak— aplikagarri diren Arau Subisidiarioak garatzeko erregimenari buruzko zehaztapenak, bereziki definitzen dira haietariko bakoitzerako «Arau Partikularren» «II.2 Garapen eta Exekuziorako Erregimen Juridikoa» atalean.


2.Hiri-Lurzoru gisa sailkatutako Hirigintza Interbentziorako Areetan, non honako proiektu honek dagokion plangintza xehekatua zehazten duen, Arau Subsidiarioen zuzeneko exekuzioko eremutzat hartuko dira eta horietan guztietan zuzenean exekutatuko dira ezarritako ordenazio aurreikuspenak.

Aipatutako Areak zuzeneko exekuziotzat hartzeak ez du
—bere eremu osotasunerako edo zati baterako— xehekapen azterlanak, hirigintza kudeaketarako proiektuak edo urbanizazio obren proeiktuak formulatzeko galdakizuna salbuesten.

3.Lurzoru Urbanizagarri gisa sailkatutako lurretan —«8. Ibarguren Azpi» Area—, honako proiektu honetan planteatutako aurreikuspenak exekutatu aurretik, dagokion plan partziala formulatu beharko da, bere ordenazio xehekatua definitu ahal izateko.

Hala eta guztiz ere, eremu horretan aurreikusitako sistema orokorren garapena aipaturiko plan partzialaren testuinguruko tratamenduaren bitartez edo plan berezi baten formulazioaren bitartez edota, hala dagokionean, eremu hori Arau Subsidiarioen zuzeneko exekuzio eremutzat hartuz burutu ahal izango da.

4.Lurzoru Ez-Urbanizagarrian, izaera orokorrez, Aralarko Parke Naturalari buruzko ordenazio espedienteetan ezarritako zehaztapenak kontsolidatzen dira.

Honetaz gain, Udalbatzak bidezkotzat jotzen duen garapen plangintza —plan bereziak— formulatu beharko da, indarrean dagoen legerian eta proiektu honetan ezarritako irizpideei jarraiki.

Proiektu honetan baimentzen diren eta aipaturiko garapen plangintzaren formulazioa eskatzen ez duten interbentzioak eta jarduketak zuzenean exekutatuko dira.

2.3.2 Artikulua.Plangintza Hiri-Lurzoruan.

1.Plan Bereziak.

Hiri-Lurzoru gisa sailkatutako Hirigintza Interbentziorako Areetan eta sailkapen hori lortzen duten areetan, ezarritako ordenazio xehekatua aldatzeko edo osatzeko bidezkotzat jotzen diren plan bereziak formulatu ahal izango dira.


Kasu orotan, plan berezi hauek Arau Subsidiario hauetan ezarritako hirigintza erregimen orokorra errespetatu beharko dute.

Hauen eremuak ez du ezarritako Hirigintza Interbentziorako Areen mugaketari egokitu beharrik. Kasu honetan, plan bereziak aski justifikatu beharko du aukera hori, zirkunstantzia hau bere titulazioan espreski konstarazi, proiektu honetan ondorio hauetarako ezarritako zehaztapenen testuinguruan planteatutako ordenazio proposamenak behar bezala justifikatu beharko ditu, bere intentsitatea barne, eta aipatutako proposamen hauetako bakoitzak afektatutako Area bakoitzean izandako eragina zehaztu beharko du.

Halaber, kasu bakoitzean, dagokion Arearen Arau Partikularrean ezartzen diren zuzkidura-beharkizunak bete beharko dituzte.

Burutu bahi diren aldaketek afektatutako eremuak hobetu eta birzuzkitzea lehentasunezko helburutzat dutenean; jabari eta erabilera publikoko zuzkidura-espazioen —espazio libreak, bide-sistema edo ekipamendu komunitariorako lurzatiak— gehikuntza garrantzitsua dakartenean; afektatutako eremuari esleitutako irabazizko probetxamendua handitzen ez dutenean; eta proiektatutako erabilera berriek sorrarazten dituzten mota orotako zuzkidura-eskariak egokiro asetzeko era bermatzen dutenean, aldaketa horiek garatzen dituzten plan bereziak aurrez Arau Subsidiarioak aldatzeko espedienterik tramitatu gabe formulatu ahal izango dira, are ezarritako Hirigintza Erregimen Orokorreko zehaztapenen bat espreski aldatzen badute ere.

2.Xehekapen azterlanak.

—Eraikuntzen konfigurazio fisikoa edo goragoko lerruneko plangintzan aurreikusitako urbanizazioaren ordenazioa aldatzeak, indarrean dagoen legeriaren mugen baitan eta bertan adierazitako baldintzetan, xehekapen azterlanen formulazioa justifikatuko du.

—Besteak beste, bide eta espazio publikoetako edo erabilera publikoko zortasunpean dauden lurzati eraikigarrien zatietako urbanizazioaren sestrak birdoitu nahi direnean, eta birdoikuntza horrek lurzati horien edo beste batzuen ordenazio baldintzak aldatzen dituenean, plangintzak ezarritakoaren arabera garatu ezin direla utziz, aginduzkoa izango da xehekapen azterlanak tramitatzea. Jabari publikoko espazioen gaineko garajeetarako sarbide-arrapalak aldatu edo berriak irekitzeko ere tramitatu beharko dira.

—Plangintza orokor, partzial edo bereziari propio zaizkion zehaztapenak ezin izango dira plangintza figura honen bitartez definitu, aurrez lerrun horretako plangintza batek ezarri ez baditu.

Honela, Arau Subsidiario hauek exekutatu aurretik plangintza partzial edo berezia formulatzeko obligazioa ezartzen dieten lurraldeetan, beharkizun hori bete ez bada ez da ezein kasutan bidezko izango xehekapen azterlanik formulatzea.

—Eraikuntzen eta urbanizazioaren konfigurazio fisikoa definitu eta birdoitzerakoan, goragoko lerruneko plangintzak ezarritako kalifikazio xehekatua osatu ahal izango dute, edota aldatu ere, Arau hauetako 1.3.4 artikuluaren 3. atalean ezarritako kasuetan.

—Xehekapen azterlanek ezin izango dute ezein kasutan, plangintza exekutatzeko erregimenari —kudeaketa sistemen aplikazioa eta abar—, exekuzio etapa edo epeei, edo hirigintza interbentzio batek afektatutakoek urbanizazio prozesuaren kostuak finantzatzeko obligazioei buruzko zehaztapen lotespenik bildu.

2.3.3 Artikulua.Plangintza Lurzoru Urbanizagarrian.


—Lurzoru Urbanizagarrian formulatu beharreko garapen plangintzak —plan partziala— derrigorrez errespetatu beharko ditu Areako Arau Partikularrean ezarritako hirigintza erregimen orokorrari buruzko zehaztapenak, bai eta plangintza orokorreko lerruna duten ordenazio xehekatuko zehaztapenak ere, esku artean ditugun Hirigintza Arau hauen 1.2.4 artikuluan ezarritako tolerantzien kaltetan izan gabe.

—Lurzoru mota horretan aurreikusitako plangintza partziala bi (2) urteko gehienezko epean formulatu beharko da, Arau Subisidiario hauek behin-betiko onesten diren unetik kontatzen hasita.

2.3.4 Artikulua.Plangintza Lurzoru Ez-Urbanizagarrian.

Indarrean dagoen hirigintza legerian aurreikusitako xede batzuekin eta Arau hauen «2.6.3» artikuluan ezarritako prozedurarekin bat eginik, Udalak Lurzoru Ez-Urbanizagarrian plan berezi bat formulatzea eta onestea galdatu ahal izango du, ondoren azaltzen diren kasuetan eta hemen azaltzen ditugun xedez:

—Landa-ingurunean kokatu beharreko onura publikoko edo interes sozialeko eraikuntzen exekuzioa.

—Plangintzan aurreikusi gabeko eta beste erabilera batzuen obra osagarri edo lagungarri gisa justifikatu edo baimendu gabeko azpiegitura elementu berriak egitea —errepideak, ibai-ubideen kanalizazioak, zerbitzu azpiegituren ezarpena, urbanizazio obren burutzapena edo antzeko beste elementu batzuk—.

—Erabileren berariazko ezaugarriek, burutu beharreko garapenaren garrantziak, lurraldearen transformazio aurreikusgarriak, bide-sistemaren gaineko afekzioek edo beste faktore batzuk, aurrez jarduketaren txertaketa egokia eta lurraldearen balio paisajistikoen, ingurunekoen eta naturalistikoen defentsa ziurta dezan ordenazio bat definitzea aholkatzen dutenean.


Udal ebazpenak definituko du formulazioaren ekimena eskatzaileari dagokion ala Udalak berak bere esku gordetzen duen, Arau Subsidiarioek definitzen dituzten eta lurraldearen egitura orokorra eta organikoa osatzen duten elementuak garatzen dituzten plan bereziak formulatzeko erantzukizuna partikularrei ezein kasutan ezin esleitu izango zaiela ulertuz.


Plan berezi hauek, hala badagokie, indarrean dagoen legeriak xedatutakoaren arabera beharrezko suertatzen diren ingurunearekiko eragina ebaluatu eta zuzentzeko azterlanak gaineratuko dituzte.

Plan berezien behin-betiko onespena Gipuzkoako Foru Aldundiari dagokio.

2.3.5 Artikulua.Plangintza Xehekaturako eduki materiala eta dokumentuaren edukia.

1.Plan bereziak eta partzialak.

—Proiektu hau garatzeko tramitatzen diren plan bereziek eta partzialek, ezarritako Hirigintza Erregimen Orokorreko zehaztapenei egokitzeaz gain, dagokion eremuaren ordenazioaren eta lur mugakideen arteko koordinazio egokia ziurtatu beharko dute, are urbanizazio elementuen ordenakerari buruzko xehetasun alderdiei dagokienez ere, horretarako, behar izanez gero, beren interbentzio eremua dagokion hasieran ezarritako mugaz kanpora hedatuz.

Obligazio hau bereziki kontuan hartuko da proposatutako ordenazioa aldatzen den kasuetan, eta proiektuak, edo, behar izanez gero, bestelako espediente paraleloek, eremu mugakideetan aldatuta suerta litezkeen urbanizazio elementuen exekuzioa era egokian bermatzen duten hirigintza kudeaketarako mekanismoen aplikazioari buruzko zehaztapenak txertatu beharko ditu.

—Plan bereziek eta partzialek, indarrean dagoen hirigintza legeriaren arabera propio zaien edukiaz gain, ondoko zehaztapenak ere definitu beharko dituzte:

* Lagapen, banakideketa eta urbanizazio eginbeharrak betetzeko epeak definitzea.

* Dagozkion eraikuntza lizentzia eskaeren epeak eta proiektatutako obren hasiera eta amaiera epeak definitzea.


* Kasuan kasu, dagozkion exekuzio unitateen mugaketa. Gainera, hiri-lurzoruan exekuzio unitateen mugaketa planteatzen den kasu orotan, dagokion bataz besteko probetxamendua definituko da.

* Gainera, proiektu hau garatuz formulatzen diren ekimen partikularreko plan bereziek eta partzialek, indarrean dagoen hirigintza legeriak ezarritako beharkizunak bete beharko dituzte, jarraian ezarritako hedadurarekin adierazitako kasuetan:

Afektatutako jabeen zerrenda, bai eta eremu horretan dauden eta plangintzaren aurreikuspenen arabera hustu behar diren higiezinetako legezko egoiliar izaera duten beste eskubideen titular guztiak ere.


Eragin horretarako, dagozkien katastro eta erregistro datuez gain, benetako jabeen zerrenda araztua aurkeztu beharko da, afektatutako finken egungo egoerari buruzko planoarekin batera, jabe bakoitzari esleitutako azalera adieraziz, bai eta bakoitzaren helbidea ere, jakinarazpenen ondorioetarako.


Aipatutako eskubideen gainerako titularren kasuan, aurreko beharkizunak ezezik, legezko egoliar baldintza ere kreditatu beharko da:

* Hala badagokio, erantzukizunak definitzea, egoiliarrak berriz lojatzeko babesari dagokionez.

* Urbanizatzailearen eta Udalaren artean hartu beharreko konpromisoak, bai eta haren eta orubeen jabeen artean hartu beharrekoak ere, ondoko gaiei buruzko erreferentzia espresua eginaz:

Hala badagokio, Lurzoruaren Legeak ezarritako obligazio orokorren artean barne hartu gabeko zuzkidura komunitarioetara destinatutako eraikinen eraikuntza.

Eraikuntzen etorkizuneko jabeek urbanizazio elementu jakin batzuk artatzea.

2.Xehekapen azterlanak.

Ordenazio figura honi propio zaion edukiaz eta proiektu honek edo berau garatzen duen plangintza xehekatuak honi buruz kasuan-kasuan ezartzen dituzten zehaztapen partikularrez gain, xehekapen azterlanek honako zehaztapen hauek definituko dituzte:

—Aurrez mugatutako exekuzio unitateekin bat datozen lurralde eremuen ordenazioa garatu edo birdoitzen dutenek, erreferentziazko plangintza xehekatuak aski definitu ez badu, lurzati eraikigarri desberdinei esleitutako hirigintza probetxamendua zehaztu beharko dute, aipatutako plangintza xehekatuak eta proiektu honek gai honi buruz ezarritako esparru arautzailearen baitan.


—Halaber, aurreko atalean plan berezi edo partzialetarako adierazitako gainerako zehaztapenak, baldin eta aurrez aski doitasunez definitu ez badira, eta, behar izanez gero, hiri-zerbitzuen sareen trazaduren eskemak eta ezaugarriak ere txertatuko dituzte.


—Partikularrak sustatutako xehekapen azterlanek afektatutako jabeen zein desalojatu behar diren legezko egoiliarren identifikazioa barne hartu beharko dute beren dokumentazioan, ekimen partikularreko plan partzial eta berezietarako ezarritako beharkizunetan.

2.4 KAPITULUA.PLANGINTZAREN EXEKUZIOA

2.4.1 Artikulua.Izaera orokorreko xedapenak.

1.Proiektu honetan eta honen exekuzioan garatuko den plangintzan bildutako aurreikuspenen exekuzioa indarrean den hirigintza legerian zein aipatutako plangintzan xedatutakoari jarraituko zaio.

2.Dagozkion hirigintza aurreikuspenen exekuzioaren eraginez, eraitsi behar diren higiezinetako legezko egoiliarren desalojoa aurreikusten den orotan, ondoriozko erantzukizunak definitu beharko dira, hauek berriro lojatzeko eskubideari erantzuteko.


2.4.2 Artikulua.Plangintzaren exekuzio erregimena Hiri-Lurzoruan.

1.«Hirigintza Interbentziorako Areetarako Arau Partikularretan» eta esku artean dugun proiektuaren «II.9» planoan, hala badagokio, eremuak eta exekuzio unitateak eta ondoriozko jarduketa sistemak mugatu eta definitzen dira.

Gainera, beharrezkotzat jotzen den kasuan, beste exekuzio unitate batzuk mugatuko dira, indarrean den hirigintza legeriaren irizpideei jarraiki.


Arau Partikular horiek ez badituzte dagoneko mugatuta dauden edota etorkizunean mugatuko diren konpentsazio sistemaren bitartez exekutatu beharreko exekuzio unitateetan beste irizpide batzuk ezartzen, oinarri eta estatutu proiektuak proiektu hau behin-betiko onesten den unetik gehienez bi (2) urteko epean formulatu eta aurkeztu beharko zaizkio Udalari eta konpentsazio proiektuak, berriz, gehienez bi urte eta erdiko (2 ½) epean.

Lankidetza sistemaren bidezko interbentzioa aurreikusten den exekuzio unitateetan, lurzatiketa espedientea dagokion plangintza espedientea indarrean jartzen denean emango da hasitzat, indarrean den Kudeaketa Erregelamenduaren 101. artikuluaren 1. epigrafeko a) atalak ezartzen duenari jarraiki.


2.Hiri-Lurzoru gisa sailkatutako eta zuzkidura publikoetara esleitutako lurrak lortzeko ondorioetarako, aipaturiko hirigintza legerian xedatutakoari jarraituko zaio.


Zentzu honetan, exekuzio unitateetan barne hartu edo ez kontuan hartu gabe, lur hauek lortzeko ondorioetarako, desjabetzapenaren bitartez jardungo da, dagozkien Arau Partikularretan honela ezarritako suposamenduetan, bai eta espreski beste edozein mekanismo zehazten ez den beste guztietan ezarritakoetan ere.


3.Hiri-Lurzoru gisa sailkatutako lurren lurzatiketa indarrean den hirigintza legeriak xedatutakoari egokituko zaio, bertan aurreikusitako espedientea formulatuko delarik.

2.4.3 Artikulua.Plangintzaren exekuzio erregimena Lurzoru Urbanizagarrian.

1.Lurzoru Urbanizagarri gisa sailkatutako Hirigintza Interbentziorako Arean ezarritako ordenazio aurreikuspenen exekuzioa, proiektu honetako dagokion Arau Partikularrean eta formulatu beharreko garapen plangintzan xedatutakoari jarraituko zaio.

Zentzu honetan, aipaturiko garapen plangintzak beharrezkotzat jotzen diren exekuzio unitateak mugatuko ditu eta bakoitzari dagokion jarduketa sistema definituko du.

2.Aurreko atalean xedatutakoaren kaltetan izan gabe, izaera orokorreko zuzkidura publikoetara esleitutako lurrak lortzeko ondorioetarako, aipaturiko hirigintza legeriak ezarritakoari jarraituko zaio.

2.4.4 Artikulua.Plangintzaren exekuzio erregimena Lurzoru Ez-Urbanizagarrian.

1.Izaera orokorrez, hauek lortzeko ondorioetarako, Lurzoru Ez-Urbanizagarri gisa sailkatu eta Arau Subsidiario hauetan nahiz plangintzan eta honen garapenerako formulatzen diren proiektuetan zuzkidura publikoetara destinatzen diren lurren desjabetzapenari ekingo zaio.


2.Lurzatiak Lurzoru Ez-Urbanizagarrian.

—Izaera orokorrez, eta desjabetzapen jarduketen ondoriozkoak direnen kaltetan izan gabe, Lurzoru Ez-Urbanizagarrian kokaturik dauden finken lurzatiketa edo banaketei ekin aurretik, dagokien udal lizentzia eskuratu beharko da. Lizentziaren lagapena ondoren aipatuko diren banaketari eta gainerakoei buruzko irizpideei lotetsiko zaie.


—Ondoren azalduko den salbuespena ezik, lurzoru ez-urbanizagarrian kokatutako finken lurzatiketak, proiektu hau onetsi ondoren burutu nahi direnak, honako zatiketa irizpide hauei egokitu beharko zaizkie:


* 20.000 m²-tik beherako azalera duten finka nagusiak ezin izango dira banandu edo zatitu.

* 20.000 m²-tik gorako eta 60.000 m²-tik beherako azalera duten finka nagusietan, emaitzazko lurzatien gehienezko kopurua bikoa (2) izango da.

* 60.000 m²-tik gorako eta 100.000 m²-tik beherako azalera duten finka nagusietan, emaitzazko lurzatien gehienezko kopurua hirukoa (3) izango da.

* 100.000 m²-tik gorako eta 200.000 m²-tik beherako azalera duten finka nagusietan, emaitzazko lurzatien gehienezko kopurua laukoa (4) izango da.

* 200.000 m²-tik gorako azalera duten finka nagusietan, emaitzazko lurzatien gehienezko kopurua bostekoa (5) izango da.

Aurreko zehaztapenekin bat etorriz banandutako finketan ezin izango da lurzatiketa berririk egin.

Nolanahi ere, aipaturikoak baino azalera txikiagoak inplikatzen dituzten lurzatiketak ere egin ahal izango dira, beti ere emaitzazko lurzati bakoitza lehendik zeuden edo berriak diren nekazaritza ustiapenetara adskribaturik dagoela eta gai horretan eskumena duen Gipuzkoako Foru Aldundiak halakotzat jotzen duela bermatzen denean. Beharkizun honen betetzea bermatu ahal izateko, erakunde horrek jaulkitako dagokion ziurtagiria aurkeztu beharko da.

—Zona desberdinetan baimendutako eraikuntzak, erabilerak eta jarduerak ezartzeak kasu bakoitzean galdatutako gutxienezko lurzati ekarpena egiteko baldintza betetzea galdatuko du. Lurzati hori aipaturiko eraikuntza eta erabileretara loturik geldituko da ondorio guztietarako —erregistro mailakoak, eta abar—.

—Hauen xedea edozein izanik ere, proiektu hau onetsi ondoren egin nahiko diren banaketek ondoko beharkizunak bete beharko dituzte eta hauetara egokitu beharko dute:


* Nekazaritza ustiapen erabileretara edota baso-erabileretara loturik daudenetan, lurzatiek espazialki jarraian ez dauden lurrak afektatu ahal izango dituzte.

* Beste erabilera batzuetara destinatutako lurzatiek espazio jarraia osatu beharko dute, zeinean, kasuan-kasuan, dagokion eraikuntza edo instalazioa kokatu beharko den.

—Arau hauek erabilera eta eraikuntza baimenduen ezarpenaren ondorioetarako galdatzen dituzten ekarpen gisa gaineratutako gutxienezko lurzati azaleraren mugetatik behera txikitzea eragiten duten finka banaketak ezin izango dira burutu, baldintza horietan banandutako zatiak aldi berean beste finka batzuekin elkartu eta finka berriek aipatutako mugak betetzen dituztenean izan ezik.

—Arau Subsidiario hauek onetsi aurretik eraikitako eraikuntzetara adskribatutako finkek, kasu bakoitzean aplikagarriak diren ekarpen gisa gaineratutako gutxienezko lurzatiei buruzko edo eraikitako eraikuntza probetxamendua dela eta beharrezko den lurzati ekarpenari buruzko baldintzak betetzen ez dituztenak, beren egungo egoeran kontsolidatzen dira.

Eraikuntza horietan proiektu honetan baimendutako erabilerak ezarri ahal izango dira. Hala ere, lurzati horiek ezingo dira banandu.

—Proiektu hau onetsi ondoren Lurzoru Ez-Urbanizagarrian burutzen diren banaketak edo lurzatiketak, artikulu honetan xedatutakoaren aurka doazenak, eraikuntza eta erabilera baimenduen ezarpenaren ondorioetarako burutu gabekotzat hartuko dira; hortaz, eskatzaileak jatorrizko finka nagusia bakarra bailitzan jarri beharko du edo, egiterik baldin badago, aurrez lurzatiketa lizentzia eskatu Arau hauetan ezarritakoari jarraiki.


2.5 KAPITULUA.URBANIZAZIOAREN EXEKUZIOA

2.5.1 Artikulua.Urbanizazio obrak exekutatzeko proiektuen formulazioaren erregimena.

1.Urbanizazio obrak ondoren aipatzen diren proiektuetakoren bat formulatu ondoren exekutatuko dira:

—Urbanizazio proiektuak, Plangintza Erregelamenduaren 67. artikuluan aurreikusitakoak helburu eta xedetzat dituztenak.

—Obra arruntetarako proeiktuak, exekuzio eremu jakin bateko urbanizazioaren multzoa osoan garatzea xedetzat dutenak, Plangintza Erregelamenduaren 67.3 artikuluak ezarritakoarekin bat.

—Eraikuntzarakoen proiektu osagarriak, lurzati jakin bat orubetzat hartzeko beharrezkoak diren zerbitzuez hornitzeko xedez nahiz egungo urbanizazioaren berripinketari eta hobetzeari ekiteko xedez formulatuak, dagokien plangintzan zein lizentzian ezarritako terminoetan.


2.Honi dagokionez, Area bakoitzean, dagokion «Arau Partikularrean» edo, hala badagokio, formulatu beharreko garapen plangintzan ezartzen diren baldintzak aplikatuko dira.

2.5.2 Artikulua.Urbanizazio obrak garatzen dituzten proiektuek ordenazioa egokitzeko aukeraren mugak.


1.Urbanizazio obrak garatzen dituzten proiektuek
—modalitate desberdinetan— espazio libre, komunikabide eta zerbitzu azpiegituretara destinatutako zuzkidura elementuen ordenazio konfigurazioa, lerrokadurak eta sestrak berregokitu ahal izango dituzte. Plangintzak zuzkidura horietarako ezartzen duen zonakatze xehekatua ez ezik, Hirigintza Plangintza Erregelamenduaren 162. artikuluaren erregimenpean ez dauden espazio libreen zonakatze xehekatua ere afekta dezake, beharrezkoa gertatzen bada, Lurzoru Urbanizagarrian eta Hiri-Lurzoruan.

Ildo honetan, plangintzak definitzen duen zerbitzu azpiegituretarako sareen trazadura eta ezaugarrien definizioak izaera adierazgarria du, hortaz, hauek dagokien obra proiektuen bitartez behin-betiko zehaztuko dira.



2.Hiri-Lurzoru eta Lurzoru Urbanizagarrian, berriz, aurreko epigrafean ezarritako afekzio aukera hau ez zaio lurzati eraikigarrien edo aipatutako artikuluaren erregimenpean dauden espazio libreen zonakatze xehekatuari hedatuko, ez plangintzak aurreikusi gabeko ibilgailu-bidetzako elementuak irekitzeko aukerari, ez eta berak espreski proiektatutakoen ezabaketari ere.

2.5.3 Artikulua.Urbanizazio obren gutxienezko baldintza teknikoak.

Urbanizazio obren proiektuak indarrean diren xedapenetan ezarritako baldintza teknikoetara egokituko dira.

Azken hauen zehaztapenik ez balego, Udal zerbitzu teknikoek kasuan-kasuan definitu ahal izango dituzte aplikagarri diren baldintzak, zuzeneko udal sustapeneko obretan erabili ohi diren kalitate-baldintzei jarraiki.


Horretarako, obren sustatzaileak, proiektuan bildutako lanei ekin baino lehen, honi dagokionez jarraitu beharreko aztertarauak eskatu beharko ditu.

2.5.4 Artikulua.Udalaz bestelako titularrek exekutatzeko urbanizazio proiektuak.

Behin-betiko onetsitako urbanizazio proiektu baten obrak exekutatzeko ez da aurrez udal lizentzia eskatu eta lortu beharrik izango.

Hala eta guztiz ere, sustatzaileak edota dagokion titularrak, kasu orotan, obren hasieraren eta amaieraren berri eman beharko dio Udalari, bai eta, izanez gero, etapa desberdinena jakinarazi ere.

Ondorio horretarako, eta ondoren burutuko den obren exekuzioa kontrolatzeko udal prozesuan, indarrean diren xedapenetan horri dagokionez ezarritako dokumentu eta prozedura beharkizunak bete beharko dira.

2.6 KAPITULUA.ERAIKITZEKO AHALMENAREN EGIKARITZA

2.6.1 Artikulua.Hiri-Lurzoruan eraikitzeko ahalmenaren egikaritza.

1.Eraikuntzaren lerrokadurak eta sestrak definitu beharra.

—Hiri-Lurzoru gisa sailkatutako Areetan berne hartutako lurzatietan, lerrokadurak eta sestrak definitu ahal izateko xehekapen azterlanen formulazioa beharrezkoa gertatzen denetan, ezin izango da ezein kasutan Arean barne hartutako lurren eraikuntza berrirako lizentzia eman.

Kasu horretan, aipaturiko espedientea behin-betiko onesten ez den bitartean, orubetzat hartu ahal izateko indarrean den hirgintza legeriak ezarritako lerrokaduren eta sestren dfiniziorako beharkizuna bete gabetzat hartuko da, bai eta lerrokadura eta sestra horiek mugakide diren lurzatietan daudenetatik analogiaz deduzitu badaitezke ere.

—Aurreko atalean deskribatutako egoeran ez dauden lurzatiek, proeiktu honetan definituta eduki beharko dituzte beren fatxada guztien lerrokadurak, altuerak, profila eta eraikuntza sakonera, eta lur urbanizatuko berme-sestren kotak, orubetzat hartu ahal izateko.


Honela, beharkizun hau oso-osorik betetzen ez bada, Udalak eraikuntza lizentzia ukatu egin beharko du, eta xehekapen azterlan bat tramitatzea galdatu.


2.Urbanizazio beharkizunak eta onura eta kargak banatzekoak betetzea.

—Ezin izango da ezein kasutan exekuzio unitateetan barne hartuta dauden lurzatietan eraikitzeko lizentziarik eskatu, hauei esleitutako urbanizazio proiektua eta lagapen obligazioak definitzen dituzten beharrezko onura eta kargen banakideketa proiektua behin-betiko onesten ez diren artean. Baldintza horietan eta obligazio horiek bete artean, planak ezarritako gutxienezko arauen araberako urbanizazioaren beharkizuna bete gabekotzat joko da, hots indarrean dagoen hirigintza legeriak lurzati jakin bat orube gisa kalifikatzeko galdatutakoa, bere baldintza partikularrak direnak direla ere.


Zentzu horretan, orubetzat hartzeko ezarritako beharkizunak betetzen ez dituzten lurzatiak direnean, eraikuntza obren exekuzioa aurretik edo aldi berean beharrezko urbanizazio obrak exekutatzeari baldintzatuko zaio, Udalak, eragin hauetarako, bidezko hartzen dituen bermeak kontsignatzea eskatu ahal izango duelarik.

—Halaber, indarrean dagoen hirigintza legerian eta Arau hauetan orubetzat hartzeko ezarritako beharkizun guztiak betetzen dituzten lurzatietan eraikitzeko lizentzia ematea, eraikuntza obren aldi berean beharrezko urbanizazio obra osagarriak exekutatzearen baldintzapean jarri ahal izango da, plangintzak espreski nahiz inplizituki ezarritakoari edo, oro har, haietarako zerbitzu egokiak galdatutako ezaugarriei jarraiki.



3.Lizentzia eskatu eta eraikuntza hasi eta amaitzeko epeen konputua.

—Exekuzio unitateetan barne hartuta ez dauden lurzati eraikigarriak izanez gero, lizentzia eskatu eta eraikuntza hasteko epea bi (2) urtekoa izango da, proektu hau indarrean sartzen denetik hasita.

—Bestalde, exekuzio unitateetan barne hartutako lurzati eraikigarrien kasuan, lizentzia eskatu eta eraikuntza hasteko epea urtebetekoa (1) izango da, bere titularrak edo titularrek hirigintza probetxamendurako eskubidea eskuratzen dutenetik hasita.

—Era berean, aurrez definituta ez badaude, eraikuntza lizentzia emateko egintzan, proiektatutako eraikuntza obrak hasi, gehienez eten eta amaitzeko epeak finkatuko dira.


Aipatutako epeak, dagokionean, eraikuntzaren aldi berean eta osagarri gisa exekutatu beharreko urbanizazio obrei dagokionez ezarriko dira halaber.

—Bestalde, garapen plangintza formulatu beharra dagoela erabakitzen denean, honek finkatuko du lizentziak eskatzeko epea, bai eta, hala badagokio, proiektatutako obrak hasi eta amaitzeko epeak ere.


2.6.2 Artikulua.Lurzoru Urbanizagarrian eraikitzeko ahalmenaren egikaritza.

Lurzoru Urbanizagarria indarrean dagoen hirigintza legeriak ezarritako eraikuntza erregimenaren menpe izango da.

Bertan formulatu beharreko plangintza partzialak definituko du lizentziak eskatzeko epea, bai eta, hala badagokio, proiektatutako obrak hasi eta amaitzeko epeak ere.


2.6.3 Artikulua.Lurzoru Ez-Urbanizagarrian eraiki eta jarduera baimenduak ezartzeko ahalmenaren egikaritza.


1.Lurzoru Ez-Urbanizagarrian eraiki eta jarduerak ezartzeko ahalmenaren egikaritza, indarrean dagoen hirigintza legerian eta Arau hauetan xedatutakoari egokituko zaio.


2.Landa-erabileren eta obra publikoei lotetsitako erabileren ezarpena

—Erabilera hauek ezartzeko, aldez aurretik kasuan-kasuan eskumena duen Administrazioaren organismoak erabilera horiek legeria sektorial aplikagarriari egokitzen zaizkiola jaulki beharko du.

—Nekazaritza ustiapen profesionalizatu gabeak beharkizun honetatik salbu geratzen dira, hauek ezartzeko aski izango baita udal lizentzia zuzenean eskatzea.

3.Bestelako erabilera baimenduen ezarpena.

—Proiektu hau onetsi aurretik zeuden eraikuntzetan.


Eraikuntza hauek kontsolidatutzat hartuko dira beren baldintza anitzekin —eraikuntzaren ezaugarriak; lotetsitako lurzatia; mugetarainoko distantziak; etab.—, Arau Subsidiario hauetan edo hauen garapenean formulatzen diren espediente eta proiektuetan barne hartutako aurreikuspenen ondorio gisa, ordenazioz kanpokotzat jotzen ez badira.

Aipaturiko erabilera horien ezarpenera destinatu ahal izango dira eta ez da beharrezkoa izango eraikuntza berrietarako ezarritako beharkizunak betetzea —gutxienezko lurzatia; distantziak; probetxamendua; etab.—.

Kasu orotan, erabilera horien baimentzea indarrean dagoen hirigintza legeriak ezartzen dituen irizpide eta tramiteetara egokituko da.

—Eraikuntza berrietan.

Lurzoru Ez-Urbanizagarrian baimen daitezkeen jarduera ez-landatarretara —onura publiko edo interes sozialeko erabilerak— destinatutako eraikuntzak ezarri ahal izateko, derrigorrezkoa da aurretik probetxamendu, eraikuntza eta erabilerarako baldintza bereziak definituko dituen plan berezi bat formulatu eta onestea.

Espediente hori Udalak tramitatuko du eta Gipuzkoako Foru Aldundiari aurkeztuko zaio, behin-betiko onespenaren ondorioetarako. Onespen honek Hirigintza Kudeaketa Erregelamenduaren 44. artikuluko «2.2», «2.3» eta «2.4» ataletan aurreikusitako tramitea betetzea dakar ondorioz.


Nolanahi ere, hauen baimena eta ezarpena, lizentzia hau eskatu aurretik zona horretarako bereizgarri diren —edo hauen lagungarri diren— nekazaritza erabileren ezarpenerako eskatutako lizentzietatik eratorritako baldintzapean egongo da, baldin eta Hirigintza Arau hauetan ezarritako separazio baldintzak direla eta, nekazaritza erabilera horiek ezartzea eskatu den erabilera baimenduekin guztiz edo neurri batean bateraezinak gertatzen badira.

4.Eraikuntza berrietan erabilera baimenduak ezartzeko Arau hauek lur azalera jakin baten lotespena galdatzen duten kasuetan, dagokion lehen erabilerarako lizentziaren emakida adierazitako lotespena kreditatu eta bermatuko duen erregistro-ziurtapena aurkeztearen baldintzapean egongo da.



5.Obren proiektuek eta Lurzoru Ez-Urbanizagarrian jarduera ororen ezarpenak, hala badagokio, indarreko legeriak xedatutakoaren arabera beharrezkoak diren ingurugiroarekiko eragina ebaluatu eta zuzentzeko azterlanak galdatuko dituzte.


2.6.4 Artikulua.Ordenazioz kanpoko eraikin, instalazio eta erabilerak.

1.Izaera orokorrez, proiektu honetan edota berau garatzeko formulatzen diren plangintza espedienteetan barne hartutako aurreikuspenekin bat ez datozen egungo eraikinak eta instalazioak ordenazioz kanpokotzat deklaratzen dira.

2.Hiri-Lurzorua eta Lurzoru Urbanizagarria.

