Ayuntamiento de Zaldibia

Plazaraturiko liburuaren azala

 Orain dela bost urte inguru ekin genion lan honi eta presarik gabe baina etengabeko jardunean aritu gara orain arte. Lan atseginena, noski, etxez etxe, baserriz baserri, sukaldez sukalde ibiltzea izan da.

Herriko helduenekin hutsaren hurrengoa zen gure harremana lan honetan hasi aurretik, baina batzuekin erlazio polita izatera iritsi gara.

Bagenekien aiton-amona hauek zer kontatua izango zutela, baina harrituta utzi gaitu hauen etorriak, patxadak, aberastasunak. Gure filologo ikuspegitik askoz harutzago, gizon-emakume hauek hutsaren truke eman digutena ezin daiteke lan idatzi batean laburbildu, baina horretan saiatuko gara, hala ere.