Ordenazioz kanpokotzat deklaratzen dira eurak mantentzeak hirigintza plangintzan ezarritako aurreikuspenak betetzea eragozten duten eraikinak eta instalazioak. Hauen artean, proiektu honetako «II.9» planoan adierazten direnak eta, hala badagokio, proeiktu honen garapenean formulatzen diren plangintza espedienteek definitzen dituztenak.

Eraikin eta instalazio hauek indarrean dagoen hirigintza legeriak ezartzen duen erregimenari loturik gelditzen dira eta proiektu honetan edo, hala badagokio, honen garapenean formulatzen diren espedienteetan finkatzen diren epeetan eraitsi beharko dira eta, nolanahi ere, izaera orokorreko nahiz tokiko zuzkidura publikoak exekutatzeko eraispena beharrezko gertatzen denean.

3.Lurzoru Ez-Urbanizagarria.

—Ordenazioz kanpokotzat deklaratzen dira eurak mantentzeak proiektu honetan aurreikusitako zuzkidura publikoen ezarpen, handitze eta abarri buruzko aurreikuspenen exekuzioa eragozten duten eraikinak eta instalazioak, bai eta euren ezaugarriegatik espreski debekatutako erabileren ezarpenera bakarrik destinatu daitezkeenak ere.


Eraikin eta instalazio hauek indarrean dagoen hirigintza legeriak ezartzen duen erregimenari loturik gelditzen dira.

—Proiektu honetan ezarritako zehaztapenen bat betetzen ez duten ordenazioz kanpokotzat deklaratu gabeko eraikin eta instalazioetan, Udalak zehaztapen hauei guztiz edo partzialki egokitzea galdatu ahal izango du eraikin edo instalazio hauek kokatuta daudeneko finka ukitzen duen edozein hirigintza lizentzia emateko aldez aurreko edo aldi bereko baldintza gisa.

—Erabiltzen ez diren eta beren artapen egoera eta bizitzeko baldintzak direla eta aurri egoeran deklara daitezkeen eraikuntzak, ez dira kontuan hartuko dagokion eraikuntza probetxamendua kontsolidatzearen edo dauden eraikuntzetan baimendutako erabilerak eta jarduerak ezartzearen ondorioetarako; hau da, «ez dauden eraikuntzatzat» hartuko dira.


—Egun Amundarain eta Urtxubi ibaiertzeetako babes-zonetan kokaturik dauden eraikinak ez dira ordenazioz kanpokotzat joko. Eraikin haue bere orretan mantentzeko beharrezko diren mantenimendu. Sendotze, berreraikitze edota zabaltze lanak ere egin ahal izango dira, betiere aipaturiko ibai-ubideen babesa arautzen duten irizpideetara egokitzen badira.


2.6.5 Artikulua.Onura publikoko edo interes sozialeko behin-behineko erabileren ezarpena Hiri-Lurzoruan eta Lurzoru Urbanizagarrian.

1.Udalak, plangintzaren aurreragoko exekuzioa oztopatuko ez duten onura publikoko edo interes sozialeko behin-behineko erabilera baimenduak —hauen artean ibilgailu, autobus eta kamioientzako aparkalekuak barne hartzen direlarik— ezarri ahal izango ditu hiri-lurzoru edo lurzoru urbanizagarri gisa sailkatutako titulartasun publiko edo pribatuko lur betegabeetan, beren garapenerako galdatutako hirigintza proiektuak behin-betiko onesten ez diren artean.

2.Horretarako, lurrak aurreikusitako erabilerari egokitzeko proeiktua onetsi beharko du, zeinak ukitzen duen eremuan izango duen eraginaren azterlana barne hartzen duen, eta, hala badagokio, afektatutako jabeekiko bidezko akordioaren kaltetan izan gabe, lurren aldi baterako erabileraren desjabetzapen espedientea tramitatu beharko du.

3.Udalak, lurren erabilera igorri zaieneko beste titularrei, lur horien erabilpena utzarazi beharko die hilabete bateko epean, plangintzaren aurreikuspenei jarraiki eraikuntza edo urbanizazio obrak hasteko beren okupazioa eskatuz titularrak edo titularrek idatziz bidalitako jakinarazpenetik hasita.



4.Udalak, plangintzaren garapenean burutuko diren obrak oztopatu eta obren kostua gehitzen duten lur okupatuetan egindako eraikuntza edo urbanizazio elementu guztiak ezabatu beharko ditu bere kontura, horren ordainez eman beharreko kalteordainetatik lurren behin-betiko urbanizazioan berrerabili ahal izango diren burututako egokitzapen obren kostua kendu ahal izango duelarik.


2.7 KAPITULUA.LIZENTZIAK ERREGULATZEKO ORDENANTZAK

2.7.1 Artikulua.Lizentziapeko egintzak.

1.Indarrean dagoen hirigintza legerian zerrendatzen diren egintzez gain —Hirigintza Disziplinari buruzko Erregelamenduko 1. artikulua eta bat datozenak— eta sustatzailea edozein izanik ere, ondoko egintzak ere lizentziapekoak izango dira:

a)Ondoko obra lagungarriak: Finken, orubeen eta lurren itxiturak egiteko obrak; babes langa edo hesiak, aldamioak, eskoramenduak eta obretako gainerako eraikuntza elementu lagungarriak ezartzea; estalkiak, azoteak, fatxada akaberak edo urbanizazio elementu puntualak —zerbitzuen hartuneak, zoladura birjarpenak, eta abar— konpontzea eta errotuluak, olanak eta markesinak jartzea.

b)Industri edo hirugarren sektoreko erabileren ezarpena.

c)Erauzpen erabilerak ezartzea, esate baterako, agregakinen erauzpena eta harrobien ustiapena.

d)Mota orotako nekazaritza ustiapenetara eta baso-erabileretara destinatutako eraikuntzen eta instalazioen ezarpena.

e)Lurzoru ez-urbanizagarrian lurraldearen ustiapenari ez lotetsitako egoitza erabilerak eta baimen daitezkeen beste erabilera ez-landatarrak ezartzea.

f)Lurzoru ez-urbanizagarrian finka bat banatzea, indarrean dagoen plangintzak lurzatiketarako edo erabilera eta/edo eraikuntza desberdinen afekziorako gutxienezko azalerak zehazten dituenean.

g)Lurzoru ez-urbanizagarrian bideak eta pistak eraikitzea edo aldatzea.

h)Suebakiak zabaltzea.

i)Putzuak egitea.

j)Kanpinak eta kanpalekuak instalatzea.

k)Eraikuntza prefabrikatuak, karabanak edota gela, lojamendu edo aisialdirako izaera finkoko nahiz aldizkako leku gisa (asteburuak, urteko denboraldi jakin batzuk edo aldibaterako beste garai batzuk) erabil daitekeen edozein elementuren instalazioa, inolako zimentadurarik gabe bada ere.


l)Lur mota oro gordailu gisa erabiltzea —ibilgailuen, makineriaren edo beste elementu batzuen biltegia—.

ll)Lurrak zabortegi gisa erabiltzea.

m)Araketa geoteknikorako zundaketen edo lan arkeologikoen burutzapena.

n)Jabari publikora adskribatutako espazioen eta eremuen behin-behineko nahiz behin-betiko okupazioa.

2.Arestian azaldutako lizentziapeko egintzen zerrendak izaera ez-mugatzailea du, hirigintza plangintzan erregulatutako lurraren, lurpearen edo hegalkinaren gaineko edozein jarduerak lizentzia beharko duelarik eta, bereziki, ondoriotzat higiezinaren eraldaketa/aldaketa dakarten jarduerak, lizentzia ez dela beharrezko espreski adierazita dagoen kasuetan ezik.


3.Estatuko edo Autonomia Erkidegoko Organoek edota udal mugartearen barruan barne hartutako edozein lurzoru motaren gainean ondasun publikoak administratzen dituzten Zuzenbide Publikoko Entitateen bidez sustatzen diren egintzek, aurreko epigrafeetan zerrendatuak, era berean udal lizentzia beharko dute.


4.Alabaina, lizentzia ez da beharrezkoa izango eraikinen barnealdean hauen segurtasun baldintza orokorretan eta sare orokorretarako hartuneetan eraginik ez duten konponketa edo berriztapen obrak egiteko, ez eta espazioen barne-banaketan, egituraren elementuetan edo kanpoaldeko fatxadetan eraginik ez duten lurzoru, sabai edo paramentu akaberen konponketa edo berriztapen obrak egiteko ere.


5.Aurreko epigrafeetan aipatzen diren lizentzien eskaera eta lorpena, indarrean den legeriaren arabera, dagokionean, aginduzkoak izan daitezkeen gainerako baimen, txosten, tramite eta abarren kaltetan izan gabe ulertu beharko da.

6.Testuinguru honetan, obra txikitzat hartuko dira ondoko hauek: Eraikin edo instalazioaren bolumena, erabilera objektiboa, etxebizitza eta lokal kopuru aldaketa suposatzen ez duten eta beren egituran edo kanpoaldeko diseinuan edota bizigarritasun eta segurtasun baldintzetan eraginik ez duten teknika errazeko eta entitate eraikitzaile eta ekonomiko txikia duten eraikin edo instalazioaren barrualdeko zein kanpoaldeko obrak. Hauen artean, ondoko hauek barne hartzen dira: Edozein erabileretara destinatutako etxebizitzen, lokalen eta eraikinen barne-banaketaren aldaketa; finken, orubeen eta lurren itxiturak egiteko obrak; babes langa edo hesiak, aldamioak, eskoramenduak eta obretako gainerako eraikuntza elementu lagungarriak ezartzea; estalkiak, azoteak, fatxada akaberak edo urbanizazio elementu puntualak —zerbitzuen hartuneak, zoladura birjarpenak, eta abar— konpontzea eta errotuluak, olanak, markesinak eta antzeko beste batzuk jartzea.

7.Bestalde, jardueren ezarpentzat hartuko da jarduera jakin bat lur, eraikin edo lokal jakin batean garatzera zuzenduriko egintza, «ex novo» izaerarekin bai aurreko beste jarduera bat ordezkatzen duena. Edozein kasutan, jarduera honek indarrean dagoen hirigintza legeriak nahiz aplikagarri gerta daitezkeen beste legezko xedapen batzuek xedatutakora egokitu beharko du.

Hirugarrenei sortzen dizkieten gogaitaldiak, hala balitz, eta indarrean den legeriak gaiari buruz xedatutakoa kontuan hartuz, jaduera horiek, besteak beste, Jarduera Gogaikarri, Kaltegarri, Osasungaitz eta Arrikutsuen Erregelamenduak edo erregelamendu hau ordezkatu edo osatzen duten arauek xedatutakora egokitu behar duten ala ez kontuan hartuz bereizten dira eta hortaz, jarduera jakin bati dagokion irekiera lizentzia derrigorrezkoa den ala ez kontuan hartuz.

Jarduera ezartzeak edozein motatako obrak exekutatzea beharrezko egiten duenean, jarduerari nahiz obrei dagozkien baimen eskaerak espediente bakar batean egingo dira eta udal ebazpen bakarra edo aldiberekoa jasoko dute. Obrarik egitea beharrezko ez balitz, nahikoa izango da dagokion irekiera eta/edo jarduera lizentzia soilik tramitatzea.

2.7.2 Artikulua.Lizentzia eskaeren eduki orokorra.


1.Lizentzia eskaerak, Alkatetzari zuzendua eta interesatuak edo hau ordezkatzen duen pertsonak sinatua, sinatzailearen datu pertsonalak eta lizentzia eskatzen denerako eragiketa motaren —obra, jarduera edo instalazioa— eta bere egoeraren identifikazioa bildu beharko ditu.

Eskaerarekin batera, lizentziaren izaeraren arabera beharrezko diren dukumentuak gaineratuko dira —dagokionean, legeriak ezartzen duen kopuruan eta gutxienez hirukoiztuz—, proiektu honetan adierazitakoak barne, bai eta, hala dagokionean, beste xedapen batzuek galda ditzaketenak ere.

Administrazioaren beste organismo batzuen aldez aurreko baimena edo txostena eduki behar duten, edota hauen aurrean beste edozein tramite eskatzen duten espedienteen kasuan, beti ere delako tramitazio hori Udalak egin behar duenean, bost izango dira gutxienez aukeztu beharreko dokumentuen kopiak.


Dokumentu tekniko guztiak eskatzaileak eta, hurrengo artikuluan seinalatzen diren oharrekin, fakultatibo eskudunak sinatuak aurkeztuko dira, kasu horretan dagokion Elkargo Ofizialaren ikus-onetsia barne hartuko duelarik.

2.Lizentzia eskaerek, kasu orotan, adierazten dituzten jardueren edukia, xedea eta iritsiera xehetasun eta argitasun osoz ulertzeko beharrezkoak gertatzen diren dokumentu eta datu guztiak barne hartuko dituzte.

Izaera orokorrez, eta zentzu honetan adierazten diren salbuespenen kaltetan izan gabe, dagozkien proiektu teknikoek ondorengoak gaineratuko dituzte:

a)Exekutatu nahi diren obren, jardueren edo instalazioen txosten deskribatzailea, berauek indarrean dagoen hirigintza araudira eta, hala dagokionean, aplikagarri izan daitezkeen gainerako xedapenetara egokitzen direla justifikatuz; obrak hasi, egin eta amaitzeko epeak; obren exekuzioarako eta jardueren ezarpenerako programa baldintzatuko duen beste edozein zirkunstantzia, eta abar.

Obra txikiak egiteko, garabi-dorreak instalatzeko eta entitate gutxiko beste egintza batzuetarako lizentzien kasuan, aipaturiko Txostena eta/edo zenbait kontuen justifikazioa aurkeztea ez-beharrezkotzat jo ahal izango da.


b)Hala dagokionean eta indarrean den hirigintza plangintzan, Ordenantza hauetan eta/edo dagokion legeria sektorialean xedatutakoaren arabera, Administrazioaren beste organismo batzuek jaulki beharreko txosten eta baimenak, beti ere hauen eskaera lizentzia eskatzaileari dagokionean.


c)Kokaera-planoa, 1/1.000 eskalakoa, afektatutako eremua hiri-lurzoruan edo lurzoru urbanizagarrian kokatua badago, eta 1/5.000 eskalakoa, lurzoru ez-urbanizagarrian kokatua badago.

d)Afektatutako lurzatiaren edo eremuaren egungo egoeraren 1/200 edo 1/500 eskalako plano topografikoa, zeinean bertan dauden eraikuntza, azpiegitura eta zuhaitz guztiak jasoko diren.

Lurzoru Ez-Urbanizagrrain kokatutako lurren kasuan eta afektatutako eremuaren azaleraren arabera, Udalak 1/1.000 edo 1/2.000 eskalako planoak erabiltzea baimendu ahal izango du.


d)Kokalekuaren eta obren edo instalazioen berplanteketaren planoa, egungo egoeraren planoaren gainean eta honen eskala berean grafiatua, lur mugimenduetarako, urbanizazio obretarako eta eraikuntza obretarako lizentzien kasuan.


Plano honek, egin beharreko obrak eta instalazioak lur horietan kokatzearen deskribapen grafikoaz gain, ezarpen horren funtsezko sestra kotak eta hauen zati ezberdinetatik inguruan argi eta garbi identifika daitezkeen elementuetaraino dauden distantziak barne hartuko ditu, honela, gainazalean nahiz lurpean, perimetroa zuzenean lurrera lekualdatzea posible izan dadin, inolako nahasketarik gabe.


e)Lizentzia eskaerak ondoriotzat obren exekuzioa dakarrenean, aurrekontu xehekatua, kapitulu, lanbide edo teknologiaren arabera taldekatutako obra unitateak bereiziz, hauek neurtuz eta prezio bateratuak emanaz, dagokion industri mozkina eta, hala badagokio, proiektuan eta obra zuzendaritzan parte hartuko duten teknikoen ordainsariak eta BEZ aplikagarria barne hartuz.

3.Proposatutako xedeen edukia eta garrantzia kontuan hartuz, Udalak ondokoak egin ahal izango ditu, beti ere justifikatuz: Beharrezkotzat jotzen den dokumentazio gehigarriaren aurkezpena galdatu; galdatutako dukumenturen baten aurkezpena ez-beharrezkotzat jo; azken hauen edukia birdoitu; ondorio horietarako, obra txikitzat jo eraikuntza obra batzuk, zeinarentzat euren entitate txikiagatik galdaturiko dokumentazioa proportzioz kanpokoa jotzen den.

4.Aurreko ataletan aipaturikoaz gain eta, hala badagokio, exekutatu nahi den obraren, jardueraren edo instalazioaren arabera aplikagarriak diren beste legezko xedapen batzuek xedatutakoaz gain, lizentzia eskaerek ondoren zehazten den dokumentazioa barne hartu beharko dute.

a)Lurzatiketak:

—Jabetzaren Erregistroaren ziurtagiria, non afektatuko finka edo finken jabari zirkunstantziak jasota geratzen diren.

—Afektatutako finkaren egungo egoera eta proposatutako lurzatiketa argi eta garbi isladatzen duen dokumentazio grafikoa.

b)Garabi-dorreen instalazioa:

—Besteak beste, kokaleku-planoak garabiaren gehienezko altuera, kontrapisuaren posizioa, garabi besoaren eta gakoa zintzilikatzen duen orgaren ekortze area, eta ekortze area honetan aurkitzen diren eta/edo aurreikusten diren eraikuntzen eta instalazioen altuera adieraziko ditu.

—Garabiaren funtzionamenduak eta honen obrako egonaldiak sor ditzakeen kalteen gaineko erantzukizun zibil mugagabearen estaldura daukan aseguru poliza.

c)Jarduera Gogaikarri, Osasungaitz, Kaltegarri eta Arriskutsuen Erregelamenduari loturik dauden jardueren ezarpena —sailkatutako jardueren irekitze lizentziak—:

—Txostenak xehetasunez deskribatuko ditu afektatutako eraikinaren edo lokalaren ezaugarriak, bai eta garatu nahi den jardueraren ezaugarriak ere, maneaitu eta fabrikatu beharreko produktuen, erabili beharreko makineriaren, inguruarekiko eragin posibleen (zaratak, bibrazioak, usainak, isurkinak, keak, eta abar), ezarri beharreko neurri zuzentzaileen eta abarren ezaugarriak ere barne.

—Kasu bakoitzerako indarrean diren legezko xedapenek galdatutako dokumentuak eta baldintzak.

d)Lizentziak Lurzoru Ez-Urbanizagarrian:

—Besteak beste, proiektu honetan nahiz, hala dagokionean, indarrean diren legezko xedapenetan ezartzen diren berariazko beharkizunak justifikatu behako ditu Txostenak.


Ildo honetan, halakotzat sailkatutako eta «D.30 Aralarko Parke Naturala» zonan barne hartutako lurrak direnean, «Aralarko Areako Baliabide Naturalen Ordenaziorako Planak» eta honen garapenean formulatutako dokumentuek eta proiektuek diotenari jarraituko zaio.

—Egungo egoera eta kokalekuaren planoetan, besteak beste eta gutxienezko azalera jakin bat duten lurzatien ekarpena derrigorrezkoa denean, lurzati honen mugaketa eta azalera grafiatu beharko da.

—Finka edo finkak Jabetzaren Erregistroan inskribatu izanaren datuak, beti ere gutxienezko azalerako lurzati baten ekarpena galdatzen bada.

—Hala badagokio, lizentzia eskatzailearen nekazari izaeraren justifikazioa, gai honetan eskumena duen Gipuzkoako Foru Aldundiko dagokion Departamentuak jaulkitako ziurtagiria aurkeztuz.

e)Eraikinen eta instalazioen lehen erabilpena.

—Obra lizentziaren edo lizentzien kopia.

—Obra amaieraren ziurtagiria, beronen Zuzendariak izenpetua, eta dagokion Elkargoak ikus-onetsia, hauek emandako lizentziaren arabera exekutatuak izan direla kreditatzen duelarik.

—Efektiboki exekutatutako obraren planoak. 1/200 edo 1/500 eskalako udal kartografiaren gainean lurzatiaren behin-betirako egoeraren plano bat ere barne hartuko da, burututako eraikuntzak eta urbanizazio obrak barne hartuko dituelarik, ondorezten diren sestra kota berriak seinalatuz.

—Eraikuntzen eta instalazioen kanpoaldearen argazkiak.

—Azken likidazioa, obren edo instalazioen benetako kostua adieraziz, berauen Zuzendariak sinatua.

—Behin-betiko kalifikazioaren zedula, babes ofizialeko etxebizitzen kasuan.

—Obra berri deklaratu izanaren eskrituraren eta dagokion lizentzian ezarritako baldintzetara egokitzen den jabego horizontalaren kopia baimendua.

Honetaz gain, beti ere horretarako aurrez beste mekanismorik ezarri ez denean, edota lizentzian espreski horrela finkatu denean, eskritura horretan bertan edo honen osagarri den beste batean, Udalari egin beharreko derrigorrez lagatzeko lurren transmisioa formalizatuko da, bai eta lagatu behar izan ez diren eraikuntza eskubide garatuak justifikatzeko eraikuntza edo instalazio horiek ekarpen gisa gaineratutako lurrekiko duten lotura ere. Lur hauen jabetza ezingo da eraikuntzaren jabetzatik banandu.

—Dagokionean, Ondasun Higiezinen gaineko Zergan alta eman izana.

—Dagokionean, Ekonomi Jardueren gaineko Zergan alta eman izana.

5. Eskatutako lizentziak hainbat modalitateetan barne hartua izateko baldintzak biltzen dituenean, modalitate hauetako bakoitzerako eskatzen diren dokumentu beharkizunak bete beharko dira.

2.7.3 Artikulua.Lizentzien titulartasuna eta beronen transmisioa.

1.Lizentziaren titular kontsideratuko da, berak bertan edo beste pertsona baten bidez ordezkaturik eskatzen duena.

2.Lizentziaren titular denak beronen aurreikuspenak exekutatuko ditu, udal kontrolpean, aipatu exekuzioa ezarritako baldintzetara egoki dadin arduradun delarik, bai eta dagokion Ordenantza Fiskalak zehaztutako tasen ordainketarako arduraduna ere.

3.Eskatzailea ordezkapenez edo mandatuz aritzen den balizkoan, berezitasun hori kreditatu egin beharko du. Beste kasuetan, lizentziaren titular gisa kontzeptuatua izango da, eragin guztietarako, ordezkatuarekin edo mandatugilearekin solidarioki.

4.Lizentzien titulartasuna indarrean dauden legezko xedapenetan ezarritako baldintzetan transmititu ahal izango da.

Transmisioa gertatzen denean, obrak exekutatzen ari badira, hauen egoera zehaztu beharko da.

Kasu orotan, titular berriak bere gain hartu beharko ditu espreski bere aurrekoak hartutako konpromiso eta obligazio guztiak, hala badagokio, horri buruz formulatutako dokumentu publikoak aldatuz.

Kasu orotan, jabari publikoko ondasunak afektatzen dituzten obra edo jardueretako lizentzien titulartasunaren transmisioak, Udalaren aldez aurreko baimen espresua beharko du edo, hala badagokio, ondasun horien titularraren baimena.

2.7.4 Artikulua.Lizentzien tramitazioa.

1.Honako artikulu honen hurrengo epigrafeetan, bai eta, dagokionean, indarrean dauden beste legezko xedapenetan xedatutakoaren kaltetan izan gabe, lizentzien tramitazioa Erregimen Lokalari buruzko indarrean den Legerian xedatutakora egokituko da.

2.Nekazaritza ustiapen arruntak afektatzen dituzten lizentzia eskaerek, hala badagokie, eta indarrean dauden legezko xedapenetan nahiz proiektu honetan bertan xedatutakoari jarraiki, Gipuzkoako Foru Aldundiaren Nekazaritza eta Arrantza Departamentuaren edo hau funtzioetan ordezkatzen duen organismoaren aldez aurreko ziurtagiriak, baimenak edo txostenak izan beharko dituzte.

3.Lurzoru Ez-Urbanizagarri gisa sailkatutako eta «D.30 Aralarko Parke Naturala» zonan barne hartutako lurrak afektatzen dituzten lizentzia eskaerek, «Aralarko Areako Baliabide Naturalen Ordenaziorako Planean» eta horren inguruan formulatutako gainerako xedapen eta proiektuetan aurreikusitako txostenak, baimenak eta abar izan beharko dituzte.

4.Halaber, Lurzoru Ez-Urbanizagarrian lurraldearen ustiapenari loturik ez dauden egoitzazko erabilerak eta baimen daitezkeen beste zenbait erabilera ez-landatar ezartzeko lizenzia eskerek, Hirigintza Arau hauetako «2.6.3» artikuluan ezarritako tramitazioa eta baimena eduki beharko dute aldez aurretik.

5.Ezarri nahi den erabilera edo jarduera erabilera globaleko zonan edo dagokion lurzatian indarrean den plangintzak espreski debekatutako erabileren artean dagoenean, edota hauei zuzenean asimilatzen zaienean, horretarako eskatzen diren jarduera edo irekitze lizentziak zuzenean ukatu egingo dira, beren tramitazioa bidezkoa ez delarik Jarduera Gogaikarri, Osasungaitz, Kaltegarri edo Arriskutsuen Erregelamenduan ezarritakoaren aarabera.

Osterantzean, burutu nahi den jardueraren ezarpenak obren exekuziorik eskatzen badu, espediente bakarra tramitatuko da, bertan ebatzitakoak irekitze lizentzia nahiz obra lizentzia barne hartuko dituelarik.

2.7.5 Artikulua.Lizentzien eraginkortasunerako baldintza orokorrak eta bermeak.

1.Lizentziek, exekuzio epeei, proiektaturiko obren edukiaren aldaketei, lurzoruaren urbanizazio eta lagapen obligazioei buruzko baldintzak eduki ahal izango dituzte, eta udal eskumenaren berezkoak diren beste zenbait aspektu, Udalak ezarri behar dituelarik beti ere hauen bidez lizentzia baten ukapena ekiditen bada.

2.Obrak exekutatzeko lizentzia bat ematerakoan, obra hauek hasteko, hauen gehienezko etena egiteko eta amaitzeko epeak zehaztu beharko dira.

Edozein zirkunstantziagatik epe horiek zehazten ez badira, hala badagokio, lizentzia eskatzaileak proposatutako obrak hasteko eta amaitzeko epeak bete beharko direla ulertuko da, edota, eskatzailearen proposamen ezean, hiru eta sei hilabetekoa —obra txikien kasuan— eta sei hilabete eta urtebetekoa —obra handien kasuan— dela ulertuko da. Aipatutako epea eskatzaileari dagokion udal erabakia jakinarazten zaion unetik aurrera zenbatuko da.

Plangintzan edota lizentzia emateko erabakian horri buruzko erreferentzia espresua egin ezik, obrak ezingo dira ezein kasutan sei hilabetetik gora eten edo gelditu.


3.Lizentzia baten emakidan, bere exekutibotasuna dokumentazio osagarriaren aurkezpenera baldintzatzen denean, behin hau aurkeztu ondoren, Udalak hamar lanegun edukiko ditu eskatzaileari zuzendu behar diren akats posibleak jakinarazteko, eta akats hauek konpondu arte, aipatu dokumentazioaren exekutibotasunak etenik jarraitzen duen ala ez. Azken balizko honetan gehienezko epe bat ezarriko da eskatutako zuzenketen aurkezpenerako, eta berau ez bada betetzen, inolako deklarazio espresuaren beharrik gabe lizentzia berriz etenik gera dadin gauzatuko da, udal irizpidearen arabera akatsak konpondu arte.


Ezarritako hamar egunetako epea eskatzaileak gaiari buruzko Udalaren jakinarazpenik gabe iragaten bada, aurkezturiko dokumentazioa onartutzat ulertuko da, baina hala eta guztiz ere, emandako lizentzian ezarritakoa urratu edo aldatzen duten dokumentazioaren aspektuek, edota indarrean dagoen legeriaren aurkakoak gertatzen direnek, ez dute inolaz ere baliotasunik edukiko.

4.Lizentzia emateko proiektu teknikoa eskatzen duten kasu guztietan, bai eta aipaturiko proiektua hasiera batean beharrezkoa gertatzen ez bada ere, Udalak emakida erabakian baldintza hori ezartzen duen kasuetan ere, lizentziaren titularrak obra zuzendari bat izendatu beharko du, obren izaerarekin bat datorren titulazio teknikoarekin, eta, dagokionean, bere eginkizunetan laguntzen dion erdi-mailako teknikaria —dagokion aparejadore, arkitektu tekniko edo injineru teknikoa—.


Aipatutako izendapena, izendatutako teknikarien onespen espresuarekin, Udalari jakinaraziko zaio obrak hasi baino lehen, adierazpen hori, era berean, emandako lizentziaren exekutibotasunerako ezinbesteko betebeharra delarik.


5.Lizentziak ez dira exekutiboak izango dagozkien tasen zenbatekoa ordaintzen ez den bitartean, berauen izenpetze egintzan finkatuak.

6.Kokaleku eta zoinketa planoa eskatzen den lizentzia guztietan, obra hauek hasi aurretik, lizentziaren titularrak zoruaren gainean hauen ezarpen efektiboarekiko udalaren ontzat emana eskatu beharko du, zeina zoinketa akta deritzanean adieraziko den.

7.Irekitze lizentzien eta eraikuntza obren lizentzien titularrek —kasu orotan—, eta obra txikien eta beste jarduera batzuen ezarpenerako titularrek —emakida erabakian espreski ezartzen denean—, lehen erabilpenerako lizentzia lortu beharko dute —obrari, jarduerari edo biei dagokiena—, lizentziaren gai diren eraikuntzak eta lokalak aurreikusitako helburuetara destinatu ahal izan eta dagokion jarduerari ekin ahal izan baino lehen.

Eraikuntza edo lokal batek irekitze edo jarduera lizentzia eta obrak egiteko lizentzia eskatzen baditu, lehen erabilpenerako lizentziei dagozkien tramiteak aldiberean egin ahal izango dira, eta espediente bakarra osatu ahal izango dute.

Kasu orotan, titularrek hirugarrenen batek eraikuntzaren erabilpen edo okupazio egintzak buru ditzan ekidin beharko dute, aipatu lizentzia eman arte.

Aipatutako lizentzia lortzea ezinbesteko betekizuna izango da eraikuntza hiri zerbitzu sareetara efektiboki lotzeko —ur hornikuntza, energia elektrikoaren hornidura, telefonoak, eta dagokionean, gas hornidura— konpainia hornitzaileek dagokion alta ukatu beharko dutelarik betekizun hau betetzen ez denean.

2.7.6 Artikulua.Lizentzia mota desberdinen eraginkortasunerako baldintza bereziak, betekizunak eta garantiak.

1.Lurzatiketa lizentziak.

Lurzati baten banantze edo zatiketa lizentzia ematen denean, beste batetara edo batzuetara gaineratzeko helburuarekin, eskatzaileak taldeketa efektiboki burutu den eskrituraren kopia baimendua eta berau Jabetzaren Erregistroan aurkeztu izanaren justifikagiria aurkez ditzan baldintza esekitzailearen menpe geratuko da, bere inskripzioaren eraginetarako. Adierazitako baldintza betetzen ez den bitartean, eskatutako lurzatiketa eraginik gabe geratuko da.

2.Eraikuntza lizentziak.

Eraikuntza lizentziak oinarrizko proiektu baten arabera ematen direnean, bere exekutibotasuna eta obrei hasiera emateko posibilitatea, exekuzio proeiktua aldez aurretik dagokion Elkargo Ofizialaren xedapenek galdatutako betekizunekin aurkeztu eta bere baimentzera baldintzatuta geratuko da.

Aipatutako proiektuak ezin izango du emandako lizentziaren baldintza bakar bat ere aldatu, ez eta lizentziaren gai den oinarrizko proiektuaren exekuzio materalari hertsiki dagozkionez gain beste zehaztapenik barne hartu ere.

Exekuzio proiektuaren aurkezpena eta lizentziaren exekutibotasuna, aurreko artikuluaren 3. epigrafean dokumentuen aurkezpen osagarrirako izaera orokorrarekin ezarritako betekizunei egokituko zaie.

3.Behin-behineko eraikuntzen, instalazioen eta erabileren lizentziak.

Behin-behineko eraikuntzen, instalazioen eta erabileren lizentziek, ez dute eraginik sortuko, eta honen ondorioz, baimen ditzaten erabilerak edo eraikuntzak ezin izango dira hasi, Jabetzaren Erregistroan beren inskripzioa justifikatu arte, interesatuak honen behin-behineko izaera, eta lizentziaren gai den erabilera, Udalak adierazten duenean eta kalte-ordainik jasotzeko eskubiderik gabe utzi eta/edo eraikuntza erauzteko obligazioa onartuz.

2.7.7 Artikulua.Zerga, tasa eta eskubideen ordainketa.

1.Lizentzia tasa eta zergen zenbatekoa, beren kasu eta modalitate desberdinetan, dagozkion Ordenantza Fiskalek finkatuko dute.

2.Lizentzia emate egintzan finkatutako eskubideen ordainketak «konturakoa» izaera edukiko du, lizentziaren titularra obra amaitzen denean bere behin-betiko kostua deklaratzera obligaturik dagoelarik, dagokionean likidazio osagarria praktika ahal izan dadin.

3.Udal zerbitzuek deklarazio hauen egiazkotasuna egiaztatu ahal izango dute, obraren exekuzioan parte hartu duen pertsona orori kostua zehazteko beharrezko aurrekariak, ziurtagiriak eta dokumentuak eskatuz.

4.Obrek udal jabari publikoko ondasunen, hegalkinak ere barne, probetxamendu bereziak inplika zitzaten suposamenduan, eskatzaileak dagozkion Ordenantza Fiskalen ondoriozko eskubideak eta tasak ordainduko ditu, berauek finkatzen dituzten edo lizentziaren emakida erabakiak ezartzen duen denbora eta moduan.

2.7.8 Artikulua.Erregistro-garantiak.

1.Jabetzaren Erregistroari jakinaraziko zaio lurzatiketa lizentzien emakida eta lurzatien hirigintza probetxamenduaren osotasuna edo zati bat biltzen duten solairu berriko eraikuntza lizentziaren gai diren lurzatien zatiezintasuna, indarrean dagoen hirigintza legeriaren arabera inskribatzeko.


2.Halaber, Lurzoru Ez-Urbanizagarrian kokatutako finken banantze edo zatiketak Hirigintza Arau hauek erabilera, eraikuntza eta lurzatiketa erregimenari dagokionez ezarritako zehaztapenetara egokitu beharko dira kasu bakoitzean.


3.Inskripzioari datxezkion gastuak kasu orotan lizentziaren onuradunaren kargurakoak izango dira.

2.7.9 Artikulua.Zoinketa.

1.Bidezko den kasuetan, lizentziaren efektibotasunerako galdatutako betekizunak bete ondoren, lizentziaren titularrak idatziz eskatu beharko du udal teknikari batek proiektatutako eraikin edo eraikuntzen zoinketaren berrikuspena buru dezan. Berrikuspen horretara derrigorrez obren zuzendari teknikoa edo zuzendari teknikoak bertaratu beharko dira.

2.Aipatutako zoinketa lizentziaren gai diren eraikuntzen perimetroa lurretara lekualdatzean oinarrituko da, bere funtsezko sestrak eta lerrokadurak seinalatuz dagokion eskaeran barne hartutako kokaleku eta zoinketa planoak ezarritakoaren arabera, eta dagokionean lizentzia emakida erabakian ezar zitezen zuzenketekin.


3.Eskaera aurkeztu den datatik aurrera, Udalak zoinketa egiteko aurreikusitako eguna eta ordua eta egintza hau ziurtatuko duen/duten teknikariaren/teknikarien izena/k jakinaraziko dizkio eskatzaileari.


Ezarritako hamar eguneko epea eskaeraren titularrak gaiari buruz Udalaren jakinarazpenik jaso gabe iragaten bada eta, edozein kasutan, eskaera aurkeztu unetik hogei eguneko epea iragaten bada, obren exekuzioa hasi ahal izango da, nahiz eta bide honen bitartez emandako lizentziak edota indarrean dagoen hirigintza araudiak ezarritakoaren aurkako eskubiderik inolaz ere lortu ezin izango den.

4.Zoinketa lizentziaren baldintzei zuzenean egokitzeko eragozpenik egongo balitz, Udal Teknikariak erabakiko ditu bertan sartu beharreko aldaketak.


2.7.10 Artikulua.Obra zuzendaritzaren aldaketa.

Edozein arrazoi dela medio, obretako zuzendari teknikotakoren batek bere kargua utziko duela aurreikusten denean, gertakari hori Udalari jakinarazi beharko dio alderdietariko edozeinek —sustapena edo ukituriko teknikoa— hamabost eguneko aurrerapenarekin, zuzendari berri baten funtzioko kargu hartzea jakinarazten den bitartean obrak ezingo direlarik jarraitu.

2.7.11 Artikulua.Lizentzien edukiaren aldaketak.


1.Obren exekuzioan zehar lizentzia batean xehekapen aldaketak sartu nahi direnean, gertakaria Udalari jakinarazi beharko zaio, honek zerbitzu teknikoen txostena eskatuko duelarik.

2.Hauek, beren txostenean, aldaketa garrantzi txikikoa den eta indarrean dagoen hirigintza araudiari egokitzen zaion aztertuko dute, ondorioz zuzenenan onartu daitekeelarik edota, alderantziz, lizentzia emakidarako erabaki espezifiko baten gai izan behar duen.

3.Kasu honetan, gertakaria lizentziaren titularrei jakinaraziko zaio eskabidea aurkeztu eta ondorengo hamar egunetako epearen barruan, beharrezko balitz aurkeztu behar duen dokumentazio gehigarria seinalatuz.

4.Seinalaturiko epea lizentziaren titularrak gai honi buruz udal jakinarazpenik jaso gabe iragango balitz, aldaketa onartutzat hartu ahal izango da, bere exekuzioa has daitekeelarik, nahiz eta bide honen bitartez indarrean dagoen hirigintza araudiaren aurkako eskubiderik inolaz ere lortu ezin izango den.

5.Lizentzien edukiaren aldaketa garrantzitsuak kasu orotan dagokion lizentziarekin batera aurkeztu beharko dira, zeinaren eskaera eta tramitazioa prozedura arruntari egokituko zaizkion.

2.7.12 Artikulua.Lizentzien luzamendua.

1.Lizentzia bati hasiera eman eta berau exekutatzeko epeak behar bezala justifikaturiko arrazoiengatik luzatu ahal izango dira soilik, doakionak aldez aurretik idatziz eskatu ondoren, ezarritako exekuzio epearen amaiera baino 15 egun lehenago.

2.Behin bakarrik emango den luzamenduaren iraupena, obren edo baimendutako jardueren amaierarako beharrezko balioesten den epea izango da gehienez, ordurarte burututako zatia kontuan hartuz.

3.Kasu orotan, aipaturiko luzamenduak dagozkion tasak sortuko ditu.

2.7.13 Artikulua.Lizentzien iraungipena.

1.Obra lizentziak ondorengo edozein kasutan iraungiko dira, aldez aurretik udalak gaiari buruzko deklarazio espresua burutu ondoren:

a)Obrak ez badira hasten, bai lizentziaren emakida erabakiak helburu horretarako ezartzen dituen epean, bai sei hilabeteko epean, berau eman izanaren jakinarazpenetik aurrera kontatuko delarik.

b)Sei hilabete baino gehiagoko exekuzio epea daukaten obren kasuetan, emandako epearen erdia mugaeguneratu ondoren proiektu osoaren aurrekontuko %20a gaindi dezan baliozko obrarik buruturik ez badago.

c)Baimendutako obra lizentzia ematerakoan ezarritako epean, edota, dagokionean, berau eman izanaren jakinarazpenetik aurrera kontaturiko sei hilabeteko epean ez amaitzeagatik.

d)Baimendutako obrak hasi ondoren, hauek sei hilabete baino gehiagoko epez etenik geratzeagatik.

Aipatutako obrak etenik daudela kontsideratuko da, dagoeneko burututako lanez gain, beste noizik behinkako lanik edo lan osagarririk burutzen bada ere, horrelakotzat hartzen direlarik lizentziari geratzen zaion baliotasun epearen barruan jarduera amaitzeko behar adina intentsitatea duen berrasiera suposatzen ez dutenak.

e)Era nabarmen eta garbian lizentziako baldintzetakoren bat betetzen ez denean.

2.Izaera orokorrez, industri edo hirugarren sektoreko erabilera edo jarduerak ezartzeko lizentziak, berauek gelditu eta dagokion lokala bederatzi (9) hilabeteko baino epe handiagoz isten denean, eta, edozein kasutan, Ekonomi Jardueren gaineko Zergan baxa gertatzen denean iraungiko dira.

3.Behin lizentzia baten iraungipena deklaratua izan ondoren, beharrezkoa izango da lizentzia berria eskatzea oraindik exekutatu gabeko obrak amaitzeko edo jarduera berrasteko.

2.7.14 Artikulua.Konpondu eta garbitzeko betebeharra.

Lizentziaren titularra, obren ondorioz bide publikoetan eta gainerako alboko espazioetan sortzen diren hondaketak konpontzera eta haiek garbitasun egoeran mantentzera beharturik egongo da.

2.7.15 Artikulua.Obren uztea.

Lizentziaren gai diren obrak bertan behera utziko balira edota hauek amaitzeko aurreikusitako epea amaitu delako etenik geratuko balira, Udalak, subsidiarioki, bide publikoen edo landa-ingurunearen segurtasuna eta apaindurak bermatzeko beharrezko gerta litezkeen obrak egingo ditu, edota, erabiltzen diren eraikinen kasuan, hauen funtzionaltasun egokia bermatzeko, bai eta hondatutako urbanizazio elementuak berrezartzeko obrak ere. Obra hauen kostuaz lizentziaren titularrak eta, subisidiarioki, lurzatiaren jabeak erantzun beharko dute.

2.7.16 Artikulua. Obren amaiera eta eraikinak eta instalazioak erabileran jartzea, eta jarduerari hasiera ematea.

1.Obra lizentziaren titularrak, obrak behin aipaturiko lizentziaren arabera amaitu ondoren eta Udalak ondoren baimendu edo agindutako aldaketekin, idatziz jakinaraizko dio gertakari hau Udalbatzari eta, hala badagokio, lehen erabilpenerako lizentzia eskatuko du aldez aurreko betekizun gisa eraikinaren edo instalazioaren erabilerari hasiera emateko.

2.Horretarako, dagokion dokumentazioa aurkezteaz gain, ondorengo baldintzak bete beharko ditu:

a)Eraikitakoak, indarrean dauden legezko xedapenek galdatutako segurtasun, osasungarritasun eta apaindura publikoko gutxienezko baldintzak biltzea, eta bere instalazioak funtzionamendu egoera egokian egotea.

b)Galdatutako urbanizazio obra osagarriak exekutaturik egotea, ezarritako baldintzetan.

c)Bide eta espazio publikoetan sortutako hondaketak konpondurik egotea, eta haiek garbitasun baldintza egokietan aurkitzea.

3.Jarduera Gogaikarri, Osasungaitz, Kaltegarri eta Arriskutsuen Erregelamenduaren «34». Artikuluak adierazten duen jarduera hasi baino lehen egin beharreko aginduzko egiaztapen bisitaldia, lehen erabilpenerako lizentziaren espedientearen tramitazioaren esparruan burutua izango da.

4.Udalak ezin izango du lehen erabilpenerako lizentzia eman baldintzak jarriz, beraz, udal zerbitzuen aginduzko txostenean ezarritako baldintzaren baten ez-betetzea azaltzen bada, berau espreski ukatu edo prozedura eten egin beharko da, eskatzaileari antzemandako akatsak adieraziz eta hauek konpontzeko epea seinalatuz, zeinak, inolako kasuan, lizentziaren iraungipenerako ezarritakoa ezin ahal izango duen gainditu.


Epe hau iragan ondoren, Udalak beharrezko obren exekuzio subsidiarioari ekin ahal izango dio.

5.Lehen erabilpenerako lizentzia lortzea ezinbesteko betekizuna izango da hiri zerbitzuetan alta lortzeko eta ondoren barauei lotzeko —ur hornikuntza, energia elektrikoaren hornidura, telefonoak eta, dagokionean, gas hornidura—.


HIRUGARREN TITULUA

LURZATI ERAIKIGARRIEN ERAIKUNTZA ETA ERABILERAREN ORDENANTZA ERREGULATZAILEAK

1. Zatia. Aplikazio Orokorreko Xedapenak

3.1 KAPITULUA.ORDENANTZAK APLIKATZEKO OINARRIZKO DEFINIZIOAK

3.1.1 Artikulua.Kontzeptuen terminologia.

Hirigintza Arau hauen aplikazioaren ondorioetarako, jarraian azaltzen diren kontzeptuek dagokien definizioetan zehazten den esanahia izango dute.

—Lurzati lerrokadura:

Lurzatiak espazio publikoetatik nahiz beste lurzatietatik bananduz, lur urbanizatuaren gainazalean lurzatiak mugatzen dituen lerroa da.

—Eraikuntza lerrokadura:

Lur urbanizatuaren gainazalean, sestra gaineko nahiz sestrapeko eraikuntzaren oinplanoko gehienezko inguratzailea definitzen duen lerroa da.

—Erretiroa:

Plano horizontal batean neurtutako lurzati lerrokadura baten edozein puntutatik eraikinaren punturik hurbilenera neurtuko da, hegalkinak kontuan hartuz baina teilategalak baztertuz.

—Fatxada azalera:

Eraikuntza lerrokaduratik hasita bertikalki altxatzen den azalera da.

—Atzeraemangunea:

Fatxada azalerarekiko atzera egiten duen edozein puntutatik fatxada azalerainoko distantzia da.

—Artekorma:

Bi eraikuntza adosatu mugatzen dituen azalera bertikala da, bientzat komuna den lurzati lerrokadura gainean.

—Eraikuntza altuera:

Eraikin baten fatxada azaleraren altuera da, kasu bakoitzean ezarritako irizpideen arabera neurtua.

—Espazio estali baten altura librea:

Espazio eraiki bateko sabai amaituaren behealdearen puntu jakin batetik zoru amaituaren azaleraraino dagoen distantziarik laburrena da.

—Eraikuntza profila:

Eraikin baten sestra gaineko nahiz sestrapeko oin kopurua da.

—Estalki aldapa:

Fatxada azaleraren goragoko mailatik estalkiaren bolumenaren baimendutako inguratzailea konfiguratzen duen aldapa da.

—Estalki-profila:

Estalkiaren bolumenaren baimendutako inguratzailearen sekzioa da, fatxada azalarekiko plano bertikal eta perpendikular batez sortua.

—Sotoa:

Sestrapean eta lurpean kokatutako oina da, sarbidera destinatutako espazioan izan ezik.

—Erdisotoa:

Parztialki lurperatutako oina da eta zorua lur urbanizatuaren sestraren azpitik 0,80 m. baino gehiagotan kokatua duena eta bere sabaia 1,20 m. baino gehiagoko altuerara ateratzen dena. Erdisoto ointzat hartua izateko, bi neurri horiek bere perimetroaren %60an baino gehiagon bete beharko dira.

—Behe-oina:

Sestra gaineko lehen oina da, soto edo erdisotoaren gainean.

—Goi-oina:

Behe-oinaren gainetik kokatutako oina da.

—Estalkipea:

Zuzenean estalkiaren solairu edo taularen azpian kokatutako oina da.

—Fatxada:

Eraikinaren kanpo aldeko itxiera paramentua edo planoa da.

—Hegalkinak:

Fatxadatik kanporatzen diren eta itxiak zein irekiak izan daitezkeen bizitzeko egokiak edo okupagarriak diren elementuak dira.

Hegalkinaren sakontasun deitzen zaio hegalkin horren zatirik edo elementurik irtenenetik dagokion fatxadaraino dagoen distantziari.

—Teilategalak:

Estalkien errematea fatxadaren planotik kanpora konfiguratzen duten fatxadatik irtendako elementuak dira.

—Patioak:

Etxebizitzen bizigarritasun baldintzak bermatzeko eraikinen barrualdean zabaltzen diren espazioak dira.


—Sabaiondoa:

Eraikuntza probetxamendu edo eraikuntzaren profil ondorioetarako bere azalera konputagarria ez den solairu edo forjatu gehigarria da, behe-oinetan baimen daitekeena eta hauetaik funtzional nahiz juridikoki zatiezina dena.

3.1.2 Artikulua.Eraikuntza probetxamenduaren konputurako irizpideak.

Honako espazio hauek eraikin baten eraikuntza probetxamenduaren zati bezala konputatuko dira izaera orokorrez:

—1.80 m. baino gehiagoko altuera librea duten espazio irekiak nahiz itxiak —aipatutako altuera gainditzen duen hauen zatiak konputatuko du—.

—Eraikuntzaren elementu trinkoak.

—Patioak eta diametro < 1,50 m.-ko instalazioen eroanbideak.

—Igogailuen baoak.

—Mota orotako balkoi, terraza, egutera eta karrerapeak, estaldura dutenean eta erabilera publikoko zortasunetara jartzen ez direnean. Euren azaleraren %50a konputatuko da.

—Estalkipeetan, arestian aipatutako espazio eta elementuek konputatuko dute, baldin eta nagusiki lurzatiaren erabilera bereizgarri edo baimenduetara destinatzen badira edota hauen erabilera lagungarrietara —zerbitzu instalazioak edo trastelekuak— destinatzen badira ere, ez badute okupatutako lokalekin batera erregistro unitate bereiziezina osatzen, edota trstatelekuen kasuan, beharkizun hau beterik, lokaleko 15,00 m²(e)baino gehiagoko azalera erabilgarria badute.

Aitzitik, ondoko espazio eta elementuak ez dira inoiz eraikuntza probetxamenduaren zati gisa konputatuko:


—Baimendutako sotoak eta erdisotoak, azken hauek Arau Partikularretan kasu bakoitzerako ezartzen diren eraikuntza baldintzetara egokitu beharko dutelarik.

—Altueran 1,80 m. baino gutxiago duten espazio estali eta itxiak.

—Diametro > 1,50 m.-ko patioak eta instalazioen eroanbideak.

—Behe-oinean kokatutako erabilera publikoko karrerapeak.

—Industri eraikuntzetan izaera orokorrez baimendutako sabaiondoak.

3.1.3 Artikulua.Eraikuntza profila zehazteko irizpideak.


Sestra gaineko ointzat hartuko dira eraikuntzaren behe-oinak eta goi-oinak.

Bestalde, estalkipeko oina ez da oin gehigarritzat jotzen eraikuntzaren profilaren erregulazioan, nahiz eta eraikuntza probetxamendu gisa konputatzen duen, aurreko artikuluan ezarritako irizpideen arabera.

Sestrapeko ointzat hartuko dira sotoak eta erdisotoak.


3.1.4 Artikulua.Eraikinen oin desberdinen eraikuntza altuera eta fatxada altuera neurtzeko irizpideak.


Eraikuntza altuera, beheragoko erreferentzia gisa fatxada azalerak lur urbanizatuarekin topo egiten duenean duen punturik baxuena neurtuz hartuko da eta goragoko erreferentzia gisa fatxada azaleraren punturik gorenenearen maila edota fatxada eta estalkiaren planoaren arteko elkargunearen maila neurtuz hartuko da, baimendutako txapitulen kasuan ezik, hauek ez baitira kontuan hartuko.

3.1.5 Artikulua.Izaera orokorrez aplikagarriak diren eraikuntza baldintzak.

1.Izaera orokorrez, eta kasu bakoitzean Hirigintza Interbentziorako Areetarako Arau Partikularrek edo garapen plangintzak ezar ditzaketen baldintza murriztaileagoen kaltetan izan gabe, Udal Mugartean burutzen diren eraikuntzetan bi (2) soto oin eraikitzea baimentzen da.


2.Arau Partikularrek edo garapen plangintzak ezar ditzaketen baldintza murriztaileagoen kaltetan izan gabe, sestra gaineko bigarren oinaren —edo lehen goi-oinaren— zoru amaituaren mailak gehienez 4,50 m.-ko altueran kokatua egon beharko du, lur urbanizatuaren sestratik neurtua.

3.Goi-oinen gutxienezko altuera librea, Hirigintza Arau hauetan ezarritako irizpideen arabera finkatua, 2,45 m.-koa izango da.

Aipaturikoa baino gutxiagoko altuera duten eraikuntzak ordezaktu behar diren kasuetan, eraikuntzaren altuera osoa handitzea baimenduko da, oin horiei aipaturiko altuera eman ahal izateko. Baina irizpide hau ezin aplikatuko zaio estalkipeko oinen altuerari.


2. Zatia. Hiri-Lurzoru eta Lurzoru Urbanizagarrian aplikagarriak diren Ordenantzak

3.2 KAPITULUA. «EGOITZA ERABILERARAKO LURZATIETAN» APLIKAGARRIAK DIREN «ERAIKUNTZA» ETA «ERABILERA» ORDENANTZA OROKORRAK («a» lurzatiak)

1. sekzioa. Egoitza erabilerarako lurzatietan aplikagarriak diren eraikuntzaren forma erregulatzeko baldintza orokorrak («a» lurzatiak)

3.2.1 Artikulua.Baldintza orokorrak.

1.Zeharkako erregulazioa eraikuntzaren lerrokaduren arabera.

Erregulazio hau aplikatuko da eraikuntza eta urbanizazio garapen kontsolidatuak eta dagokion lurzatiarekin bat datorren lerrokadurari jarraitzen dioten eraikuntzez konfiguratutako lurzatiak barne hartzen dituzten zonetan. Eraikuntza horiek eraikuntza profil aski homogeneodun fatxada jarraiak dituzte eta, hauetako fatxadetako batean gutxienez, espazio publikoen mugakide dira —kaleak, espazio libreak, eta abar—.

Kasu horietan, zeharka erregulatzen da azalera eraikigarria, dagoen eraikuntzaren formaren bitartez eta ez era espresuan.


Eraikuntzak emaitzazko fatxaden eta, hala baleude, artekormen azaleraren arteko bolumen osoa edo zati bat okupatuko du, lurzati bakoitzean baimendutako gehienezko eraikuntza altueraraino. Horren gainetik, fatxada nagusia eta bigarren mailakoaren artean, eraikuntza profilaren arabera konfiguratutako estalki azalerara mugatuko da.

Altuera lurzati bakoitzaren pareko erdiko puntuan neurtuko da, egoerarik aurkakoenean, baimendutako eraikuntza probetxamenduari jarraituz, hegalkinei eta atzeraemanguneei, eta barne-patioak irekitzeari dagozkien berariako erregulazioak ezarriz.

Lurzati horietan hiru eraikuntza interbentzio mota burutu daitezke:

—Artapen interbentzioak, artapen maila hertsiko gisa katalogatutako eta eraitsi ezin diren ez eta euren bolumenean eta kanpoko tratamenduan alda ezin daitezkeen eraikinetan.

—Egun dauden eraikinetan berritze eta birgaikuntza interbentzioak. Eraikin hauetako elementu berrituek —altxapenak ere barne, dauden eraikinen altuera ez bada baimendutako gehienezko eraikuntza altuerara iristen— ezarritako eraikuntza baldintzak bete beharko dituzte.

—Eraikinak ordezkatzeko interbentzioak. Hauei dagozkien eraikuntza lerrokadurak definitzen dira, zeinak ezarritako eraikuntza baldintzen arabera garatuko diren oso-osorik.


2.Espreski eta zuzenean definitutako lerrokadura, eraikuntza probetxamendu eta ordenantzen araberako erregulazioa

Batik bat garapen berriko lurzatietean aplikatuko da.


Hauei dagokienean —lerrokadurak, probetxamendua, altuera, profila, eta abar—, Hirigintza Interbentziorako Areetarako Arau Partikularretan eta proiektu honetan barne hartutako planoetan, bai eta, hala badagokio, proiektu honen garapenean formulatzen den plangintzan xedatutakoari jarraituko zaio.

3.Egoitza erabilerarako lurzatietan izaera orokorrez aplikagarriak diren eraikuntzaren sestrei eta euskarri mailei dagozkien baldintzak.

Egun urbanizatuta dauden areetan eraikuntzen sestrak eta euskarri mailak kontsolidatzen dira, berrurbanizaziorako interbentzioetan birdoitzeak egin ahal izango diren arren, beti ere urbanizazio obren proiektuetarako izaera orokorrez ezarritako moldaketa aukeren baitan.

Urbanizazio berriko area edo elementuetan, urbanizazio proiektuek definituko dute mailen eta sestren behin-betiko konfigurazioa, erreferentzia gisa proiektu honetako «II.10» planoan espreski definitzen diren punturik esanguratsuenen mailak hartuz.

3.2.2 Artikulua.«a.10 Eraikuntza Irekiko Egoitza Lurzatietan» aplikagarriak diren eraikuntzaren forma erregulatzeko baldintza orokorrak.

1.Lerrokadurak.

Eraikuntzaren lerrokadurak, fatxada guztietan eta, hala badagokio, lurpean, proiektu honetako «II.10» planoan irudikatutakoak dira.

2.Lurzatiketa.

Eraikuntza kontsolidatuen kasuan eta, hala badagokio, Arau Partikularretan edo garapen plangintzan ezarritako birdoitzeen eta aurreikuspenen kaltetan izan gabe, eraikuntza horiei loturik dagoen lurzatiketa kontsolidatzen da. Ildo honetan, eraikuntza hori ordezkatzeko interbentzioek lurzati horretan dagoen eraikuntza osoan izango dute eragina derrigorrez.


Gainerako kasuetan, dagozkion Arau Partikularretan edo hauen hauen garapenean formulatuko den plangintzan ezarritako irizpideetara egokituko da lurzatiketa.


Ez da onartuko bi lurzati edo gehiago gehitzea eraikuntzak ordezkatzeko operazioetan, Arau Subsidiario hauek Exekuzio Unitateak mugatzen dituzten kasuetan ezik.


3.Eraikuntzaren gehienezko altuera eta profila.

Altuera hau gainditzen duten eraikinen kontsolidazioaren kaltetan izan gabe, eraikuntza horien sestra gaineko gehienezko altuera 12,60 m.-koa izango da.

Bestalde, eta era berean aipaturiko kontsolidazioaren kaltetan izan gabe, gehienezko sestra gaineko eraikuntza profila lau (4) oinekoa izango da eta sestrapekoa, berriz, bi (2) oinekoa.

4.Teilategalak.

Teilategalaren hegalkinaren gehienezko irtengunea fatxada azaleran 1,10 m.-koa izango da. Hegalkinak dituzten fatxada tarteuneetan, teilategala hauekiko 40 zm. kanpora daiteke.

5.Hegalkinak eta atzeraemanguneak.

Hegalkinak, itxiak —behatokiak, galeriak eta antzekoak— edota irekiak —balkoiak, terrazak eta antzekoak— izan daitezke.

Hegalkinak ezingo dute eraikuntzaren fatxada bakoitzean, eraikuntzaren aurre aldeko fatxadaren %40a eraikuntzaren oin kopuruarekin biderkatuz lortzen den emaitza baino gehiago okupatu. Hegalkin hauek oin bakar batean edo gehiagotan pila daitezke. Hauen fatxada azalerarekiko sakontasuna, berriz, ez da 70 zm. baino gehiagokoa izango.

Parez pare duten espazio publikoaren edo urbanizatutako lurraren sestraren gaineko 3,00 m.-ko altueratik gora bakarrik baimenduko dira hegalkinak.

Hala ere, egun dauden hegalkinak kontsolidatu egiten dira.

Bestalde, atzeraemanguneak libreak izango dira, hauen hondoak ezingo duelarik eraikinaren aurre aldearen erdia gainditu.

6.Estalkiak.

Lehentasunez, bi, hiru edo lau isuraldekoak exekutatuko dira eta egun dauden estalkien ezaugarri eta antolaeretara egokituko dira, ezarri diren profil baimenduari buruzko baldintza orokorrak bete beharko direlarik kasu orotan. Estalkien isuraldeentzat baimendutako gehienezko aldapa %40koa da.

Estalkien profil baimendutik ondoko elementu hauek bakarrik kanpora daitezke: Tximiniak; aireztapen edo hozte hodiak; argizuloak; estalkiaren azaleraren paralelo diren eta altuera 0,40 m.-koa baino txikiagoa duten sabaileihoak; 1,20 m.-ko gehienezko aurrealdea duten, euren artean 2,40 m.-ko gutxieneko separazioa duten eta eraikinaren goihabearena baino altuera txikiagoa duten txapitulak; irrati eta telebistarako antenak eta derrigorrez estalki gainean altxa beharreko instalazioen elementu teknikoak.

7.Patioak.

Ondoko baldintzetan baimentzen dira:

—Barne-patioen edo lurzatikoen tamainak bertan patioaren altueraren herenaren pareko diametroa duen zirkulua jartzeko behar adinakoa izan beharko du, gutxienez 3 metroko diametroa izan beharko duelarik, eraikinaren oinetako edozein puntutan 2 metro baino gutxiagoko estutzeak galeraziz.

—Patiogainak argizuloz estali daitezke, beti ere, patioa aireztatu ahal izateko, argizuloa eta patioko hormen artean alboetan espazio libre bat uzten bada, zeinaren azalerak patioaren oinplanoko %20koa izan beharko duen.


—Patioko zoruak ur-hustubideak izan beharko ditu.

—Lur horren gainean ezingo da ezein eraikuntza egin.

—Patioko zoladurak ezingo du argiztatu edo aireztatu beharreko dependentziko zoruaren mailaren gainetik 0,60 m.-ra baino gorago egon.

8.Sestra gaineko erabilera pribatuko espazio ez-eraikigarriak.

Hauetan ez da ezein eraikuntzarik onartuko.

Kasu orotan, nahitaezkoa izango da beste finkeekiko separazioetan eta hauen mugakide diren espazio publikoetan itxierak egitea, Hirigintza Arau hauetako 3.2.22 artikuluan ezarritakoaren arabera.

3.2.3 Artikulua.«a.20 Garapen Baxuko Egoitza Lurzatietan» aplikagarriak diren eraikuntzaren forma erregulatzeko baldintza orokorrak.

1.Lerrokadurak.

Aplikagarriak izango dira aurreko artikuluaren 1. atalean ezarritako baldintzak.

Sotoen edo erdisotoen oinplantako perimetroa ezingo da ezein kasutan seinalatutako eremutik kanporatu.

2.Lurzatiketa.

Egun dauden eta proiektu honek kontsolidatzen ditien eraikuntzen kasuan, era berean hauei loturiko lurzatiak ere kontsolidatzen dira, euren ezaugarri eta beharkizunekin, hauen banantzea edo beste batzuetara biltzea baimentzen ez delarik, dagozkien lur guztiak edo hauen zati bat mugatutako Exekuzio Unitateetan barne hartuta egon ezik.

Bestalde, garapen berriko eraikuntzen kasuan, proiektu honetan nahiz, hala badagokio, honen garapenean formulatzen den plangintzan ezarritako irizpideetara egokituko da lurzatiketa.

3.Eraikuntzaren gehienezko altuera eta profila.

Altuera hau gainditzen duten eraikinen kontsolidazioaren kaltetan izan gabe, eraikuntza horien sestra gaineko gehienezko altuera 9,60 m.-koa izango da.

Bestalde, eta era berean aipaturiko kontsolidazioaren kaltetan izan gabe, gehienezko sestra gaineko eraikuntza profila hiru (3) oinekoa izango da eta sestrapekoa, berriz, bi (2) oinekoa.

4.Teilategalak.

Hegalkinak dituzten fatxada tarteuneetan, teilategalen sakontasunak hegalkin horietarako ezarritako arau berak bete beharko ditu, hegalkin horiekiko 0,40 m. kanporatzea baimentzen delarik.

Hegalkinik gabeko tarteuneetan, 1,10 m.-ko sakontasuna izango du teilategalak.

5.Hegalkinak eta atzeraemanguneak.

Eraikin berrietan —lehendik zegoen bat ordezkatzen badute nahiz ordezkatzen ez badute—, hauen mugakide diren bide publiko edo espazio librearen gaineko irtenguneak eraiki ahal izango dira.

Hegalkinak, itxiak —behatokiak, galeriak eta antzekoak— edota irekiak —balkoiak, terrazak eta antzekoak— izan daitezke.

Hegalkin itxiek ezingo dute eraikuntzaren fatxada bakoitzean, eraikuntzaren aurrealdeko fatxadaren %30a eraikuntzaren oin kopuruarekin biderkatuz lortzen den emaitza baino gehiago okupatu. Hegalkin hauek oin bakar batean edo gehiagotan pila daitezke. Hauen fatxada azalerarekiko sakontasuna, berriz, ez da 80 zm. baino gehiagokoa izango.

Hegalkin irekiak itxietarako ezarritako irizpide beretara egokituko dira.

Kasu orotan, hegalkin itxi eta irekien batuketak ez du hauek kokatuta dauden fatxada alde bakoitzaren luzeraren %40a gaindituko, lehen adierazitako irizpide beraz neurtuz. 5,00 m. baino gutxiagoko luzera duten fatxada aldeetarako, kasu orotan, gehienez 3,00 m.-ko fatxada aldeetan baimenduko da hegalkinen antolaera.

Hegalkin baten edozein puntuaren eta mugakide den finkaren arteko gutxieneko distantzia 2,00 m.-koa izango da.

6.Estalkiak.

Hauen konposizioa librea izango da, lau, hiru edo bi isuraldekoak egin beharko direlarik eta, kasu orotan, ezarri diren profil baimenduari buruzko baldintza orokorrak bete beharko direlarik. Estalkien isuraldeentzat baimendutako gehienezko aldapa %40koa da.

Estalkien profil baimendutik ondoko elementu hauek bakarrik kanpora daitezke: Tximiniak; aireztapen edo hozte hodiak; argizuloak; estalkiaren azaleraren paralelo diren eta altuera 0,40 m.-koa baino txikiagoa duten sabaileihoak; irrati eta telebistarako antenak eta derrigorrez estalki gainean altxa behar diren instalazioen elementu teknikoak.

7.Sestra gaineko erabilera pribatuko espazio ez-eraikigarriak.

Lanabesak gordetzeko kutxatzarrak bakarrik baimenduko dira.

Kasu orotan, nahitaezkoa izango da beste finkeekiko separazioetan eta hauen mugakide diren espazio publikoetan itxierak egitea, Hirigintza Arau hauetako 3.2.22 artikuluan ezarritakoaren arabera.

2. sekzioA. «Egoitza erabilerarako lurzatietan» aplikagarriak diren «erabilera» baldintzak («a» lurzatiak)

3.2.4 Artikulua.Egoitza erabilerarako lurzatietan erabilera baimenduak ezartzeko erregimen orokorra («a» lurzatiak).

1.Egoitza erabilerarako lurzatiak etxebizitza erabileretara destinatuko dira batik bat, lurzati hori barne hartuta dagoen erabilera globaleko zonari esleitutako kalifikazio orokorreko erregimenaren arabera.

2.Bestalde, lurzati horietan gainerako erabilera baimenduak ezartzea artikulu honen ondorengo ataletan ezarritako irizpideetara egokituko da. Kasu orotan, erabilera hauen baimentzea egoitza erabilera nagusiarekin bateragarri izatearen baldintzapean egongo da.

3.«a.10 Eraikuntza Irekiko Egoitza Lurzatien» erabilera erregimen orokorra.

A.Etxebizitzak.

Sestra gaineko oinetan bakarrik kokatuko dira.

B.Industri erabilerak.

Behe-oinean soilik.

C.Hirugarren sektoreko erabilerak.

—Hotel erabilera.

—Behe-oinean, oinartean eta/edo lehen oinean.

—Lurzati osoa eta eraikuntzaren oin guztiak okupatuz.


—Merkataritza erabilera.

Behe-oinean edo oinartean, etxebizitzekiko sarbide independentea izanaz.

—Bulego erabilera.

—Merkataritza erabileraren baldintza beretan.

—Lehen oinean, etxebizitzekiko sarbide komuna erabiliz.

—Goi-oinetan, lanbide bulegoen modalitatean soilik eta, kasu orotan, etxebizitza jakin baten erabilera lagungarri gisa, azalerako gehienezko 60 m²-ko muga izanaz.


—Lurzati osoa okupatuz.

—Atseden erabilerak.

Merkataritza erabileraren baldintza beretan.

—Hirugarren sektoreko askotariko erabilerak.

Bulego erabileren baldintza beretan.

Ostalaritza erabilera lagungarriak barne hartuz gero, behe-oinean instalatu beharko dira.

D.Ekipamendu komunitariorako erabilerak.

Hotel erabileren baldintza beretan.

E.Garajea.

Dagozkion Arau Partikularretan edota plangintza xehekatuan hauen ezarpena beste leku batzuetan baimentzearen kaltetan izan gabe, garajeak sestrapeko oinetan kokatuko dira lehentasunez.

4.«a.20 Garapen Baxuko Egoitza Lurzatien» erabilera erregimen orokorra.

A.Etxebizitzak.

Sestra gaineko oinetan bakarrik kokatuko dira.

B.Industri erabilerak.

Behe-oinean soilik.

C.Hirugarren sektoreko erabilerak.

—Hotel erabilera.

—Behe-oinean, oinartean eta/edo lehen oinean.

—Lurzati osoa eta eraikuntzaren oin guztiak okupatuz.


—Merkataritza erabilera.

Behe-oinean edo oinartean, etxebizitzekiko sabide independentea izanaz.

—Bulego erabilera.

—Merkataritza erabileraren baldintza beretan.

—Lehen oinean, etxebizitzekiko sarbide komuna izanaz.

—Goi-oinetan, lanbide bulegoen modalitatean soilik eta, kasu orotan, etxebizitza jakin baten erabilera lagungarri gisa, azalerako gehienezko 60 m²-ko muga izanaz.


—Lurzati osoa okupatuz.

—Atseden erabilerak.

Merkataritza erabileraren baldintza beretan.

—Hirugarren sektoreko askotariko erabilerak.

Bulego erabileren baldintza beretan.

Ostalaritza erabilera lagungarriak barne hartuz gero, behe-oinean instalatu beharko dira.

D.Ekipamendu komunitariorako erabilerak.

Hotel erabileren baldintza beretan.

E.Garajea.

Dagozkien Arau Partikularretan edota plangintza xehekatuan hauen ezarpena beste toki batzuetan baimentzearen kaltetan izan gabe, garjeak sestrapeko oinetan kokatuko dira lehentasunez.

5.Soto eta erdisotoko lokalen erabilera baldintzak.

Egoitza erabilera nagusiaren nahiz, hala dagokionean, baimendutako gainerako erabileren erabilera erantsi eta lagungarrietara bakarrik destinatuko dira —garajeak; trastelekuak; eraikinaren eta/edo bertako lokalen eta etxebizitzen zerbitzu instalazioak—, eta erabilera horiek euren kokaleku den eraikuntzaren sestra gaineko oinetan garatuko dira.

Gutxienezko garaje plaza zuzkidura ezartzen denean eta plaza hauek sotoan edo erdia sotoan ezartzea baimentzen denean, espazio horietan ezarritako zuzkidura bete ahal izateko beharrezkoa den azalera erreserbatu eta bermatu ondoren bakarrik ezarri ahal izango dira beste erabilera batzuk.

Halaber, publikoa zerbitzatzea edota pertsonen egonaldi jarraia suposatzen duten erabilerak ere baimentzen dira kanpotik sarbide zuzena duten erdisotoen zatietan, beti ere lurraren sestraren azpitik 1,50 m. baino gutxiagora kokatuta daudenenan eta 1,20 m.-tik gorako altuera duten fatxada tarteuneak dituztenean parean. Kasu orotan, lokal horiek artikulu honetan bertan ezartzen diren gainerako erabilera mugetara loturik egongo dira, hauen artean, erregistro unitate independiente osatzeko debekuari loturik. Izan ere, lokal hauek, kasu orotan, unitate funtzionala konfiguratu beharko dute beren gaineko oinenan kokatutako lokalekin.

Soto eta erdisotoko gainerako lokaletan espreski debekatzen dira publikoa zerbitzatzea edota pertsonen egonaldi jarraia suposatzen duten erabilerak.

6.Behe-oineko lokalen erabilera baldintzak.

—Behe-oinetan eta oinarteetan kokatutako lokalak egoitza erabileretara nahiz goragoko oinetan kokatutako etxebizitzen erabilera lagungarrietara destinatu ahal izango dira. Azken kasu honetan, lokal horiek erregistro unitate bereiziezina osatuko dute etxebizitzekin. Bestalde, euren euskarri den lurrari transmititzen dizkioten karga indartsuak ezaugarri bereizgarritzat dituzten instalazioen elementu teknikoak —deposituak; igogailuen makineria; kalderen gelak; eta abar— lurrean bertan ezarriko dira lehentasunez, edota, hala beleude, sotoetan eta erdisotoetan.

—Honetaz gain, lokal horiek beste erabilera baimendu batzuetara ere destinatu ahal izango dira, kasu bakoitzerako ezarritako muga eta baldintzekin.

7.Goi-oinen erabilera baldintzak.

—Lehentasunez, egoitza erabileretara destinatuko dira, bai eta hauen erabilera lagungarrietara ere, lurrean zuzenean kokatu beharreko edota egoitza erabileretara destinatutako lokalen erabiltzaileentzat molestiak sor ditzaketen instalazioen elementu teknikoak salbuetsiz.


Halaber, etxebizitza erabilerarekin bateragarri diren beste erabilerak ezartzea ere baimentzen da.

—Halaber, aipaturiko egoitza erabileraren lehentasunaren kaltetan izan gabe, goi-oin horietan beste erabilera baimendu batzuk ere baimen daitezke, proiektu honetan kasu bakoitzerako ezarritako baldintzetan.

8.Estalkipeko oinen erabilera baldintzak.

—Lehentasunez, instalazioen elementu teknikoak eta eraikineko etxebizitzen tratsteleku erantsiak ezartzera destinatuko dira.

—Halaber, emaitzazko lokalek proiektu honetan nahiz indarrean diren legezko xedapenetan ezarritako altuera, argiztapen, aireztapen, isolamendu termiko eta abarri buruzko baldintzak betetzen dituztenean, etxebizitza erabilerak baimendu ahal izango dira, ondoko baldintza hauetan:

* Egun dauden egoitza eraikuntza kontsolidatuetan.

Ezingo dituzte ezein kasutan erregistro finka independenteak konfiguratu eta lehendik inskribituta ez baleude, eraikuntza bereko beheragoko oinetan kokatutako etxebizitzen lokal erantsi bezala erregistratu beharko dira.

Ez da ezein kasutan baimenduko lokal hauek etxebizitza independente gisa erabiltzea.

Lokal hauek adskribatuta dauden etxebizitza haren beheko oinean kokatuta badago eta biak barnealdeko eskailara baten bidez lotzen badira, galdatutako bizigarritasun baldintzak biltzen dituzten gelak logela gisa erabili ahal izatea baimendu ahal izango da, kasu horretan gelak estalkipean koka daitezkeelarik.

Aurreko paragrafoan galdatutako erlazio zuzena ezartzen ez bada, edota, bi lokalen artean erlazio espazial zuzena ez dagoelako erlazio zuzen hori ezinezko gertatzen bada, ez da baimenduko lokal hori etxebizitza gisa erabiltzea.

* Eraikuntza berriko eraikinetan, eraikuntza probetxamendua eraikuntza eta probetxamendu ordenantzen bidez erregulatzen denetan, aurreko baldintzak aplikagarritzat ulertuko dira.

* Eraikuntza berriko eraikinetan, lurzatiari gehienezko azalera eraikigarria eta etxebizitza kopurua esleitzen zaionetan, kasu orotan, 1,80 m.-tik gorako altuera duen estalkipearen azalera konputatuko da.

Ez da ezein kasutan baimenduko oin horretan etxebizitza independenteak ezartzea.

9.Karrerapeen eta sestra gaineko area pribatu ez-eraikigarrien erabilera baldintzak.

—Erabilera publikoko zortasunpean ez dauden espazio pribatuak.

Egoitza erabilerako lurzatietara adskribatutako sestra gaineko espazio ez-eraikigarriak baratza, lorategi eta adskribituta dauden eraikuntzako bizilagunei dagozkien egonleku areetara destinatu ahal izango dira izaera orokorrez, bai eta egonleku hauetarako oinezkoen sarbideetara ere.

Lurzatira adskribatutako lurren azaleraren entitateak ahalbidetzen duenean eta espreski baimentzen denean, espazio horiek ibilgailuen sarbide eta gainazaleko aparkalekuetara ere destinatu ahal izango dira, lurzatiak ibilgailuentzako sarbide zuzena badu; kirol erabilera pribatuetara eta gas likidotuen deposituak ezartzera.

—Erabilera publikoko zortasunpean dauden espazio irekiak eta karrerapeak.

Sarbide libreko oinezkoen egonleku eta zirkulazio erabileretara destinatuko dira, tabernetako terrazen, salmentarako kioskoen eta emakida erregimeneko beste antzeko erabilera batzuen murrizketa bakarraz.

3. sekzioA. Egoitza erabilerarako eraikinetako lokalen bizigarritasun baldintza orokorrak (Espazioen dimentsioak, betekizun funtzionalak eta oinarrizko instalazioen zuzkidura)

3.2.5 Artikulua.Baldintza orokorrak.

1.Honako Arau Subsidiario hauen itzalean eraikitzen diren egoitza erabilerarako eraikinek indarrean dagoen araudi orokorrak galdatutako bizigarritasun betekizun orokorrak beteko dituzte.

2.Halaber, izaera osagarriz, Babes Ofizialeko Etxebizitzei buruzko arau erregulatzaileetan edota hauek oredezkatuz egiten direnetan gai honi buruz barne hartutako xedapenak aplikatuko dira, etxebizitzak halakotzat tipifikatzen direnean.


3.Eraikuntza katalogatuek okupatzen dituzten lurzatietan ez dira aplikagarriak izango eraikuntza hauentzat proposatutako lehentasunezko helburuarekin —daukaten eraikuntza tipologiaren zaintza— kontrajarriak dauden edota eraikuntza garapena eragozten duten eta sekzio honetan barne hartuta dauden xedapenak. Ondorio horretarako, eta, honi buruzko kontsulta egin ondoren, Udal Zerbitzu Teknikoek hartu beharrako hautabidezko erabakia proposatuko dute.

3.2.6 Artikulua.Etxebizitzera destinatutako lokalei aplikagarriak zaizkien baldintzak.

1.Etxebizitzaren programa eta dimentsio orokorrak.

a)Etxebizitzaren gutxienezko dimentsioa:

Ezingo dira 40 m²-tik beherako azalera erabilgarria duten etxebizitzak eraiki.

b)Gutxienezko programa:

Etxebizitza orok erabilera desberdineko espazio edo dependentzia hauek izango ditu gutxienez:

—Egonlekua, sukaldea eta jangela barne hartzen diren gela, gutxienez 20 m²-ko azalera erabilgarria duena, edota 16 m²-ko azalera erabilgarriko egonlekura destinatutako gela eta gutxienez 7 m²-ko azalera minimoa duen sukaldea (ikustegia barne). Egonlekuan 3 m.-ko diametroko zirkulua inskribitu ahal izango da.

—Bi ohe barne har ditzakeen logela, mas, gutxienez 10 m² —ko azalera erabilgarria duena.

—Konketa, komuna, dutxarako platera edota polibana edo bainuontzi motza duen bainu-gela, gutxienez 3,5 m² —ko azalera erabilgarria duena.

—2 m²-ko azalerako arropa esekitegia.

c)Etxebizitzen bataz besteko tamaina:

Lizentziaren gai den unitate bakoitzean, etxebizitzek, bataz beste (etxebizitzara destinatutako azalera osoa etxebizitza kopuruaren artean zatituz), gutxienez, 80 m²(s)-ko dimentsioa izango dute a.10 lurzatietan, —ondoko kasua salbuetsiz: Gehienezko eraikuntza probetxamendu eta etxebizitza kopurutik eratorritako bataz besteko tamaina duten unitate exekuzioetan barne hartutako eraikuntzak—, eta 150 m²(s)-ko dimentsioa a.20 lurzatietan, azalera horretatik garaje, trasteleku eta abar bezalako elementu lagungarriei dagokien azalera baztertuz.


2.Gelen eta piezen gutxienezko dimentsioak.

a)Azalera erabilgarria:

Sukaldea: 7 m².

Sukalde-jangela edo sukaldea-egonlekua: 20 m².

Egongela: 16 m² (3 m.-ko diametroko zirkulua inskribitu ahal izango da).

Banako gela: 6 m².

Binako gela: 10 m².

Bainu-gela osatua: 3,5 m².

b)Gutxienezko zabalera librea.

—Korridoreek eta, oro har, igarobide guztiek 0,90 m.-eko gutxienezko zabalera izango dute, zutabeen edo beste elementu batzuen irtenguneen ondorioz zabalera hori puntualki 0,85 m.ra gutxitzea baimenduko den arren.

—Barnealdeko eskilarek, hala baleude, 0,85 m.-ko gutxienezko zabalera izango dute, horma artean mugatuak geratzen ez direnean. Kasu honetan, 0,90 m.-ko zabalera izan beharko dute gutxienez.

—Ateondoak 1,20 m.-ko gutxienezko zabalera izango du.

c)Gutxienezko altuera librea.

—Etxebizitza unitate ororen gutxienezko altuera librea 2,45 m.-koa izango da, bainu-gela, korridore eta biltegirako dependentzia txikietan edota pertsonen egonaldi luzeetara destinatzen ez diren espazioetan ezik, hauetan altuera 2,20 m.-ra jeitsi ahal izango delarik.

—Halaber, txapitula-formako piezak pertsonen egonaldietara destina daitezen baimenduko da, beren azaleraren %40an duten altuera ezarritako gutxienezko altuera librearen berdina edo gehiagokoa bada.

3.Gelen argiztapen eta aireztapen baldintzak.


a)Etxebizitza orok eraikuntzaren kanpoaldeko fatxadetara zabaltzen den baodun gela bat izan beharko du. Gela hori egongela izango da, egongela-logela edota sukalde-egonleku modalitateetan.

b)Egongela edo salara, logelara, sukaldera eta jangelara destinaturiko espazioak argiztapen naturaleko baoak izango dituzte, bai eta zuzenean kanpora —edota, hala badagokio, patiora— zabaldutako aireztapen baoak ere, zeinak praktigarriak izan beharko duten euren arearen 1/3an gutxienez. Baoen hedadurak dagozkien espazioen oinplanoko azaleraren 1/10ena izan behako du gutxienez eta, kasu orotan, ezingo du 1 m² baino gutxiagokoa izan.

c)Bainu-gelek gutxienez 0,40 m²-ko aireztapen baoak izango dituzte eta garbigelek (komuna eta konketa) 0,25 m²-koa. Baina bao horiek ondoko sistema hauetakoren baten bitartez ordezkatu ahal izango dira:

1.—Hodi bidezko aireztapena, ATE-OIA «Osasungarritasun Instalazioak: Aireztapena» arau teknikoei jarraituz, 1975eko Uztailaren 2ko Ordenaz onetsiak, edota etorkizunean arau hauek ordezkatuko dituzten arauei jarraituz.

2.—Bitarteko mekanikoen bidezko aireztapena, bitarteko horiek orduko hogeita hamar metro kubikoko (30 m³/orduko)gutxienezko erauzpen emaria bermatu beharko dutelarik.

d)Sukaldeak eraikinaren estalkira edo gainaldera aterako den lurrinak erauzteko hodia izan beharko du. Honetaz gain, sukaldean jarritako instalazioen arabera beharrezko gerta litezkeen berariazko hodiak erantsiko dira (ke erauzlea, gasa, eta abar).

4.Etxebizitzen antolamendu funtzionala

Espazioen zatitzeak ondoko baldintzak bete beharko ditu:


—Garbigelak espazio independenteak izango dira beti.

—Logela bat gutxienez espazio independentea izango da beti.

—Logela orok sarbidea izan beharko du zirkulazio espazioetatik edota egongelatik eta ez du ezein kasutan beste logela batetiko sarbide bakarra izango.

—Bainu-gela eta garbigeletarako sarbidea zirkulazio espazioetatik egingo da, bainu-gela bat baino gehiago dagoen kasuan ezik. Kasu honetan, bainu-geletako batek galdatutako beharkizuna bete beharko du eta besteak logeletara loturik egon daitezen baimenduko da, sarbidea logelatik izanik.

—Lau logelako etxebizitzek bi banu-gela osatu izan beharko dituzte derrigorrez.

5.Etxebizitza lokaletarako sarbideen baldintzak.

a)Ezkaratzak.

—Gutxienezko zabalera 2,20 m.-koa izango da eta gutxienezko luzera, berriz, 2,00 m.-koa, sarbideko ateak osatutako planotik neurtua.

—Ezkaratzerako sarbide den ateak eskailararen edota, eskailara bat baino gehiago egonez gero, hauen batuketaren zabalera bera edo handiagoa izan beharko du, gutxienezko 1,40 m.-ko argia izanik, atearen orrietako bat finko mantendu ahal izango delarik, burdindegiko elementu mugikorren bidez.

—Ezkaratzean ezingo dira behe-oineko eta sotoetako lokaletarako sarbide ateak zabaldu, hauek etxebizitza komunitatearekin zuzenean loturik ez dauden erabileretara destinatzen badira.

b)Eskailarak.

—Paramentu arteko eskailara espazioaren gutxienezko zabalera 2,20 m.-koa izango da eta 1,00 m.-koa eskailara-atalena —hau ere eurak mugatzen dituzten paramentu artean neurtua: Eskailara kutxaren horma eta baranda, eskubanda edo igogailuaren baoaren itxiera—.

—Mailagainaren gutxienezko zabalera, hegalkina edo moldura kontuan hartu gabe, 27 zm.-koa izango da eta mailarteak ez du 18 zm. baino gehiago izango.

—Eskailera-atal bateko gehienezko maila kopurua 18koa izango da.

—Eskailera kurbetan, eskaileraren gutxienezko zabalera 1,10 m.-koa izango da eta mailen mailagainaren gutxienezko dimentsioa 0,25 m.-koa izango da, eskubandaren barnealdeko lineatik 0,45 m.-ra neurtua, etxebizitza familibakarretan eta hauen barnealdean ezik.

—Lokaletarako edo etxebizitzetarako sarbide ateak dituzten mailburuek 1,20 m.-ko gutxienezko hondoa izango dute.

—Erdibideko mailburuek, lokaletarako edo etxebizitzetarako sarbide ateak ez dituztenek, mailaren luzera bereko gutxienezko hondoa izango dute.

—Atedun mailburuetako mailen ertzetik ateetarainoko gutxienezko distantzia 25 zm.-koa izango da.

—Debekatu egiten dira mailburuak angeluan, erdibitutako mailburuak eta eskailera konpentsatuak, etxebizitza familibakarretan eta hauen barnealdean ezik.

—Eskailerako eskubandaran gutxienezko altuera 0,95 m.-koa izango da, mailagainaren kanpoaldeko ertzaren bertikalean neurtuta.

—Barandetako eta eskubandetako balaustreen gehienezko separazioa, horizontalki neurtua, 12 zm.-koa izango da.

—Eskailera kutxaren konfigurazioak pertsona bat ohatilean ebakuatzea ahalbidetu beharko du kasu orotan.

—Eskailerek zuzeneko aireztapena eta argia jasoko dute fatxadetako batetatik edota leihodun patio batetik, goi-oin bakoitzeko gutxienez, zeinaren azalera ez den 1,00m2-koa baino txikiagoa izango.

c)Igogailuak.

—Derrigorrezkoa izango da igogailua instalatzea ezkaratzeko ardatzean neurtutako sarbidearen sestraren mailaren gainetik 10,75 m.-ra baino gehiagora kokatutako etxebizitzera destinatutako oinik duen eraikin guztietan.

—Igogailuaren abio altuera aurreko paragrafoan adierazitako erreferentzia mailara egokituko da.

—Egun dauden eraikinetan igogailuak instalatu ahal izango dira eskailera kutxetan edota patioetan, eskaileran nahiz patioan gelditzen den espazio libreak aurreko paragrafoan elementu hauetarako adierazitako dimentsioak eta ezaugarriak betetzen baditu.

3.2.7 Artikulua.Beste erabilera baimendu batzuetara destinaturiko lokaletan aplikagarriak diren baldintzak.

1.Gutxienezko altuera librea.

Lokal mota hauen gutxienezko altuera 2,60 m.-koa izango da 40 m² baino gutxiagoko azalera duten espazioetan; 2,80 m.-koa 40 m² baino gehiagoko baino 80 m² baino gutxiagoko azalera dutenetan eta 3,00 m.-koa 80 m²-tik gorako azalera dute-

netan. Halaber, garbigela edo biltegi izatera destinaturiko eta beste erabileretara destina ezin daitezkeen dependentzia lagungarrietan, altuera 2,20 m.-ra jeitsi dadin baimenduko da, bai eta artikulu honetako 7. epigrafean ezarritako baldintzak betetzen dituzten sabaiondopeetan 2,40 m.-ra jeistea ere. Dena dela, ezaugarri hauek dituzten lokalak ezingo dira jendearen egonaldi luzeetara destinatu.

2.Sarbidea.

Behe-oineko lokal guztiek sarbide zuzena izango dute eraikinaren kanpoaldetik.

3.Gutxienezko azalera.

Lokal hauetako bakoitzaren azalera erabilgarria ez da 25 m²-koa baino txikiagoa izango.

4.Jendaurreko salmentarako gutxienezko azalera.

Merkataritza lokal bakoitzean jendaurreko salmentara destinaturiko zonak 10 m²-ko azalera izan beharko du gutxienez.

5.Aireztapena.

Artikulu honetan barne hartutako lokaletako pertsonen egonaldi jarraira destinaturiko zatiak argiztapen eta aireztapen naturala izango ditu eta, behar izanez gero, argiztapen eta aireztapen artifizialek lagunduko diete hauei, honela gutxienez orduko lau bolumenen aire berritzea ziurtatuko delarik. Azken honetarako, Udalak onetsi egin beharko duen instalazioaren proiektu xehekatua aurkeztea galdatuko da, gai horretan aditua den pertsonak abalatua.

Aireztapen naturalak bao praktigarriak izan beharko ditu heren batean behintzat. Eta bao hauen azalerak ezingo du aireztatzen duten lokal zatiaren edukieraren hamarrena (1/10) baino txikiagoa izan.

Behar hauek aurreikusiz, eraikuntza berriko eraikinek behe-oinean edo oinartean egoitzaz bestelako erabileretara destinaturiko lokalen aireztapenerako hodiak izan beharko dituzte, hodi hauek etxebizitzetarakoetatik independente izan beharko dutelarik, eta euren gutxienezko dimentsioek 900 zm2 izan beharko dutelarik lokal eta frakzioen 200 m² bakoitzeko.

Sukaldea, frijigailua, erregailua, plantxa, labea edota antzeko instalazioren bat barne hartzen duten ostalaritza edo atseden jardueren kasuan, keak eta gasak kanpora aterako dituen hodi independentea jarri beharko da derrigorrez, zeinaren gutxienezko sekzioa 200 zm2-koa izango den teilategalaren gainetik 2,00 m.-raino gutxienez. Hodi honek eraikinaren barnealdetik joan beharko du, hodi hau fatxadan edo patioetan instalatzea espreski debekatzen delarik.

Soilik trasteleku eta biltegi izatera destinaturiko lokalek eta dependentziek argiztapen eta aireztapen artifiziala bakarrik eduki ahal izango dute.

6.Garbigelen zuzkidura.

Lokal bakoitzak soto edo erdisoto lokaletan kokatutako garbigela —komuna eta konketa gutxienez— izan beharko du, zeinaren argiztapen eta aireztapen sistemak etxebizitzetako garbigeletarako eta bainugeletarako aurreikusitakoren bat izan beharko duen.

7.Sabaiondoak behe-oinetan.

a)Behe-oineko lokalean barne hartuta dauden eta eraikineko elementu amankomun baterako edota beste finka baterako irteera independenterik ez dutenak bakarrik baimentzen dira, lokal horrekin derrigorrez erregistro unitatea osatu beharko dutelarik.

b)Oin hauek 4,80 m. baino gehiagoko altuera librea duten lokaletan bakarrik eraiki ahal izango dira. Gutxienezko altuera librea 2,40 m.-koa izango da behe aldean eta 2,20 m.-koa sabaiondoan.

c)Gehienezko azalerak eurak kokatuta dauden behe-oineko lokaleko zoruaren azaleraren %40a ezingo du gainditu.

d)Baimendutako sabaiondoak ezingo dira etxebizitza gisa erabili, ez eta publikoa zerbitzatzeko edota jendearen egonaldi jarrairako ere.

3.2.8 Artikulua.Garajeetara destinaturiko lokalen baldintzak.

1.Gutxienezko azalera eta dimentsioak.

Garajeen gutxienezko azalera erabilgarria 20 m²-koa da ibilgailu bakoitzeko, azalera honetan espaloiak, maniobrak egiteko korridoreak, eta abar barne hartuz, baina zerbitzu sanitarioetara, hala baleude, edota beste zerbitzu batzuetara (biltegitxoak, eta abar) destinatutakoak barne hartu gabe, etxebizitza familibakarretan ezik.

Garaje plaza bakoitzeko gutxienezko dimentsioa, sarbideak, igogailuak hartzeko atartea, eta abar kontuan hartu gabe, 2,20 bider 4,50 metrokoa izango da.

2.Gutxienezko altuera librea.

Gutxienezko altuera librea 2,20 m.-koa izango da lokalaren osotasunean.

3.Sarbideak.

—Garajeek hiru metroko gutxienezko zabalera duten sarbidea izan beharko dute 1. kategoriakoak badira eta bost metrokoa 2. kategoriakoak badira. Azken hau hiru metroko gutxienezko azalera duten bi sarbidetan banatu ahal izango da.


—Arrapala zuzenek ezingo dute %18ko aldapa gainditu eta jira edo biraketako arrapalek ezingo dute %15koa gainditu; hauen gutxienezko zabalera 3 metrokoa izango da, bihurguneetan beharrezkoa den zabalera gehigarriaz, eta ardatzean neurtutako kurbadura-erradioak sei metrokoa izan beharko du gutxienez.

—Garaje guztiek arauzkoa den sarbidearen zabalera bereko mailburua izango dute, honek arrapala hasi aurretik bost metroko hondoa izan beharko duelarik gutxienez, azalera honetan azalera erabilgarria barne hartu gabe (esate baterako, oinezkoentzat espaloiak, eta abar). Mailburu horren sestrak %3ko aldapa izango du gehienez.

—Mailbaru zona hau estalita badago, zona honen zoru-sabai altuerara 2,40 m.-koa izango da gutxienez eta habepeko atalasean 2,10 metrokoak izango dira punturik baxuenak.

—Garajea higiezineko igogailuarekin edo eskailerarekin komunikatua egon daiteke. Kasu honetan, erdibideko isolamendurako atartea izan beharko du, itxiera automatikoko ate blindatuez, etxebizitza familibakarren kasuan ezik.


—1. kategoriako garajeetan, sarbide-arrapala jasogailu edo karga-jasogailu batez ordezka daiteke. Kasu honetan, irteerako mailburua ezarri beharko da, zeinaren ezaugarriak arrapala ezartzeko galdatutakoen antzekoak izango diren.

4.Aireztapena.

Garaje erabileretara destinatutako lokaletan, aireztapen naturala nahiz artifiziala lurrin eta gasen pilaketa ekiditzeko behar adinako zabaltasunaz proiektatu beharko dira. Hau garejeen aireztapenerako soilik aurreikusitako patio edo tximinien bitartez egingo da eta patio edo tximinia horietara garajeko baoak bakarrik zabalduko dira. Tximiniek estalkiaren altueratik metro bat gorago altxa beharko dute.

Garajeen aireztapena sistema hauen bitartez egingo da gutxienez:

—20 plaza baino gutxiagoko garajeek 30 x 30 sekzioko aireztapen hodia beharko dute estalkiraino edota plaza bakoitzeko 0,30 m²-ko gutxieneko azalera duen leiho bateraino; 20 eta 30 plaza bitartekoek, 40 x 40 sekzioko hodia edota lehen emandako dimentsioetako leihoa; eta 30 plazatik gorakoek, garajearen bi muturretan kokatuko diren lehengo neurrietako bi hodi. Kasu honetan aireztapenari buruzko azterlan berezia egin beharko da, gutxienez orduko 8 aire berriztatzea lortu ahal izateko.

5.Garajeak etxebizitza familibakarretan.

Etxebizitza familibakarretan ondoko baldintzak baimentzen dira garaje erantsietarako:

a)Plazaren gutxienezko dimentsioak 2,55 metroko zabalera eta 4,80 metroko luzera dira.

b)Sarbidearen eta, hala balego, arrapalaren gutxienezko zabalera 2,70 metrokoa izango da.

c)Arrapalaren mailburua 2,70 metro bider 3,50 metrokoa izango da gutxienez, arrapalaren garapenean %18ko aldapa izango duelarik gehienez.

d)Garajea zuzenean kalearekin komunikatzen delako sortutako aireztapen naturala baimentzen da.

e)Hustubide independentea edota sare orokorrari lotutakoa izan beharko du.

4. sekzioA. Egoitza erabilerarako eraikinetako instalazioen eraikuntza-kalitate eta funtzionaltasun baldintzak

3.2.9 Artikulua.Baldintza orokorrak.

1.Arau Subsidiario hauen itzalpean eraikitzen diren egoitza erabilerarako eraikinek indarrean den araudiak galdatutako instalazioen kalitate-baldintzari eta funtzionaltasunari buruzko beharkizunak beteko dituzte.


2.Halaber, izaera osagarriz, Babes Ofizialeko Etxebizitzei buruzko arau erregulatzaileetan edota hauek ordezkatuz ematen direnetan barne hartutako gai honen inguruko xedapenak bete beharko dira halakotzat tipifikatzen diren etxebizitzetan.

3.2.10 Artikulua.Saneamendurako Instalazioak.

1.Garbigelako ontzi, harraska eta latsarri guztiek itxiera hidarulikoa izan beharko dute, sifoiek erraz erregistratzeko modukoak eta eskuragarriak izan beharko dutelarik.

2.Lurzatien barnealdeko kutxeta edo erregistro-putzu arteko eroanbide tarteak zuzenak eta aldapa uniformedunak izango dira.

3.Garajeek hustubidea izango dute 200 m² (s) edo frakzio bakoitzeko, sarerako hartunea egin aurretik koipeak banantzeko gailua izan beharko dutelarik.

4.Fatxadaren kanpoaldeko euri-uretarako zorrotak burdin galdatuz, altzairu galvanizatuz edo antzeko materialez errematatu eta babestuko dira, 2,00 m.-ko altueraraino.

3.2.11 Artikulua.Aireztapen-tximiniak.

Kolektore orokor edo bateratuko eta hodi independente bidezko aireztapen-tximiniak baimentzen dira, beti ere ondoko baldintza hauek betetzen badituzte:

a)Hodi guztiek (kolektoreak eta bakarrekoak) guztiz bertikalak izan beharko dute (ez du inolako desbideratzerik egon behar) eta material erregaitzez eginak.

b)Kolektorearen gutxienezko sekzioa 400 zentimetro karratukoa izango da eta banakako hodiena, berriz, 150 zentimetro karratukoa. Areztapen-tximiniaren goialdea zurgagailu estatiko batez osatu beharko da.

c)Kolektoreek nahiz banakako hodiek termikoki behar bezain babestuta egon beharko dute kanpoko girotik, honela tximiniaren tiro egokia oztopatuko duten tenperatura galerak ekiditzeko.

d)Banakako aireztapen eta errekuntza keen irteerako hodiak ez dira kolektore bakar batera hartuko.

5. sekzioA. Egoitza erabilerarako eraikinen segurtasun-baldintzak eta hauen elementuak

3.2.12 Artikulua.Baldintza orokorrak.

1.Arau Subsidiario hauen itzalpean egiten diren eraikuntza guztiek izaera orokorreko segurtasun eta bebeserako araudiak galdatutako beharkizun funtzionalak eta eraikuntza mailakoak beteko dituzte. Hauen artean, era berezian, Suteen Aurkako Baldintzapeko (SAB) Eraikuntzaren Oinarrizko Araua (EOA).

2.Halaber, izaera osagarriz, Babes Ofizialeko Etxebizitzei buruzko arau erregulatzaileek edota hauek ordezkatzen dituztenek gai honen inguruan barne hartzen dituzten xedapenak bete beharko dira halakotzat tipifikatzen diren etxebizitzetan.

3.2.13 Artikulua.Baoen, leihoen eta terrazetarako irteeren babesa.

Pertsonentzat erortze arriskua suposa dezaketenean, 0,95 m.-ko altuerako eskubanda edo baranda batez babestuak egongo dira.

Babes-altuera honen azpitik ez da egongo 12 zm. baino gehiagoko dimentsioko baorik (haur bat pasa ez dadin), ez eta 5 zm. baino gehiagoko zirrikiturik lurrean edota eskubandan edo barandan gora igotzea ahalbidetzen duten elementurik ere.

3.2.14 Artikulua.Behatxuloak.

Etxebizitzarako sarbidean, barrutik eskailera-mailburua edo atalaurrea ikusten uzten duen elementua jarriko da.


3.2.15 Artikulua.Teilaturako irteera.

Eraikin guztiek teilaturako irteera erraza izango dute, bertako espazio komun batetik edota gela itxi ororen independente den espaziotik, etxebizitza familibakarretan ezik, non gela itxi hauetatik ere irten ahal izango den.

6. sekzioA. Tratamenduari buruzko baldintzak

3.2.16 Artikulua.Homogeneotasuna eraikinen kanpoko tratamenduan.

1.Eraikinen kanpoaldeko arkitektura tratamendu bateratua eta homogeneoa galdatuko da, lehentasunez ingurunean ohikoak diren materialak erabiliz, honela eraikinak ingurunera egoki daitezen.

2.Eraikin baten fatxaden tratamenduaren edozein aldaketa —eta halakotzat joko dira goi-oinetan, estalduraren aldaketa, arotziaren, eskubanden eta balkoien material edo diseinu aldaketa eta terrazen itxiera; eta behe-oinetan, obrako paramentuen aldaketa— irizpide bateratuaz planteatuko da, emaitzazko fatxada osoaren planoaren aurkezpena galdatuko delarik. Dena dela, egin beharreko aldaketaren garrantzi eskasa dela eta, planoaren aurkezpena beharrezko gertatuko ez balitz, Udalak beharkizun hau betetzea barkatu ahal izango du.


Aitzitik, egin beharreko aldaketa garrantzi handiagokoa balitz, edota eraikinak izaera berezi edo nagusia izango balu, Udalak arkitekto batek sinatutako proiektua galdatu ahal izango du.

3.Fatxaden edo eraikuntza unitarioko multzo edo eraikin bateko elementu desberdinen pintatzea era homogeneoan egin beharko da, fatxada edo elementu hauetako zati bakanen edota etxebizitza bakar bati dagozkion elementuen pintatze soila debekatuta dagoelarik.

3.2.17 Artikulua.Estalkien tratamendua.

1.Txapituladun estalki soluzioak espreski debekatzen dira, baina estalkiaren isuralde gainetan txapitula isolatuak exekutatzea baimentzen da.

2.Estalkiko hormatal inklinatuetan kolore naturaleko teila zeramikaren edozein aldagai eta antzeko kolore eta egiturako hormigoizko teila erabiliko dira soilik.

3.2.18 Artikulua.Artekormen tratamendua.

Artekorma irekiei eurak barne hartzen dituen fatxadaren antzeko akaberak egin beharko zaizkie.


3.2.19 Artikulua.Esekitegien tratamendua.

1.Esekitegiak barnealdeko patioetan kokatu beharko dira, barne patiorik badago, horretarako soka-irristagailuak jarriz; edota estalkipeko espazioetan, hauek horretarako prestatzea posible bada.

2.Soluzio hauek bideragarriak ez balira, fatxadan kokatuko dira.

Kasu honetan, kanpotik zabaldutako erropa ikustea ekidingo duten elementuen bidez estali beharko dira eta esekitegi hauen diseinuak bat egin beharko du eraikinaren fatxadaren osotasunarekin.

3.2.20 Artikulua. Fatxaden tratamendua behe-oinetan.

1.Eraikuntza berrietarako proiektuek eraikinaren behe-oineko fatxadaren elementu trinkoen tratamendua barne hartu beharko dute beren definizioen artean. Elementu hauek eraikinaren gainerako elementuekin batera amaitu beharko dira. Elementu trinkoen zabaleraren proportzioa ez da fatxadaren aurrealde osoaren 1/5 baino txikiagoa izango, elementu horiek eraikuntzaren altuera osoan paramentu trinkoko zonekin bat etorri beharko dutelarik. Arau hauek, halaber, karrerapeen barnealdeko fatxaden kasuan ere aplikagarriak izango dira.

2.Elementu hauek fatxadaren elementu iraunkortzat hartuko dira eta hauen diseinua eta materialen tratamendua
—materialek iraunkorrak eta narriadura zailekoak izan beharko dute eraikin osoarekiko era koherentean egin beharko dira. Elementu hauek aldatu ahal izateko —aldaketa honek ezingo du elementuetako bat bakarrik ukitu eta lehen finkatutako elementu trinko/bao proportzioa errespetatu beharko du—, emaitzazko fatxada jasotzen duen eta aipaturiko koherentzia eta batasuna bermatzen dituen plano osatua galdatuko da.

3.Karrerapeen sabaien tratamendua uniformea izango da atal bakoitzean, egitura-elementuen dimentsioei nahiz argiztapenaren kokalekuari dagokionean, ageriko hustubideak eta eskaiolazko sasisabaiak debekatu egiten direlarik. Era berean, karrerapeetako zutabeen estaldura iraunkortasun egokiko materialez egin beharko da.

4.Lurzati bateko behe-oineko lokaletako markesinak altuera berean kokatuko dira, Udaletxeak markesina hauen diseinuari eta tratamenduari buruzko bidezko xedapenak har ditzakeelarik, eraikinaren osotasunean konposizio-homogeneotasun egokitua bermatzeko xedez.

3.2.21 Artikulua.Errotuluak eta iragarki argidunak.

Fatxadekin batera garatzen diren errotuluek, iragarki argidunek edota apaindura elementuek 0,10 metroko irtengunea izango dute gehienez, hiru metroko altueran kokatuta egon beharko dute gutxienez, ez dira 4,30 metroko gehienezko altuerara iritsiko eta ez dira beraiei dagokien lokaleko markotik edo atetik kanporatuko.

Fatxadaren konposizio orokorrarekin bat eginaz kokatuko dira, honen konfigurazio orokorra aldatu edota deformatu gabe. Ezingo dituzte behe-oineko fatxadako elementu iraunkorrak inbaditu, ez eta fatxadarekiko era perpendikularrean kokatu ere.

3.2.22 Artikulua.Finken separazioa eta itxiera.

Finken arteko separazioa eta bide publikoaren mugakide diren itxierak horma gaineko burdinesi batez eraikiko dira eta 1,80 metroko altuera izango dute gehienez, horma edo itxiera itsukoa 1,20 metrokoa izango delarik, bide publikoaren mugakide direnetan.

Aipatutako altuerak, ondoko eran zenbatuko dira:

a)Finken separazioen kasuan, hormaren euskarri den lurraren mailatik hasita.

b)Bide publikoaren mugakide diren itxieretan, bidearen sestratik hasita.

Halaber, landaretza-elementu jarraiekin ere egin ahal izango dira (ezpela, eta abar), altuera muga berak mantenduko direlarik: 1,20 metro espazio publikoei dagokienean eta 1,80 metro finka pribatuen artean. Itxieran gainera tamaina hadiagoko zuhaitzak ere jar daitezke, unitate bakoitzaren arteko distantzia 5,00 metrokoa baino handiagoa denean eta, beti ere, aurreikusitako altueren gaineko bista guztiz ixten ez dutenean.

3.2.23 Artikulua. Sestra gaineko ez-eraikitako erabilera pribatuko espazioen artapena eta apaindura.

1.Jabetza partikularreko lorategiak, patioak edo espazio libreak apaindura eta begiramen baldintza egokietan mantenduko dira derrigorrez, horretarako beharrezko diren urbanizazio baldintzak betez (euri-uren jasotzea, argiztapena, eta abar).

2.Apaindura-eraikuntza ez-itxiak bakarrik baimenduko dira, bai eta Arau Partikularretan espreski adierazten diren kasuetan erabilera nagusiaren erabilera lagungarrietara destinaturiko eraikuntzak ere. Eraikin hauek direla eta, Udalak ingurunera hobekien egokitzen diren itxiera material, kolore eta forma jakin batzuk erabiltzea galdatu ahal izango du.


3.2.24 Artikulua.Uniformetasuna eraikuntza-multzo bateratuetan.

Hirigintza Interbentziorako Area bakoitzari dagozkion garapen berriko eraikuntza-multzoei fatxaden tratamendu bateratua galdatuko zaie. Ondorio horretarako, multzo hau osatzen duen lehen eraikinaren eraikuntza lizentziari ukitutako jabe guztiek sinatutako multzoaren tratamenduari buruzko azterlana erantsiko zaio. Azterlan honek gainerako eraikuntzek izan beharko dituzten ezaugarriak zehaztuko ditu.


Lurzoru Urbanizagarrian garapenerako Plan Partzialeko ordenantzek definituko dute burutu beharreko multzo-tratamendua.

3.3 KAPITULUA.EGOITZAZKOA EZ DEN ERABILERARAKO LURZATIETAN APLIKAGARRIAK DIREN ERAIKUNTZA ETA ERABILERA BALDINTZA OROKORRAK («b» lurzatiak eta beste batzuk)

3.3.1 Artikulua.Eraikuntza probetxamendua eta eraikuntzaren forma erregulatzeko baldintza orokorrak.

1.Industri lurzatietan aplikagarriak diren probetxamendu baldintza orokorrak.

—Industri lurzatietan, eraikuntzek «Lerrokadurak eta Sestrak» planoan eta Arauzko Koadroetan ezarritako eraikuntza lerrokaduretara egokitu beharko dute.


—Lerrokadura horiek, ezarritako altuera eta profil baldintzekin batera, eraikuntzaren gehienezko inguratzailea definitzen dute. Inguratzaileak, ordea, eraikuntza probetxamenduaren gehienezko mugak errespetatu beharko ditu —azalera eraikigarrian—, zeinak era berean Arau partikularretan definitzen diren. Beraz, ezingo da aipaturiko gehienezko inguratzaile osoa okupatu, horrek baimendutako azalera eraikigarriaren muga gainditzea ekarriko balu ondoriotzat.

—Aipaturiko planoetan espreski erabilera pribatuko ez-eraikigarri gisa kalifikatzen diren industri lurzatietan, instalazioen elementuak, zerbitzu azpiegiturarako zentruak, pisuak,

gordailuak edo aparkatutako ibilgailuentzat izaera ez-itxiko eta ez-iraunkorreko teilape arinak soilik baimenduko dira. Elementu hauek ez dira konputagarriak izango ezarritako eraikuntza probetxamenduaren mugen ondorioetarako.


Hala ere, ez da ezein elementu eraikirik ezarri ahal izango erabilera publikoko zortasuneko 5,00 metroko errenkadan, zeina indarrean den legeriak ibai-ubideen urbazterrak abiapuntutzat harturik definitu duen, ez eta errenkada hori industri lurzati jakin batetan barne hartuta badago ere.

Arau Subsidiarioek probetxamendu eta bolumenari buruz definitutako baldintza orokorrak betetzen ez dituzten gaur egungo eraikinak ordezkatzen dituzten eraikuntzek, eraikuntza erregimen berrira egokitu beharko dute derrigorrez.

—«Ordenazio Xehekatuko Planoek» industri erabilerako lurzatietan definitutako lurzati eraikigarrien azalerek kalifikazio xehekatuko arauzko zehaztapena izaera izango dute eta, hortaz, azalera horiek ezingo dituzte ezein kasutan gainditu tramitatzen diren Xehekapen Azterlanek. Hala ere, azterlan hauek eraikuntzaren lerrokaduren kokapena aldatu ahal izango dute —ez ordea lurzatien lerrokadurak, zeinak arauzko izaera izango duten baita ere, lehen adierazitako mailan—, lurzati barruko eraikuntzen oinplanoaren antolaera aldatuz.


2.Eraikuntza baldintza orokorrak industri lurzatietan.


—Industri lurzatiak okupatzen dituzten eraikuntzen sestrak eta euskarri mailak lur urbanizatuan bere kokaleku diren areetan dagoen urbanizazioarenak izango dira, bai eta garapen berriko areetarako eta bide-elementuetarako «Lerrokadurak eta Sestrak» planoan ezarritako erreferentzia mailetan oinarriturik urbanizazio obra proeiktuek edota egungo urbanizazioaren aldaketarako proiektuek ezarriko dituztenak ere.


Erabilera publikoko zortasunpeko lurzatien areak eurak barne hartzen dituzten espazio publikoen urbanizazioaren sestra eta mailetara egokituko dira. Era berean, erabilera pribatuko area ez-eraikigarriek parez pare dituzten espazio publikoen sestrak eta mailak mantendu beharko dituzte euren perimetroan, espreski aurkakoa adierazten denean ezik.

—Halaber, lurzati eraikigarrien barruan soto oin bat eraikitzea baimentzen da, zeinaren altuera libreak ezingo duen 2,20 m.-koa baino txikiagoa izan, ez eta 3,50 m.-koa baino handiagoa ere.

—Baimendutako gehienezko eraikuntza altuera 12,00 m.-koa da, espezifikoki zehazten delarik Arau Partikular bakoitzean. Izaera orokorrez, estalkiko elementuak altuera honetatik gora 2,50 metro kanpora daitezke, baina maila horretatik gora kokatutako barne-espazioa kasu orotan erabilezina izango da. Altuera librea ez da 4,00 m.-koa baino txikiagoa izango, bulegoetara destinaturiko lokaletan ezik, hauetan altuera 2,50 m.-raino jeitsi ahal izango delarik.

Halaber, industrietako instalazioen elementuak eta ekipoak aipaturiko altuera gaindi dezaten baimenduko da, euren ezaugarri teknologikoak direla eta beharrezko gertatzen den kasuetan. Hala ere, kasu honetan elementu horiek lurraren mailan koka daitezen galdatuko da —hau eragozten duen arrazoirik ez badago— eta inoiz ere ez eraikuntzaren goi-oinetan, honela inpaktu bisuala ahalik eta txikiena izan dadin. Era berean, eraikin bakoitzak oinplanoan okupatzen duen azaleraren %10ak Arau Partikularretan ezarritako gehienezko altuera 2,00 metrotan gainditzen duen altuera eduki ahal izango du.

Arauzko Koadroetan adierazitako altuera eta profil mugei propio zaizkien beste tolerantzia batzuk ezartzen dira, industri lurzati edo zona jakinetan aplikagarriak direnak, eta beste kasu batzuetan, baldintza partikular murriztaileagoak ezartzen dira.

—Ez dira ezarritako eraikuntza lerrokaduretatik kanporatzen diren hegalkinak baimentzen, baina egun daudenak kontsolidatu egiten dira.

—Izaera orokorrez, biltegi izatera eta honen antzeko erabileretara destinatutako sabaiondoak baimentzen dira, baina sekula ez bulego izatera destinaturikoak. Lehen kasuan, azalera eraikuntza probetxamendu gisa konputatuko da.

3.3.2 Artikulua.Erabilera baldintza orokorrak.

1.Industri eraikuntzen sotoak biltegi eta garaje erabileretara bakarrik destinatu ahal izango dira, hauetan pertsonen egonaldi jarraia galdatzen duen edozein jarduera debekatzen delarik.

2.Erabilera pribatuko lurzati ez-eraikigarrien azalerak ondoko erabileretara destinatuko dira: Ibilgailuen maniobra eta aparkalekuak, barne-bideak, aire zabaleko biltegia, instalazioen elementuak edo zona lorategidunak.

3.3.3 Artikulua.Funtzionaltasun, higiene, segurtasun eta eraikuntza-kalitate baldintza orokorrak.

1.Arau Subsidiario hauen itzalpean garatzen diren industri eraikuntzek eta instalazioek araudi orokorrak eta organismo eskudunen xedapen aplikagarriek galdatutako funtzionaltasun, higiene, segurtasun eta eraikuntza-kalitateari buruzko baldintzak bete beharko dituzte.


2.Karga eta deskargarako espazioak.

—Industri eraikuntza orok, bere barruan edota bere espazio libre pribatuetan, merkagaien karga eta deskargarako zona bat izan beharko du. Zona honetara sarbidea izan beharko dute biltegi eta industri erabileretara destinaturiko eraikuntzako lokal guztiek. Zona honek ibilgailu (kamioia) plaza baterako behar adinako edukia eta ibilgailuak sartu eta irteteko sarbidea izan beharko ditu.

—Industria industri eraikuntza bateko goi-oin batean kokatua badago eta ezaugarri egokiak dituen sarbide arrapalarik ez badauka, aipatutako espazioa behe-oinean edota honen mugakide den espazio libre pribatu eta itxian eduki beharko du, bai eta bere maila berean behe-oineko kargarako espazioarekin karkagailuz loturik dagoen karga eta deskargarako atari bat ere.

—Industri jardueraren azalera 1.000 m²-tik gorakoa bada, karga eta deskargarako espazioaren gutxienezko edukia bi plazatakoa izango da (kamioi plazak).

3.Garajeen ezaugarriak.

Sotoetan, erdisotoetan edota sestrako oin estalietan kokatzen diren garajeek egoitza erabilerako lurzatientzat ezarritako funtzionaltasun orokorreko beharkizunak bete beharko dituzte.

4.Argiztapen eta aireztapenerako baldintza orokorrak.

—Lana burutzen deneko lokalek argiztapen eta aireztapen naturalak izango dituzte, behar izanez gero artifizialek ere lagundurik.

—Argiztapen eta aireztapen lagungarri sistemak Udalak onetsi beharko duen profesional aditu batek erredaktatutako proiektu xehekatua beharko du, lokala zabaldu aurretik eta beste edozein unetan sistema horiek azterketaren menpe geratuko direlarik. Sistema hauek egokiak ez badira edota behar bezala funtzionatzen ez badute, Udalak guztiz edo partzialki itxi ahal izango du lokala, bidezko diren neurri zuzentzaileak hartu bitartean.

—Sotoko aparkaleku lokalek aireztapen natural zuzena edota hodi bidezkoa izango dute. Aireztapena naturala den kasuetan, kanpora zabaltzen diren baoak izan beharko ditu lokalak. Aireztapena artifiziala denan, berriz, azalerako metro karratu bakoitzeko 15 m³/orduko aire berritzea sortzeko gai izan beharko du.

5.Zerbitzu higienikoen zuzkidura.

—Pabilioiek «Laneko Segurtasun eta Higienerako» Arauek eta Osasun Sailak ezartzen dituzten higiene zerbitzuak izan beharko dituzte bertako langileentzat. Hamar edo langile gehiagoko enpresek ondoko zerbitzuak izan beharko dituzte gutxienez:

—Bi metro karratu aldagela eta garbigela pertsona bakoitzeko, sexuen araberako separazioaz.

—Konketa bat ordutegi berean lan egiten duten hamar pertsonako.

—Komun bat ordutegi berean lan egiten duten hogeita bost gizoneko eta hamabost emakumeko.

—Hamar langile baino gutxiagoko enpresetarako komun bat eta konketa bat galdatuko dira gutxienez.

—Multzo bat osatzen duten zenbait lokalen higiene-zerbitzuak elkartu egin ahal izango dira.

—Garbigelen aireztapen eta argiztapen sistema Ordenantza hauetan etxebizitzetako bainu-gela eta komunentzat aurreikusitako sistemetakoren bat izango da.

3.3.4 Artikulua.Tratamendu estetikoari buruzko baldintzak.

1.Industri lurzati guztiek itxiera bat izango dute euren perimetroan eta itxiera honek Ordenantza hauetan galdatutako baldintzak bete beharko ditu, tokiko bidetzaren parez pareko aldean ezik.

2.Aire zabalean elementu teknikoak instalatzeak edo bertan biltegiratzeak ingurugiro eta paisaje ordenean egin dezakeen inpaktu kaltegarria murriztera zuzenduriko neurriak hartzea galdatu ahal izango du Udalak.

3.3.5 Artikulua.Baldintza partikularrak.

1.Eraikuntza probetxamendurako baldintzak.

—Probetxamendu baldintzak era partikularrean definitzen dira kasu guztietan lurzati edo exekuzio unitate bakoitzerako, bakoitzari dagokion Arau Partikularrean.

2.Lurzatiketa baldintzak.

—b.10 lurzatien mugaketa «Ordenazio Xehekatuko» planoetan ezarritakoari egokituko zaio.

3.Erabilera baldintzak.

—B.10 erabilera globaleko zonarako erregimen orokorra aplikagarria izango da.

4.Industri ezarpenen funtzionaltasun baldintza orokorrak.

—b.10 lurzatietan, karga eta deskargarako mugimendu guztiak barruan egin ahal izateko behar adinako espazio libre egokiak izan beharko dira.

—Aparkaleku zuzkidura dagokion Arau Partikularrean definituko da.

3.3.6 Artikulua.Beste lurzati batzuetan aplikagarriak diren baldintza orokorrak.

Egoitza edo industri erabileraz bestelako erabileretarako lurzatietan, erabilera horietarako formulatutako Ordenantzak aplikatuko dira izaera subisidiarioz, aplikazio hori bat datorren eta bidezko den kasu guztietan.

Interpretazio arazoak sortzen diren kasuetan, Udalak definituko ditu aplikagarriak diren irizpideak, Udal Zerbitzu Teknikoen txostena jaso ondoren.

3.Zatia. Lurzoru Ez-Urbanizagarrian aplikagarriak diren Ordenantza Erregulatzaileak

3.4 KAPITULUA.LURZORU EZ-URBANIZAGARRIAN IZAERA OROKORREZ APLIKAGARRIAK DIREN XEDAPENAK

3.4.1 Artikulua.Ordenantza Erregulatzaileak Lurzoru Ez-Urbanizagarrian aplikatzeko erreferentzia arautzailea.

1.Erabilerak eta eraikuntzak Lurzoru Ez-Urbanizagarrian ezartzea halakotzat sailkaturiko erabilera globaleko zonetarako eraikuntza eta erabilera erregimen orokorrari egokituko zaio.

2.Halaber, Lurzoru Ez-Urbanizagarrian ezartzen diren eraikin eta eraikuntzek, indarrean dagoen hirigintza legerian ezarritako «landa-ingurunearekiko egokitzapen» beharkizun orokorra bete beharko dute, Kapitulu honetako artikuluetan garatzen dena hain zuzen.

3.4.2 Artikulua.Eraikuntza eta urbanizazio baldintza orokorrak.

1.Kokapen baldintzak.

Udalak baldintzak ezarri ahal izango dizkio eraikuntzen kokapenari —arau hauetan ezartzen diren baldintzen gehigarriak—, eraikuntzek batik bat paisajeari edo ingurugiroari dagokionez izan dezaketen inpaktua murrizteko xedez.


2.Eraikuntzen forma eta bolumen baldintzak.

Bolumen eta konfigurazio orokorrari dagokionean, Goierrin dauden ohiko eraikuntzen eraikuntza tipologietara egokitu beharko dute eraikinek.

Bolumetria sinplekoak izango dira. Estalkia inklinatua eta bi, hiru edo lau isuraldekoa izango da, aldapak ezingo duelarik %40koa baino gehiagokoa izan.

Estalki lauak eta asimilatuak debekatu egiten dira, eraikuntza berezietan ezik —ganaduaren ukuiluratzera destinaturiko eraikuntzak, granjak, siloak, eta abar—, zeinetan, aparteko izaeraz eta behar bezalako justifikazioz, horrelako estalkiak baimendu ahal izango diren.

Estalki horren gainetik tximiniak eta beste instalazio batzuk kanpora daitezen baimenduko da, bai eta gehienez 1,20 m.-ko aurrealdea duten eta euren artean gutxienez 3,00 m.-ko separazioa duten txapitulak ere.

Gehienezko eraikuntza profila sestra gaineko bi (2) oinekoa izango da, gehigarri gisa sotoak eta erdisotoak eraikitzea baimentzen delarik —gehienez oin bat (1) sestrapean—, bai eta estalkipeko emaitzazko espazioen erabilera ere.


Eraikuntzaren gehienezko altuera 8,50 m.-koa izango da horizontalki kokatutako teilategalei dagokienean eta 10,50 m.-koa fatxadan kokatutako goihabeari dagokionean. Bi kasuetan, neurri horiek eraikuntzak lurrarekin duen kontaktu puntu bakoitza abiapuntutzat harturik hartuko dira.

Muga horiek ez dira aplikagarriak izango landa erabileretara destinaturiko eraikuntzetan eta instalazioetan, etxebizitzaren erabilera lagungarriaren edota zerbitzu azpiegituren erabileraren kasuan ezik. Kasu hauetan, derrigorrez gainditu beharko dituzte neurri horiek, bateraezinak diren egokitzapen funtzional beharkizunengatik.

Kasu orotan, ondorengo parametoretara egokitu beharko dute eraikuntzek:

—Eraikuntzaren gehienezko luzera: 50,00 m.

—Gehienezko oinplano-okupazioa eraikuntza bakoitzeko: 1.000,00 m².

—Gehienezko sabai azalera eraikigarria eraikuntza bakoitzeko: 1.200,00 m²(s).

3.Eraikuntzen kanpoaldeko tratamendurako baldintzak.

Fatxadarako material gisa, lehentasunez kolore txurian eta edozein kasutan kolore argitan pintatutako entokatua eta harria erabiliko dira, hormigoizko bloke ez-bistakoen eta bistako adreiluen akaberak espreski debekatzen direlarik, nahiz eta azken honen erabilera partziala baimentzen den, beti ere bistan geratzen den azalerak fatxada bakoitzaren azaleraren %20a gainditzen ez duenean.

Estalkirako material gisa teila erabiliko da lehentasunez, antzeko kolore eta egiturako beste material batzuen erabilera ere baimentzen delarik.

Izaera orokorrez, inguruko landa-eraikuntza tradizionaletatik kolore, egitura, nahiz akabera-formari dagokionean nabarmenki bereizten diren materialen erabilera ekidingo da, Udalak izango duelarik elementu guzti horiek landa-ingurunera egokitzeko zehaztapenak emateko ahalmena.

Eraikuntza berriko interbentzioek lurzati eta jabetza berean kokatutako eraikuntzekiko ingurune-egokitzapena ekarriko dute ondoriotzat.

4.Urbanizazio eta ingurunearen tratamendu baldintzak.


Finken itxierak ondoko materialekoak izango dira lehentasunez: Harrizkoak, zarpeatuak eta pintatuak, metalezkoak, hesola eta alanbrezkoak edo landarezkoak, kalitate baxuko bistako hormigoziko hormak, hormigoizko bloke ez-bistako hormak eta zarpeatu gabekoak debekatzen direlarik.

Kasu orotan, itxiera itsuen altuera, ikusmira guztiz galerazten duen zuhaizti itxikoak barne, ez da 1,20 m.-koa baino handiagoa izango. Landarezko itxiera jarraiek ez dute inoiz 1,80 m.-ko altuera gaindituko. Halaber, itxiera oro finkak bide publikoarekin duen mugatik gutxieneko 80 zm.-ko distantzira kokatu beharko da.

Eustormak bistako harlangaitzaz akabatuko dira lehentasunez, kalitate oneko akaberako bistako hormigoia azalera txikietarako bakarrik baimentzen delarik.

Oinplano berriko eraikuntzek paisajean izan dezaketen inpaktua murrizteko xedez, Udalak ingurune horretan zuhaitz espezie autoktonoak landatzea galda dezake, neurri honi jarraituz: Zuhaitz bat, eraikitzen den 50 m² bakoitzeko.

Eraikuntza berrien ezarpena baimentzen deneko lurzatiek —nekazaritza erabilera profesionalizatu gabeetara eta zerbitzu-azpiegituretara destinaturikoak izan ezik, galdakizun hau objektiboki premiagabekoa suertatzen den kasuetan—, ibilgailuentzako sarbidez hornituta egon beharko dute kapitulu honetan ezarritako baldintzetan, bai eta ur-hornidura, saneamendua, elektrizitate hornidura eta kanpo-argiteriaz ere.


Aipaturiko zerbitzuren bat ez badago edo behar bezalako baldintzak biltzen ez baditu, eskatzaileak bere kargura ziurtatu beharko du haren ezarpena edo hobekuntza, eta hala egin ezean, Udalak eskaturiko lizentzia ukatu ahal izango du. Obligazio hau, erabilera ez-landatarren ezarpenaren kasuan, eskatutako jardueraren garapen egokirako askieza suertatzen den ahalmena duten sare orokorrei —bidesarea eta hiri-zerbitzuena— hedatu ahal izango zaie.

5.Eraikuntzen egokitzapena landa-ingurura.

Gai honen inguruan artikulu honetan azaldutako irizpideak derrigorrez bete beharko dira, Udalak, gai honi buruzko txosten teknikoa jaso ondoren, lizentziaren eskatzaileak proposatutako soluzioak landa-inguruko ingurune eta paisaje ezaugarrietara behar bezala egokitzen direla erabakitzen duenean ezik.


6.Aire-hariteriaren integrazio paisajistikoa.

Udalak baldintzak ezarri ahal izango ditu aireko hariteria elektriko eta telefonikoaren elementuen trazadura eta konfigurazioari dagokionean, hauek paisajean nahiz nekazaritza eta baso probetxamenduetan izan dezaketen eragina murrizteko xedez.

7.Bizigarritasun baldintzak.

Lurzoru ez-urbanizagarrian baimendutako eraikuntzetan, kasuan-kasu, hiri-lurzoruari dagozkion ordenantzetan antzeko espazioetarako piezen gutxienezko dimentsioei, aireztapenari eta argiztapenari buruz ezarritako bizigarritasun baldintzak izango dira aplikagarriak.

Ondorio horietarako, ganaduaren ukuiluratzera destinaturiko eraikuntzak, granjak ere barne, industri erabileretara asimilatutako lanlekutzat hartuak izango dira.

8.Eraikuntza baldintzak Aralarko Parke Naturalean.


Arau hauetan, Aralarko Areako Baliabide Naturalen Ordenaziorako Planean (Eusko Jaurlaritzak promulgatutako 1994ko apirilaren 26ko 168 Dekretuaren bidez onetsia) eta honen garapenean formulatutako Erabilera eta Kudeaketa Zuzentzeko Planean xedatutakoari jarraituko zaio.

3.4.3 Artikulua.Errepideak eta landabideak.

1.Lurzoru ez-urbanizagarrian daudelarik, Komunikazio Sistema Orokortzat espreski kalifikatu gabe dauden eta proiektu honetako «II.4» planoan hala grafiaturik dauden errepide eta bide publikoak hartuko dira halakotzat.


Halakotzat hartuko dira ere, aipaturiko planoan grafiaturik ez egon arren, proiektu hau indarrean sartzen den unean artikulu honetan bertan galdatutako baldintzak betetzen dituztenak.

2.Errepide eta bide berriak irekitzea onura publiko eta interes sozialeko irizpideetan oinarrituz edo gaur egun dauden eta ordenazioz kanpo deklaraturik ez dauden eraikuntza partikularretarako sarbidea emateko baimenduko da soilik.

Errepidea zokogune batean amaituz gero, ibilgailuen maniobragarritasuna ziurtatu beharko da azken muturrean. Halaber, ezintasun nabarmena gertatuz gero ezik, zabaldura-zonak ezarriko dira 300 m. oro gutxienez, zeinak bi ibilgailu gurutzatzea eta norabide aldaketa ahalbidetuko duten.

Udalak egun dauden errepide eta landabideen sarea hobetu eta zabaldu ahal izango du, nahiz zuzenean dagozkion obra arrunten proiektuak formulatuz —zeinak erabilera publikoaren deklarazioa ekarriko baitu ondoriotzat afektatutako lurren desjabetzapenaren ondorioetarako—, nahiz aipatutako bidetzaz baliatzen diren erabilera eta eraikuntza berrietarako baimena, beharrezko hobekuntza eta zabalkuntza beharkizunak betetzearen baldintzapean jarriz.

3.Lurzoru ez-urbanizagarrian jaso nahi diren erabilera ez-landatarretara destinaturiko eraikuntza berriek sarbidea izan beharko dute 1. atalean adierazitako errepide eta bideren batetik, eta hauetatik 10,00 m. baino urrunago eta 100,00 m. baino hurbilago kokatu beharko dute.

Hauetarako sarbidea, asfaltozko edo hormigoizko zoladura eta 4,00 m.-ko gutxienezko zabalera duten errepide edo bideetatik burutu beharko da.

Gaur egun dauden izaera pribatuko erabileretara destinatzen diren eraikuntzetara sartzeko bideen kasuan, adierazitako beharkizunen bat bete gabe utzi ahal izango da, berau betetzea oso zaila edo ezinezkoa gertatzen bada.

Landa-erabileretara destinaturiko eraikuntza berriek gutxienez 5,00 m.-ko separazioa izan beharko dute errepide eta bide horietatik.

4.Lurzoru ez-urbanizagarrian errepide eta bideetatik paisajea ikusteko aukera babestearren, eraikitzeko edo zuhaitzak landatzeko aukerak bereziki mugatu ahal izango dira.


5.Kasu orotan, aipaturiko eraikuntzak, egun daudenak nahiz eraikuntza berrikoak, besteak beste, 1994ko azaroaren 25eko Gipuzkoako Errepideei buruzko Foru Arauean ezarritako irizpideetara egokituko dira.

3.4.4 Artikulua.Ibilgailuentzako pistak.

Pista irekierak debekatuta daude lurzoru ez-urbanizagarrian, beren xedea zein den justifikatzen ez denean, edo xede hau landa-ingurua ustiatzeko jardueraren bati ez dagokionean, edo baimenik eman dakiokeen obra edo eraikuntzaren baten zati ez badira.

Irteerarik gabeko pistetan 12,50 m.-ko erradioko espazio zirkularrak ezarri beharko dira 1.000 metro oro eta, kasu orotan, azken muturrean.

3.4.5 Artikulua.Zuhaitzen babesa.

Babespeko zuhaizti areatzat hartzen dira proiektu hau onesten den unean nahiz «Aralarko Parke Naturalean» nahiz baso-babeseko landa-zonan dauden zuhaizti autoktono masak.


Area hauetan debekatuta dago ebaketarik egitea eta interbentzio suntsitzaile edo degradatzailerik burutzea, ondoko hauek izan ezik: Berauen hobekuntzarako egiten diren garbiketak eta tartebaketak; nahitaezko gerta litezkeenak, lurraldearen egitura orokor eta organikoari dagozkion eraikuntzak edo instalazioak burutzeko; baso-baliabidearen ustiapen zentzuduna justifikatzen dutenak, honi dagokionean beharrezko gerta litezkeen baimenen kaltetan izan gabe eta, beti ere, baso-masa originalaren birsorkuntza, honen antzeko ezaugarriak gordez, ziurtatzen denean.

Edozein arrazoi dela medio, guztiz edo partzialki suntsitu diren babespeko zuhaizti areak eta baso-masak —hauen suntsipena halabeharrez gertatu bada ere— eraberritu egin beharko dituzte titularrek, antzeko ezaugarriak gordez.

3.4.6 Artikulua.Lurpeko uren babesa.

«Lurpeko areak kutsatzeko arriskua duten area» gisa kalifikatzen dira Eusko Jaurlaritzak promulgatu eta osatutako xedapen, dokumentu eta proiektuetan horrelakotzat definituta dauden udal mugarteko lurzoruak.

Area horietan debekatuta dago beren toxikotasunagatik edo konposizio kimiko nahiz bakteriologikoagatik lurpeko urak kutsatzeko arrisku nabarmena ekar dezaketen isurketak sortzen dituzten jarduerak ezartzea. Hauen artean, hondakin zabortegiak, hornitegiak eta antzeko efektuak dituzten beste hainbat aipa daitezke.

Halaber, aipatutako areetan, lurpeko urak kutsa ditzaketen hondakinak sortzen dituzten beste erabilera espreski baimendu batzuen ezarpena, hala nola baimendutako nekazaritza eta abeltzaintzarako instalazioen edo etxebizitzen saneamendurako hobi septikoena, beharrezko babes neurriak hartu eta lizentzi eskaerarekin batera adierazitako arriskuari aurre egiteko proposatutako neurrien eraginkortasuna justifikatuko duen azterlan hidrogeologikoa aurkeztearen baldintzapean jarriko da.


3.4.7 Artikulua.Ibai-ubideen babesa.

Eraikuntza berrien eta segidan aipatzen diren ibai-ubideen arteko distantzia ondoko hau izango da:

—Amundarain ibaia:

30 m. Oria ibaiarekin bat egiten duen unearen eta ibai-ubidearen 8,2 kilometroaren arteko zatian.

15 m. ibai-ubidearen 8,2 kilometroaren eta ibaiaren jaiolekuaren arteko zatian.

—Urtxubi ibaia:

30 m. Amundarain ibaiarekin bat egiten duen unearen eta ibai-ubidearen 2 kilometroaren arteko zatian.

15 m. ibaiaren gainerako lekuetan.

Distantzia hori ez zaie aplikatuko ibai-ubideen erabilera eta probetxamendura destinatutako eraikuntzei, ez eta indarrean diren xedapenetan ezarritakoaren arabera gai horretan eskumena duen Aministrazioak baimen ditzakeen zuzkidura publikoetara lotesitako eraikuntzei ere —bidesareak, zerbitzu-azpiegitura, eta abar—.

3.4.8 Artikulua.Suteen aurkako babesa erabilera ez-landatarretara destinaturiko eraikinetan.

Kasu guztietan, sute bat zabal dezaketen zuhaiskarik edo landaretzarik ez duen 25,00 metroko zabalerako errenkada bat antolatu beharko da erabilera ez-landatarretara destinaturiko eraikinen perimetroan —erabilera landatarren etxebizitza lagungarriak barne—.


Eraikin horiek baso-areetatik hurbil kokaturik daudenean, gutxienez 5,00 metroko zabalerako bide perimetrala izan beharko dute edota, hautabidez, 12,50 m.-ko erradiodun zokogune zirkularra.

Kasu guztietan, ondoko beharkizunak betetzen dituen maniobrarako espazioa izan beharko dute:

—Gutxienezko zabalera librea: 6,00 m.

—Eraikinarekiko sarbiderako gutxienezko distantzia: 30,00 m.

—Gehienezko aldapa: %10.

3.4.9 Artikulua.Lurraren egokitzapena.

Mota orotako lur egokitzapenak Lurzoru Ez-Urbanizagarrian, horien artean, lurrarekin edo eskonbroekin betelanak egitea, edo hondakin geldoak isurtzea, Autonomi Erkidegoko Ingurugiro Babesaren Organismo arduradunak baimendu beharko ditu, aldez aurretik udal lizentzia lortuz gero, «Hondakin Geldoak eta Geldotutakoak Kudeatzeari buruzko azaroaren 2ko 423/1994 Dekretuan» eta haren garapenean formulatutako xedapenetan ezarritako baldintzetan.


3.4.10 Artikulua.Ingurugiroaren babesa eta integrazioa.

Izaera orokorrez, indarrean den legeriak gai honi dagokionez xedatutakoari jarraituko zaio.

Egin nahi diren mota oroko hondeaketetan, obren titularrak landaretza naturala birjarri beharko du, beharrezko den landare-lurra ere barne, obrak direla medio landaretza hondatuta gertatu den lur-azaleretan. Neurri hauek berak hartuko dira trazaduraren birdoitzeak egiterakoan erabileraz kanpo gelditzen diren errepide eta bideen ataletan, oraindik gordetzen den bidezorua altxa beharko delarik.


Izaera orokorrez, zabor eta eskonbroen isurketa dagokion zabortegi kontrolatuan burutuko da. Aparteko kasu gisa, Udalak baimendutako obren zati gisa egindako hondeaketetatik datozen lurren isurketa baimendu ahal izango du, lurren jabeak hala eskatzen duenean, nekazaritza nahiz baso-erabilerarako dituen aukerak hobetzeko, edota bere jabetzako lurraren sestrak Arau hauetan edo baimendutako beste edozein plangintza edo proeiktuetan ezarritako aurreikuspenenetara egokitzeko. Kasu honetan, beharrezkotzat joz gero proeiktu teknikoa egin ondoren, egin beharreko betelanaren drenaje egokia, afektatuta gerta litezkeen elementu natural edo eraikien behar adinako babesa, emaitzazko profilak lurretan integratzea eta afektatutako espazioaren azaleraren errekuperazioa ziurtatu beharko da.



3.4.11 Artikulua.Aralarko Parke Naturala.

Aralarko Parke Naturalean barne hartutako lurretan —zeinak Lurzoru Ez-Urbanizagarri gisa sailkatuak izan diren— baimendutako jarduerak eta eraikuntzak ezartzearen ondorioetarako, Hirigintza Arau hauetan, Aralarko Areako Baliabide Naturalen Ordenaziorako Planean (Eusko Jaurlaritzak promulgatutako 1994ko apirilaren 26ko 168 Dekretuaren bidez one-tsia) eta honen garapenean formulatutako Erabilera eta Kudeaketa Zuzentzeko Planean xedatutakoari jarraituko zaio.

3.5 KAPITULUA.LURZORU EZ-URBANIZAGARRIAN BAIMENDUTAKO ERABILEREN EZARPENA ERREGULATZEN DUTEN ORDENANTZAK

3.5.1 Artikulua.Erauzpen erabilerak.

1.Baimenaren beharkizunak.

—Erauzpen erabilerak ezartzeko dagokion organismo eskudunaren baimena izan beharko da, lizentzia eskatu aurretik.

—Lizentzia horren tramitazioaren ondorioetarako, erauzpen erabilerak kasu orotan Jarduera Gogaikarri, Osasungaitz, Kaltegarri eta Arriskutsuen Erregelamenduari loturiko jardueratzat hartuko dira eta, indarrean dagoen legeriak ezarritakoari jarraiki, ingurugiroarekiko eraginaren ebaluazioa egin beharko da hauetan.

2.Proiektuaren edukia.

Erauzpen erabilerak ezartzeko proiektuak, sektoreko legeria aplikagarriak ezartzen dituenaz gain, honako baldintza hauek bete beharko ditu:

—Erauzpenak afektatzen duen eremua eta erauzpenaren bolumena definituko ditu, bai eta hau zein eratan burutuko den eta afektaturiko lurraldearen amaierako konfigurazioa zein izango den ere.

—Lortu beharreko produktuak eta hauek merkaturatzeko area definituko ditu, produktuen garraioak intentsitate handienez afektatuko dituen bideuneak seinalatuz.

—Ustiapenaren drenaje arazoak era egokian konpontzeko modua aztertuko du, finka mugakideei edo bidesare publikoari —errepide edo bideak— afekziorik sor ez diezaieten ziurtatuz.


—Ingurugiroarekiko eragina murrizteko hartu beharreko neurriak definituko ditu, dagokion eraginaren deklarazioak ezarritakoaren arabera, bai ustiapenaldian zehar —zuhaitzak landatzea, ustiategirako sarbidean bidesare publikoa iraunarazi eta garbitzea, hauts eta hondakin emisioak muga onargarrietara murriztea, eta beste hainbat— eta bai amaitutakoan afektatutako lurraldea berreskuratzeko.

—Nahiz aurreikusitako ustiapen epea nahiz ustiapena amaitu ondoren afektatutako lurraldea birsortzeko egin beharreko lanen exekuziorako epea definituko ditu.

3.Ustiapenaren hirigintza baldintzak.

—Ibilgailuen sarbidea: Ustiapena kokatu nahi deneko lurzatiak 3.4.4 artikuluan ibilgailuen sarbide ordenakerari buruz izaera orokorrez ezarritako baldintzak bete beharko ditu; ondorio horretarako, ustiapena erabilera ez-landatartzat hartuko da.


—Ekarpen gisa gaineratutako gutxienezko lurzatiaren azalera: 2,5 ha.

—Ustiategiaren mugatiko gutxienezko separazioak:

Egun dauden etxebizitzara destinaturiko eraikuntzetara
—lagungarri nahiz autonomo— eta bestelako erabilera ez-landatarretara: 200,00 m.

Lurzatiaren mugara: 20,00 m.

3.5.2 Artikulua.Nekazaritza ustiapen arruntak.

1.Definizioa.

Arau Subsidiario hauetan xedatutakoaren ondorioetarako eta, bereziki, nekazaritza ustiapenetara loturiko eraikuntzen eta instalazioen ezarpenaren ondorioetarako, nekazaritza ustiapen arruntatzat hartuko da, dagokion ziurtagiria edo kreditazioaren bitartez, nekazaritza gaietan eskumena duen Gipuzkoako Foru Aldundiko dagokion Departamentuak halakotzat aintzatesten duena.

Ildo honetan, eta izaera orokorrez, nekazaritza ustiapen arrunt berri bati edota egun dagoen bati lotetsitako eraikuntza berriak ezarri aurretik, aipaturiko organismo eskudunak ondokoak ziurta ditzan galdatuko da: Bere titularrak nekazaritza produzitzaile aintzatetsiak direla, ustiapenak kasuan-kasuan galdatutako produkzio eta bideragarritasun dimentsioari buruzko beharkizunak biltzen dituela, eta instalazioak kasu bakoitzean aplikagarri den araudiari egokitzen zaizkiola.

2.Gutxienezko lurzatia.

Nekazaritza ustiapen arrunt berri baten ezarpenaren ondorioetarako ekarpen gisa gaineratu beharreko lurren gutxienezko azalera 2,5 ha.-koa izango da izaera orokorrez.

Kasu orotan, aurreko atalean aipaturiko ziurtagiria emateko unean, Gipuzkoako Foru Aldundiak aipaturiko azalera handitzea ala txikitzea erabaki ahal izango du —beti ere erabaki hori justifikatuz—, planteatutako ustiapenaren baldintza ekonomikoak eta produkzio bideragarritasunari buruzkoak kontuan hartuz.

Ondorio horretarako, ekarpen gisa gaineratutako finkak etena izan ahalgo du eta erabilera globaleko zona desberdinetan kokaturiko lurzoru ez-urbanizagarri gisa sailkatutako lurrak barne hartu ahal izango ditu.

3.Eraikuntza eta urbanizazio baldintza orokorrak.

A.Eraikuntzek, Arau hauetako 3.4 kapituluan galdatutako beharkizun orokorrak beteko dituzte.

B.Ustiategian honez gero baserri bat edo egoitza erabilera lagungarriko eraikin bat baldin badago, haren bestelako erabilera lagungarrietara destinaturiko gainerako eraikuntzak aipatutako eraikinarekin bat eginik edo beroni adosaturik antolatuko dira, eta berarekin harmonikoak diren material eta soluzio arkitektonikoak erabiliko dira eraikitzeko. Hala eta guztiz ere, egungo egoitza erabileren erosotasun edo osasungarritasun baldintzen —ukuilu, landetxe eta antzekoen ezarpena—, edo proiektaturiko instalazioen funtzionaltasunaren ondorioz beharrezkoa balitz, eraikuntza lagungarri hauen ordenakera salbuetsia baimenduko litzateke.

Baserri baten zaharberrikuntza edo berrikuntza osatuak, bere barne-banaketaren arrazionalizazioarekin bat etorriz, hurbilean dituen txabola, prekarioko eraskin eta teilapeen desagerpena ekarriko du, eraikinak eta bere inguruak osatzen duten multzoaren konfigurazioa eta itxura hobetuz.


Txabola, eranskin eta gainerako elementu degradatzaileak kentzea nahitaezko baldintza izango da, ezein zaharberritze, birgaikuntza, zabaltze eta beste edozein lan egiteko baimena eskuratu ahal izateko.

Helburu honekin egin beharreko obrek eraikuntzaren funtsezko ezaugarriak errespetatu beharko dituzte, bai eta, hala balitu, bere balio arkitektoniko edo historikoak ere. Obrek kanpoaldeko elementuak ukitzen badituzte, lehenespenez, funtsean landa-eraikuntza tradizionalei propio zaizkien materialak erabiliko dira, edo aurrez zegoen eraikinaren berdinak zabalkuntza obren kasuetan. Harlangaitzezko hormak, mortero entokadurarekin nahiz gabe, edo kanpo-itxura beretsukoak, zuriz edo kolore argiz pintatuak, kolore naturaleko teila zeramikazko estalki inklinatuak, eta zurezko arotziak hartuko dira landa-eraikuntzei propio zaizkien soluziotzat.

Bestalde, Katalogoan barne hartutako intereseko elementurik balego, artatu egin beharko dira, edota berrerabili, eraikuntza ordezkatzen den kasuetan. Azken kasu honetan, eraikin berriak lehendik zegoenaren kokaleku berean egon beharko du eta haren oinplanoaren ordenakera bera izan beharko du. Beharkizun hauek aparteko kasuan eta justifikatuz bakarrik aldatu ahal izango dira eta, kasu orotan, eraikin berria ez da lehendik zegoenetik 20 m. baino gehiagora kokatuko.

Zabalkuntza gorputzen altuerak ez du jatorrizko eraikinaren batazbestekoa gaindituko, alabaina, izaera orokorrez, erabilera ez-landatarretara destinatutako eraikuntzetarako ezarritako eraikuntza altuera eta profilerako gehienezko mugak bete beharko ditu kasu orotan.

C.Mota honetako erabileretara destinatutako lurzatietan eraikuntza prefabrikatu finko nahiz mugikorrak, karabanak, edo bizileku, lojamendu edo astialdirako leku gisa erabil daitekeen beste edozein elementu egonkorki ezartzea, dela etengabe dela tarteka, egoitza erabilera lagungarrietara destinatutako eraikuntzatzat hartuko da ondorio guztietarako eta, hortaz, mota hauetako eraikuntzetarako galdatutako beharkizunak aplikatuko zaizkio.

D.Egundauden eraikinak eraitsi edo ordezkatzen badira eta eraikin berria(k) eraikitzen bad(ir)a, eraikin berri hauek lehendik zeudenen leku desberdinean kokatu ahal izango dira, paisajer-, ingurugiro- nahiz osasun-arrazoiak edo beste hainbat arrazoi direla medio. Udalak erabakiko du kokapen berria, hala dagokionean lekualdaketa justifikatuko duten arrazoiak eta egungo arazoak baloratu ondoren, eta erabaki hori nahiatez betearazi ahal izango du.

4.Nekazaritza ustiapen arrunt berrien ezarpena.

Nekazaritza ustiapen arrunt berrien ezarpenak, besteak beste, artikulu honetako 1. atalean —Gipuzkoako Foru Aldundiaren ziurtagiria— eta 2. atalean —ustiapen horri lotetsitako lurraren gutxienezko azalera— ezarritako baldintzak betetzea galdatuko du.

5.Nekazaritza ustiapen arrunten egoitza erabilera lagungarriak.

A.Nekazaritza ustiapen arrunt berriak edo egun daudenak, ustiapen horren egoitza erabilera lagungarrietara destinaturiko edota horretara destina daitekeen eraikuntza bat dutenak.

Nekazaritza ustiapen horietako bakoitzari lotetsitako gehienez lau (4) etxebizitzen ezarpena baimentzen da, ustiapen horiekiko izaera lagungarria izango dutelarik. Kasu orotan, baimen hori ematea ondoko beharkizun guztiak betetzearen baldintzapean egongo da:

a)Kasuan-kasuan beharrezko gerta litezkeen berritze eta birgaikuntza obren garrantzi handi edo txikiaren kaltetan izan gabe, etxebizitza guzti horiek egun dauden eraikuntzetan gaitu beharko dira.

Ez dira ezein kasutan onartuko erabilera horietara destinaturiko eraikuntza berriak.

b)Etxebizitza kopuru handiago ala txikiagoa —aipatu den gehienezkora arte— ezartzeko baimena ondoko irizpideetara egokituko da:

—Etxebizitza bakoitzeko (1) 300 m²(s) baino gutxiagoko eraikuntza probetxamendua.

—Bi (2) etxebizitzako 300 m²(s)-ko edo gehiagoko eraikuntza probetxamendua eta 500 m²(s) baino gutxiagokoa.

—Hiru (3) etxebizitzako 500 m²(s)-ko edo gehiagoko eraikuntza probetxemandua eta 900 m²(s) baino gutxiagokoa.

—Lau (4) etxebizitzako 900 m²(s)-ko edo gehiagoko eraikuntza probetxamendua.

c)Ondorio hauetarako, ez dira konputatuko eraikuntza edo eraikuntza bloke berean erregistroan ustiapenari lotetsita ez dauden beste etxebizitzak.

d)Hurrengo atalean xedatutakoaren kaltetan izan gabe, gaitu nahi den etxebizitza kopurua edozein delarik ere, ez dira onartuko emaitza gisa 25.000 m² baino gutxiagoko azalerako lurzati edo finka berriak sorrarazten dituzten afektatutako finken banatzeak edo zatiketak, lurzati hauek beste nekazaritza ustiapen batzuetara adskribaturik daudela bermatzen denean izan ezik.

e)Ondorio hauetarako, kontsolidatu egiten dira 25.000 m² baino gutxiagoko azalerako finketan kokatuta dauden eraikuntzak, alabaina, finka hauek ezingo dira banandu.

f)Besteak beste, artikulu honetako «3.B» atalean ezarritako beharkizunak bete beharko dira.

g)Beharrezko diren ur-, saneamendu- eta elektrizitate-zerbitzuak izan beharko ditu.

Halaber, «nekazalturismo» erabilerak ere baimentzen dira eraikuntza horietan.

B. Nekazaritza ustiapen arrunt berriak, hauen egoitza erabilera lagungarrietara destinaturiko edota horretara destina daitekeen eraikuntzarik ez dutenak.

Nekazaritza ustiapen arrunt berrien egoitza erabilera lagungarrietara destinaturiko eraikuntza berrien ezarpena baimentzen da, Arau hauetako 3.4 kapituluan ezarritakoez gain, ondoko baldintza hauek betetzen direnean:


a)Artikulu honetako 1. atalean aipaturiko gaien kreditazioa, bertan zehazten den eran.

b)Hala dagokionean eta artikulu honetako 2. atalean adierazitakoarekin bat eginik, Gipuzkoako Foru Aldundiak ustiapenari lotetsitako lurren azalera eta luzerari buruz erabakitzen duenaren kaltetan izan gabe, egoitza erabilerako eraikuntza berriaren ezarpena baimentzeak gutxienez 5 Ha.-ko azalera duen lurzatiaren ekarpena galdatuko du, ustiapenak lurzati honekin erregistro-unitatea osatu beharko duelarik.

Gainera, dagokion titularrak gutxienez 3 urtez nekazaritzako gizarte-segurantzan altan egona dela kreditatu beharko du.

c)Eraikuntza baldintzak:

—Gutxienezko separazioak:

Lurzoru Ez-Urbanizagarriaren mugetara: 200,00 m.

Lurzatiaren mugetara (Indarrean dauden legezko xedapenek distantzia eta separazio handiagoak ezartzen badituzte, hauetan xedatutakoari jarraituko zaio): 10,00 m.

Babespeko elementu natural edo eraikietara (zuhaitzak, ibai-ubideak, errepideak, bideak, eta abar): Indarrean diren legezko xedapenetan edo proiektu honetan izaera orokorrez galdatutakoak.

Beste finka batzuetan dauden egoitza eraikuntzetara: 50,00 m.

Beste finka batzuetan dauden egoitzazkoak ez diren eraikuntzetara: 50,00 m.

—Erabilera horietara destinaturiko gutxienezko azalera eraikigarria: 150,00 m²(s).

—Erabilera horietara destinaturiko gehienezko azalera eraikigarria: 300,00 m²(s).

—Oinplanoan okupatutako gutxienezko azalera: 120,00 m².

d)Gehienezko etxebizitza kopurua: Etxebizitza 1.

6.Nekazaritza ustiapenera destinatutako eraikuntzak.

a)Halakotzat hartuko dira izaera finko eta egonkorreko eraikuntza guztiak, zuzenean nekazaritza ustiapeneko erabileretara edota hauen erabilera osagarri eta lagungarrietara destinaturikoak —kortak, ukuiluak, lastategiak, siloak, nekazaritzako makineria eta baserriari lotetsitako pertsonen ibilgailuak gordetzeko eraikuntzak, eta abar—, egoitza erabilerak salbuetsiz.

b)Soilik ordenazioz kanpo deklaratutakoak izan ezik, kontsolidatutzat ulertuko dira proiektu hau onetsi aurretik zeuden eta beste erabilera batzuetara destinatzen ziren eraikuntzak.

Eraikuntza hauen zabaltzearen ondoriorako, aplikagarritzat ulertuko dira eraikuntza berrientzat ondoren ezartzen diren beharkizunak, hauen betetzea ezinezkoa gertatzen denean izan ezik. Kasu honetan, Udalak bidezkotzat jotzen duen erabakia hartuko du, beti ere erabaki hori justifikatuz.

c)Erabilera horietara destinaturiko eraikuntza berriek, nekazaritza ustiapen berriei nahiz lehendik zeudenei lotetsitakoek, ondoko baldintzak bete beharko dituzte:

—Gutxienezko separazioak:

* Izaera orokorrez:

Lurzoru Ez-Urbanizagarriaren mugetara: 100,00 m.

Beste finka batzuetan dauden eraikuntza ez-landatarretara: 50,00 m.

Lurzatiaren mugetara: 10,00 m.

* Granjak eta abeltzaintza ustiapen intentsiboak:

Lurzoru Ez-Urbanizagarriaren mugetara: 250,00 m.

Beste finka batzuetan dauden eraikuntza ez-landatarretara: 100,00 m.

—Eraikuntza bere gain hartuko duen lurzatiaren gutxienezko azalera (Kasu orotan, lurzati horrek fisikoki nahiz espazialki jarraia den eremua osatu beharko du): 5.000 m².

—Gehienezko okupazioa: Eraikuntza bere gain hartuko duen lurzatiaren %5a.

—Profila: II/I.

—Eraikuntza altuera: 7,00 m.

—Gehienezko eraikuntza luzera: 36,00 m.

d)Zuzenean lurrean landatzen duten berotegien ezarpena ondoko baldintzetara egokituko da:

—Gutxienezko separazioak:

Lurzatiaren mugetara: 5,00 m.

Beste finka batzuetan kokatutako eraikuntza ez-landatarretara: 20,00 m.

—Lurzatiaren gehienezko okupazioa (Ezarritako zehaztapen eta okupazio-indize multzoa berotegia fisikoki bere gain hartuko duen lurzatiari dagozkiola ulertuko da):

< 5.000 m² %20.

>20.000 m² %10.

>60.000 m² %5.

3.5.3 Artikulua.Nekazaritza erabilera profesionalizatu gabeak.

1.Tramitazioa:

Beren ezarpenak ez du Gipuzkoako Foru Aldundiaren txostenik galdatuko, zeina Hirigintza Kudeaketa Erregelamenduaren 44. artikuluko 2. atalean aurreikusita dagoen.

2.Gutxienezko lurzatia: 2.500 m².

3.Eraikuntza baldintzak.

—Lurzati bakoitzeko txabola baten eraikuntza baimentzen da, lanabesak gordetzeko, Arau hauetako 3.4 kapituluan galdatutako beharkizun orokorrak bete beharko dituelarik.


—Halaber, honako baldintza hauei egokitu beharko zaie:

Gehienezko sabai azalera eraikigarria: 15 m²(s).

Eraikuntza altuera: 2,50 m.

Lurzatiaz kanpoko edozein eraikuntzarako gutxienezko separazioa: 50,00 m.

Eraikuntza ezaugarriak: Material egoki eta iraunkorrez eraikiko dira eta ez dira ezein kasutan behin-behinekoak eta desmuntatzeko modukoak diren materialak.

3.5.4 Artikulua.Baso-erabilerak.

1.Zuhaitz landaketak, lurrak nekazaritza eta abeltzaintza ustiapenerako eskaintzen duen ahalbideari trabarik egingo ez dioten lekuetan burutuko dira.

Zentzu honetan, %30etik beherako aldapa duten egungo larrediak ezin izango dira konifero landaketa masibora destinatu.

2.Zuhaizti landaketa estensiboak egin ahal izateko, nolanahi ere, aldez aurretik nekazaritzan eskumena duen Foru Aldundiko dagokion Departamentuaren txostena eskatuko da.


3.Zuhaizti landaketak, egin nahi direneko zona edozein delarik ere, besteak beste, ondoren adierazten diren gutxienezko separazioetara egokituko dira:

—Lurzatiaren mugetara: 10,00 m.

Nolanahi ere, distantzia hori gutxitu edo guztiz ken ahal izango da, mugakide den lurzatiaren jabearen baimena lortzen den kasuan edota lurzati hau ere baso-erabileretara destinaturik dagoen kasuan.

—Beste finka batzuetan dauden eraikuntzetara, hauei esleitutako erabilera edozein delarik ere: 40,00 m.

3.5.5 Artikulua.Obra publikoei lotetsitako erabilerak.

1.Kontuan hartutako erabilerak.

Titulartasun eta sustapen publikoko komunikabide-sitemak —hornitegiak ere barne—, edo hiri-zerbitzuen azpiegiturak
—ur-hornidura, hondakin-uren saneamendu eta arazketa, gas eta energia elektrikoaren hornidura, irratia/telebista eta bestelakoak— ustiatu eta iraunarazteko erabilera eta eraikuntza lagungarriak hartuko dira halakotzat, landa-ingurunean ezarri beharrekoak, Arau Subsidiario hauek beren ezarpen eremua sistema orokor gisa espreski definitu ez dutenean.


2.Tramitazioa.

Eraikuntza lizentzia eskatu aurretik, Udalari kontsulta bat formulatuko zaio, non honek, arrazoitutako ebazpenean, lurzati ekarpen, eraikigarritasun eta aparkaleku zuzkidurari buruzko baldintzak definituko baititu, bai eta legokiokeenean aldez aurretik plan berezi bat formulatzeko galdakizuna ere.


Kasu orotan, kontuan hartuko dira dagokion Administrazioak bere eskumen eta funtzioetan formula ditzakeen espedienteetan eta proiektuetan barne hartutako gai honi buruzko zehaztapenak.

3.Lurzati ekarpena.

Ez da izaera orokorrez aplika daitekeen baldintzarik ezartzen. Hala ere, Udalak, dagokionean, ezartzeko baimena eskatzen deneko erabilerak beste erabilera ez-landatar batzuekin izan lezakeen antza dela eta, azken hauetarako ezarritako lurzati ekarpenari buruzko baldintzak aplika daitezen galdatu ahal izango du.

4.Gutxienezko separazioak.

—Lurzatiaren mugetara: 5,00 m.

—Egungo etxebizitza eraikuntzetara: 50,00 m.

Honez gain, kasu bakoitzean indarrean den sektoreko legeriak ezar ditzakeenak aplikatuko dira, bai eta honako kapitulu honen gainerako artikuluetan eraikin mota desberdinentzat definiturikoak ere.

5.Eraikuntza baldintzak.

Udalak, %10eko gehienezko lurzati okupazioaren barruan, bidezkotzat jotzen dituen berariazko eraikuntza beharkizunak xedatuko ditu, arrazoitutako ebazpenaren bidez. Edozein kasutan, Ordenantza hauetako 3.4 kapituluan ezarritako izaera orokorreko arauak bete beharko dira.


6.Aparkalekua.

Gutxienezko zuzkidura: Plaza bat (1)/100 m²(s).

3.5.6 Artikulua.Lurraldearen ustiapenari ez lotetsitako erabilerak.

1.Halakotzat hartuko dira Lurzoru Ez-Urbanizagarrian ezarri beharreko nekazaritza industriak, beti ere nekazaritza ustiapen bati erabilera lagungarri gisa lotzen ez bazaizkio eta, edozein kasutan, 2.000 m²(s) baino gehiagoko sabai azalera edota aire zabalean 5.000 m² (l) baino gehiagoko maniobra edo biltegiratze espazioa dutenak.

2.Eraikuntza eta urbanizazio baldintzak.

—Ekarpen gisa gaineratutako gutxinenezko lurzatia: 25.000 m².

—Eraikuntzek Arau hauetako 3.4 kapituluan galdatzen diren beharkizun orokorrak beteko dituzte —ibilgailuen sarbideen antolakeraren ondorioetarako erabilera ez-landatartzat hartuko dira—. Halaber, kapitulu honetako 3.5.2 artikuluaren «6.» epigrafean nekazaritza ustiapenera destinatzen diren eraikinetarako ezartzen diren baldintzak bete beharko dituzte.

3.5.7 Artikulua. Egoitza erabilera autonomoak.

Proeiktu hau onetsi aurretik zeuden eraikuntzetan eta ordenazioz kanpo deklaratu ez direnetan soilik ezarriko dira, beti ere erabilera horien ezarpena baimentzen den erabilera globaleko zonetan kokatzen badira.

Kasu orotan, hauen baimentzea Hirigintza Arau hauetako «3.5.2» artikuluaren «5.A» atalean eta «3.4» kapituluan izaera orokorrez ezartzen diren baldintzen betetzearen baldintzapean egongo da.

«3.5.2» Artikuluaren «3.D» atalean azaldutako arrazoi berak aintzat hartuz, aipaturiko erabileretara destina daitezkeen egungo eraikinak eraitsiko balira, Udalak erabakiko duen kokaleku berrian kokatu ahal izango dira.


3.5.8 Artikulua.Baimen daitezkeen beste erabilera ez-landatar batzuk.

1.Zona desberdinetan baimendutako hirugarren sektoreko erabilerak eta ekipamendu komunitariokoak, titulartasun publiko nahiz pribatukoak, eta titulartasun pribatuko zerbitzu azpiegituretarako erabilerak kontuan hartzen dira hauen artean, landa-ingurunean ezarri beharrekoak, beren onura publiko edo interes sozialaren ikuspuntutik aski justifikatzen bada.

«3.5.2» Artikuluaren «3.D» atalean azaldutako arrazoi berak aintzat hartuz, aipaturiko erabileretara destina daitezkeen egungo eraikinak eraitsiko balira, Udalak erabakiko duen kokaleku berrian kokatu ahal izango dira.


2.Gaur egun dauden eraikuntzetan hirugarren sektoreko erabilerak eta ekipamendu komunitariokoak ezartzea.

Hurrengo «3.» atalean adierazitako salbuespenean ezik, erabilera horien ezarpena proiektu hau onetsi aurretik zeuden eta ordenazioz kanpo deklaratu ez diren eraikuntzetan soilik baimentzen da, beti ere ondoko baldintzak bete beharko direlarik:

—Izaera orokorrez, eraikuntza horiek proiektu hau onesten den unean dituzten ezaugarriekin —eraikuntzaren parametro formalak; eraikuntza probetxamendua; etab.— kontsolidatzen direla ulertuko da.

—Ez dira ezein kasutan baimenduko 25.000 m² baino gutxiagoko azalera duten lurzati edo finka berriak sorrarazten dituzten afektatutako finken banatzeak edo zatiketak, lurzati hauek beste nekazaritza ustiapen batzuetara adskribaturik daudela bermatzen denean izan ezik.

—Ondorio hauetarako, kontsolidatu egiten dira 25.000 m² baino gutxiagoko azalerako finketan kokatuta dauden eraikuntzak, alabaina, finka hauek ezingo dira banandu.

—Besteak beste, Hirigintza Arau hauetako «3.5.2» artikuluaren «3.B» atalean ezarritako beharkizunak bete beharko dira.

3.Eraikuntza berrietan hirugarren sektoreko erabilerak eta ekipamendu komunitariokoak ezartzea.

Aparteko kasu gisa eta, beti ere, proposatutako xedea egungo eraikuntzetan ezartzea ezinezko gertatzen denean, erabilera horietara destinaturiko eraikuntza berriak eraikitzea baimendu ahal izango da, besteak beste, ondoko baldintza hauek betetzen direnean:

—Baimena, aldez aurretik eta derrigorrez Hirigintza Arau hauetako «2.3.4» artikuluan adierazitakoari jarraituko dion plan berezia formulatu eta onestearen baldintzapean egongo da. Plan berezi horrek, aipatu berri dugun zirkunstantziaz gain, ondokoak justifikatu beharko ditu:

Landa-ingurunean proposatutako jardueren eta eraikuntzaren kokalekuaren egokitasuna.

Proposatutako xedearen onura publikoa eta interes soziala.

—Arau hauetan eta, besteak beste, bertako «3.4» kapituluan ezarritako aplikazio orokorrekoak.

—Ekarpen gisa gaineratutako lurzatiaren gutxienezko azalera: 25.000 m².

Ekarpen gisa gaineratutako lurzatiak fisikoki nahiz espazialki jarraia den eremua osatu beharko du kasu orotan eta eraikuntzari lotetsia geratu beharko du emaitza guztietarako
—erregistroaren ingurukoak, eta abar—.

—Eraikuntza baldintzak:

Lurzatiaren mugetara: 10,00 m.

Lurzoru Ez-Urbanizagarriaren mugetara: 250,00 m.

Beste finka batzuetan dauden eraikuntza landatar edo ez-landatarretara: 250,00 m.

Gehienezko sabai azalera eraikigarria:

* Lurzatia < 6,0 ha. 1.800,00 m²(s).

* Lurzatia > 6,0 ha. 2.400,00 m²(s).

* 6,0 ha. baino gehiagoko azalera duten lurzatietan, eta honi dagokion justifikazioaren ondoren, formulatu beharreko plan bereziak aipaturiko sabai azalera eraikigarria birdoitu egin ahal izango du.

Aparkaleku zuzkidura: Plaza bat (1)/100 m²(s) [gutx.].

Etxebizitza laguntzailea: Etxebizitza bat (1)/lurz. [gehi.].

Instalazioen arduradun diren edo berauek zaintzen dituzten pertsonentzat destinatuko dira, baimendutako eraikuntza probetxamenduaren mugen barruan eraikiko dira, eta, posible izanez gero, eraikin nagusian integraturik.

—Aipaturiko plan bereziak ezartzen dituen gainerako baldintzak.

4.Titulartasun eta sustapen pribatuko zerbitzu azpiegituretarako erabilerak.

Aipatutako erabilerak erabilera autonomo gisa ezarri ahal izateko, 3.4 kapituluan adierazitako baldintza orokorrez gain, Hirigintza Arau hauetako 3.5.5 artikuluaren «2.», «3.», «4.», «5.» eta «6.» ataletan ezarritako irizpideetara egokitu beharko dira. Nolanahi ere, baimendu ahal izateko, 2.6.3 artikuluko «3.» atalean xedatutakora egokituko dira.

LAUGARREN TITULUA

HIRIGINTZA ONDARE KATALOGATUA
BABESTEKO ARAUAK

4.KAPITULUA

4.1 Artikulua.Elementu katalogatuak babesteko erregimenaren formulazioa.

Indarrean dagoen hirigintza legeriak xedatutakoaren arabera formulatu delarik (Hirigintza Plangintza Erregulamenduaren 86. eta 87. artikuluak, eta hauekin bat datozen gainerako xedapenak), honako Katalogo honen xedea, batetik, euren interes artistiko, kultural, historiko, ekologiko edo naturalistiko, zientifiko eta abarren ondorioz hondamendirik edo degradaziorik jasan ez dezaten zaindu eta babestu egin behar diren Zaldibiako udal mugarteko ondasun eta elementu eraiki nahiz naturalen zerrenda zehaztea da.

Zerrenda hau, dokumentu honetan bertan barne hartuta dagoen «elementu katalogatuen zerrendan» aipatzen diren ondasunek eta elementuek osatzen dute.

Ondasun eta elementu guzti horiek, dokumentu honetan bertan nahiz gai honi dagokionean indarrean dauden gainerako legezko xedapenetan (1990eko uztailaren 3ko Euskal Kultur Ondareari buruzko Legea, eta abar) ezarritako babes erregimenarenpean daude.

4.2 Artikulua.Ondasun eta elementu katalogatuak babesteko erregimen orokorra.

1.Ondasun eta elementu katalogatuak ezin izango dira interbentzio suntsitzaile edo degradatzaileeen xede izan, helburutzat baliorik gabeko eraskinak edota elementu katalogatuen izaera kemengabetzen dutenen eliminazioa dutenen kaltetan izan gabe.

2.Dagokion udal lizentzia eskatu aurretik, afektatutako jabeak edo sustatzaileak, ezarritako babeserako xedeen testuinguruan proiektatutako interbentzioen egokitasunari buruzko kontsulta egin beharko du Udalean, bai eta eraikuntzaren eta honen elementu desberdinen babes-obligazioen materializazio zehatzari buruzko kontsulta ere.


Helburu honekin, egin beharreko obraren oinarrizko alderdiak behar adinako zehaztasunez definitzen dituen aurreproiektu edo dokumentu bat aurkeztuko du Udalean.

Udalak kontsulta horren aurrean hartzen duen erabakiak ez du baztertuko dagokion lizentziari buruzko ebazpenean, bidezkotzat joz gero, baldintza gehigarriak eransteko aukera.


Kasu orotan, jabeak edo sustatzaileak lizentzia eskaera zuzenean formulatzeko aukera izango du, aurkezturiko proiektua, hala badagokio, bere baliozkotasun efektiborako, udal ebazpenean ezarritako baldintzetara egokitu beharraren kaltetan izan gabe, edota, baimena eskatzen den interbentzioa, jaulkitzen diren txosten teknikoetan ezarritako babes-irizpideetara egokitzen ez delako, ukatua izatearen kaltetan izan gabe.

3.Kontsulta eta eraikuntza edo obra proiektua dagozkien organismoetara igorriko dira —Eusko Jaurlaritza edo Gipuzkoako Foru Aldundia—, proiektatutako interbentzioek legalki organismo hauen zainpean eta interbentziopean dauden ondasunetan eraginik izango badute.


4.Katalogatutako ondasunetan egin beharreko obrek aurreko ataletan aipaturiko ebazpenetan ezarritako babes-baldintzak bete beharko dituzte kasu guztietan.


5.Hala dagokienean, 1990eko uztailaren 3ko Euskal Kultur Ondareari buruzko Legeak ezarritako erregimenpean dauden eraikuntzak edo hauen elementuak aurri egoeran deklaratzea, lege horren 36. artikuluan ezarritako erregimen eta prozedurara egokituko da.

6.Aralarko Parke Naturalean kokatuta dauden ondasunen eta elementuen kasuan, gai honi dagokionean 1994ko apirilaren 26ko Dekretu bidez onetsitako Aralarko Areako Baliabide Naturalen Ordenaziorako Planean eta honen garapenean, edota, hau ordezkatuz formulatzen diren eremu horri buruzko gainerako dokumentu eta proiektuetan xedatutakoari jarraituko zaio.

7.1996ko azaroaren 11ko Eusko Jaurlaritzako Kultura Sailaren ebazpenak afektatzen dituen areak eta elementuak, hala dagokienean, ebazpen horren bidez irekitako espedientearen testuinguruan ezartzen den babes arkeologikoaren erregimenpean geratuko dira.

Proeiktu honetan ezarritako araudia ez da ondasun eta elementu horietarako aplikagarria izango.

4.3 Artikulua.Ondasun eta elementu katalogatuak babesteko erregimen-modalitateak.

1.Izaera orokorrez, ondoko erregimen-modalitateak ezartzen dira ondasun eta elementu katalogatuak babesteko:

Artapen hertsia.

Oinarrizko artapena.

2.Artapen hertsiko erregimena.

Artapen erregimen honi lotetsitako eraikuntzen eta gainerako ondasunen gaineko interbentzioek eta jarduketek hauen artapena eta zaharberrikuntza izango dute lehentasunezko xedetzat, elementu degradatuen edota aldaketa desegokiak jasan dituzten elementuen konponketa edo leheneratzea baimendtzen delarik.

Zentzu honetan, izaera ororkorrez, xedetzat aipaturiko elementuen zaharberrikuntza edo birjartzea eta instalazioen modernizazioa duten obrak edo interbentzioak baimenduko dira soilik. Aparteko kasuetan, azterlan xehekatu hertsiaren eta justifikazioaren ondoren, eta, beti ere ondasun horien funtsezko ezaugarrien babesa bermatzen denean, obrak direla medio ezaugarri horien edonolako aldaketarik edo gutxiespenik gertatu gabe, Udalak garrantzi handiagoko obrak baimendu ahal izango ditu.

3.Oinarrizko artapeneko erregimena.

Artapen erregimen honi lotesitako eraikuntzak eta gainerako ondasunak, euren egituraren zati baliotsuak mantenduz artatu eta zaharberrituko dira, obra nagusiaren edo bigarren mailakoen zati osagarriak obraren ezaugarrien araberako zentzu arkitektoniko eta historikoz birjarriko direlarik.


Ondoko obra hauek egitea baimentzen da: Elementu hondatuen edo aldatuen zabarberrikuntza eta birjartze obrak; instalazioen modernizazioa; obra erantsien eraispena; egitura mailako konponketak dakartzaten barne-erreformak; eta abar.

Aparteko kasuetan, eraikuntzak ordezkatu egin ahal izango dira, hauen elementu berezi aipagarriak berreskuratuz, zeinak proeiktu berrian barne hartuko diren, horretarako hau onesten duen udal txostena izan beharko delarik aldez aurretik.

4.Gipuzkoako Foru Aldundiaren nahiz Eusko Jaurlaritzaren zainpean dauden ondasunak eta elementuak afektatzen dituzten obrek eta interbentzioek, gai honi dagokionean indarrean dagoen legerian aurreikusitako txostenak, baimenak, eta abar beharko dituzte.

Halaber, aipaturiko zainpean ez dauden ondasun eta elementuetan proiektatutako obra eta jarduketetatik erator daitezkeen eraginak kontuan hartuz, Udalak aipaturiko erakundeen lankidetza eta interbentzioa eskatu ahal izango du, obra eta jarduketa horien bideragarritasuna zehaztu ahal izateko.

Oharra: Laugarren Titulu hau «C. Hirigintza Ondarearen Katalogoa» dokumentuan ere barne hartuta dago.

H.I.A.ETARAKO ARAU PARTIKULARRAK

«1-HERRIGUNEA». H.I.A. (Azalera: 21.241 m²)

I.ORDENAZIO IRIZPIDEAK ETA HELBURUAK

—Arearen ezaugarri orokorren kontsolidazioa, bai egungo eraikuntzei dagokienez, bai eta bidetzari eta dagoen gainerako ez eraikitako espazioari dagokionez ere.

—Dagoeneko eraikita dauden hiru lurzatietan profilaren handitzeak ekar lezakeen probetxamenduaren gehikuntzaz gain, bi eraikuntza interbentzio berri aurreikusten dira; «1.1 EU.» (Presalde) eta «1.2 EU.» (Escribano) gisa definitutako Exekuzio Unitateetan berne hartuta daude eta egungo eraikin zaharkituak ordezkatzeko eta inguruko espazio publikoa berrordenatzeko mugatzen dira.

Bi interbentzio hauek Amundarain Ibaiaren ertzerarako sarbidea hobetuko lukete bi puntu estrategikotan — gaur egun ezinezkoa da bertara iristea—, etorkizunean Ibaia hirigunetik pasatzen den zatirik handienean ertzeko pasealekua gauzatzea lortu ahal izateko.

—Aurrekoarekin lotuta planteatzen da «1.3.D.E.» «desjabetzapen eremua», aipatutako helburua lortzeko beharrezko den lurzoruaren zati handi baten titulartasun publikoa ziurtatzeko jarduketa mekanismo gisa; hots, «Escribano» etxetik Amundarain Ibaiaren eskuineko ertzean frontoiaren atzean dagoen lekurainoko urbazterreko pasealekua gauzatzeko helburua, Aztiriagako Arean burututakoaren jarraian, alegia.

Aipaturiko urbazterreko pasealekua Eskolarako oinezkoentzako sarbide-pasabidearekin osatuko da, pasabide hau egun dagoena nahiz Gure Ametza etxaldearen eta «1.1 EU» eremuaren artean kokatuko litzatekeen berria delarik ere. Pasabiderako bi proposamen hauek izaera orientagarria dute, ez arauzkoa.

—Ordizia-Abalzisketa errepidearen zeharbide berria irekitzearen obra osagarri gisa, egungo Santa Fe Kalearen berrurbanizazioa dago aurreikusita, ibilgailuen trafiko eta oinezkoen igarotzea aldi berean egoteko irizpideei erantzuten dien tratamendua duelarik.

II.HIRIGINTZA ERREGIMEN OROKORRA

1.Kalifikazio globala.

A.10/1 ZONA (Egoitza zona):(Azalera: 21.241 m²).

—Eraikuntza baldintza partikularrak:

Zonaren eraikuntza probetxamendua (Informazioarako datua): 26.955 m²(s).

Eraikuntza probetxamendua erregulatzeko baldintzak:

Kontsolidatutako probetxamendua:

Jarraian aipatzen diren eremu eta lurzatietan izan ezik, eraikuntza probetxamendu arautzailea eraikuntzen egungo formaren emaitzazkoa izango da.

Probetxamendu berria:

«1.1.EU.»an: 1.000 m²(s).

«1.2.EU.»an: 2.085 m²(s).

«Arretxe» etxeari loturiko lurzatian —«a.10.1.4»—, eraikuntza probetxamendua baimendutako gehienezko inguratzailearen emaitzazkoa izango da.

Eraikuntzaren forma erregulatzen duten parametroak:

Segidan aipatzen diren kasu partikularren kaltetan izan gabe, kontsolidatu egiten dira gaur egun dauden eraikuntzen profila eta altuera Arau Orokorrek erabilera xehekaturako zona mota bakoitzerako ezarritakoak baino handiagoak edo berdinak badira.

Bestalde, aipaturiko kasu partikularrak ondoko hauek dira:


—«Konpitteri» —«a.10.1.5»— eta «Errementari»
—«a.10.1.6»— etxeei loturiko lurzatietan, bertan baimendutako eraikuntzen parametro formalak gaur egungo eraikuntzen emaitzazkoak dira.

«Arretxe» etxeari —«a.10.1.4»— loturiko lurzatian, bertan baimendutako eraikuntzaren parametro formalak bat etorriko dira «Konpitteri» etxeko parametroekin, etxe honen altuera eta profila kontsolidatzen direlarik.

—Kontsolidatu egiten dira «a.10.1.3» (Albizu-Berri) eta «c.10.1.1» (Txindoki) lurzatien profila eta altuera, Xehekatutako Zonakatze-Planoan adierazitakoak, bai eta «Albizu» eta «Kanpain» eraikinenak, honako Interbentzio Area honetan eta Proiektu hau osatzen duen Ondare Eraikiaren Katalogoan barne hartuta daudenak.

«1.1.EU.»an:

Eraikuntza profila: IV/I.

Eraikuntza altuera: 12,60 m.

«1.2.EU.»an:

Eraikuntza profila: IV/I.

Eraikuntza altuera: 13,00 m.

—Erabilera baldintza partikularrak:

Etxebizitza kopurua:

«1.1.EU.»an: 9 etxebizitza (datu orientagarria. «1.1 EU»ko etxebizitza-kopurua Arau Orokorren 3.2.6 artikulua erabilera honetara destinatruiko oinen azalerari aplikatzearen emaitzazkoa izango da).

«1.2.EU.»an: 15 etxebizitza.

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—Hirigintza probetxamendua esleitzeko erregimen orokorra:

«1.1.EU.»an eta «1.2.EU.»an Batazbesteko Probetxamendua, kasuak kasu, erreferentzia eremuan guztira aurreikusitako irabazizko probetxamendua eta unitate bakoitzaren lurraren azaleraren arteko zatiketaren emaitzazkoa izango da. (Proiektu honetako Hirigintza Arauen 2.2.2 artikuluan xedatutakoari jarraituko zaio ondorio guztietarako).

—Gainerako kasuetan indarrean dagoen legeriak xedatutakoari jarraituko zaio.

—Programa:

«Exekuzioan» Arau Subsidiarioen behin-betiko onespenetik aurrera.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datuak. Ez dira kontuan hartzen azpieraikitako «lurzatietan» gerta daitezkeen gehikuntzak):

—Etxebizitza erabilera:

Kontsolidatutako eraikuntza probetxamendua:

«a.10» lurzatiak»: 21.348 m²(s).

«a.20» lurzatiak»: 1.399 m²(s).

—Kontsolidatutako etxebizitza kopurua:

«a.10» lurzatiak»: 179 etx.

«a.20» lurzatiak»: 5 etx.

—Eraikuntza probetxamendu berria:

«a.10» lurzatiak»: 2.855 m²(s).

—Etxebizitza berrien kopurua:

«a.10» lurzatiak»: 24 etx.

—Merkataritza erabilera:

Kontsolidatutako eraikuntza probetxamendua:

«a.10» lurzatiak»: 1.123 m²(s).

Eraikuntza probetxamendu berria:

«a.10» lurzatiak»: 230 m²(s).

—Zuzkidurak:

Espazio libreak.

«f.10» lurzatiak: 2.432 m².

Ekipamendu komunitarioa:

«g10» lurzatiak: 2.281 m²(l)/2.601 m²(s).

2.Eraikuntza, jabari eta erabilera baldintza partikularrak.

«II.10» planoan definitzen dira grafikoki.

«a.10.1.1» lurzatiaren behe-oina hirugarren sektoreko erabileretara edo garaje erabilerara bakarrik destinatuko da.

«a.10.1.2» lurzatiaren behe-oina hirugarren sektoreko erabileretara edo etxebizitza erabilerara bakarrik destinatuko da.

«a.10.1.4» eta «a.10.1.5» lurzatietan behe-oinean erabilera publikoko zortasuna izango da ibaira ematen duen fatxadan hiru metroko sakonera duelarik.

3.Hiri-Zerbitzuen azpiegiturak eta urbanizazio-obrak.


«1.1.EU.»an eta «1.2.EU.»an sortutako espazio libreak eta bidetza (aparkalekuak, espaloiak, galtzadak, pasealekuak, eta abar) urbanizatuko dira, espaloia handitzeko Urtsu-Erreka Ibaiaren gaineko taula eraikitzeko obrak bigarrenari esleitzen zaizkiolarik.

Santa Fe Kalearen berrurbanizazioa, ibilgailuen trafikoa eta oinezkoen igarotzea aldi berean egoteko irizpideetan oinarrituriko gainazaleko tratamendua izanik.

Urbazterreko pasealekua Amundarain Ibaiaren eskuineko ertzean egitea, Escribano Etxea eta frontoiaren atzeko aldearen artean. Paseaeku hau Eskolarako sarbide-pasagunearekin osatuko da, gaur egun dagoena nahiz beste berri bat.

4.Hirigintza kudeaketa eta exekuziorako baldintza juridikoak.

—Kudeaketa eta exekuziorako baldintza orokorrak:

Mugatu egiten dira «1.1.EU.» eta «1.2.EU.» exekuzio unitateak, hurrenez hurren 569 m² eta 894-m²ko azalerakoak, eta baita «1.2.DE.» desjabetzapen eremua ere, 244 m²ko azalerarekin.

Bi exekuzio unitateak konpentsazio sistemaren bidez garatuko dira.

—Ordenazioz kanpoko eraikuntzak:

Ordenazioz kanpo deklaratzen dira II.9 «Garapen, hirigintza kudeaketa eta exekuziorako baldintzak» planoan grafiatutako eraikuntzak.

Guztiak Area honetan mugatutako exekuzio unitateetan barne hartuta daude.

—Urbanizazio kargak finantzatzeko:

«1.1.EU.» eta «1.2.EU.» exekuzio unitateei dagozkien urbanizazio kargak eskubideen titularren kargura izango dira aipatutako eremu bakoitzean.

Santa FeKalearen berrurbanizazioa eta urbazterreko pasealekuaren formalizazioa Zaldibiako Udalak finantzatuko ditu.


—Exekuzio-epeak:

Urbanizazio eta eraikuntza obligazioak betetze eta kudeaketarako epeei dagokienez, honako dokumentu honetan izaera orokorrez ezarritako baldintzak aplikatuko dira.


«2-AZTIRIAGA» H.I.A. (Azalera: 11.033 m²)

I.ORDENAZIO IRIZPIDEAK ETA HELBURUAK

Arearen ezaugarri orokorren kontsolidazioa, bai egungo eraikuntzei dagokienez, bai eta bidetza eta dagoen gainerako ez eraikitako espazioari dagokionez ere, bere eremuan oinplano berriko eraikuntzarik eta urbanizazio obrarik aurreikusten ez delarik.

II.HIRIGINTZA ERREGIMEN OROKORRA

1.Kalifikazio orokorra.

A.10/2 ZONA (Egoitza zona): (Azalera: 10.142 m²).

—Eraikuntza baldintza partikularrak:

Zonaren eraikuntza probetxamendua (informaziorako datuak): 7.815 m²(s).

Eraikuntza probetxamendua erregulatzeko baldintzak:

Eraikuntza probetxamendu arautzailea eraikuntzen egungo formaren emaitzazkoa izango da, «Goiko Errementari» etxeari loturiko lurzatiaren kasuan izan ezik, hemen eraikuntza probetxamendua baimendutako gehienezko inguratzailearen emaitzazkoa izango delarik.

Eraikuntzaren forma erregulatzen duten parametroak:

Egungo eraikuntzen profil eta altuera kontsolidatzen dira, «Goiko Erremenatari» etxeari loturiko lurzatiaren kasuan izan ezik. Ondoko parametroak definitzen dira lurzati honetan:

Eraikuntza profila: BO edo ES/II.

Eraikuntza altuera: 7,20 m.

—Erabilera baldintza partikularrak:

Egungo eraikuntzetan dagoen eta orokorrean ezarritako mugak gainditzen dituen etxebizitza kopurua kontsolidatzen da

E.10/2 ZONA (Errepideak): (Azalera: 891 m²).

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—Hirigintza probetxamendua esleitzeko erregimen orokorra:

Indarrean dagoen legerian xedatutakoari jarraituko zaio.

—Jarduketa programa:

«Exekuzioan» Arau Subsidiarioen behin-betiko onespenetik aurrera.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, «II.8. Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datua).

—Etxebizitza erabilera:

Kontsolidatutako eraikuntza probetxamendua:

«a.10» lurzatiak: 5.945 m²(s).

«a.20» lurzatiak: 1.470 m²(s).

Kontsolidatutako etxebizitza kopurua:

«a.10» lurzatiak: 55 etx.

«a.20» lurzatiak: 11 etx.

—Merkataritza erabilera:

Kontsolidatutako eraikuntza probetxamendua:

«a.10» lurzatiak: 400 m²(s).

—Zuzkidurak:

Espazio libreak.

«f.10» lurzatiak: 678 m² (Informaziorako datua).

2.Eraikuntza, jabari eta erabilera baldintza partikularrak.

«II.10» planoan grafikoki definitutakoak dira.

«3-BIKARIO-ETXE» H.I.A. (Azalera: 8.566 m²)

I.ORDENAZIO IRIZPIDEAK ETA HELBURUAK

—Dokumentu honen Katalogoan barne hartutako egungo «Bikario-etxe» eta «Etxabe-enea» izeneko egoitzen kontsolidazioa.

—Bide-sistema orokorraren trazadura berriaren ordenazioa eremuan zehar; honen jarraipena «8-Ibarguren-azpi» H.I.A.-ren garapenean aurreikusten da.

—Interbentzio baldintzen berdefinizioa eremuan barne hartutako gainerako lurraldean. Hemen bi exekuzio-unitate mugatzen dira —«3.1 EU» eta «3.2 EU»—, hauei dagozkien eraikuntza eta urbanizazio baldintzak definizten direlarik.


«3.2 EU» eremuan planteatutako ordenazio proposamenak 1998ko otsailaren 11n batetik Zaldibiako Udalak eta bestetik Zaldibiako Parroki Elizak sinatutako hitzarmenean ezarritako irizpideen arabera exekutatuko dira.


—Lurraldea urbanizatzea, 300 m²-ko egongunea sortuz, gutxienez bederatzi ibilgailuentzako gainazaleko aparkalekua diseinatuz, eta urbazterreko pasealekua ordenatuz, eremuko uholde arriskuari irtenbidea emanaz.

II.HIRIGINTZA ERREGIMEN OROKORRA

1.Kalifikazio globala.

A.10/3 ZONA (Egoitza Zona) eta E.10/3 ZONA (Errepideak): (Azalera: 7.561 eta 1.005 m²).

—Eraikuntza baldintza partikularrak:

Zonaren eraikuntza probetxamendua (Informaziorako datua): 5.587 m²(s).

Eraikuntza probetxamendua erregulatzeko baldintzak:

Kontsolidatutako probetxamendua:

Eraikuntza probetxamendu arautzailea eraikuntzen egungo formaren emaitzazkoa izango da.

Probetxamendu berria:

«3.1.EU.»an: 861 m²(s).

«3.2.EU.»an: 3.045 m²(s).

Eraikuntzaren forma erregulatzen duten parametroak:

Egungo «Bikario-etxea» eta «Etxabe Enea» eraikuntzen profila eta altuera kontsolidatzen dira.

«3.1.EU.»an eta «3.2. EU»an:

Eraikuntza profila: III/I.

Eraikuntza altuera (Arau Partikular honen «1» grafikoan zehazten denaren arabera): 12,00 m.

—Erabilera baldintza partikularrak:

Gehienezko etxebizitza kopurua sei (6) unitatetan mugatzen da «3.1.EU.»rako eta hogeita hamar (30) unitateetan «3.2 EU»rako.

Merkataritza erabilera baimentzen da «3.1.EU.»aren behe-oinean.

«3.2 EU» eremuan aurreikusitako etxebizitza-kopuru osotik, 18 etxebizitza babes ofizialeko erregimenari lotuko zaizkio, batezbesteko gehienezko salmenta-prezioa indarrean den moduluaren 1,2 aldikoa izango delarik 75 m² erabilgarri baino gehiagoko azalerako etxebizitzetarako eta 1,3 aldikoa aipaturiko azalera baino txikiagoko etxebizitzetarako. Gainerako hamabi etxebizitzak sustapen librekoak izango dira.

«3.1.EU.»an gainazaleko 9 aparkaleku-plaza eta lurzatian 6 garaje-plazako gutxieneko zuzkidura ezartzen da; halaber, «3.2.EU.»an 30 garaje-plaza lurzatian antolatuko dira.


2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—«Hirigintza probetxamendua» esleitzeko erregimen orokorra:

«3.1.EU.»an eta «3.2.EU»an Batazbesteko Probetxamendua izango da, kasuak kasu, erreferentzia eremuan guztira aurreikusitako irabazizko probetxamendua eta unitate bakoitzaren lurren azaleraren arteko zatiketaren emaitzazkoa. (Proiektu honetako Hirigintza Arauen 2.2.2. artikuluan xedatutakoari jarraituko zaio ondorio guztietarako).

Gainerako kasuetan indarrean dagoen legerian xedatutakoari jarraituko zaio.

—Jarduketa programa:

Exekuzioan Arau Subsidiarioen behin-betiko onespenetik aurrera.

—Izaera orokorreko hirigintza ekintzak finantzatzeko baldintzak:

«3.2 EU»aren egoitza garapenak eremuan aurreikusitako bidetza osoaren exekuzioa ekarriko du ondoriotzat.

III.ORDENAZIO XEHEKATUA

1.Ordenazio xehekatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak:

—Etxebizitza erabilera:

Kontsolidatutako eraikuntza probetxamendua (Informaziorako datuak):

«a.10.3.1» lurzatia: (Etxabe Enea) 1.135 m²(s).

«a.20.3.1» lurzatia: (Bikario-etxe) 546 m²(s).

Guztira: 1.681 m²(s).

Kontsolidatutako etxebizitza kopurua (Informaziorako datuak):

«a.10.3.1» lurzatia: (Etxabe Enea) 1 etx.

«a.20.3.1» lurzatia: (Bikario-etxe) 2 etx.

Guztira: 3 etx.

Eraikuntza probetxamendu berria:

«a.10.3.2» lurzatia: 861 m²(s).

«a.10.3.3» lurzatia: 840 m²(s).

«a.10.3.4» lurzatia: 2.205 m²(s).

Guztira: 3.906 m²(s).

Etxebizitza berrien kopurua:

«a.10» lurzatiak: 36 etx.

—Lurzatiketa:

Ondoriozko ordenazioak eragina du «Bikario-etxe» eta «Etxabe Enea» eraikuntzen jatorrizko lurzatietan.

—Zuzkidurak:

Espazio libreak:

«f.10» lurzatiak 300 m².

2.Eraikuntza, jabari eta erabilera baldintza partikularrak.

Proiektu honen «II.10» planoan definitzen dira.

«a.10.3.4» lurzatiaren gaineko erabilera publikoko zortasuna ezartzen da 400 m²-ko gutxienezko azaleraren gainean.

«3.2 EU» eremuko behin-betiko lerrokadurak eta sestrak bertan formulatu beharreko Xehekapen Azterlanean ezarritakoak izango dira. Espediente horrek «a.10.3.4» lurzatian aurreikusitako eraikuntzen lerrokadurak doitu ahal izango ditu gainazalean erabilera publikoko zortasunpean dagoen espazioaren mugakide den zatian.

3.Hiri-Zerbitzuen azpiegiturak eta urbanizazio-obrak.


«3.1.EU.»an eta «3.2 EU»an aurreikusitako espazio libre eta bidetza (aparkalekuak, espaloiak, galtzadak, pasealekuak, eta abar) urbanizatuko dira, azken honetan eremuko uholde arriskua ekiditeko egin beharreko obrak barne hartzen direlarik.

4.Hirigintza kudeaketa eta exekuziorako baldintza juridikoak.

—Kudeaketa eta exekuziorako baldintza orokorrak:

Mugatutako ezekuzio unitateetan —«3.2 EU» eta «3.2 EU»— konpentsazio sistemaren bidez jardungo da.

—Ordenazioz kanpoko eraikuntzak:

Ordenazioz kanpo deklaratzen dira II.9 «Garapen, hirigintza kudeaketa eta exekuziorako baldintzak» planoan grafiatutako bi eraikuntzak.

—Urbanizazio kargak finantzatzeko baldintzak:

«3.1.EU.» exekuzio unitatearen urbanizazio kargak probetxamenduaren titularrei dagozkie eremuan.

Urbanizazio-obra guztiak, bide sistema orokorra eta «3.2 EU» exekuzio unitatean aurreikusitako ibaia ubideratzeko obrak ere barne, bertan aurreikusitako hirigintza probetxamenduaren titularrek eta/edo esleipendunek exekutatu eta finantzatuko dituzte.

—Exekuzio-epeak:

«3.2 EU» eremuan aurreikusitako urbanizazio eta eraikuntza obrak exekutatzearen ondorioetarako, dagozkion hirigintza espedienteak (xehekapen azterlana; kudeaketa, urbanizazioa eta abar) osatu eta tramitatzea ere barne, 1998ko otsailaren 11n Zaldibiako Udalak eta Parroki Elizak sinatutako hitzarmenean ezarritakoari jarraituko zaio.

Urbanizazio eta eraikuntza obligazioak betetze eta kudeaketarako epeei dagokienez, honako dokumentu honetan izaera orokorrez ezarritako baldintzak aplikatuko dira.


5.Grafikoak.

1. Sekzioa: Escala 1/500.







«4-OSTATUBURU» H.I.A. (Azalera: 11.074 m²)

I.ORDENAZIO IRIZPIDEAK ETA HELBURUAK

—Arean dauden eraikuntzen kontsolidazioa, zerrategiaren lurzatiari dagokiona izan ezik.

—Eraikuntza aukeren berrordenazioa zerrategiaren lurzatian, bai eta bete gabe dauden finketan ere.

—Interbentzio baldintzen berdefinizioa jarduketa berriko eremuan; bi exekuzio unitate mugatuz —«4.1 EU» eta «4.2 EU»—. Eremu hauetarako eraikuntza eta urbanizazio-irizpideak berrordenatzen dira.

—1994ko abuztuan onetsitako Arau Subsidiarioen Aldaketa puntualean exekuzio unitatean barne hartu gabeko eremurako aurreikusitako espazio libreen, ekipamenduen eta ibilbide publikoen kontsolidazioa.

—Eraikuntza berriaren zerbitzurako bide berri bat zabaltzea, Santa Fe kalea zeharbide berriarekin lotuz eta eremuaren iparraldean espazio libre bat sortuz.

—Area honetan planteatutako ordenazio-aurreikuspenen garapena eta exekuzioa 1998ko apirilaren 22an Udalaren eta aurreikusitako jarduketa berriek afektatutako lurrik gehienen jabeen artean sinatutako hitzarmenean ezarritako irizpideekin bat etorriko da.


II.HIRIGINTZA ERREGIMEN OROKORRA

1.Kalifikazio globala.

A.10/4 ZONA (Egoitza Zona): (Azalera:11.074 m²).

—Eraikuntza baldintza partikularrak:

Zonaren eraikuntza partikularrak (Informaziorako datua): 5.676 m²(s).

Eraikuntza probetxamendua erregulatzeko baldintzak:

Kontsolidatutako probetxamendua:

Eraikuntza probetxamendu arautzailea eraikuntzen egungo formaren emaitzazkoa izango da.

Probetxamendu berria:

«4.1.EU»an 1.885 m²(s).

«4.2 EU»an 800 m²(s).

Eraikuntzaren forma erregulatzen duten parametroak:

Egun dauden eraikuntzen profila eta altuera kontsolidatzen dira.

«4.1 EU.»an:

Eraikuntza profila II/I.

Eraikuntza altuera 9,50 m.

«4.2 EU»an:

Eraikuntza profila (Arau partikular honen 1 grafikoan zehazten denari jarraiki) IV/I.

Eraikuntza altuera (Arau partikular honen 1 grafikoan zehazten denari jarraiki) 12,5 m.

—Erabilera baldintza partikularrak:

Gehienezko etxebizitza kopurua:

«4.1 EU»an: 16 etx.

«4.2 EU»an: 6 etx.

«4.2 EU»an merkataritza erabilera baimentzen da behe-oinean.

«4.2.EU.»an 6 garaje-plazako gutxienezko zuzkidura ezartzen da eta «4.1 EU»an 12 garaje-plaza lurzatiko.

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—«Hirigintza probetxamendua» esleitzeko erregimen orokorra»:

«4.1.EU.» eta «4.2 EU» exekuzio unitateen batazbesteko probetxamendua erreferentziazko eremuan guztira aurreikusitako irabazizko probetxamendua eta unitatearen lurren azaleraren arteko zatiketaren emaitzazkoa izango da. (Ondorio guztietarako, Proiektu honetako Hirigintza Arauen 2.2.2 artikuluan ezarritakoari jarraituko zaio).

Gainerako kasuetan indarrean dagoen legerian xedatutakoari jarraituko zaio.

—Jarduketa programa:

Exekuzioan Arau Subsidiarioen behin-betiko onespenetik aurrera.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Datu informatzaileak):


—«Etxebizitza erabilera»:

Kontsolidatutako eraikuntza probetxamendua:

«a.10» lurzatiak»: 2.991 m²(s).

Kontsolidatutako etxebizitza kopurua:

«a.10» lurzatiak: 28 etx.

—Eraikuntza probetxamendu berria:

«a.10.4.1» lurzatia 942,5 m²(s).

«a.10.4.2» lurzatia 942,5 m²(s).

«a.10.4.3» lurzatia 800 m²(s).

«a.10» lurzatiak guztira 2.685 m²(s).

Etxebizitza berrien kopurua:

«a.10.4.1» lurzatia 8 etx.

«a.10.4.2» lurzatia 8 etx.

«a.10.4.3» lurzatia 6 etx.

«a.10» lurzatiak guztira 22 etx.

—Zuzkidurak:

Espazio libreak.

«f.10» lurzatia: 359 m².

2.Eraikuntza, jabari eta erabilera baldintza partikularrak.

Proiektu honen «II.10 planoan definitzen dira

«a.10.4.2» lurzatiaren gaineko erabilera publikoko zortasuna ezartzen da, egun dauden kontsolidatutako lurzatietarako ezarritakoak mantentzen direlarik.

3.Hiri-Zerbitzuen azpiegiturak eta urbanizazio-obrak.


«4.1.EU.» eta «4.2 EU» exekuzio unitateetan aurreikusitako espazio libreak eta bidetza (aparkalekuak, espaloiak, galtzadak, pasealekuak, eta aber.) urbanizatuko dira.

4.Hirigintza kudeaketa eta exekuziorako baldintza juridikoak.

—Kudeaketa eta exekuziorako baldintza orokorrak:

«4.1.EU» eta «4.2 EU» exekuzio unitateetan konpentsazio sistemaren bidez jardungo da.

—Ordenazioz kanpoko eraikuntzak:

II.9 «Garapen, hirigintza kudeaketa eta exekuziorako baldintzak» planoan grafiatutako eta zerrategiari dagozkion eraikuntzak deklaratzen dira ordenazioz kanpo.

—Urbanizazio kargak finantzatzeko baldintzak:

«4.1 EU» eta «4.2 EU» exekuzio unitateen urbanizazio kargak unitate hauetan aurreikusitiako eraikuntza probetxamenduaren titularren eta/edo esleipendunek finantzatuko dituzte. Nolanahi ere, honi dagokionean 1998ko apirilaren 22an sinatutako hitzarmenean ezarritakoari jarraituko zaio.

—Exekuzio-epeak:

Urbanizazio eta eraikuntza obligazioak betetze eta kudeaketarako epeei dagokienez, honako dokumentu honetan izaera orokorrez ezarritako baldintzak aplikatuko dira.


5.Grafikoak.

*1. Sekzioak: Eskala 1/500.







«5-BILORE» H.I.A. (Azalera: 22.486 m²)

I.ORDENAZIO IRIZPIDEAK ETA HELBURUAK

—«Industri erabileraren» kontsolidazioa.

—Industri lurzatiaren barneko berrordenazio eta eraikuntza baldintzen erregulazioa. Eremu osoa lurzati bakartzat definitzen da. Ordenaziorako Plan Berezia tramitatu eta onestea nahitaezko baldintza izango da, aipatutako lurzatia banandu eta txikiago batzuk definitzeko aukera planteatzen bada.


II.HIRIGINTZA ERREGIMEN OROKORRA

1.Kalifikazio globala.

B.10/5 ZONA (Industri zona): (Azalera: 22.486 m²).

—Eraikuntza baldintza partikularrak:

Zonaren eraikuntza probetxamendua:

Eraikuntzen egungo formaren emaitzazkoa den egungo eraikuntza probetxamendua kontsoladitzen da, eta 28.464 m(s)ingurukoa da.

Eraikuntzak ordezkatuz gero, ondoriozko industri lurzati m bakoitzeko 1m(s)ko eraikigarritasuna ezartzearen emaitzazkoa izango da probetxamendu hori.

Eraikuntzaren forma erregulatzen duten parametroak:

Egungo eraikuntzen profil eta altuera kontsolidatzen dira.


Egungo eraikuntzak ordezkatuz gero, profil eta altuera berriak izango dira gehienez III/I eta 15 m.-koak hurrenez hurren, salbuespen bakarra behar bezala justifikatutako elementu funtzionalak direlarik.

—Erabilera baldintza partikularrak:

Egungo erabilerak kontsolidatzen dira.

Egun dauden eraikuntzak ordezkatuz gero, baldintza horiek formulatu beharreko B.E.P.B.ak ezartzen dituenak izango dira.

—Lurzatiketa baldintza partikularrak:

Egungo lurzatiketa kontsolidatzen da.

Egun dauden eraikuntzak ordezkatuz gero, baldintza horiek formulatu beharreko B.E.P.B.ak ezartzen dituenak izango dira.

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

Egun dauden eraikuntzak ordezkatuz gero, Area osoari dagokion B.E.P.B.a formulatu beharko da.

—Hirigintza probetxamendua esleitzeko erregimen orokorra:

Indarrean dagoen legerian xedatutakoari jarraituko zaio.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datuak):


—Industri erabilera:

Kontsolidatutako eraikuntza probetxamendua:

«b.10» Lurzatiak: 28.464 m²(s).

Egun dauden eraikuntzak ordezkatuz gero, lehen adierazitakoari jarraituko zaio.

2.Eraikuntza, jabari eta erabilera baldintza partikularrak.

Proiektu honen «II.10» planoan definitzen dira grafikoki.


«6-URTESABEL-AZPI» H.I.A. (Azalera: 24.178 m²)

I.ORDENAZIO IRIZPIDEAK ETA HELBURUAK

—Mugatutako eremuan dagoen industri garapenaren kontsolidazioa, bai eta lehendik zegoen egoitza lurzatiarena ere.

—Eraikuntza berri baten aurreikuspena «6.1 EU» exekuzio unitatean barne harturiko «Ederra» enpresaren instalazioak zabaldu ahal izateko.

—Lurzati berri bat mugatzea, gas-hornidura sareari dagokion erregulazio eta neurketa estazioa jartzeko xederako.


—Eremuaren berrurbanizazioa, espazio publikoa eta gainazaleko aparkalekua ordenatuz.

II.HIRIGINTZA ERREGIMEN OROKORRA

1.Kalifikazio globala.

B.10/6 ZONA (Industri zona): (Azalera: 24.178 m²).

—Eraikuntza baldintza partikularrak:

Zonaren eraikuntza probetxamendua:

Eremu kontsolidatua:

Eraikuntzen egungo formaren emaitzazkoa den egungo eraikuntza probetxamendua kontsolidatzen da, zeina 10.835 m²(s) ingurukoa den.

Iparraldean kokatutako industri lurzatietan dauden eraikuntzak ordezkatuz gero, probetxamendu hori 0,40 m²(s)/m²-ko eraikigarritsuna aplikatzearen emaitzazkoa izango da.


«6.1 EU»an: 560 m²(s).

Eraikuntzaren forma erregulatzen duten parametroak:

Eremu kontsolidatua:

Gaur egun dauden eraikinen eraikuntza altuera eta profila kontsolidatzen dira.

Ordezkatuz gero, eraikin berriaren profila ez da II/I baino handiagoa izango industri erabilerarako lurzatian eta III/I baino handiagoa egoitza lurzatian.

Kasu guztietan, altuerak ez ditu 10 m.-ak gaindituko lurreko ezta puntu bakar batean ere, behar bezala justifikatutako salbuespenezko elementu funtzionalak izan ezik.

«6.1 EU»an:

Eraikuntza profila: I.

Eraikuntza altuera: 7,00 m.

—Erabilera baldintza partikularrak:

Gehienezko etxebizitza kopurua:

«a.20» Lurzatia («Gure Etxea»): Etx. 1.

—Lurzatiketa baldintza partikularrak:

Gaur egun dagoen lurzatiketa kontsolidatzen da.

Areako bide-ardatz nagusitik iparraldera kokatutako industri lurzatietan dauden eraikuntzak ordezkatuz gero, emaitzazko lurzatiaren azalera 2.000 m²-koa izango da gutxienez.


2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

Areako bide-ardatz nagusitik iparraldera kokaturiko industri lurzatietan dauden eraikuntzak ordezkatzeak, Barne Erreformarako Plan Berezi bat aldez aurretik formulatzea eskatuko du.

—Hirigintza probetxamendua esleitzeko erregimen orokorra:

Indarrean dagoen legerian xedatutakoari jarraituko zaio.

—Jarduketa programa:

Exekuzioan Arau Subsidiarioen behin-betiko onespenetik aurrera.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datuak):


—Industri erabilera:

Kontsolidatutako eraikuntza probetxamendua:

«b.10» lurzatiak 10.298 m²(s).

Probetxamendu berria «6.1 EU»an: 560 m²(s).

—Etxebizitza erabilera:

Kontsolidatutako eraikuntza probetxamendua:

«a.20» lurzatia: 537 m²(s).

Kontsolidatutako etxebizitza kopurua:

«a.20» lurzatia: Etx. 1.

—Zuzkidurak:

Zerbitzuen Azpiegiturak:

«h.10» lurzatia (Gas sarearen E.N.E.-a) 63 m².

2.Eraikuntza, jabari eta erabilera baldintza partikularrak.

Proiektu honen «II.10» planoan definitzen dira grafikoki.


Hamalau ibilgailuentzako gainazaleko aparkaleku publikoko gutxieneko zuzkidura ezartzen da, horietako sei kamioiak izanik.

3.Hiri-Zerbitzuen azpiegiturak eta urbanizazio-obrak.


Aurreikusitako espazio libreak eta bidetza urbanizatuko dira, «6.1 EU» exekuzio unitatekoak ere barne.

4.Hirigintza kudeaketa eta exekuziorako baldintza juridikoak.

—Kudeaketa eta exekuzio baldintza orokorrak:

«6.1 EU» exekuzio unitatea mugatzen da, bertan konpentszio sistemaren bidez jardungo delarik.

«6.1 EU» exekuzio unitatean aurreikusitako zuzkidura publikoetarako espazio guztiak (bidetza, aparkalekuak eta abar)Udalarilagako zaizkio, behar bezala urbanizaturik.

—Urbanizazio kargak finantzatzeko baldintzak:


«6.1 EU» eremuan aurreikusitako urbanizazio-obrak bertan aurreikusitako hirigintza probetxamenduaren titularrek eta/edo esleipendunek exekutatu eta finantzatuko dituzte.

Eremuko gainerako lurzatietan aurreikusitako urbanizazio-obrak Zaldibiako Udalak exekutatu eta finantzatuko ditu, obren kostua obra hauen onuradun gertatzen direnen gain geratzearen kaltetan izan gabe.

«7-BERTUESA» H.I.A. (Azalera: 11.549 m²)

I.ORDENAZIO IRIZPIDEAK ETA HELBURUAK

—Arearen ezaugarri orokorren kontsolidazioa, bai eta bertan dagoen erabilera aniztasunari dagokionean ere.


Ildo beretik, bertan ezarritako egoitza erabilerak nahiz industri erabilerak mantentzen dira; halere, industri erabilerak erregulatu egiten dira beren jarduera mugakide diren lurzatietako etxebizitza erabilerekin bateragarria gerta dadin.

—Aurreikusitako eraikuntza interbentzioak azpieraikitako egoitza erabilerako lurzatiaren kolmataziora eta «industri zonan» «7.1.EU.» izenpean mugatutako «exekuzio unitatearen» garapenera mugatzen dira.

—Halaber, «7.2.DE.» eta «7.3.DE.» Desjabetzapen Eremuak «Bilore» lantegirako sarreraren parean bidetza hobetzeko beharrezko lurzorua lortzeko mekanismo gisa mugatzen dira; puntu honetan glorieta bat eraikitzea proposatzen da, errepidea eta iparraldeko muturrean proiektaturiko zeharbide berriaren arteko iraganbideari irtenbidea ematen dion bide-elementua izango dena.

Era berean, aipaturiko glorieta horrek industri zonako trafiko baldintzak nabarmen hobetuko ditu, gaur egun industri instalazioetarako sarbideetan nahitaez gertatzen diren ezkerretarako birak egiteko beharra desagertuko baita.

II.HIRIGINTZA ERREGIMEN OROKORRA

1.Kalifikazio globala.

A.10/7 ZONA (Egoitza Zona): (Azalera: 5.069 m²).

—Eraikuntza baldintza partikularrak:

Zonaren eraikuntza probetxamendua (Informaziorako datua): 2.863 m²(s).

Eraikuntza probetxamendua erregulatzeko baldintzak:

Kontsolidatutako probetxamendua:

Eraikuntza probetxamendu arautzailea eraikuntzen egungo formaren emaitzazkoa izango da.

Probetxamendu berria:

«a.20.7.1» lurzatian: 200 m²(s).

Eraikuntzaren forma erregulatzen duten parametroak:

Gaur egun dauden eraikuntzen profil eta altuera kontsolidatzen dira.

«a.20.7.1» lurzatian(eraikuntza berria):

Eraikuntza profila: II/I.

Eraikuntza altuera: 7,50 m.

—Erabilera baldintza partikularrak:

Gehienezko etxebizitza kopurua:

«a.20.7.1» lurzatian: Etx. 1.

2 aparkaleku-plazako gutxieneko zuzkidura ezartzen da «a.20.7.1» lurzatian.

B.10/7 ZONA (Industri Zona): (Azalera: 1.799 m²).

—Eraikuntza baldintza partikularrak:

Zonaren eraikuntza probetxamendua (Informaziorako datua): 952 m²(s).

Eraikuntza probetxamendua erregulatzeko baldintzak:

Kontsolidatutako probetxamendua:

Eraikuntza probetxamendu arautzailea kontsolidatzen diren eraikuntzen egungo formaren emaitzazkoa izango da.

Probetxamendu berria:

«7.1.EU.»an: 485 m²(s).

Eraikuntzaren forma erregulatzen duten parametroak:

Kontsolidatzen diren egungo eraikuntzen profil eta altuera kontsolidatzen dira.

«7.1.EU.»an:

Eraikuntza profila: I/I.

Eraikuntza altuera: 5,00 m.

—Erabilera baldintza partikularrak:

«7.1.EU.»an ezartzeko industri jarduketek ezingo dute «3. Kategoria» gainditu.

Honez gain, debekatu egiten dira espreski edozein motatako produktuak aire zabalean biltegiratzea, bai eta erregai-horniketa instalazioak ere.

«7.1.EU.»rako 9 aparkaleku-plazako gutxieneko zuzkidura ezartzen da.

E.10/7 ZONA (Errepideak): (Azalera: 4.681 m²).

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—Hirigintza probetxamendua esleitzeko erregimen orokorra:

«7.1.EU.»aren batazbesteko probetxamendua erreferentziazko eremuan guztira aurreikusitako irabazizko probetxamendua eta unitatearen lurren azaleraren arteko zatiketaren emaitzazkoa izango da (Ondorio guztietarako, Proiektu honetako Hirigintza Arauen 2.2.2 artikuluan ezarritakoari jarraituko zaio).

Gainerako kasuetan indarrean dagoen legerian xedatutakoari jarraituko zaio.

—Jarduketa programa:

«Exekuzioan» Arau Subsidiarioen behin-betiko onespenetik aurrera.

—Izaera orokorreko hirigintza jarduketak finantzatzeko baldintzak:

Area honetan, «Bilore» enpresaren inguruan, aurreikusitako glorieta berriaren edo au ordezkatuko duen soluzioaren exekuzioa eta finantzaketa Gipuzkoako Foru Aldundiari dagokio, gai honetan duen eskumenari jarraiki.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datuak):


—Etxebizitza erabilera:

Kontsokidatutako eraikuntza probetxamendua:

«a.20» lurzatiak: 2.663 m²(s).

Kontsolidatutako etxebizitza kopurua:

«a.20» lurzatiak: 8 etx.

Eraikuntza probetxamendu berria:

«a.20» lurzatiak: 200 m²(s).

Etxebizitza berrien kopurua:

«a.20» lurzatiak: Etx. 1.

—Industri erabilera:

Kontsolidatutako eraikuntza probetxamendua:

«b.10» lurzatiak: 602 m²(s).

Eraikuntza probetxamendu berria:

«b.10» lurzatiak: 485 m²(s).

2.Eraikuntza, jabari eta erabilera baldintza partikularrak.

Proiektu honen «II.10» planoan definitzen dira grafikoki.


3.Hiri-Zerbitzuen azpiegiturak eta urbanizazio-obrak.


«7.1.EU.» unitatean emaitzazko espaloiaren urbanizazioa.

Bilore lantegirako sarreraren parean aurreikusitako glorieta eraikitzea.

4.Hirigintza kudeaketa eta exekuziorako baldintza juridikoak.

—Kudeaketa eta exekuziorako baldintza orokorrak:

Mugatu egiten dira 956 m²-ko «7.1.EU.» exekuzio unitatea eta «7.2.DE.» eta «7.3.DE.» desjabetzapen eremuak 1.256 m² eta 29 m²-ko azalerekin hurrenez hurren.

Exekuzio unitatea «konpentsazio sistemaren» bidez garatuko da.

—Ordenazioz kanpoko eraikuntzak:

«II.9 Garapen, hirigintza kudeaketa eta exekuziorako baldintzak» planoan grafiatutako eraikuntzak deklaratzen dira ordenazioz kanpo.

—Urbanizazio kargak finantzatzeko baldintzak:

«7.1.EU.» exekuzio unitateari dagozkion urbanizazio kargak eskubideen titularren kargura izango dira eremuan.


Aurreikusitako glorieta eraikitzeko egin beharreko obrak Gipuzkoako Foru Aldundiak finantzatuko ditu.

—Exekuzio-epeak:

Bidetza hobetzeko mugatutako Desjabetzapen Eremuak exekutatzeko epeak Aldundiak landu behar duen dagokion Proiektuaren eskakizunekin daude lotuta.

Gainontzeko urbanizazio eta eraikuntza oligazioak betetze eta kudeaketarako epeei dagokienez, honako dokumentu honetan izaera orokorrez ezarritako baldintzak aplikatuko dira.


«8-IBARGUREN-AZPI» H.I.A. (Azalera: 18.304 m²)

I.ORDENAZIO IRIZPIDEAK ETA HELBURUAK

—Hirigunearen egoitza hedadura berriko eremuaren definizioa, gunetik gertu eta honekin zuzenean loturik, 50 etxebizitza berrien garapena aurreikusten delarik.

—Hirigunea zeharkatzeko bide-sistema orokorraren ordenazioa, Zubiaurre Areako Mendi-ondo auzategitik Txamarretxe eta Bikario-enea Areetaraino garatzen den tarteunean, Santa Fe kaleari dagokion egungo trazaduraren ordezkatzaile. Amundarain ibaiaren gaineko hiru pasabide hartzen ditu barne interbentzioak, Ordiziarako errepidea Larraitzera eta Arkakara doazen errepideekin lotuz.


—Lurraldearen urbanizazioa, tokiko izaerazko 800 m²-ko egongunea sortzea planteatuz, gutxienez 30 ibilgailuentzako gainazaleko aparkalekua diseinatuz eta inguruan lehendik zeuden espazio libreak eta berriak elkartzen dituzten oinezkoen ibilbideak diseinatuz.

II.HIRIGINTZA ERREGIMEN OROKORRA

1.Kalifikazio globala.

A.10/8 ZONA (Egoitza Zona): (Azalera:13.324 m²).

—Eraikuntza baldintza partikularrak:

Zonaren eraikuntza probetxamendua: 6.050 m²(s).

Eraikuntzaren forma erregulatzen duten parametroak:

Eraikuntza profila: III/I.

Eraikuntza altuera.

Orokorra: 12 m.

Zeharbide berritik Ekialdera kokatutako eraikuntzak: 9,5 m.

—Erabilera baldintza partikularrak:

Gehienezko etxebizitza kopurua: 50 etx.

Gainazaleko aparkaleku publikoko 30 plaza eta lurzatian 80 garaje-plazako gutxienezko zuzkidura ezartzen da.

E.10/8 ZONA (Errepideak): (Azalera: 4.980 m²).

2.Garapen eta exekuziorako erregimen juridikoa.

—Lurzoruaren sailkapena:

Lurzoru urbanizagarria.

—Plangintzaren garapen eta exekuziorako erregimena:

Plan Partziala. (Ekimena: Zaldibiako Udala, jabetzaren titularrek formulatzeko aukeraren kaltetan izan gabe).


—Hirigintza probetxamendua esleitzeko erregimen orokorra:

Banaketa-area: HIA osoak banaketa-area independentea osatzen du.

Ereduzko probetxamendua: 0,3305 m²(s) (A.10) m².

—Jarduketa programa:

Plan Partzialaren formulazio eta behin-betiko onespenerako epea bi urtekoa izango da, Arau Subsidiarioen behin-betiko onespenetik aurrera.

—Izaera orokorreko hirigintza jarduketak finantzatzeko baldintzak:

Sistema orokor gisa kalifikatutako bidetza (Zaldibiako gunearen zeharbide berria) exekutatu eta finantzatzeko baldintzak, Areatik kanpo dauden Amundarain eta Urtsu Erreka ibaiak zeharkatzen dituzten zubiak eraikitzeko obrak ere barne, xede horretaarako Zaldibiako Udalak eta Gipuzkoako Foru Aldundiak sinatu beharko duten hitzarmenean ezarrritakoak izango dira.

III.ORDENAZIO XEHEKATUA

1.Kalifikazio xehatua.

—Areako Zonakatze xehekaturako baldintzak, Arau Partikular honetan ezarritako arautegia garatuz dagokion Plan Partzialean biltzen diren zehaztapenetara egokituko dira.


Nolanahi ere, Plan Partzial horrek ondoko zehaztapenak jarraitu beharko ditu, besteak beste:

Eraikuntza berrien eta proiektatutako bidetza sistema orokorraren galtzadaren arteko distantzia: 9,00 m.

Eraikuntza berrien loratokien edo atalaurren itxituren eta aipaturiko bidetzaren galtzadaren arteko distantzia: 3,00 m.

Proiektaturiko eraikuntza berrietarako ibilgailu-sarbideak batu beharko dira.

Ibilgailu-sarbide berria proiektatuko da «Iturritza» etxera.

Plan Partzialak nahiz honen garapen gisa formulatu beharreko proiektuek bidetza sistema orokor berriak eragindako afekzioak txikituko dituzte, ahal den neurrian, afektaturiko ibai-ubideetan nahiz hauen inguruan kokaturiko eraikinetan. Honela, soilik beharrezkoak diren lurrak bakarrik afektatzeaz gain, eragin oker posibleak indargabetu edo txikitzeko beharrezko diren neurri zuzentzaileak hartu eta definituko dira.

2.Grafikoak.

1. Sekzioa (orientagarria): Eskala 1/500.

2. Sekzioa (orientagarria): Eskala 1/500.









1. Sekzioa (orientagarria): Eskala 1/500.









2. Sekzioa: Eskala 1/500.

«9-ELBARREN» H.I.A. (Azalera: 44.332 m²)

I.ORDENAZIO IRIZPIDEAK ETA HELBURUAK

—Mugatutako eremuan dagoen industri garapenaren kontsolidazioa eta industri garapen berrien erregulazioa betegabeko lurzatietan.

—Gaur egungo errepidetik eremura sartzeko baldintzen ordenazioa.

—Lurraldearen urbanizazioa, urbazterreko pasealekua eta gainazaleko aparkalekua diseinatuz eta Arearen barruan mugikortasuna burutuz.

—Aurreikusitako eraikuntza eta urbanizazio jarduketa berrien exekuzio-baldintzak zehaztea, batetik bi exekuzio unitate —«UE.9.1 9.1 EU» eta «9.2 EU»— eta bestetik desjebatzapen eremu bat —«UE.9.1 9.3 DE»— sortuz.


II.HIRIGINTZA ERREGIMEN OROKORRA

1.Kalifikazio globala.

B.10/9 ZONA (Industri Zona): (Azalera: 39.903 m²).

—Eraikuntza baldintza partikularrak:

Zonaren eraikuntza probetxamendua (Informaziorako datua): 28.274 m²(s).

Eraikuntza probetxamendua erregulatzeko baldintzak:

Kontsolidatutako probetxamendua:

Eraikuntza probetxamendu arautzailea gaur egungo eraikuntzen formaren emaitzazkoa izango da.

Industri lurzatietan kokaturiko eraikinetan, goi-oinetan probetxamendua zabaltzea baimentzen da, gehienez ere lurzati bakoitzean eraikinak okupatzen duen azaleraren hereneraino.


Probetxamendu berria:

«9.1.EU.»an:

Eraikuntzaren gehienezko lurzati okupazioa: 950 m².

Eraikuntza probetxamendu gehigarria (goi-oinetan): 950 m²ren 1/3

Gehienezko eraikuntza probetxamendua: 1.266 m²(s).

«9.2.EU.»an

Eraikuntzaren gehienezko lurzati okupazioa: 6.800 m².

Eraikuntza probetxamendu gehigarria (goi-oinetan): 6.800 m²ren 1/3.

Gehienezko eraikuntza probetxamendua: 9.066 m²(s).

Eraikuntzaren forma erregulatzen duten parametroak:

Eraikuntza profila: II/I.

Eraikuntza altuera: 10 m.

—Erabilera baldintza partikularrak:

«Toki goxo» eta «Zela» eraikuntzak kokaturik daudeneko «a.20» egoitzazko lurzatiak kontsolidatzen dira gaur egungo beren probetxamendu baldintzetan eta eraikuntza bakoitza etxebizitza bakarrera destinatuko da.

—Lurzatiketa baldintza partikularrak:

Gutxieneko lurzatia «9.1.EU.»an: 230 m².

Gutxieneko lurzatia «9.1.EU.»an: 230 m².

E.10/9 ZONA (Errepideak): (Azalera: 4.429 m²).

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—«Hirigintza probetxamendua» esleitzeko erregimen orokorra:

«9.1.EU.»aren eta «9.2.EU.»aren batazbesteko Probetxamendua, kasuak kasu, erreferentziazko eremuan guztira aurreikusitako irabazizko probetxamendua eta unitate bakoitzaren lurren azaleraren arteko zatiketaren emaitzazkoa izango da. (Proiektu honetako Hirigintza Arauen 2.2.2. artikuluan xedatutakoari jarraituko zaio ondorio guztietarako).

Gainerako kasuetan indarrean dagoen legerian xedatutakoari jarraituko zaio.

—Jarduketa programa:

Exekuzioan Arau Subsidiarioen behin-betiko onespenetik aurrera.

III.ORDENAZIO XEHEKATUA

1.Kalifikazio xehatua.

—Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datuak):


—Industri erabilera:

Kontsolidatutako eraikuntza probetxamendua:

«b.10» lurzatiak: 16.885 m²(s).

Eraikuntza probetxamendu berria:

«b.10» lurzatiak: 10.332 m²(s).

Eraikuntzaren okupazioa:

Kontsolidatutako lurzatiak: 12.714 m² (%62).

Lurzati berriak: 7.750 m² (%38).

—Etxebizitza erabilera:

Kontsolidatutako eraikuntza probetxamendua («a.20» lurzatiak»): 1.057 m²(s).

Kontsolidatutako etxebizitza kopurua: 2 etx.

—Aparkalekua:

Gainazaleko aparkaleku publikoko 118 plazako zuzkidura ezartzen da.

2.Eraikuntza, jabari eta erabilera baldintza partikularrak.

Proiektu honen «II.10» planoan definitzen dira grafikoki.


Ehun eta hamazortzi ibilgailuentzako gainazaleko aparkaleku publikoko gutxienezko zuzkidura ezartzen da, hauetako hamazortzi kamioientzat izango direlarik.

Industri erabilera duten kontsolidatutako lurzatietan erabilera publikoko beharrezko zortasunak ezarriko dira Arean urbazterreko pasealekua burutu ahal izateko.

3.Hiri-Zerbitzuen azpiegiturak eta urbanizazio-obrak.


«9.1.EU.»an eta «9.2.EU.»an aurreikusitako espazio libreak eta bidetza (aparkalekuak, espaloiak, galtzadak, pasealekuak, eta abar) urbanizatuko dira.

Kontsolidatutako lurzatien ertzean, Arean aurreikusitako espaloi perimetrala eraikitzea.

Halaber, eta kontsolidatutako industri lurzatien eremuaren barruan, urbanizazio baldintza egokiak lortzeko beharrezko obrak egingo dira, bai instalakuntzen zerbitzu zonetan bai eta aipatu dugun urbazterreko pasealekuan ere.


4.Hirigintza kudeaketa eta exekuziorako baldintza juridikoak.

—Kudeaketa eta exekuziorako baldintza orokorrak:

«9.1.EU.» eta «9.2.EU.» exekuzio unitateak mugatzen dira, bertan Konpentsazio sistemaren bidez jardungo delarik.

«9.3 DE» eremua mugatzen da. Bertan desjabetzapenaren bidez jardungo da, eremu honetan planteatutako aurreikuspenen exekuzioaren ondorioetarako.

Halaber, desjabetzapenaren bidez jardungo da aurreko hiru eremuetatik kanpo planteatutako urbanizazio obren (espaloiak ere barne) exekuzioaren ondorioetarako.

—Urbanizazio kargak finantzatzeko baldintzak:

Mugatutako Exekuzio Unitateen urbanizazio kargak, probetxamenduaren titularrei dagozkie eremu bakoitzean.


Area honetan aurreikusitako gainerako urbanizazio obren exekuzio eta finantzaketa Udalari dagokio, beste Administrazio batzuen eskuhartzearen edota obra horien onuradun gertatzen diren hirigintza garapen mugakideetan urbanizazio karga gisa izan dezaketen eraginaren kaltetan izan gabe.


—Exekuzio-epeak:

Urbanizazio eta eraikuntza obligazioak betetze eta kudeaketarako epeei dagokienez, honako dokumentu honetan izaera orokorrez ezarritako baldintzak aplikatuko dira.


«10-AROTZA-ENEA» H.I.A. (Azalera: 8.152 m²)

I.ORDENAZIO IRIZPIDEAK ETA HELBURUAK

—Egun dauden eraikuntza eta erabileren kontsolidazioa.

—Interbentzio baldintzak eremuan definitzea. Honetarako eraikuntza baldintzak erregulatzen dira exekuzio unitatea («10.1.EU.») espezifikoki definitzen delarik; bertan eraikuntza aukera berriak ordenatzen dira dagozkien urbanizazio baldintzak ezarriz eta emaitzazko lurzatirako hurbilerraztasun baldintzak hobetuz.

—Arearen urbanizazioa errepidearen ertzean espaloi jarraia sortuz, bai eta Elbarren arean kokatutako alboko zubiaren ondoan espazio libre bat sortuz ere.

II.HIRIGINTZA ERREGIMEN OROKORRA

1.Kalifikazio globala.

B.10/10 ZONA (Industri Zona): (Azalera: 6.624 m²).

—Eraikuntza baldintza partikularrak:

Zonaren eraikuntza probetxamendua (Informaziorako datua): 3.285 m²(s).

«Eraikuntza probetxamendua» erregulatzeko baldintzak:


Kontsolidatutako probetxamendua:

Eraikuntza probetxamendu arautzailea eraikuntzen egungo formaren emaitzazkoa izango da.

Probetxamendu berria:

«10.1.EU.»an: 450 m²(s).

Eraikuntzaren forma erregulatzen duten parametroak:

Egun dauden eraikuntzen profil eta altuera kontsolidatzen dira.

«10.1.EU.»an:

Eraikuntza profila: I/I.

Eraikuntza altuera: 8,00 m.

—Erabilera baldintza partikularrak:

3. kategoriara mugatzen da industri erabilera.

Lurzatian 10 aparkaleku-plazako gutxieneko zuzkidura ezartzen da «10.1.EU.»an.

«Casa Elbarrena» deituriko eraikuntza kokatuta dagoen «a.20» egoitza lurzatia gaur egun etxebizitza bakarra izateko dituen probetxamendu baldintzetan kontsolidatzen da.

«Lore Toki» izeneko finkan dagoen egoitza erabilera kontsolidatzen da, gaur egun duen lau etxebizitzako gehienezko probetxamendu baldintzetan.

E.10/10 ZONA (Errepideak): (Azalera: 1.528 m²).

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—«Hirigintza probetxamendua» esleitzeko erregimen orokorra:

«10.1.EU.»aren Batazbesteko Probetxamendua erreferentzia eremuan guztira aurreikusitako irabazizko probetxamendua eta unitatearen lurren azaleraren arteko zatiketaren emaitzazkoa izango da. (Proiektu honetako Hirigintza Arauen 2.2.2. artikuluan xedatutakoari jarraituko zaio ondorio guztietarako).

Gainerako kasuetan indarrean dagoen legerian xedatutakoari jarraituko zaio.

—Jarduketa programa:

Exekuzioan Arau Subsidiarioen behin-betiko onespenetik aurrera.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datuak):


—Industri erabilera:

Kontsolidatutako eraikuntza probetxamendua:

«b.10» lurzatiak: 1.992 m²(s).

Eraikuntza probetxamendu berria:

«b.10» lurzatiak: 450 m²(s).

—Etxebizitza erabilera:

Kontsolidatutako eraikutza probetxamendua:

«a.10» lurzatiak: 240 m²(s).

«b.10» lurzatiak: 460 m²(s).

Kontsolidatutako etxebizitza kopurua:

«a.10» lurzatiak: Etx. 1.

«b.10» lurzatiak: 4 etx.

—Merkataritza erabilera:

Kontsolidatutako eraikuntza probetxamendua:

«a.10» lurzatiak: 213 m²(s).

2.Eraikuntza, jabari eta erabilera baldintza partikularrak.

Proiektu honen «II.10» planoan definitzen dira grafikoki.


3.Hiri-Zerbitzuen azpiegiturak eta urbanizazio-obrak.


«10.1.EU.»an aurreikusitako espazio libreak eta bidetza (espaloia, pasealekua, eta abar.) urbanizatuko dira.

4.Hirigintza kudeaketa eta exekuziorako baldintza juridikoak.

—Kudeaketa eta exekuziorako baldintza orokorrak:

2.019 m²-ko azalerako «10.1.EU.» exekuzio unitatean, Konpentsazio Sistemaren bidez jardungo da.

—Urbanizazio kargak finantzatzeko baldintzak:


«10.1.EU.»aren urbanizazio kargak, probetxamenduaren titularrei dagozkie eremuan.

—Exekuzio-epeak:

Urbanizazio eta eraikuntza obligazioak betetze eta kudeaketarako epeei dagokienez, honako dokumentu honetan izaera orokorrez ezarritako baldintzak aplikatuko dira.


«11-TXAMARRETXE» H.I.A. (Azalera: 5.991 m²)

I.ORDENAZIO IRIZPIDEAK ETA HELBURUAK

—Arearen ezaugarri orokorren kontsolidazioa, bai egungo eraikuntzei dagokienez, bai eta bidetza eta bertan barne hartutako gainerako ez eraikitako espazioari dagokionez ere. Ez da aurreikusten oinplano berriko eraikuntzarik, egungo eraikinen ordezkapen posiblea izan ezik.

—Urbanizazio lanei buruzko aurreikuspenak Txamarretxe Plaza oinezkoen erabilerarako egokipenera mugatzen dira, «Olariagako Saroia» aisialdirako Areako biderako ibilgailu-sarbidea Mari Haundi Etxearen albora aldatuz, eta beti ere ibilgailuen trafikoa eta oinezkoena batera egoteko irizpideei erantzuten dien tratamendua izanik.

II.HIRIGINTZA ERREGIMEN OROKORRA

1.Kalifikazio globala.

A.10/11 ZONA (Egoitza Zona): (Azalera: 5.606 m²).

—Eraikuntza baldintza partikularrak:

Zonaren eraikuntza probetxamendua (Informaziorako datua): 9.128 m²(s).

Eraikuntza probetxamendua erregulatzeko baldintzak:

Eraikuntza probetxamendu arautzailea eraikuntzen egungo formaren emaitzazkoa izango da.

Eraikuntzaren forma erregulatzen duten parametroak:

Egungo eraikuntzen profil eta altuera kontsolidatzen dira.


E.10/11 ZONA (Errepideak): (Azalera: 385 m²).

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—Jarduketa programa:

«Exekuzioan» Arau Subsidiarioen behin-betiko onespenetik aurrera.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, «II.8 Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datuak):


—«Etxebizitza erabilera»:

Kontsolidatutako «eraikuntza probetxamendua»:

«a.10» lurzatiak»: 6.860 m²(s).

«a.20» lurzatiak»: 1.902 m²(s).

Kontsolidatutako etxebizitza kopurua:

«a.10» lurzatiak»: 37 (hogeita hamazazpi) etx.

«a.20» lurzatiak»: 7 (zazpi) etx.

—Merkataritza erabilera:

Kontsolidatutako eraikuntza probetxamendua:

«a.10» lurzatiak»: 366 m²(s).

2.Eraikuntza, jabari eta erabilera baldintza partikularrak.

«II.10» planoan definitzen dira grafikoki.

3.Hiri-Zerbitzuen azpiegiturak eta urbanizazio-obrak.


Txamarretxe Plaza urbanizatzea oinezkoen erabilerarako, «Olariagako Saroia»ko aisialdirako Areako biderako ibilgailu-sarbidea Mari Haundi eta Elosegi Etxearen artean (aldi berean egotea) mantenduz.

4.Hirigintza kudeaketa eta exekuziorako baldintza juridikoak.

—Urbanizazio kargak finantzatzeko baldintzak:

Txamarretxe Plaza urbanizatzeko egin beharreko obrak Zaldibiako Udalak finantzatuko ditu.

«12-ZUBIAURRE» H.I.A. (Azalera: 14.327 m²)

I.ORDENAZIO IRIZPIDEAK ETA HELBURUAK

—Egun dauden eraikuntzen kontsolidazioa, egungo ezaugarri tipologikoekin. Zubiaurre eta Muguerza baserrien handitze puntuala soilik baimentzen da.

—Bide-sistema orokorraren trazadura berriaren ordenazioa eta exekuzioa; bere jarraipena «8 — Ibarguren-azpi» H.I.A.ren garapenean aurreikusten da, hirigunean sartzeko gurutzegunearen birmoldaketa barne hartzen delarik.

—Egungo errepidearen berrurbanizazioa, galtzada sekzioa txikiagotuz, behin bide-sistema orokorra exekutatu ondoren, espaloiaren jarraitasuna Amundarain ibaiaren gaineko zubitik Muguerza baserrirako bi sarbideetaraino lortzearren.


II.HIRIGINTZA ERREGIMEN OROKORRA

1.Kalifikazio globala.

A.10/12 ZONA (Egoitza Zona): (Azalera: 12.063 m²).

—Eraikuntza baldintza partikularrak:

Zonaren eraikuntza probetxamendua (Informaziorako datuak): 8.369 m²(s).

Eraikuntza probetxamendua erregulatzeko baldintzak:

Kontsolidatutako probetxamendua:

Eraikuntza probetxamendu arautzailea eraikuntzen egungo formaren emaitzazkoa izango da lurzati bakoitzean, Zubiaurre eta Muguerza baserrietan izan ezik; hauetan gehienez 60 m²(s)-ko handitze gehigarriak baimentzen dira, beti ere gaur egun dauden eraikuntzei atxikitakoak izan beharko dutelarik.

Eraikuntzaren forma erregulatzen duten parametroak:

Egun dauden eraikuntzen profil eta altuera kontsolidatzen dira.

—Erabilera baldintza partikularrak:

Merkataritza erabilera baimentzen da behe-oinean Lourdes-enea eraikinean eta Mendiondo auzategian; halaber, Mendiondo auzategiko erdisotoan 2.kategoriarainoko tailerrak kokatzea baimentzen da.

E:10/12 ZONA (Errepideak): (Azalera: 2.264 m²).

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—«Hirigintza probetxamendua» esleitzeko erregimen orokorra:

Indarrean dagoen legerian xedatutakoari jarraituko zaio.

—Jarduketa programa:

Exekuzioan Arau Subsidiarioen behin-betiko onespenetik aurrera.

—Izaera orokorreko hirigintza ekintzak finantzatzeko baldintzak:

Eremu honetan garatzen den eta sistema orokor gisa sailkaturiko errepidearen (zeharbidea) bideunearen exekuzioa Foru Aldundiaren Errepide departamentuari dagokio.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak (Informaziorako datua):


—«Etxebizitza erabilera»:

Kontsolidatutako eraikuntza probetxamendua:

«a.10» lurzatiak: 4.046 m²(s).

«a.20» lurzatiak: 3.316 m²(s).

Kontsolidatutako etxebizitza kopurua:

«a.10» lurzatiak: 45 etx.

«a.20» lurzatiak: 7 etx.

—«Merkataritza erabilerak»:

«a.10» lurzatiak: 887 m²(s).

—Zuzkidurak:

«f.10 Espazio libreak: 282 m².

2.Eraikuntza, jabari eta erabilera baldintza partikularrak.

Proiektu honen «II.10» planoan definitzen dira grafikoki.


3.Hiri-Zerbitzuen azpiegiturak eta urbanizazio-obrak.


—Muguerza baserritik Amundarain ibaiaren gaineko zubiraino proiektaturiko espaloia exekutatuko da.

4.Hirigintza kudeaketa eta exekuziorako baldintza juridikoak.

—Urbanizazio kargak finantzatzeko baldintzak:

Muguerza baserritik eta Amundarain ibaiaren gaineko zubiaren artean aurreikusitako espaloiaren urbanizazioa udal-ekimenari dagokio.

Zaldibiako zeharbideari buruzko obren exekuzioa Aldundiaren Errepide Departamentuari dagokio.


—Exekuzio-epeak:

Urbanizazio eta eraikuntza obligazioak betetze eta kudeaketarako epeei dagokienez, honako dokumentu honetan izaera orokorrez ezarritako baldintzak aplikatuko dira.


«13-ESKOLA»H.I.A (Azalera: 11.861 m²)

I.ORDENAZIO IRIZPIDEAK ETA HELBURUAK

—Eremuan kokatutako eskolei dagokien irakaskuntza ekipamendu zuzkiduraren kontsolidazioa.

—Egun dagoen kirol ekipamendu zuzkiduraren kontsolidazioa, bai estalitakoa, bai eta aire zabalekoa ere.

—Eremuan sartzeko oinezkoentzako pasabidea berkokatzeko proposamena, Udaletxeko plazarekiko lotura zuzenagoa planteatzen delarik.

II. HIRIGINTZA ERREGIMEN OROKORRA

1.Kalifikazio globala.

G.10/13 ZONA (Ekipamendua): (Azalera: 11.861 m²).

—Eraikuntza baldintza partikularrak:

Egun dauden eraikuntzak kontsolidatzen dira bai beren probetxamenduari dagokionean, bai eta erakusten dituen profil eta altuerari dagokienean ere.

—Erabilera baldintza partikularrak:

«Irakaskuntza eta kirol erabileretara» destinatzen da batez ere.

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

—Izaera orokorreko hirigintza ekintzak finantzatzeko baldintzak:

Eremuan sartzeko oinezkoentzako pasabidearen aurreikusitako lekualdaketa Administrazioaren ekimenez exekutatuko da, eta dagozkion urbanizazio-kostuak bere kargura izango dira. Ekintza hau Herrigunea Arean aurreikusitako «1.1.EU.»aren garapenaren ondoren burutuko da.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8. «Zonakatze xehekatua (Hiri-area)» planoan ezarritakora egokituko dita arauzko izaeraz.

Ordenazioaren ezaugarriak:

—Zuzkidurak:

Ikastetxe publikoa: 1.960 m²(s).

Frontoi estalia: 940 m².

Aire zabaleko kirol-zelaiak 9.941 m²(l).

«14-OLALDE PARKEA» H.I.A (Azalera: 15.123 m²)

I.ORDENAZIO IRIZPIDEAK ETA HELBURUAK

—Arearen ezaugarri orokorren kontsolidazioa, bere egungo parke erabilera mantenduz, dauden lorategi-elementuak zaindu eta hobetzeko irizpideari jarraiki.

II.HIRIGINTZA ERREGIMEN OROKORRA

1.Kalifikazio globala.

F.10/14 ZONA (Espazio libreak): (Azalera: 15.123 m²).

—Eraikuntza baldintza partikularrak:

Parkearentzako zerbitzu-eraikuntzen exekuzioa baimentzen da arautegi orokorrean aurreikusitako baldintzetan.

2.Garapen eta exekuziorako erregimen juridikoa.

—Lurzoruaren sailkapena:

Hiri-Lurzorua.

—Plangintzaren garapen eta exekuziorako erregimena:

Zuzeneko exekuzioa.

III.ORDENAZIO XEHEKATUA

1.Kalifikazio xehatua.

Areako Zonakatze Xehekaturako baldintzak, II.8 «Zonakatze xehekatua (Hiri-area)» planoan ezarritakora egokituko dira arauzko izaeraz.

Ordenazioaren ezaugarriak:

—Zuzkidurak:

Espazio libreak («f.10»): 15.123 m².